Ioane 1.1-18 Te Parau Mure Òre.

 

Mahana toru 25 no  Tema/Titema 2024.

ÔROÀ FÄNAU.

Te Parau Mure Òre

Mau taiòraa.

Taramo 98

1 E himene i te Fatu i te himene âpï, e mau mea taa ê hoì tei ravehia e ana, no to na iho rima àtau e to na rima moà, i riro mai ai te rë ia na.

2 Ua faaìte mai ra te Fatu i te ora na na, i mua i te mata o te mau êtene atoà ra, te faaìte-raa-hia te parau-tià na na ra.

3 To na aroha e ta na parau-mau, ua manaòhia e ana i te ùtuafare o Ìteraèra. Ua ìte te mau hopeà atoà o te fenua i te ora a to tätou Atua.

4 Ia pïnaì te haamaitaì i te Fatu e àti noa aè te fenua, ia puroro te reo òaòa, ia ûmere mä te haamaitaì i te himene.

5 A himene i te Fatu mä te tïnura, mä te tïnura e te reo haamaitaì atoà ra;

6 mä te mau pü e te òto o te tuferi, te harururaa i te haamaitaì i te arii ra, i te Fatu.

7 Ia haruru te tai e to na îraa, te ao atoà e to na ra mau taata.

8 Ia paìpaì te mau pape i to rätou rima, e ia ûmere tahi te mau mouà atoà,

9 i te aro o te Fatu, te haere mai ra hoì o ia e haavä i te fenua. E haavä o ia i to te ao mä te parau-tià, e te mau taata mä te piò-òre.

Heuraa Manaò.

Oia mau, E himene ârueraa te Taramo 98 i te Atua no ta na mau òhipa taa-ê e ta na parau-tià. Te faahanahana ra oia i te upootiàraa te Atua e te tïtau ra oia i te mau mea atoà i rähuhia ia òaòa.

1. Te mau ìrava 1 e tae i te 3 : Te ani nei teie mau ìrava ia tätou ia himene i te hoê himene âpï i te Fatu no ta na mau òhipa maere. Te haapäpü ra te reira i te upootiàraa a te Atua e to na haapaò maitaì i te nünaa tei tätarahapa mai te òaòa.

2. Te mau ìrava 4-6 e tae i te : Ua piihia te ao atoà nei ia òaòa e ia ârue i te Atua na roto i te mau mauhaa ùpaùpa. E faahanahanaraa teie no te teitei o te Atua.

3. Te mau ìrava 7 e tae i te ìrava 9 : Te tïtau-manihini-hia nei te aru, te nünaa iho ia âmui i roto i te ârueraa. E tià i te mau moana, te mau ànavai päpe e te mau mouà ia òaòa i mua i te Fatu, no te mea e haere mai o Ia no te haava i te fenua ma te parau-tià e te parau mau.

Te ìrava 4 o teie Taramo 98 : te naò ra A pii atu i te Atua Nui Tumu Tahi, e te mau nünaa atoà o te fenua nei, ma te òaòa, A vaiiho i to tätou òaòa ia hiti mai, e a himene i te haamaitaì i te Tumu no te ora.

Te haafaufaa ra teie ìrava i te piiraa ia ârue e ia òaòa na te ao atoà nei i mua i te hanahana o te Atua. Te ani manihini nei o Ia i te mau taata atoà o te fenua nei ia faaìte i to rätou mauruüru e to rätou faahiahia no te mau òhipa a te Fatu.

No teie Ôroà Fänau ta tätou e haamanaò nei, e tïtau-manihini-raa teie no te faahanahana i te fänauraa o Ietu te Metia ma te òaòa e te mauruüru. Teie te tahi mau manaò no te faaöraa i teie ìrava i roto i te faahanahanaraa no te Ôroà Fänau o te Metia :

1. Te ârueraa e te haamoriraa : Mau taime faahiahia teie no te himene no te ârue èi faaìteraa i to tätou mauruüru i te Atua no te höroà ta tätou e faanaò nei.

2. Faaìte i te òaòa : No te Fänauraa o te Metia ia vëtahi ê na roto i te höroàraa i te Aroha, te Here, te Hau, e te Värua o teie Ôroà, tei faatupu i te nehenehe o te mau faaùnaùna e te mau mori e purapura ra tei faaìte i te upootiàraa te marämarama i nià i te pöuri. 

3. Te feruri-maite-raa i te pae värua : A rave i te hoê taime no te fëruri hohonu i nià i te auraa o teie Ôroà Fänau e nahea te taeraa mai o Ietu no te hopoi i te hau e te òaòa i roto i to tätou oraraa.

4. Te faahanahanaraa i te Püfenua : Ia âmui tätou i roto i te mau fare pure e aore rä, i roto i te mau rururaa fetii no te faahanahana âmui i teie Ôroà Fänau. No te faahaèhaa ia i mua i te parau tapu a te Atua i parau na i te vahine e mauiui fänau òe, o teie te tahi parau tumu no teie ôroà ta tätou e faahanahana nei i te Fänauraa te Metia.

Te parau tumu ia e vai nei i roto te Taramo 98 : Te òaòa e te popou i te mau mea maere a te Atua ra. E piiraa teie i te mau taata atoà o te fenua nei ia faatupu e ia ârue i te Atua no ta na mau òhipa faahiahia e ta na parau-tià. Te haapäpü ra te reira i te òaòa, te mauruüru, e te haamoriraa i te Atua Nui Tumu Tahi, ma te tïtau manihini i te mau mea atoà i rähuhia ia âpiti mai i roto i teie ôroà. Te naò ra teie parau tumu, Te oaoa rahi e te popou rahi i te Fatu. Te faataa ra teie parau tumu i te auraa mau o te mau ìrava, o tei tïtau i te mau taata atoà o te fenua nei ia faaìte i to rätou òaòa e ta rätou ârueraa i te Atua ma te ora o te ao atoà nei.

Ìtaia 52.7-10

7 Te nehenehe o te âvae o te veà i nià i te mouà, o tei hopoi mai i te parau maitaì ra, o tei faaìte hua mai i te parau hau ra, o tei hopoi mai i te parau òaòa e te maitaì ra, o tei faaìte hua mai i te ora ra o tei parau mai ia Tiona, Tei to Atua ra te hau.

8 E faateitei to mau faèhau i to rätou reo; e ûmere päatoà noa atu to rätou reo; e hiò hoì rätou, te mata e te mata, i to te Fatu faahoìraa mai ia Tiona.

9 Ia püroro noa atu te òaòa; ia ûmere päatoà, e te mau vähi pararï i Ierutarëma ua haamähanahana hoì te Fatu i to na taata; ua faaora o Ia ia Ierutarëma.

10 Ua faaìte hua te Fatu i ta na rima moà i mua i te mata o te mau êtene atoà ra; e ua ìte i te mau hopeà atoà o te fenua ra i te ora a to tätou Atua.

Heuraa Manaò.

Oia mau, Teie te hoê manaò i nià i teie mau ìrava 7 e tae atu i te ìrava 10 no te pene 52 o te puta a Ìtaia,

1. Ìrava 7: Te nehenehe o te âvae o te veà, o tei hopoi mai i te parau maitaì ra, o tei faaìte mai i te parau hau i nià i te mouà ra. O ia i hopoi mai i te parau âpï maitaì, o te  ora i nià  ia Tiona, Te faatere nei te Atua te faahanahana nei teie parau i te taeraa mai o te veà o te âfaì mai i te parau âpï maitaì no te hau e te faaoraraa. Te haapäpü nei o ia i te nehenehe e te faufaa o teie parau poroì no te nünaa o te Atua.

2. Ìrava 8 : Ua faaroohia te reo o to òutou mau tiaì ; te faateitei nei rätou i to rätou reo, te pii noa ra rätou i te òaòa ; no te mea te ìte nei rätou na roto i to rätou iho mata e te hoì nei te Fatu i Tiona.

E ìte te mau tiaì, o te tiaì nei i te oire, i te hoìraa mai o te Fatu i Tiona e e faaìte rätou i to rätou òaòa. Te faataipe ra te reira i te faahoìraahia mai e te faaoraraahia o Ierutarëma.

3. Ìrava 9: A himene âmui i te òaòa, e te mau vahi paparari o Ierutarëma e No te mea e tämahanahana te Fatu i to na ra mau taata, e faaora oia ia Ierutarëma.

Te pii ra teie ìrava i te mau toetoeà o Ierutarëma ia òaòa, no te mea e tämahanahana e e faaora te Atua i to na nünaa. E poroì ia no te tiàturiraa e no te faahoì-faahou-raa mai, i te hau.

4. Ìrava 10 : Te ìte nei te Fatu i te rima o to na ra moàraa i mua i te aro o te mau nünaa atoà ; e e ìte te mau hopeà atoà o te fenua nei i te ora a to tätou Atua.

Te heheu mai nei te Atua i to Na mana e to Na moàraa i te mau nünaa atoà, e e ìtehia te faaoraraa a te Atua i nià i te fenua atoà nei. Te faaìte ra te reira i te taatoàraa o te faaoraraa a te Atua.

Te ìrava 7 o te tià ia faatumuhia te naò ra, Te nehenehe o te âvae o te taata i hopoi mai i te parau maitaì ra, o tei faaìte mai i te parau hau i nià i te mouà ra, O na o te hopoi mai i te parau âpï maitaì, o te neneì i te ora. No nià ia na o te parau ia Tiona, 'Te faatere nei to òe Atua.

Teie ìrava te tumu mau, oia hoì te pororaa i te parau âpï maitaì no te hau, te faaoraraa, e te faatereraa a te Atua.

Te haamanaò noa ma ra teie ìrava i te faatereraa a te Atua no teie Ôroà Fänauraa o te Metia, nehenehe o te âvae no te veà tono, oia hoì te parau âpï maitaì o te hau e te faaoraraa no te mau nünaa atoà nei.

1. Poroì i te Parau Âpï Maitaì : Mai te veà i roto i te ìrava e âfaì mai i te parau âpï maitaì no te hau e te faaoraraa, te faahanahana nei teie Ôroà Fänau i te taeraa mai o Ietu, oia te parau âpï maitaì no to te ao atoà nei.

2. Te hau e te faaoraraa : Te Ôroà Fänau o te Metia o te hoê ia taime no te haamanaò e ua haere mai o Ietu no te hopoì mai i te hau e te faaoraraa mure òre. E taime teie no te fëruri i nià i te hau no roto mai i te faahauraa a te Atua ia vëtahi ê.

3. Te òaòa e te ârueraa : Te parau nei te ìrava i te nehenehe o te feiä e hopoi mai i te parau âpï maitaì. Oia atoà, ua riro te Ôroà Fänau èi taime no te òaòa e no te ârueraa i te fänauraa o Ietu, te Faaora.

Oia mau, Teie te hoê parau tumu i haafaufaahia i roto i te ìrava 7 no te Ìtaia pene 52, E poroì no te hau e no te faaoraraa : Te faatere nei to tätou Atua. Te faataa ra teie parau tumu i te auraa mau o te ìrava, o te faahanahana ra i te pororaa i te hau e te faaoraraa, e o te haapäpü ra i te mana arii o te Atua.

Te haapoto nei te parau tumu, A poro i te hau e te ora: Te faatere nei to tätou Atua,

1. Poroì no te hau e te faaoraraa : Te haapäpü nei teie tuhaa o te parau tumu i te parau poroì tumu o te ìrava, oia hoì te poroì no te hau e te faaoraraa. Te auraa ra, te parau âpï maitaì i âfaìhia mai e te veà, o te faahauraa ia, te hau e te faaoraraa no te taatoàraa.

2. Te faatere nei to òutou Atua. Te haapäpü ra teie parau i te mana arii o te Atua. Te haamanaò mai ra te reira e te faatere ra te Atua e te faatere ra o Ia i te mau mea atoà. E haapäpüraa te reira i te faaroo e te tiàturi i te mana e te parau-tià a te Atua.

Te haapäpü ra teie mau tuhaa atoà i te faufaaraa o te parau âpï maitaì ta te veà e hopoi mai e te färiiraa i te mana arii o te Atua. Teie parau tumu e riro èi puna no te tautururaa e no te tämahanahanaraa, i roto ihoä rä i te mau taime faahanahanaraa i te haamanaòraa  i te Ôroà Fänau o te Ietu, te Arii no te Hau.

Hëpera 1.1-6.

Te parauraa mai te Atua nä roto i ta na Tamaiti

1 O te Atua, o tei parau riirii mai i mütaa iho, e rave rahi te huru o te parauraa mai i te feiä tupuna i te mau perofeta,

2 o tei parau mai ia ia tätou i teie nei ànotau hopeà i te Tamaiti, o tei haapaòhia e ana èi Fatu no te mau mea atoà nei, e ua hämani hoì o ia i nä ao atoà nei ia na.

3 O te ànaana hoì o ia o to na ra hanahana, e o te hohoà mau ia no na iho, e te mauraa hoì i te mau mea atoà nei i ta na ra parau mana, oti aè ra ta tätou hara i te tämähia e ana ia na iho ra, pärahi iho ra i raro i te rima àtau o te Mana i te vähi teitei ra.

Te Tamaiti tei hau i te mau merahi

4 E maitaì hau ê hoì to na i to te mau merahi, mai te iòa i noaa ia na i hau ê i te maitaì i to rätou ra.

5 O vai hoì to taua mau merahi ra ta te Atua i parau noa atu mai tahito mai ä e: O ta ù Tamaiti òe,

i naùanei òe i fänauhia ai e au. E ta na hoì i nä ô ra e: Ei Metua vau no na, e èi Tamaiti o ia na ù.

6 E ia na hoì i faahoì faahou mai i te mätahiapo i te ao nei, nä ô aè ra o ia: Ia haamori te mau merahi atoà a te Atua ia na.

Heuraa Manaò.

Oia mau Teie te tahi nau manaò rii i nià i te mau ìrava 1 e tae atu i te ìrava 6 no te puta Hepera i te pene 1,

1. Te na ìrava 1 e te 2 : I muri aè i to na parauraa mai i to tätou mau metua e rave rahi mau taime, e na roto i te mau raveà huru rau a te mau perofeta, ua parau mai te Atua ia tätou i teie nei mau mahana hopeà nei na roto i te Tamaiti, o ta na i hämani èi Fatu no te mau mea atoà, no na o Ia i hämani ai i te ao nei.

Te faaìte nei teie na ìrava i te tämau-noa-raa e te nuuraa o te heheuraa a te Atua. Ua paraparau mai te Atua na roto i te mau perofeta i mütaa iho ra, i teie nei rä, te paraparau nei o Ia na roto i ta Na Tamaiti, ia Ietu Metia, oia te Fatu âià no te mau mea atoà, e tei hämani i te ao nei.

2. Ìrava 3: E ànaana ê to te Tamaiti, e huru-ê to na i to na iho hinuhinu, e e turu o Ia i te mau mea atoà na roto i ta na parau mana. I muri aè i to na faaotiraa i te tämäraa o te hara, ua pärahi oia i te pae àtau o te mana hanahana i nià roà aè.

Te faataa nei teie ìrava i te huru hanahana o Ietu. O te faaìteraa ia i te hanahana o te Atua e te hohoà o to na iho e to na hiroà tumu. Te turu nei o Ietu i te ao täatoà nei na roto i ta na mau parau, e i muri aè i to na faatupuraa i te tämäraa i te mau hara, e faateiteihia o Ia i te rima àtau o te Atua Metua.

3. Ìrava 4 : E rahi hoì to na òaòa i te mau merahi i te mea e, ua hau to na moà i to rätou.

Te faaìtehia ra e mea teitei aè o Ietu i te mau merahi, e ua noaa ia na te hoê iòa maitaì roa atu ä. Te haapäpü nei te reira i to na huru hou teie nei ao e to na mana moà.

4. Na ìrava 5 e te 6 : O vai hoì te mau merahi ta te Atua i parau aè nei e, O òe ta ù Tamaiti, ua fänau mai au ia òe i teie nei mahana. E teie faahou ä, E riro vau èi metua tane no na, e e riro o ia èi tamaiti na ù. E i to na ärataì-faahou-raa mai i te mau mätahiapo i te ao nei, ua parau o Ia, Ia haamori te mau merahi atoà a te Atua ia Na.

Te faahiti nei teie na ìrava i te mau ìrava no roto mai i te Faaäuraa Mätamua no te faaìte e, e mea ôtahi o Ietu èi Tamaiti na te Atua. Àita e merahi i fänaò aè nei i teie huru fänaòraa taa-ê. Te haamorihia ra o Ietu e te mau merahi, o te haapäpü atoà ra i to na tiàraa teitei aè.

Te ìrava 3 tei faatumuhia i roto i teie ärataìraa manaò, O te huru ia o to na hanahana, e te hohoà o to na iho huru, e te turu nei o Ia i te mau mea atoà na roto i ta na parau mana. I muri aè i to na faaotiraa i te tämäraa o te hara, ua pärahi o Ia i te pae àtau o te mana hanahana i nià roa.

Te faaìte nei teie ìrava i te tiàraa hanahana o Ietu, ta Na òhipa i roto i te rähuraa e te faaoraraa, e to Na faateiteiraa i te rima àtau o te Atua.

Te parau nei te Hepera pene 1 ìrava 3 e, O te Tamaiti te hohoà o to na ra hanahana e te täpaò hoì no to na ra huru mau.

1. Te faaìteraa i to Na hanahana : Te auraa ra, te faaìte päpü nei o Ietu, te Tamaiti a te Atua, i te hanahana o te Atua Metua. Mai te hoê hiò e faaite ra i te hohoà o te taata e tià ra i mua ia na, te faaìte ra o Ietu i te huru Atua e te hanahana o te Atua. Oia hoì, ia hiò anaè tätou ia Ietu, e ìte tätou i te hanahana o te Atua i te faaìteraahia mai.

2. Neneì èi hohoà : Te auraa o teie parau, o Ietu te hohoà mau o te huru mau o te Atua. Mai te täpaò no te täatiraa e faahohoàraa teie, te faahohoà atoà nei o Ietu ma te haapaò maitaì i te hohoà e te huru o te Atua. Hoê ä huru hanahana to Na e to te Metua.

Ia tütonu maite tätou, te haapii mai ra teie mau parau e e Atua mau o Ietu e te faaìte ra o Ia ma te tià roa i te Atua Metua i te taata. È ère o Ia i te veà noa e aore rä, i te perofeta noa, o te Atua iho rä o Ia, tei faaìte mai ia tätou e, o vai te Atua e no te rave i ta Na òhipa no te faaoraraa.

Oia mau, Teie te hoê parau tumu e vai ra i roto i te ìrava 3, Te ànaana o te hanahana o te Atua, e te hanahana o te raì.

Te faataa ra teie parau tumu i te auraa mau o te ìrava, o te faataa ra ia Ietu mai te ànaana o te hanahana o te Atua Metua e o tei turu i te mau mea atoà na roto i ta na Parau Mana.

Ioane 1.1-18

Te Parau a te Atua te Ora.

1 I vai na te Parau i te mätamua ra, i te Atua ra hoì te Parau, e o te Atua hoì te Parau/o te Parau hoì te Atua.

2 I te Atua ra hoì o ia i te mätamua ra.

3 Na roto ia na i rahuhia ai te mau mea atoà nei, e te mau mea atoà i rahuhia, aore hoê aè tei òre i nä roto mai ia na i te rähuraahia.

4 Tei roto ia na te ora e te ora, o te märamarama ia o te taata.

5 Te ànaana nei te märamarama i roto i te pöuri, aita rä te pöuri i färii atu ia na.

6 Te vai ra ra te hoê taata tei tonohia mai e te Atua, o Ioane te iòa.

7 I haere mai o ia èi ìte, e faaìte i te märamarama, ia faaroo/tiàturi te taata atoà na roto ia na.

8 È ère o ia i te märamarama, ua haere mai rä o ia no te faaìte i te märamarama.

9 O te Parau te märamarama mau, ua haere mai o ia i te ao nei no te türama/haamäramarama i te mau taata atoà.

10 I te ao nei o ia, e na roto ia na teie nei ao i te rähuraahia; e àita to te ao i ìte atu ia na.

11 I haere mai nei o ia io na iho ra, e aore to na iho ra mau taata i färii atu ia na.

12 I te feiä atoà rä tei färii atu ia na, tei tiàturi i to na ra iòa, ua horoà o ia i te mana ia riro rätou èi mau tamarii na te Atua.

13 Te feiä è ère i to te toto i fänau ai ra, è ère hoì i to te hinaaro o te tino è ère hoì i to te hinaaro o te taata, no te Atua rä.

14 I riro mai nei te Parau èi taata, e ua tiàhapa/pühapa mai io tätou nei, e ua ìte mätou i to na hanahana, mai te hanahana e au i te Tamaiti fänautahi a te Metua, ua î i te maitaì e te parau-mau.

15 O na ta Ioane i faaìte mai, ia na i pii ra: «O ia teie ta ù i parau ra e: «O të haere mai i muri iho ia ù nei, ua riro ia i mua ia ù, o mua ä hoì o ia ia ù.

16 Oia mau, na roto i to na î, ua noaa ia tätou atoà nei te maitaì e au atoà i to na ra maitaì.

17 Na Möte hoì i tuu mai i te ture, âreà te maitaì e te parau-mau, na Ietu Metia ia.

18 Aore e taata i ìte i te Atua, o te Tamaiti fänautahi rä i nià i te ôuma o te Metua ra, o ia tei faaìte mai ia na.

Heuraa Manaò.

E mea au roa e te mea tià no tätou teie pene parau no te Ioane i te pene 1 i te mau ìrava 1 e tae i te 18 i teie mahana haamanaòraa na tätou i te Ôroà Fänau o te Metia, te Tamaiti Fänautahi i nià i te ôuma o te Metua.

1. Te mau ìrava 1 e tae i te 3 : I vai na te Parau i te mätamua ra, i te Atua ra hoì te Parau, e o te Atua hoì te Parau. I vai na o ia i te mätamua ra i pïhaì ho i te Atua. Na na i rähu te mau mea atoà nei, aore roa e, è ère oia i te hoê mea i rähuhia.

Te faaite nei teie mau ìrava i te parau, o te Parau, te Taò, èi reo Herëni e Logo, o te faaìte e, tei pïhaì iho oia i te Atua e te riroraa èi Atua. O te Taò tei faaòhipahia e te Atua Metua i te Rähuraa i te mau mea atoà.

2. Ìrava 4 : Tei roto ia na te ora, e te ora ra, o te marämarama ia o te taata.

O te Parau tumu o te ora e te marämarama no te mau nünaa atoà nei, ma te faataipe i te parau mau e te faaìteraa a te Atua.

3. Te mau ìrava 5 e tae i te 9 : Te ànaana nei te marämarama i roto i te pöuri, e àita te pöuri i färii i te reira. Te vai ra te hoê taata tei tonohia mai e te Atua : o Ioane to na iòa. Ua riro o ia èi ìte, èi faaìte i te marämarama, ia tià i te mau taata atoà ia tiàturi na roto ia na. È ère o ia i te marämarama, tera rä, mai te mea ra e, te faaìte ra o ia i te marämarama. Teie marämarama, o te marämarama mau ia, o te haere mai i roto i te ao nei, o te haamarämarama i te mau taata atoà.

Te faahiti nei teie mau ìrava i te parau no Ioane Päpetito, tei haere mai no te faaìte päpü i te marämarama o Ietu taua marämarama ra. Te ànaana nei te marämarama i roto i te pöuri, àita rä te pöuri i marämarama i te reira.

4. Te mau ìrava 10 e tae i te 13 : I vai na o Ia i te ao nei, e na na i Rähu teie nei ao, e aore to te ao nei i ìte ia Na. Ua haere mai o Ia i to Na iho fare, e àita to na iho i färii ia na. Ua tae mai te Parau i te ao nei, e rave rahi rä tei òre i ìte i te reira. Àreà rä, te feiä tei färii i te reira, ua riro mai ia rätou èi mau tamarii na te Atua.

5. Ìrava 14 : E riro mai te Parau, e pärahi iho ra o ia i rotopü ia tätou nei, ua î i te maitaì e te parau mau ; e ua ìte matahia atu ra to na hanahana, te hoê hanahana mai te hanahana o te Tamaiti fänau tahi a te Metua ra.

Te faahiti ra teie ìrava i te vai-tämau-raa o te Parau i roto ia Ietu Metia, o tei ora nä i rotopü i te mau taata, ma te faaìte i te maitaì, te parau tià e te parau mau a te Atua Metua.

6. Te mau ìrava 15 e tae i te 18 : Ua faaìte päpü o Ioane ia na, e ua tuö aè ra, O o Ia o ta ù i parau ra, o te haere mai na muri ia ù ra, ua haere ia na mua ia ù. No te mea ua höroà hia te ture e Mote, ua tae mai te aroha e te parau mau na roto ia Ietu Metia. Aore roa e taata i ìte i te Atua; te Tamaiti fänau tahi ra, tei nià i te ôuma o te Metua, o te taata ia i faaìte mai ia na.

Te tahi ìrava faufaa o te tià ia faatumuhia ia au i teie mäìmiraa te ìrava 14 ia, I riro mai nei te Parau èi taata, e ua tiàhapa/pühapa mai io tätou nei, e ua ìte mätou i to na hanahana, mai te hanahana e au i te Tamaiti fänautahi a te Metua, ua î i te maitaì e te parau-mau. Te haapoto ra teie ìrava i te faahohoàraa o te Parau i roto ia Ietu Metia, o te faaìte ra i te aroha e te parau mau a te Atua.

1. Te parau nei te ìrava 14 o te Ioane pene 1: I riro mai nei te Parau èi taata, e ua tiàhapa/pühapa mai io tätou nei, e ua ìte mätou i to na hanahana, mai te hanahana e au i te Tamaiti fänautahi a te Metua, ua î i te maitaì e te parau-mau.

No te Ôroà Fänau, e ìrava teie e türama mai ra te hoê ôroà èi haapäpüraa o Ietu Metia te tupuraa te Parau taua Parau ra ua pühapa mai i roto i te ao nei, te hanahana mau teie no te Atua Metua. Teie te tahi mau raveà no te häroàroà i teie ìrava i roto i te parau no Ôroà Fänau : Te faahohoàraa ia te hanahana o te Ôroà Fänau i te taime a riro mai ai te Logo èi tino ìò e a ora ai i rotopü ia tätou ta te Püfenua i Fänau, tei parauhia te Metia. E haamanaòraa te reira e ua haere mai te Atua i te fenua nei ma te huru taata no te haafatata mai ia tätou e no te faaora ia tätou.

2. Te Aroha e te Parau Mau : Ua haere mai o Ietu ma te î i te maitaì e te parau mau. Ua riro te Ôroà Fänau èi taime no te feruri i nià i te aroha mau o te Atua, o tei püpühia mai na tätou na roto ia Ietu, e te parau mau ta na i faaìte mai.

3. Te feruriraa i te hanahana: I roto ia Ietu, te ìte nei tätou i te hanahana o te Atua. Ua riro te Ôroà Fänau èi raveà no te mätaìtaì i teie hanahana e no te faahanahana i te hanahana e te maitaì o te Atua i faaìtehia i roto ia Ietu. O tätou atoà e faaìte nei ma te faanehenehe to tätou mau ùtuafare, i te mau mori faaùnaùna ua rau te huru o te ù, e ua tae roa atoà i te faaùnaùnaraa i te ìri-ài-raa maa, ma te faanaho atoà a tei ère.

Teie te hoê no te parau tumu tei faauruhia ia au i ta te Ioane päpaìraa i te pene 1 i te mau ìrava 1 e tae i te ìrava 18 :

I hämani te Logo/Parau i te taata, èi marämarama e èi ora no te mau taata atoà, Te faataa ra teie parau tumu i te auraa mau o te ìrava, o te faahiti ra i te faufaaraa o te Parau o Ietu Metia, ta na hopoià e faaìte i te marämarama e te ora i te mau taata atoà, e te maitaì e te parau mau ta na e hopoi mai, èi faaìte, èi türama.

Te faataa poto noa nei ra te parau tumu Na te Parau i hämani i te tino, te marämarama, e te ora no te taata atoà e faataa i te auraa mau o teie parau e faahitihia nei i roto i te taiòraa no teie mahana.

Teie te raveà no te marämarama :

1. Ua hämani te Logo/Parau i te taata: Te faataa ra te reira i te huru o Ietu Metia, oia hoì te Parau a te Atua i hämani ei taata. Te faahanahana nei te Noera i taua taime ra a haere mai ai te Atua i te fenua nei ma te huru taata no te haafatata mai ia tätou e no te faaora ia tatou.

2. Marämarama : Ua faataahia o Iesu èi marämarama o te haamarämarama i te mau taata atoà. Te auraa ra, e hopoi mai oia i te parau mau, te heheuraa hanahana, e te ärataìraa i roto i te hoê ao tei ìte-pinepine-hia e te pöiri e te taa òre.

3. Te ora no te taatoàraa : O Ietu te puna atoà no te Ora Mure Òre. I roto ia na e ìte tätou eiaha i te ora tähuti noa, i te ora ärataìhia e te värua atoà rä e te Ora Mure Òre. Ua püpühia teie ora no te feiä atoà e tiàturi ia na.

Ma te âmui, te haapäpü ra teie mau tuhaa i te faufaaraa o Ietu èi faaìteraa hopeà a te Atua, ma te hopoi mai i te marämarama e te ora i te mau taata atoà nei. Teie parau tumu e riro èi puna no te faaüruraa e no te tämahanahanaraa, i te puè tau no te Ôroà Fänau ihoä rä, ia haamanaò anaè tätou i te taeraa mai o Ietu, te Faaora.

Heuraa Ìrava.

-Taramo 98, 4 Ia pïnaì te haamaitaì i te Fatu e àti noa aè te fenua, ia puroro te reo òaòa, ia ûmere mä te haamaitaì i te himene.

-Ìtaia 52, 7 Te nehenehe o te âvae o te veà i nià i te mouà, o tei hopoi mai i te parau maitaì ra, o tei faaìte hua mai i te parau hau ra, o tei hopoi mai i te parau òaòa e te maitaì ra, o tei faaìte hua mai i te ora ra o tei parau mai ia Tiona, Tei to Atua ra te hau.

-Hepera 1, 3 O te ànaana hoì o ia o to na ra hanahana, e o te hohoà mau ia no na iho, e te mauraa hoì i te mau mea atoà nei i ta na ra parau mana, oti aè ra ta tätou hara i te tämähia e ana ia na iho ra, pärahi iho ra i raro i te rima àtau o te Mana i te vähi teitei ra.

-Ioane 1, 14 I riro mai nei te Parau èi taata, e ua tiàhapa/pühapa mai io tätou nei, e ua ìte mätou i to na hanahana, mai te hanahana e au i te Tamaiti fänautahi a te Metua, ua î i te maitaì e te parau-mau.

 

Faaitoitoraa.

Èi ârueraa i te Ôroà Fänau : Ârueraa e Te Heheuraa

I teie mahana haamaitaìhia, te putuputu nei tätou no te faahanahana i te parau âpï faahiahia no te Fänauraa o to tätou Faaora, o Ietu Metia. Mai ta Taramo 98 ìrava 4 e tïtau nei ia tätou ia rave, e tuö anaè tätou ma te òaòa, tätou paatoà te mau taata o te fenua nei, i te Fatu. E mata na tätou i te òaòa e i te himene, no te mea, ua tae mai te marämarama i roto i te ao nei.

O te nehenehe o te àvae o te taata i hopoi mai i te parau âpï maitaì ra, o tei faaìte hua mai i te parau hau ra O na o te hopoi mai i te parau âpï maitaì, o te neneì i te ora. No nià ia na o tei parau ia Tiona, te faatere arii nei to òe Atua.

-Ìtaia pene 52 ìrava 7 I teie puè tau Noera, te poro nei tätou i te hau e te faaoraraa i hopoihia mai e Ietu, to tätou Arii.

E faaìte te Tamaiti i to na hanahana e te hohoà o to na tino, e e turu o Ia i te mau mea atoà na roto i ta na parau mana. I muri aè i to na raveraa i te tämäraa o te hara, ua pärahi o Ia i te pae àtau o te hanahana teitei roa aè.

-Hepera pene 1 ìrava 3. A fëruri ai tätou i te fänauraa o Ietu, e ìte tätou i te hanahana o te Atua tei faaìtehia mai i rotopü ia tätou, tei î i te maitaì e te parau mau.

E ua riro mai nei te Logo, e ua pärahi o Ia i rotopü ia tätou, ua î i te maitaì e te parau mau; e ua ìte tätou i to na hanahana, te hoê hanahana mai te hanahana o te Tamaiti Fänau Tahi a te Metua

-Ioane pene 1 ìrava 14. I teie mahana Noera, te faatupu nei tätou i te ôroà no te faahohoàraa i te Parau, o Ietu Metia, o tei haere mai e pärahi i rotopü ia tätou no te faaìte mai ia tätou i te aroha e te parau mau a te Atua.

Ia î teie na puè tau Noera i te òaòa, te hau e te ârueraa, a faahanahana ai tätou i te taeraa mai o to tätou Faaora. Ia òaòa te taatoàraa i te Noera, te Ôroà Fänau no te Metia.

Te faataa poto nei te parau tumu te òaòa fäito òre, te hau, te hanahana o te Atua, o te taata nei  i te mau tumu parau rahi o te mau ìrava Taramo 98 ìrava 4, Ìtaia pene 52 ìrava 7, Hepera pene 1 ìrava 3 e te Ioane pene 1 ìrava 14.

Te òaòa o te ao atoà nei: Faauruahia e te Taramo 98 ìrava 4, te haapäpü nei teie tuhaa o te parau tumu i te piiraa i to te ao atoà nei ia òaòa e ia ârue i te Atua. E taime òaòa te Noera no te taatoàraa, o te faahanahana i te taeraa mai o Ietu na roto i te Püfenua.

Te parau nei Ìtaia pene 52 ìrava 7 no nià i te nehenehe o te feiä e hopoi mai i te parau âpï maitaì o te hau. Te Noera o te taime ia a faahanahana ai tätou i te poroì no te hau tei hopoihia mai na roto i te fänauraa o Ietu, te Arii no te Hau.

Faaìteraa i te hanahana o te Atua: Te faataa ra te Hepera pene 1 ìrava 3 ia Ietu mai te hoê hohoà no te hanahana o te Atua e te hohoà o to Na tino. Te auraa ia e te faaìte ra o Ietu ma te tià roa i te huru o te Atua. Ua riro te Noera èi raveà no te fëruri i teie hanahana no ò mai ia Ietu ra.

Parau i hämani i te ìò: Te faahiti ra te Ioane pene 1 ìrava 14 i te auraa o te Parau Ietu Metia, o tei haere mai e pärahi i rotopü ia tätou. Te faahanahana ra te Noera i teie òhipa maere te Riroraa mai èi taata, i reira te Atua i te riroraa mai èi taata no te ora i rotopü ia tätou e no te faaora ia tätou.

Ia âmuihia, te haapäpü ra teie mau tuhaa i te òaòa, te hau, te faaìteraa no ò mai i te Atua ra, e te faahohoàraa o Ietu Metia, o tei riro èi tumu no te ôroà Noera. Teie parau tumu e riro èi puna no te faaüruraa e no te fëruriraa i roto i teie puè tau no te Ôroà Fänau.

Pehepehe.

Te Parau Mure Òre

 

I te ômuaraa, ua riro te Logo èi hei ànaana no ò mai i te Atua ra.

Na roto ia na, ua rähuhia te mau mea atoà,

Àita anaè o Na, Àita hoê aè mea,

Te Tumu o te ora, te marämarama o te taata.

 

Te ànaana nei te marämarama i roto i te pöuri,

Àita te pöuri i marämarama i te reira, e mea maere rä.

Ua haere mai te hoê taata o Ioane te iòa,

E ìte no te marämarama, e faaìte i te parau mau.

 

E tae mai te marämarama mau, i roto i teie nei ao,

O te haamarämarama i te mau taata atoà i roto i te pöuri.

Tei roto o Ia i te ao nei, ua hämani-ìno-hia o Ia e a na,

Àita rä to te ao nei i ìte ia Na, ua faaruè ia Na.

 

Ua haere mai o Ia i to na iho fare, ma te pätoì-òre-hia,

I te feia rä tei färii ia Na, te mau tamarii a te Atua.

È ère na te tino, eiaha atoà na roto i te hinaaro o te taata,

Na te Atua rä, e fänau mai.

 

Ua riro mai ra te Logo èi taata i rotopü ia tätou nei,

Tei î i te aroha e te parau mau, e te here maamaa.

Ua ìte tätou i to na hanahana, te ànaana,

Mai to te Tamaiti fänau tahi, hanahana e te ànaana.

 

Te faaìte päpü nei Ioane e, ua haere oia na mua ia ù. Mai roto mai i to na îraa ua färii paatoà tätou,

te aroha no te aroha, te here hope roa.

Ua horoàhia mai te ture na roto ia Mote, te aroha e te parau mau na roto ia Ietu. Aore roa e taata i ìte i te Atua, te Metua, te Tamaiti fänau tahi tei faaìte ia na i te marämarama e te haavare òre.

 

Maitaì òutou i teie Ôroà Fänau.

 

Teraì òr. Faatura.

 

 

Ruta èv 1.39-45 Te òaòa o te faaroo i te Fänauraa.

 

Tāpati 22 no Tema/Tïtema 2024.

TÏAÌRAA MAHA

Te òaòa o te faaroo i te Fänauraa.

 

Mau Taiòraa

Taramo 80

1 Na te Mënätehe i nià i te Totanima-ètuta. Taramo na Âtafa.

2 E faaroo mai, e Të Tiaì ia Ìteraèra e O tei ärataì ia Iotëfa mai te nana ra; o òe o tei pärahi i nià i nä Terupi ra, a faaànaana mai.

3 I te aro o Èferaima, e o Peniamina, e o Manate ra, e faaitoito òe, e haere mai e faaora ia mätou.

4 E faahoì mai ia mätou, e te Atua, ia ànaana mai hoì to mata, ua ora iho ra ia mätou.

5 E aha te roa, e te Atua manahope, o te Fatu, i te òe ririraa i te pure a to mau taata nei.

6 Ua faaàmu òe ia rätou i te mäa òto, e ua tuu mai i te roimata na rätou e ïnu e ia rahi ra.

7 Ua faariro òe ia mätou èi märöraa na to mätou mau taata-tupu, e te àtahia nei mätou e to mätou mau ènemi.

8 E faahoì ia mätou, e te Atua manahope, ia ànaana mai hoì to mata na, ua ora iho ra ia mätou.

9 E vine ta òe i rave mai mai Àifiti mai ra, ua faaruè hoì òe i te mau êtene, e ua tänu iho ra i te reira.

10 Ua väere òe i te fenua i taua vine ra. E ua toro to na aa, e ua api aè ra te fenua :

11 ua àti te mau mouà i te maru no na, e mai te âreti teitei ta na aveave.

12 Ua toro to na âmaa i tähatai, e to na tihitihi i te päpe rahi ra.

13 E aha hoì òe i haapararï ai i te âua, e ua pöfaìhia e te feiä haere atoà nei.

14 Te ètuhia nei e te paha o te ururäau ra, e te àmuhia nei e te mau puaa ôviri o te aru ra.

15 E te Atua manahope e, e hoì mai, o ta mätou ia parau ia òe; e hiò mai òe i nià i te raì ia ìte, e haapaò faahou mai ä òe i taua vine nei.

16 Te räau i tänuhia e to rima àtau ra, e te âmaa ta òe i faaètaèta na òe iho.

17 Ua täpühia ia e ua tüîa i te auahi, ua pohe ia i te aò o to mata ra.  

18 Èi nià to rima i te taata i to rima àtau ra, èi nià i te taata i faaètaètahia e òe no òe iho ra.

19 E òre hoì mätou e täiva ia òe i reira, e faaànaanaea mai ia mätou, e na mätou e ta ù i to òe ra iòa.

20 E faahoì ia mätou, e te Atua manahope, e te Fatu e, ia ànaana mai hoì to mata na, ua ora iho ra ia mätou.

Heuraa Manaò

Ua riro te Taramo 80 èi tiàororaa uà na i te Atua no te faahoì-faahou-raa mai e te pärururaa ia Ìteraèra. Te parauhia ra e o Atafa te tumu o te reira e mea taa-ê roa oia i na roto i to na taìraa reo täparu e to na òto. Teie te hoê tuatapaparaa poto no nià i te taramo e te mau ìrava i faatupu i te faufaa o te parau:

1. Àamu o te tuatua : E au ra e ua päpaìhia te taramo i te hoê tau ahoaho rahi no Ìteraèra, penei aè i te tau a hopoi-tîtî-hia ai aore ra a haruhia ai e te ènemi.

2. Faanahoraa : Ua faanahohia te taramo i roto e toru tuhaa rahi, e e hope te reira na roto i te täparuraa i te Atua ia faahoì mai i to Na nünaa.

3. Te mau tumu parau rahi :

a) A tiàoro i te Atua èi Tiaì mämoe: E tiàorohia te Atua mai te tiaì mämoe no Ìteraèra, te hoê hohoà puai o te pärururaa e te ärataìraa.

e) Te Òto e te täparuraa : Te faaìte ra te päpaì taramo i te mäuiui e te peàpeà o te nunaa, a täparu noa ai i te Atua ia faaora ia rätou.

f) Te tiàturiraa no te faahoì-faahou-raa mai : Noa atu te ahoaho, te vai ra te hoê tiàturiraa puai e e òhipa mai te Atua no te faahoì mai ia Ìteraèra.

 

Ìrava faufaa èi tumu

E mea pinepine te ìrava 4 no te Taramo 80 E faahoì mai Òe ia mätou ia Òe na, e te Atua ; a ànaana mai na to  mata, e e ora ai tatou.

Te faataa maitaì ra teie ìrava i te manaò tumu o te taramo: te hoê piiraa i te Atua ia faahoì mai i to na nünaa e ia höroà atu i ta na färii-maitai-raa. Te faaìte ra te reira i te tiàturiraa e mea faufaa roa te vairaa mai e te haamaitaìraa a te Atua no te ora e te ruperupe o Ìteraèra.

Ua riro te Taramo 80 ìrava 4 èi tiàororaa putapü mau i to te Atua faahoì-faahou-raa mai e te haamaitaìraa. Teie te tahi hiòraa hau atu no te marämarama-maitai-raa i teie ìrava :

 

1 Faahoì mai ia mätou ia Òe na, e te Atua ; a ànaana mai na to mata, e e ora ia tätou.

A faahoì mai na ia mätou ia òe, e te Atua : Te faaìte nei teie parau i te hoê hinaaro hohonu ia tätarahapa e ia hoì atu i te Atua ra. Ua ìte te päpaì taramo e ua faaätea-ê te nünaa i te Atua e te täparu ra i ta na tauturu no te hoì i nià i te èà maitaì. Te faaìte ra te reira i te hoê täairaa täatoà e te Atua no te hoì-faahou-raa mai i nià i te oraraa ärataìhia e te värua o te Atua.

2 Ia ànaana maitaì to òutou hohoà mata : E äniraa teie i te Atua ia faaìte mai i to Na maitaì e to Na mana. I roto i te iho Hepera, te faataipe ra te marämarama o te mata o te Atua i ta Na haamaitaìraa, pärururaa, e färii-maitaì-raa. Te äni ra te päpaì taramo i te Atua ia faaìte i to na hämani maitaì.

3 E e Faaorahia Tätou : Te haapäpü nei te hopeà o te ìrava i te tiàturiraa päpü e e mea faufaa rahi te vairaa mai e te haamaitaìraa a te Atua no te faaoraraa. Te tiàturi päpü ra te päpaì taramo e e hopoi mai te hoìraa mai o te färii maitai a te Atua i te faaoraraa e te faaâpïraa.

Te faataa maitaì ra teie ìrava i te tumu mau o te faaroo e te tiàturiraa i te Atua no te faahoì-faahou-raa mai e te faaoraraa. Te faaìte ra te reira i te haèhaa hohonu e te hoê hinaaro ûàna e färerei faahou i te Atua.

 

Mita 5.1-5

Te fänauraa te tamaiti hui ari ra, o te Metia

1 E ïti ä òe, e Pete-rehëma Èferäta, ia âmui atoà i roto i te mau täutini atoà i Iüta ra, e tae mai rä te hoê ia ù nei mai roto mai ia òe ra o te riro èi tävana i Ìteraèra nei; mai tahito mai ä hoì to na haereà, mai te mätamua mai ä.

2 E teie nei, e tuu atu te Fatu ia rätou, e ia tae i te taime e fänau mai ai të fänau ra, èi reira e hoì mai ai te toeà o to na mau taeaè, i te mau tamarii o Ìteraèra.

3 E tià noa o ia mä te faaàmu i ta na nana, mä te püai o te Fatu, mä te iòa teitei o to na ra Atua, o te Fatu; e tià mäite hoì rätou i te pärahiraa; e rahi hoì o ia i reira e tae noa atu i te hopeà mai o te fenua ra.

4 E riro taua taata ra o te tumu ia no te hau. Ua tae anaè mai to Âtura i to rätou nei fenua, e ua taataahi anaè o ia i to tätou mau aoraì, e faatupuhia tätou i reira ei pätoì ia na nä tävana toohitu, e nä taata arii toovaù ra.

5 E pau hoì te fenua ra o Âtura ia rätou i te òè, te fenua o Nimerota i te tömoraa atu: e faaorahia tätou e ana i to Âtura, ia tae mai o ia i to tätou nei fenua e ua taataahi anaè o ia i to tätou nei mau ôtià.

Heuraa Manaò

Oia mau, Teie te hoê tuatapaparaa no nià i te Mika pene 5 i te mau ìrava 1 e tae i te 5 e te ìrava tumu :

Ìrava 1: E teie nei, a haaputuputu i to mau nuu, e te tamahine a te nuu. Ua haaàtihia tätou ; e tei nià iho te àuri i te päpärià o Ìteraèra ".

Hiòraa : Te faahiti ra teie ìrava i te huru tupuraa fifi o Ìteraèra, tei haaàtihia e to na mau ènemi. Ua täìri te tävana o Ìteraèra i nià i te päpärià i te haamä e te mäuiui o te nünaa.

Irava 2 : E o òe, e Peterehëma Eferäta, e ïti i roto i te mau tautani atoà o Iuta ra, e haere mai òe ia ù nei no te taata e faatere ia Ìteraèra, e o tei hoì i te mau mahana tahito ra, e tae noa atu i te mau mahana mure òre ra.

Tuatapaparaa : Te tohu ra teie ìrava i te fänauraa o te Metia i Peterehëma. Noa atu e oire naìnaì o Peterehëma, ua mäìtihia rä oia èi vahi fänauraa no te arii Tävini e te mure òre.

Ìrava 3 : No reira, e tuu mai o Ia i te reira e tae noa atu i te taime e fänau mai ai o Ia, e e hoì faahou mai te toeà o to na ra mau taeaè i te tamarii a Ìteraèra.

Hiòraa: Te faahiti ra teie ìrava i te tau tiaìraa e tae roa atu i te fänauraa o te Metia. Te vai ra te parau fäfau no te faahoì-faahou-raa mai e te hoìraa mai o te nünaa i Ìteraèra.

Irava 4 : E tià mai o Ia, e faaàmu hoì i ta na nana i te puai o te Fatu, ma te hanahana o te iòa o to na ra Atua. E e pärahi rätou ma te hau, no te mea i teie nei e rahi oia e tae noa atu i te hopeà o te fenua ra.

Hiòraa: Te faataahia ra te Metia mai te hoê tiaì mämoe o te haapaò i to na nünaa ma te puai e te hanahana o te Atua. E hopoì mai te reira i te pänoonoo òre e te hau.

Ìrava 5: E hau oia. Ia haere mai to Atura i to tätou nei fenua e ia tomo mai i roto i to tätou mau ao raì, e faatià ia tätou ia na e hitu òrometua e na tamaiti hui arii e vaù no te nünaa.

Hiòraa: Ua faataahia te Metia mai te tumu o te hau. I mua atoà i te àroraa a te ènemi, e vai mai te pärururaa e te faaitoitoraa a te Atua.

Te tahi ìrava tumu no te Mita pene 5 te ìrava 2 ia, o te tohu ra i te fänauraa o te Metia i Peterehëma. Ua faahiti-pinepine-hia teie ìrava i roto i te Faaauraa Âpï mai te hoê töhuraa tei tupu na roto i te fänauraa o Ietu Metia. Te haamahitihiti ra teie ìrava i roto i te Mita i te tiàturiraa e te parau tapu o te haerea mai o te Metia, o te hopoi mai i te hau e te faahoìraa mai ia Ìteraèra. Te haapäpü atoà nei te reira i te haèhaa e te rahi o Peterehëma, tei mäìtihia èi vahi fänauraa no te arii Tävini e te mure òre.

E ìrava tohu teie e to na faufaa i te faatiàraa a Mita pene 5 ìrava 2 teie te auraa :

E o òe, e Peterehëma Èferäta, e ïti i roto i te mau tautani atoà o Iuta ra, e haere mai òe ia ù nei, o tei faatere ia Ìteraèra nei, e o tei hoì i te mau mahana tahito ra, e tae noa atu i te mau mahana mure òre ra .

1. Peterehëma Èferäta : E òire ïti o Peterehëma i Iuta, e e iòa tahito o Èferäta no teie tuhaa fenua. Te haapäpü nei teie ìrava i te haèhaa o Peterehëma, te hoê òire ïti i mua i te aro o te taata, ua mäìtihia rä e te Atua no te hoê ôpuaraa faaora i te ao nei.

2. Te Taata o te faatere i nià ia Ìteraèra : Te tohu nei teie ìrava i te fänauraa o te Metia, o te riro mai èi arii e ei tiaì mämoe no Ìteraèra. E pinepine te reira i te tätarahia mai te hoê parau faaìte no nià i te fänauraa o Ietu Metia, o tei fänauhia i Peterehëma.

3. Te mau haapiiraa no mütaa iho ra: Te faaìte ra te reira e, e tumu hanahana e te mure òre to te Metia. È ère noa i te hoê arii taata, o te hoê atoà rä taata o te ora na mua aè i te tau.

E mea pinepine teie ìrava i te faahitihia i roto i te Faaäuraa Âpï, i roto ihoä rä i te Èvaneria a Mataio, Mataio pene 2 ìrava 6, no te faaìte e, no Ietu Metia te tupuraa o teie mau parau tohu. Te haapäpü nei te reira i te mana arii o te Atua i te mäìtiraa ia Peterehëma èi vahi fänauraa no te Faaora e te haapäpü nei te reira i te haèhaa e te rahi o te ôpuaraa faaora a te Atua.

Hëpera 10.5-10

5 No reira te Metia i nä ô ai ia na i haere mai i te ao nei ra : Aita aè nei i tià ia òe te tütia e te perotefora ; ua faaäu rä òe i te hoê tino no ù:

6 i tei täauahihia ra, e te täraèhara ra, àita aè nei òe i mauruüru i te reira.

7 Ua nä ô iho ra vau : Teie au, e ta ù Atua, te haere nei au e faatià i to òe hinaaro (ua päpaìhia te parau no ù i roto i te ôtaro o te puta ra.

8 Ta na hoì i parau i nià aè ra e: Aita aè nei i tià ia òe te tütia, e te perotefora, e tei täauahihia ra, e te täraèhara ra, e aore òe i mauruüru i te reira, i ta te ture ra i püpü.

9 E ua nä ô aè ra o ia i muri aè : Ìnaha, e ta ù Atua, te haere nei au e faatià i to òe hinaaro», ua faaòre ä ia o ia i tei mütaa iho ra, ia faatià o ia i te piti.

10 No taua hinaaro ra e moà ai tätou nei, i te püpüraa hoê i te tino o Ietu Metia ra.

Heuraa Manaò

Oia mau, Hepera pene 10 i te mau ìrava 5 e tae i te 10 o te hoê ia irava tei î i te auraa no te faaroo. Teie te tahi tuatäpaparaa o teie mau ìrava :

E ìtehia teie ìrava i roto i te Faufaa Âpï, i roto i te Èpitetore i to Hepera. Te faataa ra te taata i päpaì i teie rata i te mau Maru Metia no ô mai i te mau àti Iuta ra, ma te faataa atu ia rätou i te hau-ê-raa o Ietu Metia e te faufaa âpï i nià i te faufaa tahito a Mote.

Ìrava 5 : No reira, i te haereraa mai te Metia i te ao nei, ua parau o Ia, Àita te Atua i hinaaro i te hoê tutia e aore rä, i te hoê tutia ànimara, ua hämani rä te Atua i te hoê tino tähuti òre i te Metia.

Te auraa ra : I roto i te tomoraa mai o Ietu i roto i te ao nei, te haapäpü nei o Ia e, àita te Atua e hinaaro i te mau tutia ànimara o te Faufaa Tahito, e mea na roto rä i te haapaòraa e te faatutiaraa i to Na iho tino tähuti òre.

Ìrava 6 : Aita òutou i färii i te tutia täauahi e aore rä, i te mau tutia no te hara ".

Te auraa : Èita te mau tutia ànimara e nehenehe e faaòre roa i te mau hara. Ua riro èi faahohoàraa no te mau mea e tae mai, no te faaineine i te èà no te tutia hopeà o Ietu.

Ìrava 7 : Ua parau atu ra vau, Ìnaha, te haere mai nei au i roto i te puta ta ù e parau nei ia haapaò i to oe hinaaro, e te Atua ".

Te auraa : Te faaìte ra o Ietu ia na iho mai te taata e rave ra i te hinaaro o te Atua, mai tei tohuhia i roto i te mau Päpaì. O te tupuraa ia o te mau fafauraa o te Faaäuraa Matamua.

Ìrava 8 : I muri aè i to òutou parau-mätamua-raa, àita òutou i hinaaro, e aore hoì i färii i te hoê tutia e te mau tutia, e te mau tutia täauahi, e te mau tutia no te hara tei püpühia mai te au i te ture,

Te auraa : Te haamanaò mai ra te taata päpaì e àita te Atua i mauruüru roa i te mau tutia o te Faaäuraa Matamua.

Ìrava 9 : Ua parau atu ra o ia, Ìnaha, te haere mai nei au ia haapaòhia to òe ra hinaaro. E no reira, ua tià ia na ia rave i te òhipa mätamua no te faatià i te piti.

Te auraa : Ua faaòre o Ietu i te Faaäuraa Matamua niuhia i nià i te mau tutia ànimara no te haamau i te Faaäuraa Âpï niuhia i nià i to Na tino tähuti òre.

Ìrava 10 : No reira, i haamoàhia ai tätou, na roto i te püpüraa i te tino o Ietu Metia, hoê taime no te taata atoà.

Te auraa : Na roto i te tutia ôtahi o Ietu, e haamoàhia te feiä faaroo, taa-ê atu i te mau tutia tämau o te Faaäuraa Matamua.

Faaotiraa

Te faaìte ra teie mau ìrava i te täuiraa mai te Faaäuraa Matamua e tae atu i te Faaäuraa Âpï, o te haamatara rä i te tutia tià roa o Ietu Metia o te faatupu ra i te hinaaro o te Atua e o te haamoà ra i te feiä faaroo. Te haapäpü ra te reira i te faufaaraa o te auraroraa e te haapaeraa ia na iho i nià i te mau peu faaroo e te mau tutia ànimara.

E mea pinepine te ìrava 10 no te Hepera pene 10 i te haafaufaahia, E mea na roto i teie nei hinaaro haamoàhia ai, na roto i te püpüraa i te tino o Ietu Metia, no te taatoàraa.

Te haapoto ra teie ìrava i te manaò tumu o te ìrava ma te haapäpü e na roto i te tutia ôtahi o Ietu Metia, e haamoàhia te feiä faaroo no te taatoàraa. Te haamatara ra te reira i te täuiraa o te faaäuraa mätamua niuhia i nià i te mau tutia ànimara i te faaäuraa âpï niuhia i nià i te tutia tià roa o Ietu.

No te taa-maitaì-raa i te Hepera pene 10 ìrava 10, e mea faufaa rahi roa ia taa maitaì i te auraa o te ìrava. Teie te tahi mau manaò faufaa no te täuturu ia faahohonu i to tätou marämarama :

Te tuatapaparaa i te parau no nià i te Atua

Ia au i te faaìteraa a Hepera pene 10 ìrava 10 i te hoê ìrava i reira te taata päpaì i faataa ai i te faufaa rahi o te tutia a Ietu i nià i te mau tutia o te faaäuraa mätamua. Ua niuhia te faaäuraa mätamua i nià i te mau tutia ànimara tämau, o te òre hoì e nehenehe e faaòre roa i te mau hara. I te tähi aè pae, mea ôtahi e mea tià roa te tutia o Ietu, ma te faatupu i te hinaaro o te Atua i te hoê taime e no te taatoàraa.

E mea na roto i teie nei hinaaro tätou e haamoàhia ai, na roto i te püpüraa i te tino o Ietu Metia, no te taatoàraa.

Na roto i te maitaì o teie nei hinaaro : E faaäu te reira i te hinaaro o te Atua no te mono i te mau tutia ànimara na roto i te tutia a Ietu. Ua faanaho e ua hinaaro te Atua i teie täuiraa no te püpü i te hoê räveà hopeà no te tätara i te fifi o te hara.

Ia haamoàhia tätou : Te haamoàraa o te faataaraa ia no te Atua, ia haamoàhia ia. Na roto i te tutia a Ietu, e tämahia e e haamoàhia te feiä faaroo i te Atua.

Na roto i te püpüraa i te tino o Ietu Metia : Ua püpü o Ietu i to na iho tino èi tutia, tei riro èi òhipa no te haapaò e no te here faito òre. Taa-ê atu i te mau tutia ànimara, mea tià roa ta na tutia.

No te taatoàraa : Te haapäpü nei teie mau parau i te huru ôtahi e te faufaa rahi o te tutia o Ietu. Taa-ê atu i te mau tutia rave-tämau-hia o te faaäuraa mätamua, e tupu te tutia o Ietu i te hoê taime e no te taatoàraa, àita e faufaa ia faahiti-faahou-hia.

No te feiä tiàturi, ua riro teie ìrava èi puna no te tämahanahanaraa e no te haapäpüraa. Te haamanaò mai ra oia ia tätou e àita to rätou faaroo e to rätou täairaa e te Atua i täaihia i ta rätou iho mau tütavaraa aore ra e tutia tämau, tei te tutia tià roa rä o Ietu. E tïtau te reira i te hoê oraraa mauruüru, te faaroo, e te haapaò i te Atua.

Ruta èv 1.39-45

Te tere o Märia io Èritäpeta

39 Ua tià aè ra Märia i reira, haere òiòi atu ra i te hoê ôire no Iüta, i te fenua mouà ra ;

40 tomo atu ra i roto i te fare o Tätäria, aroha atu ra ia Èritäpeta.

41 E tei te faarooraa mai Èritäpeta i to Märia aroharaa atu, ua ôuà iho ra te tamaiti i roto i to na ôpü ; î aè ra Èritäpeta i te Värua Maitaì,

42 e ua pii hua mai ra te reo, nä ô mai ra : «O òe tei hau i te maitaì i te vahine nei, e e maitaì hoì te huaai o to òe ôpü.

43 No te aha rä hoì au i ìtehia mai ai, i haere mai ai te metua vahine a ta ù Fatu ia ù nei.

44 Ìnaha hoì, tei te öraa mai to reo i te aroharaa mai ia ù nei i roto i ta ù tarià, ua ôuà iho nei te tamaiti i roto i ta ù ôpü i te òaòa.

45 E ao hoì to na to tei faaroo : e e faatupuhia te mau mea a te Fatu i faaìte mai ia na ra.

Heuraa Manaò

Oia mau, Te parau nei te Ruta èv. I te pene 1 i te mau ìrava 39 e tae i te 45 no nià i te tere o Maria ia Eritapeta ra.

I muri aè i to na ìteraa e, e fänau mai o ia ia Ietu, ua horo atu ra o ia i te fare o to na tuahine i te mea auraa fetii raua o Eritapeta, tei tö atoà ia Ioane Päpetito. Ua tuuhia teie irava i roto i te tupuraa no te faaìteraa i te fänauraa o Ietu e o Ioane Päpetito.

Hiòraa te tupuraa o te parau.

1. Te na ìrava 39 e te 40 : Ua tere òiòi Maria i te hoê oire i Iuta no te farerei ia Eritapeta. Te faaìte ra te reira i te âau tae e te ànaanatae o Maria e faaìte i te parau âpï no nià i to na hapüraa i te Värua Maitaì.

2. Ìrava 41: I to Maria aroharaa ia Eritapeta, ua rürütaina te àiü o Ioane Päpetito i roto i te ôpu o Eritapeta. Te faaìte ra te reira i te hoê fäìraa värua no te vairaa mai o Ietu, hou o Ia a fänauhia ai.

3. Te na ìrava 42 e te 43: Ua haamaitaì o Eritapeta, tei î i te Värua Moà, ia Maria e ua ìte i te rahi o te àiü ta na e amo ra. Ua faaìte o ia i to na maere e to na haèhaa i te tere o te metua vahine o to na Fatu.

4. Ìrava 44: Te faataa ra o Eritapeta e, ua ôuà te àiü ma te òaòa i roto ia na i te taime a aroha mai ai o Maria ia na. Te haapäpü faahou ra te reira i te färiiraa i te värua a Ioane Päpetito ia Ietu.

5. Ìrava 45: Ua ârue o Eritapeta i te faaroo o Maria, tei tiàturi i te tupuraa o te mau parau a te Fatu. Te haamatararaa te reira i te tupu te faufaa o te faaroo e te tiàturi i te Atua Metua e ta Na ôpuaraa faaora.

Te ìrava e tià e haafaufaa i roto i teie pene parau, no te Ruta èv te ìrava 45 ia : E ao to te taata i faaroo, no te mea, te mau parau i parauhia mai ia na no ô mai ia i te Atua Metua ra, e tupu ia te reira. Te haapäpü ra teie ìrava i te haamaitaìraa no te faaroo e te tiàturi i te parau tapu a te Atua Metua.

Hoturaa

Te faaroo o Maria : Te faaìte ra te reira i te faaroo i roto i te òaòa o Maria, tei tiàturi i te tupuraa o te mau parau a te Fatu e to na hoturaa. Mea tià ia faatupuhia te àparaparauraa no nià i te faufaa o te faaroo i roto i to tätou oraraa e e nafea o Maria e riro ai èi hiòraa maitaì no tätou.

Te haamaitaìraa o te faaroo: Ua haamaitaìhia te faaroo o Maria e te Atua Metua. Ia faaòhipa tätou i te mau hiòraa i roto i te Pîpîria e o te oraraa o te mau mahana atoà no te faaìte ia e nafea te faaroo e riro ai èi tumu o te haamaitaìraa.

Tiàturi i te Atua Metua : Te mea e tià e paraparau i nià i te tiàturiraa o Maria i te Atua e nahea te reira e faaüru ai ia tätou i te tiàturi i te Atua Metua, noa atu te mau taime päpü òre.

E tauturu teie huru faanahoraa ia tätou na roto i te haamanaòraa i te faufaaraa o te faaroo e te tiàturiraa i te Atua i te tau o te no Tiaìraa.

E te mau taeaè e te mau tuahine here e,

I teie täpati maha no te tiaìraa, te fatata roa atu nei tätou i te faahanahanaraa i te fänauraa o to tätou Faaora, o Ietu Metia o ta tätou e haamanaò nei. I teie mahana te fëruri hohonu nei tätou i nià i te Ruta èv. Pene 1 ìrava 45 : E ao to te taata i faaroo, no te mea, o tei parauhia mai ia na ra, no ô mai ia i te Fatu ra, e tupu ia te reira.

Ua tiàturi o Maria, ua tiàturi o Eritapeta, e te tiàturi atoà nei tätou i te tupuraa o te mau parau a te Fatu. Na to raua faaroo âueue òre e faaìte mai ia tätou i te faufaa ia tiàturi i te Atua e i ta Na mau fäfauraa. Mai ia Maria, ua piihia tätou ia faatupu i te faaroo hohonu e te tiàturiraa i te Atua Metua, noa atu te mau haataupupuraa no teie tau e orahia nei e tätou tei faatupu i te mea päpü òre e tïtauhia ia tätou ia mau tütüaau te faaroo.

Ua haamaitaìhia te faaroo o Maria e te Atua. Ua mäìtihia o ia no te amo i te Faaora o te ao nei, e ua haamaitaìhia to na faaroo na roto i te tupuraa o te mau fäfauraa a te Atua Metua. Oia atoà, to tätou faaroo e riro èi tumu no te haamaitaìraa i roto i to tätou oraraa. Ia tiàturi anaè tätou i te Atua e i ta Na mau fäfauraa, te ìriti ra ia tätou i te ùputa o to tätou âau i ta Na mau haamaitaìraa e to Na aroha.

I teie tau no te Tiaìraa, ia haamanaò tätou i te faufaa o te faaroo e te tiàturi i te Atua Metua. E pee anaè i te hiòraa a Maria e e tiàturi anaè i te tupuraa o te mau parau fäfau a te Atua. Ia riro to tätou faaroo èi marämarama o te ànaana mai i roto i te pöuri e o te ärataì ia tätou i roto i te òaòa no ôroà Fänau.

Heuraa Ìrava.

-Taramo 80, 4 E faahoì mai ia mätou, e te Atua, ia ànaana mai hoì to mata, ua ora iho ra ia mätou.

-Mita 5, 2 E teie nei, e tuu atu te Fatu ia rätou, e ia tae i te taime e fänau mai ai të fänau ra, èi reira e hoì mai ai te toeà o to na mau taeaè, i te mau tamarii o Ìteraèra.

-Hëpera 10, 10 No taua hinaaro ra e moà ai tätou nei, i te püpüraa hoê i te tino o Ietu Metia ra.

-Ruta èv. 1, 45 E ao hoì to na to tei faaroo : e e faatupuhia te mau mea a te Fatu i faaìte mai ia na ra.

Faaitoito.

I teie puè tau haamanaòraa i te Fänauraa o te Faaora Nui, te putuputu nei tätou no te faahanahana i te fänauraa o to tätou Faaora, o Ietu Metia. Te püpü mai ra te mau Päpaì Moà e rave rahi mau parau tapu e mau parau tohu o te tupu i roto ia Na. I teie mahana, e fëruri anaè e maha ìrava o te haamarämarama ra i teie tau òaòa e te tiàturiraa.

Te haamanaò mai nei te Taramo 80 ìrava 4 ia tätou i te piiraa a te nünaa o te Atua ia faahoìhia mai : E te Atua, a faahoì mai ia mätou ; a ànaana mai na to mata, e e ora ai mätou. I teie puè tau Fänau, te haamanaò mai nei ia tätou e, ua haere mai o Ietu no te faahoì faahou mai i to tätou auraa e te Atua Metua, no te faaanaana i to na marämarama i roto i to tätou oraraa e no te püpü ia tätou i roto i te faaoraraa.

Te tohu nei te Mita pene 5 ìrava 2 no nià i te fänauraa o Ietu i Peterehëma : E o òe, e Peterehëma Eferäta, e ïti i roto i te mau tautani o Iuta ra, e hoì mai òe no ù nei, te taata e hau ia Ìteraèra nei, e no tei hoì mai i te ànotau tahito ra, e tae noa atu i te mau mahana mure òre ra. Te haamanaò mai nei teie parau tohu ia tätou e ua mäìti te Atua i te hoê vahi ïti haèhaa no te fänauraa o ta Na Tamaiti, ma te faaìte e e ìte-pinepine-hia te rahi o te Atua na roto i te haèhaa e te ôhie.

Te parau mai nei te Hepera i te pene 10 i te ìrava 10 ia tätou no nià i te òhipa faaoraraa a Ietu : No reira, i haamoàhia ai tätou na roto i te püpüraa i te tino o Ietu Metia, no te taata atoà hoì. Te Fänauraa o te Metia o te haamataraa ia o teie püpüraa, i to Ietu haereraa mai i roto i te ao nei no te rave i te hinaaro o te Atua Metua e no te haamoà ia tätou na roto i ta na tutia tei òre roa i tähuti.

Te faahanahana nei o Ruta èv. Pene 1 ìrava 45 i te faaroo o Maria : E ao to na tei faaroo, no te mea, o ta te Fatu i parau mai ia na ra, e hope roa ia i te tupu. Ua riro o Maria èi hiòraa no te faaroo e te tiàturi i te Atua Metua. I teie puè tau i te haamanaòraa i te Fänauraa te Faaora, ua piihia tätou ia pee i teie tupuraa òhipa, ia tiàturi i te mau fäfauraa a te Atua, e ia färii ia Ietu i roto i to tätou âau ma te faaroo e te tiàturi.

I teie Ôroà Fänau, e haamanaò na tätou e, o Ietu te tumu no te marämarama e ànaana nei i roto i te pöiri, te tupuraa o te töhu, e te tumu no to tätou faaoraraa. Ia faaâpïhia to tätou faaroo ia Na e ia î tätou i te òaòa e te hau a faahanahana ai tätou i to Na Fänauraa.

Pehepehe.

 

Te òaòa o te faaroo i te Fänauraa.

 

Ua haere atu ra o Maria i nià i te mau âivi no Iuta,

Ma te tiàturi e te faaroo i roto i to na ôpu.

I roto ia Eritapeta, to na tuahine fetii here,

Ua ìtehia ia na te òaòa, te hoê haamaitaìraa.

 

Ua ôuà o Ioane o Päpetito, i roto i to na ôpu,

Ma te òaòa, mauruüru ia Ietu, te Faaora e te Fatu.

Ua haamaitaì o Eritapeta, tei î i te Värua Moà,

Ia Maria, te metua vahine o te Atua Metua.

 

E ao to na tei tiàturi, ta na ia parau ma te tuutuu òre,

No te mea e faatupuhia te mau fäfauraa a te Fatu i to rätou taime.

Te faaìte mai ra o Maria, te hiòraa o te faaroo e te tiàturi,

I te èà o te tiàturiraa.

 

I teie pö Fänau, e haamanaò na tätou e,

O te faaroo i te Atua ta tätou te reira ö.

Mai ia Maria, e tiàturi anaè i ta na mau parau fäfau,

E e färii anaè ia Ietu ma te òaòa.

 

Oia mau, Te òaòa o te faaroo i te Fänauraa. Te faaìte mai nei teie upoo parau i te parau tumu no te pehepehe e te värua no te Ôroà Fänau o Ietu.

 

Teraì òr. Faatura.