Indépendance : "Il nous faut encore du temps"

 

Indépendance : "Il nous faut encore du temps"

Tahiti, le 18 avril 2022 - Le président de l'Église protestante mā'ohi, François Pihaatae, a passé la semaine Sainte aux îles Sous-le-Vent et plus particulièrement à Havai'i. L'occasion d'un tour des paroisses de l'île et surtout de "rencontres avec le nunaa", explique-t-il, pour évoquer la cherté de la vie, la réinscription, ou encore la vente des terres…

Vous venez de passer cette semaine et ce week-end de Pâques aux îles Sous-le-Vent, pourquoi ?

"On a rencontré le peuple de Havai'i lors de cette semaine Sainte, qui a eu lieu de dimanche à dimanche. J'ai fait toutes les églises, cela m'a permis de rencontrer notre peuple et surtout de discuter avec lui de ses inquiétudes, de ses problèmes, mais également de ses joies. C'est la première fois que je vais les voir et vivre en même temps avec eux. Je peux dire que le peuple n'était pas las de discuter. Leurs inquiétudes reposaient surtout sur l'inflation que l'on connait notamment sur la nourriture, la crise sanitaire et ses restrictions. On a également discuté de la vie paroissiale, comme le "mē" et d'autres sujets… Mais la question est : comment l'église protestante peut venir en aide à notre peuple ? Car avec la crise sanitaire, certains ont perdu leur travail. Et ce sont les discussions qu'on va avoir avec les hautes instances de l'église. Il est évident qu'on n'a pas les mêmes problèmes partout, mais on va essayer d'y répondre."
 
À Ra'iatea, où vous étiez encore hier, on ressent cette inflation ?
 
"Oui, effectivement, les habitants de l'île en parlent comme à Tahiti. Les bateaux arrivent à Tahiti. Et pour faire venir les denrées dans les îles, c'est également par bateau. Du coup, le fret est multiplié par deux et ils paient également le double. On m'a demandé ce qu'on peut faire, mais ce pouvoir n'est pas entre les mains de l'église. Notre rôle, c'est de demander au gouvernement de trouver un moyen pour que la vie de notre peuple soit plus facile. Une des solutions, pour contrer la cherté de la vie, c'est d'encourager les personnes à planter. Il faut revenir à l'essentiel : la terre. Car c'est la vie. Si en une semaine nous mangeons du taro et du poisson, du lundi au dimanche, cela voudra dire que nous n'irons plus au magasin. Et si nous sommes courageux pour planter, les magasins pourraient être en faillite."
 
Expliquez-nous la signification de cette période de Pâques pour l'église protestante ?
 
"Dans toutes les paroisses, il y a eu la célébration de la résurrection. Mais il faut savoir également que, avant que Dieu ressuscite le Christ, il y avait une autre célébration de Pâques. Il s'agit de la Pâque célébrée par les Juifs. C'est la commémoration par les Juifs de leur libération du joug de l'Égypte. La libération des Hébreux en tant qu'esclaves du peuple d'Égypte. Et cette Pâque a conduit à l'indépendance de ce peuple Hébreux. C'est également un signe qu'il a envoyé au monde, comme quoi il est prêt à sauver le monde par son fils. Pâques, que l'on célèbre aujourd'hui où on célèbre la résurrection, va de concert avec ce que Dieu a fait pour le peuple d'Israël. Cela veut dire que Dieu est également prêt à libérer le peuple Mā'ohi, de par la résurrection de son fils. Voilà la signification de Pâques. Ce n'est bien sûr pas pour remplacer ce que Dieu a fait, mais bien pour compléter. (…) Et je pense que, si dans notre vie de tous les jours, en tant que ta'ata Mā'ohi, nos ancêtres ont fait leur travail. Et si nous commencions à compléter avec ce qu'ils ont fait. Je pense qu'on pourra aller de l'avant. Nos tupuna disaient : on ne peut avancer si on ne regarde pas le passé. On ne regarde pas le passé pour retourner dans le passé, ou en arrière. Non. Mais bien pour regarder la sagesse, le savoir, ainsi que l'ingéniosité de nos tupuna, pour que l'on puisse être guidé par ces enseignements en toute liberté et indépendance."
 
Vous jeûnez également pour Pâques ?
 
"Durant cette semaine Sainte, le vendredi on jeûne pour se remémorer le fait que Jésus ait été mis sur la croix. Et c'est à partir de ce moment que l'Église protestante a mis en place ce jeûne. Ce jeûne a été mis en place en 1985, pour manifester notre mécontentement et notre combat contre les essais nucléaires. Depuis cette année, l'Église protestante a mis en place ce jeûne pour se remémorer la mort de Jésus et pour se battre contre le nucléaire. En 1995, les essais nucléaires ont été arrêtés. Et le Président Jacques Chirac a voulu remettre en place des essais nucléaires et l'Église protestante s'est levée, une fois de plus, pour dire à l'État : il y en a assez. (…) Donc, depuis 1985, l'Église protestante appelle au jeûne. Ensuite on a rajouté dans ce jeûne d'autres thèmes, la mort de Jésus et également la vente de nos terres. L'Église appelle notre population à ne pas vendre nos terres. On sensibilise également sur les méfaits de la drogue, l'alcool, le tabac. En fait, tous les problèmes que notre peuple rencontre aujourd'hui, on les ajoute dans ce jeûne mis en place en 1985. Aujourd'hui, on y a ajouté l'indépendance de notre Pays. Et cette indépendance commence par ce qu'on met dans notre assiette, ce qu'on plante, ce qu'on mange, comment on parle sa langue, comment on vit sa culture. Cela ne doit pas être un jour dans l'année, mais tous les jours. Vis ton "mā'ohiraa". Personne ne va te gronder, aucune loi ne peut t'interdire de vivre ton "mā'ohiraa". Laissons les Français vivre leur "farāniraa", et toi je t'encourage à vivre ton "mā'ohiraa". Voilà les appels et messages de l'Église protestante Mā'ohi. Et c'est également cela l'indépendance pour l'église. Ce n'est pas une chose pour laquelle on doit se battre, ou qu'on doit aller chercher. L'indépendance doit se vivre. Si tu plantes et que tu manges ce que tu as planté, tu es indépendant. C'est cela l'indépendance.
 
Et sur l'indépendance politique, où se place l'Église protestante Mā'ohi ?
 
"Cela peut conduire à l'indépendance politique. Mais il faut que notre peuple comprenne que certaines paroles de politiques sont là pour faire peur à notre peuple. Pour éviter qu'on aille à l'indépendance. On va mourir, on va avoir des problèmes… Ensuite, on nous compare à Vanuatu. Qui vivent bien. Ils n'ont pas de dettes, contrairement à nous qui en avons beaucoup. Je pense qu'il faut préciser à notre peuple que, depuis le jour où on a été réinscrits sur la liste des Pays à décoloniser à l'ONU, ce n'est pas une séparation. Dans cette réinscription, il y a trois choses à savoir. Mais surtout, c'est le peuple qui fera son choix. La première chose, c'est : est-ce que l'on va rester français, ou être un État associé ou est-ce qu'il y aura une séparation totale ? Et ces trois choses, ce sera au peuple à choisir. Ce n'est ni à un groupe politique, ni à l'Etat, ni à l'ONU de décider. Et ce ne sera pas non plus à l'église à choisir. Ce sera bien le peuple qui fera le choix. Comme ce qui s'est passé en Nouvelle-Calédonie, c'est le peuple qui choisit. C'est cela la réinscription à l'ONU, ce n'est pas parce qu'on est réinscrits que ça y est on est indépendant. Non, pas du tout. Ce sera à nous de faire le choix. Si on veut rester français, on le restera. Si on fait le choix de ce que Gaston Flosse propose, c'est à dire un État associé, on le sera. Ou si le peuple fait le choix de couper le cordon ombilical avec la France, cela se fera. C'est cela la réinscription."
 
Le peuple polynésien est prêt pour l'indépendance ?
 
"Pour le moment, non. Je peux vous certifier que pour le moment, non. Il nous faut encore du temps pour que notre peuple arrive là où on veut l'amener. Et comme je le dis, ce n'est pas à un parti politique de décider. C'est au peuple. Et le jour où l'État décidera de mettre en place un référendum, là le peuple décidera s'il est prêt ou pas. Et s'il est prêt, on ira. Mais voilà, si on n'arrive pas à l'autosuffisance, il ne faut pas y aller. Donc plante et manges ce que tu plantes. Vis ton "mā'ohiraa".

Pureraa Hepetoma Moà 2022. Täpati no te mau àmaa-Tiàfaahouraa.

TAPATI 10 no Eperera

TAPATI NO TE MAU AMAA

Ruta 19/28-40

« no te mea, e au teie i te Fatu »

E hoa ìno mä e, ia ora na roa i te aroha o te Atua i to tätou nei färereiraa i teie nei mahana e ìriti i teie hepetoma faufaa rahi no te oraraa faaroo o te mau marumetia o teie ao. Faufaaa rahi no te mea e taime e haamanaò ai tätou i ta te Atua haapäpüraa mai i to na here e to na aroha i te taata nei nä roto i ta na Tamaiti. No reira, ia haamaitaì mai te Atua ia tätou e ia âpee ia tätou i nià i te êà ta te Fatu e faaìte nei i te huru täviniraa e tià ia tätou ia rave.

« e au teie i te Fatu »

O te pahonoraa ia ta te Fatu i horoà i nä pipi i faauehia e tii i te ohê fanauà àtini tei òre ä i pärahihia e te taata i nià iho. E reo atoà teie tei riro mai te tahi täviri e noaa mai ai te mea ta räua e tii ra. E reo atoà rä e horoà atoà ra ia tätou i te fäito e au i te Fatu ia au i ta na e parau mai ra. E aha rä te Fatu i horoà ai i teie fäito ? e aha rä te Fatu i òre ai i ani i te fauraò huru tano i to na tiàraa ?

No te tämata i te pahono i teie mau uiraa, haamanaò na tätou  i te tahi reo i to te Atua ta Itaia (55/8) e faaìte ra i te nä ô raa mai e : « e ère hoì to ù ra manaò i to òutou ra manaò, e ère hoì to ù ra haereà i to òutou ra haereà ». Te auraa eiaha ia e tämata i te ìmi i te tahi pahonoraa i teie huru aniraa ta te Fatu ia au i to tätou manaò e aore ia ia au i to tätou hinaaro.

Oia mau i to tätou nei pae, e ère ihoä paha ia teie te huru fauraò ta tätou e rave no te haere atu i mua i te nahoà rahi tei âmui mai i Ierutarema. Nahoà tei haere mai no te tomo i roto i te ôroà no te faatiàmäraa i te tïtïraa ta te Päta e haamanaò mai ra. E hiò ihoä paha ia tätou i te tahi fauraò huru maitaì aè.

Aita rä Ietu i hinaaro i te reira, ua haapaò i te parau i faahitihia e Tetaria 9/9-10. « … haehaa to na i te pärahiraa i nià i te âtini, e te pinia, te fanauà o te âtini ; E faaòrehia e au te pereoo i Eferaima, e te puaahorofenua i Ierutarema ». I teie nei ä haamataraa no teie hepetoma, i to na tomoraa i Ierutarema to na haapäpü faahou raa i to Ierutarema, i to te ao i teie mahana- e aha te huru Hau (Patireia) ta na e hinaaro nei i te haamau. E te reira huru, e haamata ia nä roto i te huru e mauhia e to na Arii. Oia hoì, te huru ta teie fanauà âtini e riro i te faaìte i te to te ao. Nä te fanauà âtini e tauturu i te faaìteraa i to te ao i te ìteraa i te huru o teie Arii e tomo mai nei i Ierutarema. Te huru atoà ia o te Hau o teMetia, ta te Atua i faaineine no to te ao.

Te hoê ao i reira e ìtehia ai te Hau, te Marü, te tupuraa no te Parautià e te Paraumau,…. Te òhiparaa a te Fatu, ta na faaìteraa tuutuu òre, o te Hau ia o to na Metua. Te huru o te hoê Metua tei òre e fiu i te faaòre i te hara i tei hinaaro i te ìte i te Here Metua. E ère roa atu to tätou Fatu i terä Arii e au i ta tätou märamaramaraa. E ao âpï teie ta na e hinaaro nei i te faaìte mai e te horoà mai ia tätou.

E nahea rä te reira e tupu ai i roto i teie ao i reira te ûànaraa te maì pee, te mau hämani ìnoraa, te tüìnoraahia te rahu a te Atua tei riro hoì ei ora no te to te ao. E nahea tätou e ìte ai i te reira Hau ta te Fatu e parau mai nei ia tätou i roto i te hoê ao e te reira te ûànaraa te tamaì e te faariroraahia te tamaì, ei räveà e tupu ai te hinaaro o te mau faatere o teie ao. E nahea tätou i te faatupu i te Hau o te Atua i roto i teie ao tei reira te faariroraahia te Parautià-òre ei räveà no te haavï i te mau nünaa e no te arataì ia rätou i roto i te tïtïraa o teie mahana.

Te ö atu ra tätou i roto i te Tau o te mau faaâpïraa i te mau Faatere o to tätou Fenua. E mea tià atoà ia, ia ui tätou i roto ia tätou tätaì tahi ia au i teie reo i to te Fatu i teie mahana « e au teie i te Fatu ». Hou tätou a rave ai i te tahi faaotiraa, e mea maitaì atoà paha ia ui tätou e, « e aha, e aore ia, o vau tei au i teie manaò i to te Fatu ? ».

Ua ìte atoà rä tätou e, eita roa atu teie mau Faatere e o i roto i te mänaònaò no te faatupu i teie parau. No reira, aita atu e vähi e tià ia tätou ia tütonu, maoti, o to tätou iho faaroo i teie reo i to te Fatu i teie poìpoì. E hiò i te mea e au i te Fatu. Ta te Fatu hoì e faaìte mai ra, e ère ia i te tahi òhipa rahi, e ère i te tahi mea rahi. O te hoê rä hohoà no te Hau e te haehaa. Ia faatupu hoì i te reira i roto ia tätou, i te ùtuafare i te mau vähi atoà e i te mau taime atoà.

A tomo anaè i roto i te òaòaraa e te haamaitaìraa no te Hau o te Atua e ta na ra Parautià e ta na ra Paraumau.

Ia haamaitaì noa mai te Fatu ia tätou, e ia arataì i te roaraa o teie hepetoma i nià i te êà e ìte faahou ai tätou i te Here o to tätou Metua i te ao. Ia ora na !

Taaroanui, Taarii a MARAEA òrometua

Mönire 11 no Èperera 2022

 

Taiòraa Pïpïria : Ioane 18/12-27

Hou rā te manaò e tūtōnu atu ai i nià i ta tātou parau, haamaitaihia te Atua Nui Tahi, tei tähoê ia tätou i teie mahana ômuaraa hepetoma, haamanaoraa i te mau ohipa o ta te Fatu i ora na. Haamaitaihia te Atua Nui Tahi, tei faaite noa nei i to na Here e to na Aroha ia tätou e te nünaa no Mäohi Nui nei. Nûnaa faaroo o te Atua ä faarii mai i te Hei o te Nahe toètoè, tei riro ei taipe no to ù nei fenua iti o Mataireà, i tera ra tau, o Huahine i teie nei mahana.

Ia haapoto anaè hia ta tätou parau no teie mahana e parau ia no to Ietu haruraahia e to Petero hunaraa ia Ietu. Ua ui atu Ana te tahi tahuà ia Ietu i te mau òhipa o ta na i rave. Aita Ietu i huna, ua faaìte o ia i te tahuà i te mea e tià o ia i roto i te mau tunato e haapii ai i roto i te parau mau. Te parau nei o ia i te tahuà ma te tiàmā. E riro ihoä i te tahi taime e hau na te manaò o te taata täpeàhia i to te haavä. I roto i to na mau àti, aita ihoä Ietu i fati noa atu i mua i te feiä i pari mai e aore ra i haavä mai. I mua i te mau parau ta Ietu i faaite i nià i te tahuà, aita te tahi tävini a te tahuà ra i mauruuru, e ua täiri mai ra ia na. E mea fifi mau te taata i mua i te parau tià a te Atua. Aita Ietu i horo atu i te tahi pae, ua parau rā o ia e : "Mai te mea e ua hape ta ù parau, a faaìte mai ta ù hape."

Mai te mea tei roto Ietu i te rima o te taata, e täpaò te reira e, ua ineine o ia i te faatupu i te hinaaro o to na metua. Aita Ietu i huna i te hinaaro o te Atua ia na. E terā mau parau ta Ietu i faaìte i te tahuà, e hohoà ia mai te tahi fāìraa faaroo.

I te taime i haruhia ai Ietu i roto i te ô, ua tāìri o Petero i te tarià o te hoê faèhau. Ua âpee o ia i te mau vähi o ta Ietu i haere e i te mau vähi o ta Ietu i haapii. Ua âmui atoà o Pëtero i te âparauraa a te feiä i putuputu mai i roto i te âua o te aoraì o te tahuà.n

Teie rā i mua i te mau parau a te mau taata i ìte ia Pëtero, i reira, ua taui to na manaò, ua huna o ia i to na Fatu. I mua i terā òhipa ta Pëtero i rave, ua haamā, i te mea e, ua tötoā o ia i to na Fatu.

E ui te manaò, eaha te tahi haapiiraa e tano e täpeà mai mai roto mai i tauâ taioraa ?

E aha te huru o to tātou faaroo ?

E mau maru metia tātou, te auraa tei fāì i to tātou faaroo i mua i te taata e i mua atoà i te Atua.

Terā te òhipa tumu a te Ètārētia, o te faaìte i te parau mau e te parau tià a te Atua, i te vähi te reira to te Atua tuuraa ia na.

I tävini ai tätou, no te faatupu i to na Hau, ia nünaahia ai te Atua i nià i to tätou nei fenua, ia tupu mai to te Metua mauruuru ia tätou, ia taeà-atoà-hia tätou i tera reo i to te Atua i nià ia Ietu e: Ta ù tamaiti here teie ua mauruuru roa vau ia na . Mai te peu te tävini tera e hanahana ra, te vai ra ia te tahi ohipa i roto i ta tätou taviniraa aita e àfaro ra, aore ra, aita e tuàti ra i nià i te hinaaro o te Fatu. Eiaha ia e fifi i te faaàafaro, aore ra, faatitiàifaro, ia rahi te Atua i roto i ta tätou täviniraa.

Tātou atoà i teie mahana, tātou i teie tau fifi rahi, i roto i te mau fifi rau tei reira te taata i te tutavaraa. Te haamanò atoà maira teie parau ia tātou ē, aita atu vāhi, e aita atu ihoa e rāveà e ìte ai e, e roaa ai i te taata te ora, maoti ra ia māramarama o na i te parau a te Atua. No te mea te faaìte ra te parau a te Atua, te vāhi tei reira te ora, te faaìte atoà ra rā te parau a te Atua, te rāveà e roaa ai i te taata te ora.

   Te haapāpū atoà ra rā te parau a te Atua i te taata, eiaha e haamau i to òe tiàturiraa i nià i te taata, eiaha òe e mataù i te taata. Eere ānei ē e reo no te pāpaì Taramo, te matamehaì o te paari te mataùraa ia i te Atua,te rāveà atoà te reira e roaa ai te ora, no te mea, ia mataù te taata i te Atua, e ìmi ia i te mau taime atoà ia tupu to na hinaaro, ia tupu ta na parau.

   Mea maitaì ra tātou ia ara, ia òre tātou ia riro mai te mau taata atoà ta Itaia e faahiti ra te parau, i te naoraa ē, te faaroo noa ra te tarià, aita rā e haaroàroà, hiò noa mai te mata, eita rā e ìte mai. No reira e parau teie i mua ia tātou, faaitoito, e ani i te Atua i te māramarama, no te mea, te māramaramaraa ihoā te taata i te parau, te reira te tāviri, te rāveà e roaa ai i te taata te ora.

Mai te peu e aniraa ta tätou i te Atua i teie mahana, ia hôroà mai ia i te tahi maa itoito rii âpi, ia maraa ia tatou i te mau vahi rii tei òre a tatou e haamata i te rave, e ani atoà ra tatou i te Atua ia riro ta na parau ei ramepa ei turama i to tatou mau haereà, ia ìte tatou e, te haere ra tatou i hea, ia papu ia tatou e, no vai mau tatou, e rave noa i ta tatou, tei maraa ia tatou, e tei riro ei hanahana no te Atua, mea maitaì ia, ua riro ia ei faatupuraa i te hinaaro o te Atua, aita atu e mea e hinaarohia ra ia tatou, maoti ra ia haamaitaì tatou i te Atua mai ta te fenua e haamaitaì noa ra. Ia Ora Nä

Evelyne, Roroarii.v a KELLY òrometua

 

 

 Ioane 18/28-40. Mahana piti, i te 12.04.22

Mahana piti, i te 12.04.22

 

Taiòraa : Ioane 18/28-40.

 

E te nünaa no Mäòhi Nui e, nünaa herehia e te Atua, Ia ora na âmui tätou i roto i to na here e to na aroha ! Ia haamaitaìhia te Atua Nui Tumu Tahi, o ia te tumu i färerei ai tätou i roto i teie pureraa na tätou. E tere pure, e tere haamori to tätou i to tätou Metua i te raì tuatinitini no to na mau hämani maitaì ia tätou. Ei hau, ia vai hau noa tätou i roto i te Atua.

Täpati i topa aè nei, ua ìriti tätou i ta tätou hepetoma pure. Hepetoma haamanaòraa i te mau mea atoà ta Ietu i rave no te faatae i ta na òhipa i nià i to na vairaa. I te taime a tomo ai te Fatu i Ierutarema, ua ineine o ia no ta na tuhaa höpeà. Ua tae i te hora e ìte ai te taata i te haamaitaìraa a te Atua na roto i ta na tamaiti. I roto i ta tätou mau parau no teie hepetoma täatoà, e ìte tätou i te huru o te taata, to na haapaòraa-òre, òhie i te petaraa ia taui te manaò, haavare, faahapa, faaoo i te Fatu. Ua faaruru maitaì Ietu i te ìno o te taata e tae roa i to na pohe i nià i te tätauro. Ua haere mai o ia e faaora i te taata, e na te taata iho i haatätauro ia na. Mea faaòromaì te Atua i to tätou huru. Ìnaha hoì, no to na here ia tätou i tono mai ai o ia i ta na Tamaiti fänautahi. No to na here ia tätou, i färii ai Ietu i te ôpuaraa faaora a to na Metua no tätou. E no te mea hoì e, te tuhaa a te Fatu, te faaìteraa ia i te parau mau, i ìnoìno ai te mau arataì faaroo ia na. Aita to rätou âau i mauruuru ia Ietu i te faaìteraa i to rätou huru mau. Nehenehe maitaì i mua i te taata, purapura noa te àhu, âreà i roto i te âau, ua pouri roa ia. No te parau mau i riri ai teie mau arataì faaroo ia Ietu, e ua tae roa i te ìmi i te räveà ia mämü o ia e ia pohe roa atu. Aita ihoa rä te taata e au ia faaìtehia to na parau, to na huru mau. Mea monamona aè te parau haavare e mea färii aè tätou i te parau haavare. Ta Ietu rä, e parau mau, e parau-tià. E hara änei ta na i rave ? E noaa änei te faahaparaa no te mea, ua faaìte o ia i te parau mau ? I tano roa ai tera parau ta na : « I fänau mai ai au, e i haere mai ai hoì au i te ao nei, e faaìte i te parau mau. No te parau mau o ia ra, e faaroo ia i taù reo. »

Aita Pirato i ìte noa aè i te ìno i roto i te huru o Ietu. Mea hau roa e mea päpü maitaì ta na mau pähonoraa. No te onoono rä o te mau arataì faaroo turuhia e te nünaa ia haatätaurohia Ietu, i färii ai Pirato i to rätou hinaaro. Ua tuuhia i mua i te nünaa o Ietu e o Parapa, te tahi taata haru taoà, ia mäìti te nünaa o vai ta na e hinaaro i te faaora. E peu tumu hoì teie, ia tuuhia i te taime Päta, te tahi taata tei täpeàhia i te fare täpeàraa no ta na mau peu ìno. Ua manaò o Pirato e, peneiaè e mäìti te nünaa i te Fatu. O Parapa rä, te tahi taata ìno, tei faaorahia. To na iòa tei piihia, âreà Ietu, ia haatätaurohia ia. I taua taime ra, te ìno tei upootià i nià i te maitaì. E aha atu ä ta te Fatu e parau, e aha atu ä ta na e haapii ia färii te taata i te ora. Na tätou e ìmi noa nei i to tätou pohe. Ua faaìte rä Ietu ia tätou i te èà e ora ai tätou. Eita tätou e maitaì i te faatupuraa i te ìno, e maitaì rä tätou ia faaâpï tätou ia tätou e ia färii tätou i te parau mau.

Te mea faahiahia, noa atu te rahi o te ìno o te taata, ta na mau pari haavare, ta na mau faaìnoraa, aita Ietu i manaò ìno noa aè ia rätou. Ua vai noa tera here e tera aroha to na i te taata. Eita e maraa ia tätou tera huru to te Fatu. Aita o ia i òtohe i mua i te ìno ; te here ta na i tuu i mua ia na. Ahiri paì tätou e na reira atoà nei, eita paha te fifi e ùàna atu ä i teie mahana. Na roto änei i tera mau tirotiro, mau taèro, tera mau Hau rarahi e tamaì ra. Aita e ìte faahou ra i te parau no te haehaa e te hau. A hea te taata e märamarama ai e, tei te Atua anaè te ora, na na e faaoti i to tätou parau. Ua faaìtehia te èà, na te tahi pae ia tätou i te haere. E i muri mai, te Atua ia tä tätou e pari no teie mau àti ta tätou e faaruru nei. Eiaha rä e tuu i te hape i nià i te Atua, a hiò noa ia tätou. No reira, i teie hepetoma pure, haamanaòraa i te rahi o te here e te aroha o te Atua ia tätou, a faarahi i te pure, ia färii te taata e, aita to na e parau i rapae aè i te Atua. A pure ia hoì mai te hau, a pure ia upootià te here i nià i te ìno. Te na ô ra te reo o te Atua : «E hiò mai òutou ia ù ia ora, e te mau höpeà mai o te fenua ra ; o vau hoì te Atua, e aita atu. » (Itaia 45/22) I te Atua tätou e maitaì ai, Ia ora na !

       

       

Terani Nohoarii.v a TIHOPU òromëtua

 

Mahana toru 13 no Èperera 2022

 

Taiòraa : Ioane 19/1-5

Ìrava tumu : 3 vähi ropu « …Ia ora na e te Arii o te âti Iuta, e ua moto  atu ra hoì i ta na mata ».

Aroharaa :

         E te mau Tama o te Mä, i parauhia ai tätou e, te Tama Mäòhi, te mau Ohi Mä, aita atu ta na e täpura òhipa maitaì roa aè, te òhi tämauraa i te mea mä, IA ORA NA i roto i teie Hepetoma Moà na tätou, mai tei mätauhia tätou i te parau. Te Aroha Nui i to tätou Papa, tei tämau i te mataära i nià i te oraraa o ta na mau Tama i roto i to na rauraa. To tätou Metua Vahine Faatupu Ora, tei mama noa i te mäa, ia òre ta na i fänau ia puunena. Ia tui-mäite-hia tätou i roto i te Here e te Aroha tuatau o to tätou nä Metua i te Papa Nià e te Papa Raro.

 

Faaitoitoraa :

         « …Ia ora na e te Arii o te âti Iuta, e ua moto atu ra i to na mata ». E parau teie no to Ietu haaväraahia e te taata, Pirato, te mau tahuà rarahi, te mau taata tiàraa teitei e tae noa atu i te Nünaa täatoà, oia hoì te Nünaa âti Iuta ia. O rätou teie e riro nei èi haavä, e èi ìte i te òhipa o ta Ietu i rave mai, e o tei riro èi faahaparaa na rätou ia Ietu. Te mea ia ta te âti Iuta e parau ra e : « E ture ta mätou, e e pohe o ia i taua ture ra o ia i parau e, e Tamaiti o ia na te Atua… » Te auraa, te ture o te Here e te Aroha ta te Atua i höroà i teie Nünaa na roto i to na tävini ia Möte, te tanoraa mau e ture te reira tei faaìte i te faufaa o te faatura e te auraro i te taata, te faarirohia iho nei rä èi ture no te pohe. Aita teie parau to tätou e taa-ê roa ra i te tahi òhipa tei tupu i nià ia Ietu, te arataìraahia o ia i te metepara e faahemahia ai, te na ô ra te faahema : « Faariro i te ôfai èi faraoa », oia hoì, ìmi i te mau räveà atoà, ia ìno terä ta te Atua i faatupu èi mäa. Oia hoì, e parau i nià i te òhipa o ta te Atua i rave no te taata e ta te Atua hoì e parau ra e, « mea maitaì roa », èi « mea ìno ». Te auraa e parau i te maitaì a te Atua èi ìno, e e parau i te ìno èi maitaì. Te mea mau hoì ia ta te päpaì taramo i faahiti na e : « Te parau ra te maamaa i roto i to na âau e, aita e Atua, ua ìno roa to rätou àau… »

 

       A tae atu ai hoì i te fäìraa a te mau faèhau : « …Ia ora na e te Arii o te âti Iuta, e ua moto atu ra i to na mata ». Te ìteraa e te färiiraa ia Ietu èi arii, aita to reira e fifi, ua na reira atoà to te Nünaa âti Iuta i te färiiraa ia Ietu èi arii e ta rätou e fäì ra e, te tamaiti teie a Tavita tei haere mai e amo i te tiàraa arii o Tavita no te faaora ia rätou i te mau faatïtïraa a te mau Nünaa i haere mai e àro ia rätou. Ua faahotana arii atoà rätou ia Ietu, e i teie nei, mai rätou atoà ra, te pii atoà ra te mau faèhau i te piiraa i ravehia mai na e te nünaa no reira Ietu i te püraa mai i te ao nei. E i teie taime, te âti Iuta mai te mau faèhau atoà ra, ua faahuru ê ia i ta rätou fäìraa… Ua moto te faèhau i te mata o Ietu, ua täìri, ua faahei i te räau taratara, na reira atoà no te mau âti Iuta, te pii ra i teie taime, « a faatatauro atu … »

 

       Te nä hea ra te reo o Pirato, i muri aè i te reo faaue a te Nünaa : « …A hiò mai na i taua taata nei ». O te tahi tuhaa teie o te taata teie e tïtauhia ra ia faaòhipa mäite, te mata.

·     Te mata : Te mea ia i mätara mai i te ômuaraa ra. Te mata, o te märamarama ia, ta na tuhaa e hiò ia ìtehia te märamarama… Te tahi ia reo i te faahiti-raa-hia i roto i te Mataio pene 2/22, 23, te faufaa rahi o te mata, te na ô ra : « Te mata to te tino nei ramepa, te maitaì ra to òe mata, e märamarama ia te täatoà o to òe tino. Ia ìno rä to òe mata, e pöiri ia te täatoà o te tino. E ia riro hoì terä märamarama i roto ia òe ra èi poiri, e aha te fäito o te reira poiri i te rahi ».

·     Te hiò : No te tïtau ia i te ìte, e te ìte hoì ra, te mea mau ia ta te Atua e tiàturi ra e, e roaa i te taata te märamarama e te ora, no te mea, te mau ùputa atoà o ta te Atua i ìriti, i ìritihia e te Atua na roto i te ùputa o te märamarama…     

     Haamanaò tätou i te parau o te vahine Tämäria, i te hiòraa ia Ietu, ua ìte, aita rä i märamarama te auraa o teie taata e tià atu ra i mua ia na. Na Ietu rä i tauturu ia na, i märamarama ai o ia, o te taata mau teie o ta tätou rätou e tiaì ra, e to na atoà ia haereraa e faaìte i to Tämäria.

 

       E aha te tahi manaò e tano e tuu i ô nei, no tätou i teie mahana, te huru àti e färereihia ra e Ietu, te uiraa, aita atoà änei hoì teie Nünaa Mäòhi, e amo atoà ra i teie huru àti. Oia hoì, aita änei te mata o teie Nünaa e moto-noa-hia ra, haafifiraa i to na maramaramaraa i to na iho parau. Te ìteraa teie Nünaa e, te ärato-noa-hia ra o ia i roto i te faanahoraa e topa ai o ia i roto i te pau. To na parau taata Mäòhi, èi ìmiraa moni na vêtahi, te morohi noa atu ra te auraa mau e, « i to na parau e vai noa ai to na täàmuraa i te Atua », no te mea, « na te Atua iho teie höroà ia na ». Ia ora na.

 

Òrometua no Tahaa

Terorotua Rita Mahine.V

 

        

 

FAAITOITORAA

14/04/22

 

        Taiòraa Ioane19/6-16

        Irava 15 vh/Aita o mätou arii maori rä o Taitara anaè ra…

         

      E parau teie no to Ietu haaväraahia e te taata, mai ia Pirato, te mau tahuà rarahi oia hoì to te tünëteri täatoà e tae roa atu i te nünaa. O rätou teie e riro nei ei haavä e ei ìte i te òhipa o ta Ietu i rave mai tei riro ei faahaparaa na rätou ia Ietu. Te mea ia ta te âti Iuta e parau ra e : E ture ta mätou, e e pohe o ia i taua ture ra o ia i parau e, e Tamaiti o ia na te Atua… Te auraa, te ture o te here e te aroha ta te Atua i horoà i to terä nünaa na roto i to na tävini ia Möte, te tanoraa mau e ture te reira tei faaìte i te faufaa o te faatura e te auraro o te taata i te taata roaa atu ai te faaturaraa i te Atua, faarirohia iho nei rä te reira ture o te aroha e te here ei ture no te faatupu i te pohe. 

Aita teie parau to tätou e taa ê roa ra i te tahi òhipa tei tupu i nià ia Ietu, te arataìraahia o ia i te mëtëpara e faahemahia ai, te na ô ra te faahema : Faariro i te ôfai ei faraoa, oia hoì, ìmi i te mau räveà atoà e parau i nià i te òhipa o ta te Atua i rave no te taata e ta te Atua e parau ra e mea maitaì roa, e parau e, mea ìno terä ta te Atua i faatupu ei mäa. Te auraa e parau i te maitaì o te Atua ei ìno, e e parau i te ìno ei maitaì. Te mea mau hoì ia ta te päpaì taramo i faahapa a na ô ai o ia ra e : Te parau ra te maamaa e, aita e Atua, ua ìno roa to rätou àau, e te faufau hoì i ta rätou òhipa (taramo 14/1)…

      A tae atu ai hoì i te fäìraa a te mau faèhau : Ia ora na e te arii o te âti Iuta, e ua mato atu ra i to na mata, e inaha, ia nä rotohia teie taò faèhau i to tätou reo te tatara aita atu ia, faaea hau, oia hoì e pupu taata teie i faaineinehia e na rätou e ìmi i te räveà ia ìte-noa-hia te tupuraa o te hau i roto i te nünaa. Te vähi tei reira te peàpeà, na rätou e ìmi i te räveà ia hoì mai te hau. Areà teie ta tätou e ìte nei i roto i teie taiòraa, e na reira atoà hoì te huru faaòhiparaahia teie taò i roto i to tätou oraraa, aita roa atu ia i roto i te manaò e faatupu i te hau, tei roto rä i terä mea ta Möte e parau ra e, e mata ra e mata ia te utuà, e niho ra e niho ia te utuà, e âvae ra e âvae ia te utuà (ètoto 21/24)…, te auraa ia pöàrahia mai òe, pöàra atoà atu, oia hoì faahoì te ìno i nià i te taata i rave ìno mai ia òe. I ô nei, te feiä i tiàturihia e nä rätou e ìmi i te räveà ia vai noa te hau i roto i te oraraa o te taata, te oraraa o te nünaa, te feiä mau ia e riro nei ei rima päutuutu no te paèpaè i te ìno e te faaotiraa tano òre roa a te mau arataì faaroo e haapohe ia Ietu.   

      Ua päpü atoà hoì ia tätou e, te ìteraa e te faariiraa ia Ietu ei arii, aita to reira e fifi, ua na reira atoà to te nünaa âti Iuta i te faariiraa ia Ietu ei arii e ta rätou e fäì ra e, Hötana, ia ora na e te arii o Iteräèra  hötana e te tamaiti a Tavita o tei haere mai mä te iòa o te Fatu (Ioane 12/13), te auraa, e taime poto roa to rätou fäìraa ia Ietu ei arii no rätou, e huaài nä Tävïta tei haere mai e amo i te tiàraa arii o to na tupuna, e te taui nei te fäìraa i teie nei, Aita atu o mätou arii maori rä o Taitara anaè.

      E tano tätou e faaàano noa atu ä te tuatäpaparaa i te ìno i ravehia e to terä nünaa i nià ia Ietu, e aha rä hoì te faufaa ia tuatäpapa tätou i to te tahi ìno mai te ìte atoà e, aita tätou i hau atu i te maitaì. E parau mau ihoä paha e, na te nünaa âti Iuta teie fairaa e Aita atu o mätou arii o Taitara anaè, ua topa atoà rä e te topa noa nei ä tätou i roto i teie huru fäìraa. Ia rave mai tätou i te taime a haapäpü ai tätou i te faufaa o to tätou papetitoraa, eere änei ua fäì atoà tätou ia Ietu ei fatu no tätou. E hia rä e täpeà noa ra i terä fäìraa nehenehe roa, Te fäì nei au e o Ietu metia taù fatu, oia hoì te faariroraa i terä fäìraa ei täpura òhipa tüatau na na i roto i to na oraraa. Ia manaò anaè au, e roaa i te taiò i nià i te manimani rima te rahiraa taata e täpeà noa ra i ta rätou fäìraa, oia hoì mea iti roa tei toe mai. E te uiraa e tano ia ui, tei hea roa ia terä pae rahi e na rätou atoà teie fäìraa, aita änei i rave atoà i teie fäìraa ta te nünaa Iteräèra e, Aita atu o mätou arii maori rä o Taitara anaè.

        E ia hiòhia te nünaa Mäòhi i teie mahana, tei ô o na i te türuìraa. Parau mau ua pohe ê na teie Taitara e faahitihia ra to na parau i roto i to tätou taiòraa, mea rahi roa rä te mau fanauà taitara e tiàturi-rahi-hia nei e te nünaa. Mai tei faatänïnïtöhia te feruriraa o te nünaa âti Iuta e te mau faatere faaroo e faatere o te nünaa i terä ra tau, te na reira noa atoà ra te mau faatere faaroo e te mau faatere o te nünaa i teie mahana, te faatänïnïtöraa i te feruriraa o teie nünaa e òre ai o ia e ìte faahou i te faufaa e te nehenehe e vai ra i roto i terä fäìraa e, o Ietu metia taù fatu…, e tano ai ia haamanaò tämauhia i to teie nünaa e, e ora òe i to òe faaroo, e pohe rä òe i to òe faaroo òre.

        A tïrë na i tenä täiva rahi to òe e te nünaa i to òe Atua, a haapae na i te ìno, a tataraha e a hoì i te fare metua ra.

      

Thognio, Tamuera a PERE òrometua

 

 Mähana pae 15 no Eperera 2022

 

A Teòteò i tö Mäòhi raa

 

Täiò raa : Ioane 19/16vh-30

Irava : Ioane 19/30 «  ua hope iaù i te rave i tä òe i ani mai »

                Taramo 22/28

 

        Rahi noa atu ai te mau parau e haa faufaa hia nei, tä te mata e täiò nei, tä te ìte ätoà rä e faa uiui nei, teie rä, rahi ätoà te räveà, àore rä tauturu, ia täua i te faa hipa ê raa, i te parau, mä te mäìti te tumu parau e au hia e täua.

        E tano rä änei, e àore ia èita, tei tö faaroo te mana i te faa tano raa e àore ia èita.

        Te mänaò päpü, i teie tau àpï, i teie tau no te faa àpï raa, te tau no te hipa òre faahou raa, èita te faaroo e faaruè i te tupu raa o te hinaaro o te Atua, no täua e te Mäòhi, täua te hipa ê i tö täua faaroo.

        Te mähana ia hiti no te taatoà raa, te ua ia tōrīrī no te taatoà raa, te auraa, hipa ê noa atu a täua, èita täua e ère i te tupu raa o te hinaaro o te Atua.

        I teie nei ä mähana, i mua i te parau no te mana o te fatu, te hinaaro ôtià òre o te tupu raa o te here e te äroha, te tupu raa o te parau » ia òre tei faaroo ia na ia pohe, ia nöaa rä te ora mure òre ».

        Eita e tano ia hiò mata taata hia teie huru tupu raa òhipa, inaha, e tupu raa òhipa teie no te faaroo e na te faaroo, mea tano ihoa ia, ia hiò hia teie nei parau mä te tämau i te titeàmata o te faaroo.

        E ère änei hoì, te òaòa raa teie o te fatu, e ère änei teie te täime e hau ai te fatu, te tae raa i te òhipa, a tei tono mai ia na, i nià i töna vairaa.

        Aita höè iti noa aè täime, i roto i teie hepetoma, tö te fatu ìriä raa i töna reo, e hau tei ìte hia i roto i töna topa raa reo, päpü roa atura e, teie te tupu raa mau o te hinaaro o te Atua.

        A Hani na, èaha hoì teie nei hau raa no te fatu, e ère änei, « o tei ìte mai iaù, ua ìte ia i tei tono mai iaù », e ère änei e na roto i teie parau  näna, «  ua hope iaù i te rave i tä òe i ani mai » , te faaìte mai nei òia ia tätou i tei tono mai iana, täna i faariro e faariro nei èi Mëtua nöna.

        I mua i teie reo höpeà no te fatu, te faahoì nei òia i te taatoà raa o töna parau i roto i te rima o töna mëtua, e na roto i teie huru tupu raa parau, te faahoì ätoà nei tei tiàturi ia na, èi fatu nöna, i roto i te rima o te Atua.

        E hoa here mä, rave noa atu ai tätou i te tahi atu ä tumu parau, te vähi faufaa, e ère tei te rahi e àore ia te rau raa o te tumu parau, tei te vähi rä e mätara ai tö täua faaroo.

        I hea tö täua faaroo e hau ai, i hea täua e färii ai i tei pohe i nià i te tätauro, èi fatu no täua, te reira te vähi faufaa, te färii raa i teie mau tumu èi tumu parau faatupu ora no täua e te Mäòhi, tö täua ora raa, tö täua parau.

        I Mäòhi ai täua, no te mea e faufaa tupuna tä täua, e reo, e mäa, e fënua e te reira, o tö täua ia tiàmä raa, e ère mea höroà hia mai na teie nei ao, te hau faatere o teie nei ao, hau Mäòhi, èi höroà rä te reira, no ô mai i te Atua ra, tano roa ai ia täua ia teòteò i töna iòa, ia òriòri te värua i te faa tupu raa i töna hinaaro, èi mëtua ora no täua, èaha täua èita ai e ora i tö täua mëtua, èaha, i teie ihoa ä ia, täua e ora ai, ua paruparu te mana o te Atua, tei ia täua noa te tuu raa i tö täua faaroo e te haa faufaa raa i te reira, e faaroo Mäòhi tö täua.

        Ia mänaò täua, te riro rä änei teie reo höpeà, èi hope raa no te ôpuä raa faaora a te Atua, töna tano raa mau, te riro nei teie reo no te fatu èi, èà-turu, Püòi mai ai täua i te paari o tö täua faaroo, hau roa atu ai te reira i te maitaì raa.

        Èà fifi, èà mäuiui, èà hinaaro òre hia e te ìte taata nei, èà tei faatupu i te mataù i roto i te àau taata, ia òre hoì e näô, erä mai te ütuà âreà te reo o te fatu te näô ra ia e, EIAHA E MATAÙ, I PIIHAÌ IHO VAU IA ÒE E TAE NOA ATU I TE HÖPEÀ.

        Mai ta te paari o te titeàmata o te faaroo, e höroà mai, i te î raa i roto i te mata faaroo, te òaòa nei te fatu i te ôpere raa te reira, e ia riro te reira, èi èà e tae ai täua i Rohotu,  noànoà änei, neòneò änei, mana te reira no te Atua.

        E töù hoa, ua amo hia täua e te paari o tö täua faaroo, e tö täua mau tupuna, ua àraara tö täua ôriò mata i teie mähana, ua òi to täua tuu raa mata, â hea rä ia täua e piò òre faahou ai, àhea täua e amo ai i tö täua ûpoo i nià, i te mana Atua ra, na täua teie faufaa tupuna, ua täupe te ûpoo o te fatu no täua, èiaha to täua ûpoo ia faa täupe hia, a teòteò i tö Mäòhi raa, a teòteò i tö parau, e parau ora tö täua, tiàmä raa na te Atua.

       

Hämanaò e töù nünaa iti e : NA TE ATUA TE MANA ARII ONA TE FAATERE RA I TE MAU NUNAA (taramo 22/28)

        Mäuruuru.

 

Alain, Roonui a TEHEIPUARII òrometua

        

Mahana maa 16 no eperera 2022

 

Taiòraa : Ioane 19, 31-42

Tumu parau : Te pohe o Ietu e te ora o te nunaa.

 

No te rahi o te pohe, e rahi ai te taata i te hinaaro i te ora . No te rahi hoi te pouri, e rahi ai te hinaaro i te maramarama. No te rahi te mauiui, e rahi ai te hinaaro i te here.

Eaha te uiraa e tano ia uihia, e ui anei e, nahea te Atua i te faaora i to na nunaa , aore ra, nahea te nunaa i te faaoraraa ia na iho.

Ia rave mai tatou i te uiraa matamua, e riro te taata i te parahi noa i roto i te tiaìraa i te mahana te Atua e faaìte mai ai i to na mana faaora. Ia rave mai hoi tatou i te piti o te uiraa, e riro ia te taata i te manaò e, ua faaruèhia oia e te Atua, e aita atu ta na e raveà maoti ra, te faaitoitoraa i te imi i te ora.

I te tau o Ietu, ua faaruè teie mau ārataì e te nunaa atoà i te Atua, ua faatupu i ta te taata, ua horo i roto i te taa òre,  ua hema i roto i te hinaaro tamata i te tahi ārataìraa, te tahi faanahoraa, te tahi haapaòraa âpï, haamanaò noa tatou i teie reo to te Fatu e parau ra e, o vau te èà, te parau mau, e te ora. Aore roa e taata e tae i te Metua ra, ei iaù. Te haapapu noa maira teie parau e, te ora te vai ra, te èà, te vai ra, te raveà e roaa ai taua ora ra, te vai atoà ra. Aita e mea toe, tei òre i horoà hia mai e roaa ai te ora i te taata.

I roto i ta Ietu mau faaoraraa maì, e hou o ia a horoà ai i te ora i te feia atoà i ani mai i ta na tauturu, e reo pinepine no na te parauraa atu e, ua ora òe i to òe faaroo. Te auraa te ora o te taata, tei roto ia i te tiàturiraa i te parau. To tatou pohe, to tatou tiàturi òre i te Atua, e i te fenua. Ia na reira tatou i te parau, ua maramarama atoà ia tatou i te raveà e te vahi e noaa ai to tatou ora. Faaea tatou i te ìmi i te tahi hororaa no tatou, te tahi pahonoraa e mauruuru ai to tatou manaò farii òre, i te nä ô raa e, te tatauro o te Fatu, te ora ia o te taata, tatou ra i na reira, te haavare noa ra tatou ia tatou iho, e te haavare ra i te taata, e i te faahopeàraa, te Atua iho ta tatou e haavare ra, no te aha, no te mea o Ietu iho teie te Tamaiti a te Atua, e faaìte mai nei i te vahi tatou i hapa ai.

Eaha atu ra ia te taata i fifi ai i te fariiraa i te raveà faaora ta te Atua e horoà mai nei ia tatou na roto i ta na Tamaiti. Te auraa tei farii ia Ietu, ua farii atoà ia i te Atua, e tei farii i te Atua ra, ua farii atoà i te fenua, te ûputa o te raì, te èà e tae ai te taata i te Atua ra.

Ia rave mai tatou i te parau o Ietu e te rahiraa òhipa ta na i rave, te vai ra te tahi parau e turama i te taatoàraa, teie ia reo to Ioane e parau ra e : I aroha mai te Atua i to te ao, e ua tae roa i te horoà mai i ta na Tamaiti fanautahi, ia òre ia pohe te faaroo ia na, ia roaa ra te ora mure òre. Teie te parau e turama ra i te òhipa ta Ietu i rave, o ia te faaìteraa i te aroha o te Atua e to na hinaaro ia ora te taata, aore ra, ia òre ia pohe. Mai te peu e ture ta te Atua i horoà i te taata ia ora o ia, teie ia, here i te Atua, here te fenua, here ia òe iho, here i te tauaro.

Ia haamaitaì mai te Atua ia tatou.  Amene.

 

Stanley, Namata a TETUAHITI òrometua

Täpati 17 no Èperera 2022

TIÀFAAHOURAA

 

Aita e taata faahou i roto i te menema : Tei hea roa te tino o Ietu ? Ua âfaìhia änei ? Ua êiähia änei ? Te mau uiuiraa ia i tupu i roto ia Maria i Matatara i to na haereraa i te menema i te poìpoì roa, no te mea ua huri-ê-hia te ôfaì i te ùputa o te menema.

Aita o ia i tomo i roto i te menema, ua horo ra e tii ia Petero e ia Ioane, faaìte atu ra i te mea ta na i ìte.

Aita o Petero räua o Ioane i haamarirau, horo atu ra i te menema no te hiò e parau mau änei ta Maria i Matatara i faatià ia räua.

E oia mau ihoä, ia tae o Ioane, te mea noa ta na i ìte te àhu vehï i te vainoaraa, aita ra o ia i tomo i roto te menema.

Ua mataù änei o ia i te mea ta na e ìte atu i roto, aore rä, ua ìte-ê-na o ia i te òhipa i tupu.

Areà ia Petero, i to na taeraa i te menema tomo atu ra i roto, ìte atu ra o ia mai ta Ioane i ìte, oia hoì te àhu vehï i te vainoaraa e tae noa atu i te àhu i vehihia te üpoo o Ietu, ua tüfetuhia e ua tuuhia i te vähi ê.

I te reira taime, ua tomo atoà atu ra o Ioane i roto, ìte atu ra i te mau mea atoà i roto i te menema, tiàturi atu ra.

E aha te mea ta Ioane i ìte i roto i te menema, i roaa ai ia na te tiàturiraa, ìnaha hoì, aita hoê aè mea i roto e àhu noa.

Ua tiàturi änei o ia e, ua TIAFAAHOU mai o Ietu, aore rä ua tiàturi o ia i te mea ta Maria i Matatara i faaìte mai ia na.

Te haapäpü nei te ìrava 9 e “Aore ä hoì rätou i ìte i te parau i päpaìhia ra e, e tiàfaahou mai o ia i pohe ra”

E òhipa äpï teie e tupu nei i roto i te oraraa o Petero mä, e àita ä rätou e märamarama maitaì ra te auraa o teie tupuraa òhipa.

Ua ora mai rätou i pihaìiho ia Ietu, ua ìte mata roa i te mau temeio i ravehia e a na. Ua ìte mata atoà rätou i te poheraa o Ietu, e te reira ua vai noa i roto i to rätou âau.

Ua faaìte o Ietu i te huru o to na pohe e te huru o to na tiàfaahouraa i ta na mau pipi, aita rä rätou i ìte e, teie taua taime ra, ta Ietu i parau noa na ia rätou.

Ua Tiàfaahou mai te tamaiti a te Atua, ua tupu te ôpuaraa faaora a te Atua no to te ao.

I riro na e te riro noa nei te pohe ei parau àro no te taata. I mua ra i teie parau to tätou i teie mahana, te riro atoà nei te parau o te tiàfaahouraa ei parau àro no te taata.

Aita e taata faahou i roto i te menema, aita atoà hoì e pahonoraa ta Petero mä i mua i te reira parau.

Te mea e titauhia ra ia Petero mä e te mea e titauhia ra ia tätou i teie mahana e tiàturi, tirärä.

Te tiàfaahouraa, tei nià aè oia i te märamarama taata, e püai taa-ê, e tiàturiraa taaê teie e titauhia nei i te taata e faaòhipa.

E tuu i te mea mätauhia e tätou i te hiti, e tuu i ta tätou mau uiuiraa, ta tätou mau fëruriraa, to tätou feaa i te hiti.

Eiaha e hiò matahia te parau o te tiàfaahouraa, èita te pahonoraa e roaa. E faaòhipa ra i to tätou âau, e faaòhipa i to tätou tiàturiraa, to tätou faaroo no te hiò i te parau o te tiàfaahouraa.

Mai ta Ietu iho i parau « Eaha òutou e ìmi ai i tei ora i roto i te vairaa te pohe »

Te auraa, faaea i te ìmi i te ora i roto i te pohe, ua haapohe te ora i te pohe, ua ûpootià te ora.

Ua ìriti te Fatu i te tahi ùputa âpï no te taata, aita te parau o te taata e hope i nià i te pohe, ua èà faahou te Atua i te tahi oraraa âpï no te taata i muri mai i te pohe, na roto i ta na tamaiti.

No tätou i teie mahana, i mua i teie parau o te tiàfaahouraa, tano maitaì teie parau a to tätou Fatu ia Toma : « E ao to te feiä aore i ìte ia ù a faaroo mai ai ».

Te haapäpü mai ra teie parau ia tätou e, e faufaa to te mata, e faufaa to te rima, tei hau ra i te faufaa to òe ia âau e to òe värua te tuuraa i te Atua ra.

A tiàturi i te parau o te tiàfaahouraa, o te aroha te reira o te Atua i te taata.

Te na ô ra o Pauro e « Ia fäì to vaha i te Fatu ra ia Ietu, e ia faaroo to âau e ua faatià te Atua ia na i te poheraa, e ora ia òe ».

Te auraa, te parau no te tiàfaahouraa eere ia no Ietu anaè, no te taata atoà ra e tiàturi nei ia na.

No reira, a tiàturi i ta te Atua i faanaho no tätou, e maitaì roa ai te mau mea atoà.

 

IA ORA NA

 

                                               Heimana a TAMA, Heimanarii Òrometua