Mātaio 4.12-23 Haamataraa.

 

Tāpati 22 no Tënuare 2023

Haamataraa

Taramo 27

1 Taramo na Tävita. O te Fatu to ù märamarama e to ù ora: o vai hoì ta ù e mataù atu? O te Fatu të tiaì ia ù: e mataù hoì au ia vai?

2 I te haereà mai o te mau taata ìino ra, to ù ra mau ènemi e tei riri mai ia ù, i te tiiraa mai ia ù ra e rave e àmu, ua turori iho ra rätou iho, hià iho ra.

3 Pätia noa mai ä te nuu atoà ra i te pühapa ia ù nei, e òre ta ù âau e mataù. E ia tupu noa mai ä te tamaì ia ù nei, e tiàturiraa ia to ù i reira.

4 Hoê a ù mea hinaaro i te Fatu ra, e o ta ù ia e tïtau hua nei; ia pärahi ä vau i roto i te fare o te Fatu e hope roa aè o ù puè mahana, ia ìte vau i te maitaì o te Fatu, e ia ui mäite au i roto i to na nao.

5 Ia roohia hoì e te àti ra e huna ai o ia ia ù i roto i to na tiàhapa; e faatäpuni o ia ia ù i roto i te vähi moè i to na ra fare, a tuu ai ia ù i te vähi teitei ra.

6 Ei teie nei o ia e faateitei ai i ta ù upoo, i to ù atoà nei mau ènemi e àti noa aè, ia hopoi au, i to na ra tëtene, i te tütia òaòa, e himene hoì au e e himene haamaitaì hoì i te Fatu.

7 E haapaò mai, e te Fatu, i ta ù reo, ia tiàoro atu vau ra, e aroha mai, e faaroo mai ia ù.

8 Ia parau mai òe e: «E ìmi mai òutou i ta ù mata», E ìmi ia vau i to mata, e te Fatu.

9 Eiaha òe e huna ê atu i to mata ia ù nei, eiaha to tävini e haapae-riri-noa-hia: ua tauturu mai hoì òe ia ù, eiaha vau e faaruè-ê-hia, eiaha òe e täiva ia ù, e ta ù Atua, e ta ù Ora.

10 Faaruè noa ä ta ù metua täne e ta ù metua vahine ia ù, ei reira te Fatu e rave mai ai ia ù.

11 E haapii mai òe, e te Fatu, i to òe ra èà, e arataì ia ù nä te èà manina, no to ù nei mau ènemi.

12 Eiaha òe e horoà ia ù i te hinaaro o ta ù mau ènemi; ìte haavare anaè tei tià mai e märô ia ù, e te ûàna mai ra to rätou riri ia ù.

13 Te manaò nei rä vau, e noaa ia ù te maitaì o te Fatu i te fenua o te taata nei.

14 Tiaì i te Fatu; e faaitoito; e na na e faaitoito mai i to âau ra, e tënä na, e tiaì ä òe i te Fatu.

Ìtaia 8.23

Te âàhiata no te hoê faatereraa hau

23 E òre rä e ârehurehuhia taua fenua i roohia e te àti i mütaa iho ra: mai ia na hoì i faahaèhaa i mütaa iho ra

i taua fenua ra o Tepuruna, e taua fenua ra o Nafatari; ia tae rä i te taime hopeà ra, e faanehenehe ia o ia i te haereà tähatai, na te pae Iörïtäna ra, Tarirea o te Êtene ra.

9. 1-3

Te fänauraa o te Metia ra.

1 Te feiä i haere noa na te pöuri ra e märamarama rahi tei ìteä ia tätou; te feiä i pärahi i roto i te maru pohe, ua ànaana mai te märamarama i nià ia rätou.

2 Ua faarahi òe i taua fenua ra, e ua faarahi i to rätou òaòa: te òaòa ra tätou i mua ia òe ra mai te òaòa i te àuhuneraa ra; mai te òaòa o te feiä e tufa i te taoà pau ra.

3 O te tuto ra o ta na ra hopoià, te räau i nià i ta na täpono, te papaì o tei hämani ìno mai ia na ra, ua ôfatihia e òe, mai tei te mahana i pau ai Mitiäna ra.

1 Tōrīnetia 1.10-13,17

Te âmahamaharaa i roto i te Ètärëtia

10 E teie nei, e a ù mau taeaè, te aò atu nei au ia òutou i te iòa i o to tätou Fatu ra o Ietu Metia, e ei parau hoê ta òutou atoà na, e eiaha ia âmahamaha i roto ia òutou: ia àti mäite rä òutou mä te âau hoê e te manaò hoê.

11 Ua faaìtehia mai au ia òutou, e a ù mau taeaè, e to te fëtii o Heroe e, e märöraa tei roto ia òutou.

12 Teie ta ù parau: te parau anaè na òutou e: «No Pauro vau «; e: «No Àporo vau «; e: «No Tefa vau «; e: «No te Metia vau».

13 Ua âmahamaha änei te Metia? E o Pauro änei tei faatataurohia no òutou? E i päpetitohia änei òutou i roto i te iòa o Pauro?

17 Aore hoì te Metia i tono ia ù e päpetito, e parau haere rä i te Èvaneria; eiaha rä mä te paari o te parau, o te riro hoì te tätauro o te Metia ra ei mea faufaa òre.

Tāpati 22 no Tënuare 2023

Haamataraa

Taramo 27

1 Taramo na Tävita. O te Fatu to ù märamarama e to ù ora: o vai hoì ta ù e mataù atu? O te Fatu të tiaì ia ù: e mataù hoì au ia vai?

2 I te haereà mai o te mau taata ìino ra, to ù ra mau ènemi e tei riri mai ia ù, i te tiiraa mai ia ù ra e rave e àmu, ua turori iho ra rätou iho, hià iho ra.

3 Pätia noa mai ä te nuu atoà ra i te pühapa ia ù nei, e òre ta ù âau e mataù. E ia tupu noa mai ä te tamaì ia ù nei, e tiàturiraa ia to ù i reira.

4 Hoê a ù mea hinaaro i te Fatu ra, e o ta ù ia e tïtau hua nei; ia pärahi ä vau i roto i te fare o te Fatu e hope roa aè o ù puè mahana, ia ìte vau i te maitaì o te Fatu, e ia ui mäite au i roto i to na nao.

5 Ia roohia hoì e te àti ra e huna ai o ia ia ù i roto i to na tiàhapa; e faatäpuni o ia ia ù i roto i te vähi moè i to na ra fare, a tuu ai ia ù i te vähi teitei ra.

6 Ei teie nei o ia e faateitei ai i ta ù upoo, i to ù atoà nei mau ènemi e àti noa aè, ia hopoi au, i to na ra tëtene, i te tütia òaòa, e himene hoì au e e himene haamaitaì hoì i te Fatu.

7 E haapaò mai, e te Fatu, i ta ù reo, ia tiàoro atu vau ra, e aroha mai, e faaroo mai ia ù.

8 Ia parau mai òe e: «E ìmi mai òutou i ta ù mata», E ìmi ia vau i to mata, e te Fatu.

9 Eiaha òe e huna ê atu i to mata ia ù nei, eiaha to tävini e haapae-riri-noa-hia: ua tauturu mai hoì òe ia ù, eiaha vau e faaruè-ê-hia, eiaha òe e täiva ia ù, e ta ù Atua, e ta ù Ora.

10 Faaruè noa ä ta ù metua täne e ta ù metua vahine ia ù, ei reira te Fatu e rave mai ai ia ù.

11 E haapii mai òe, e te Fatu, i to òe ra èà, e arataì ia ù nä te èà manina, no to ù nei mau ènemi.

12 Eiaha òe e horoà ia ù i te hinaaro o ta ù mau ènemi; ìte haavare anaè tei tià mai e märô ia ù, e te ûàna mai ra to rätou riri ia ù.

13 Te manaò nei rä vau, e noaa ia ù te maitaì o te Fatu i te fenua o te taata nei.

14 Tiaì i te Fatu; e faaitoito; e na na e faaitoito mai i to âau ra, e tënä na, e tiaì ä òe i te Fatu.

Ìtaia 8.23

Te âàhiata no te hoê faatereraa hau

23 E òre rä e ârehurehuhia taua fenua i roohia e te àti i mütaa iho ra: mai ia na hoì i faahaèhaa i mütaa iho ra

i taua fenua ra o Tepuruna, e taua fenua ra o Nafatari; ia tae rä i te taime hopeà ra, e faanehenehe ia o ia i te haereà tähatai, na te pae Iörïtäna ra, Tarirea o te Êtene ra.

9. 1-3

Te fänauraa o te Metia ra.

1 Te feiä i haere noa na te pöuri ra e märamarama rahi tei ìteä ia tätou; te feiä i pärahi i roto i te maru pohe, ua ànaana mai te märamarama i nià ia rätou.

2 Ua faarahi òe i taua fenua ra, e ua faarahi i to rätou òaòa: te òaòa ra tätou i mua ia òe ra mai te òaòa i te àuhuneraa ra; mai te òaòa o te feiä e tufa i te taoà pau ra.

3 O te tuto ra o ta na ra hopoià, te räau i nià i ta na täpono, te papaì o tei hämani ìno mai ia na ra, ua ôfatihia e òe, mai tei te mahana i pau ai Mitiäna ra.

1 Tōrīnetia 1.10-13,17

Te âmahamaharaa i roto i te Ètärëtia

10 E teie nei, e a ù mau taeaè, te aò atu nei au ia òutou i te iòa i o to tätou Fatu ra o Ietu Metia, e ei parau hoê ta òutou atoà na, e eiaha ia âmahamaha i roto ia òutou: ia àti mäite rä òutou mä te âau hoê e te manaò hoê.

11 Ua faaìtehia mai au ia òutou, e a ù mau taeaè, e to te fëtii o Heroe e, e märöraa tei roto ia òutou.

12 Teie ta ù parau: te parau anaè na òutou e: «No Pauro vau «; e: «No Àporo vau «; e: «No Tefa vau «; e: «No te Metia vau».

13 Ua âmahamaha änei te Metia? E o Pauro änei tei faatataurohia no òutou? E i päpetitohia änei òutou i roto i te iòa o Pauro?

17 Aore hoì te Metia i tono ia ù e päpetito, e parau haere rä i te Èvaneria; eiaha rä mä te paari o te parau, o te riro hoì te tätauro o te Metia ra ei mea faufaa òre.

Mātaio 4.12-23

To Ietu haapaìraa i Tarirea

(Mär 1.14-15; Rut 4.14-15)

12 E faaroo aè ra o ia e ua täpeàhia o Ioane, haapaì atu o ia ra i Tarirea. 

13 Faaruè iho ra i Nätareta, haere atu ra e pärahi i Täperenaumi, i te hiti roto, i te pae fenua o Tepuruna e Nafatari,

14 ia tupu tei parauhia mai e te perofeta e Ìtaia:

15 E te fenua o Tepuruna e, e te fenua o Nafatari e, i te hiti roto, i ô mai i Iörïtäna, e Tarirea o te mau êtene e.

16 Te feiä i pärahi i roto i te pöuri ra ua ìte ia i te märamarama rahi; E i nià i te feiä i pärahi i roto i te marupohe, e märamarama tei hiti mai.

17 I reira to Ietu haamataraa i te aò, i te nä-ô-raa e: «A tätarahapa, te fätata mai nei hoì te Hau o te raì.»

Te tïtauraa i te mau pipi mätämua

(Mär 1.16-20; Rut 5.1-11)

18 E te haere noa ra Ietu nä te hiti roto i Tarirea, ìte atu ra o ia i nä taeaè toopiti, o Timona, tei parauhia o Pëtero, e to na taeaè o Âneterea, te tuu ra i te ùpeà i roto i te miti, e ravaai hoì räua.

19 Ua parau atu ra o ia ia räua: «A pee mai ia ù, e faariro vau ia ôrua ei ravaai taata.»

20 Faaruè iho ra räua i ta räua ùpeà i reira ra, e ua pee atu ra ia na.

21 E ia haere atu o ia, i pïhaì rii atu, ìte atu ra e piti ä taeaè, o Iatöpo a Tepetaio ra e to na taeaè o Ioane, tei nià i te poti e to räua metua täne o Tepetaio, te ène ra i ta rätou mau ùpeà. Ua pii atu ra o ia ia räua.

22 Faaruè iho ra räua i te poti i reira ra e to räua metua täne, e ua pee atu ra ia na.

Manaò.

Tei roto tätou i te tau no te tïtauraa, i te tino tamaroa, tamahine no te tomo i roto i te faaineineraa i te amoraa i te tahi mau tiàraa e vai nei i roto i te Ètärëtia a Ietu Metia, èi òrometua püpü haapiiraa täpati, Uì-âpï, Tuahine, tiàtono, haapii parau maitaì, òrometua. E mau tiàraa teie no te faaineine i te nünaa o te Atua ia ora tämau i roto i te faaroo, ia tupu maite te ôpuaraa faaora tei faanahohia i roto i te marämarama tei turäma i te èà o te ora. Te haapiiraa ia e vai nei i roto i te mau taiòraa no teie mahana, tei faatumuhia i nià i te marämarama o te parau, ei parau e haamata ai te àma i te taata i naeàhia i te reo faatupu ora. Te ìriti nei teie mau taiòraa i te ùputa o te ora ta te mana o te parau a te Atua e tïtau ra i te taata. Te auraa te pü o te marämarama ta tätou e hiò, te vahi ta te mmm e faatoro ra te vahi ta na e faaìte mai ra ia tätou, e aha ta te mmm faaìte mai ra te fenua e to na î, te tai e to na î, te raì e to na î, te auraa tera ora ta te Atua i faaherehere no te taata, òia hoì te täpaò no to na aroha e to na here. Te mmm ta te Atua i faatupu te turäma ra, i te èà e tià i te taata ia haere na nià iho i te mea o ia te tahi âma tei mau i te parau tei faatupu i te ora. Tei haamanaò tämau i te taata i ta na hopoià, te mau parau ta na e faahiti èi faahanahanaraa i te tupu mäiteraa te ora ta te marämarama o te parau e faatupu ra. E haapäpüraa teie i te mau taata tïtauhia, te tumu i haere mai ai o Ietu i te ao nei no te faaìte no te turäma i te parau, no te täpaò no te aroha e te here o te Atua i te taata no te faaìte i te taata a hiò i te aroha e te here o te Atua, tirärä atu ai. Te mau parau atoà ta Ietu i parau e ère i to na parau no te haamanaò ra i te taata i te ôpuaraa faaora ta te Atua no na. E hiò i te ora ta te Atua i faataa no te taata, ia taiò anaè tätou i roto i te Taramo, te naò ra tera reo to te papaì Taramo, te parau hua nei te mau raì i te hanahana o te Atua, te auraa aita te Atua i parau ia na o na te mmm, no te mea o na te tumu no te mau mea atoà, te mau òhipa ra ta na i faatupu, ta na i rahu na rätou e parau ra i te hanahana o te Atua, na rätou e ârue ra, na rätou e faateniteni ra i te Atua no te mea ua riro te reira èi òaòaraa na te Atua, ia tae mai o Ietu, ia parau o Ietu o vau te mmm, no te parau ia i te taata teie te mea e hinaarohia ra ia tätou te feiä tïtauhia, ia faateniteni atoà tätou i te Atua, ia ârue ia na, ia haamaitaì, ia faahanahana i to na iòa, te reira te auraa o teie parau, e ère ra e a hiò mai ia ù, no te tauturu ä ia tätou ia òre to tätou manaò ia rara, haamanaò na i te tahi reo to Ietu, te naò ra o Ietu, o vau te èà, e èà, e vahi haereraa, o vai ia taata e hinaaro e haere i te tahi vahi e mataìtaì i teie èà, te taata e mataìtaì noa i te èà, päpü maitaì èita o na e täpae, aita e vahi ta na e täpae te taata e haere i nià i te èà e pühapa ai, aita atoà e vahi âpï no te reira taata. Faaroo mai ra te haapotoraa no te mau taiòraa no teie mahana :

-Taramo 27, 9 Eiaha òe e huna ê atu i to mata ia ù nei, eiaha to tävini e haapae-riri-noa-hia: ua tauturu mai hoì òe ia ù, eiaha vau e faaruè-ê-hia, eiaha òe e täiva ia ù, e ta ù Atua, e ta ù Ora.

-Ìtaia 9, 1 Te feiä i haere noa na te pöuri ra e märamarama rahi tei ìteä ia tätou; te feiä i pärahi i roto i te maru pohe, ua ànaana mai te märamarama i nià ia rätou.  

-1 Torinetia 1, 10 E teie nei, e a ù mau taeaè, te aò atu nei au ia òutou i te iòa i o to tätou Fatu ra o Ietu Metia, e ei parau hoê ta òutou atoà na, e eiaha ia âmahamaha i roto ia òutou: ia àti mäite rä òutou mä te âau hoê e te manaò hoê.

Mätaio 4, 17 I reira to Ietu haamataraa i te aò, i te nä-ô-raa e: «A tätarahapa, te fätata mai nei hoì te Hau o te raì.»

E aha o Ietu e täno ai e haamata i te aò na roto i te parauraa  e  «A tätarahapa, te fätata mai nei hoì te Hau o te raì.» no te haapäpü te püòi nei o Ia i te òhipa i ômuahia mai e Ioane päpetito ia au i teie päpaìraa a Mätaio. Ua haapaì o Ietu i to na èà i te faarooraa tei roto o Ioane i te fare täpeàraa, faaruè mai ra i te òire no Nätareta, na Tarirea atu ra i te haere. Èi faatupuraa tei parauhia mai e te perofeta ra e Ìtaia: e pärahi o Ia i Täperenaumi, i te hiti roto, i te pae fenua o Tepuruna e Nafatari, i te hiti roto, i ô mai i Iörïtäna, e Tarirea i o te mau êtene ra. E feiä teie i pärahi i roto i te pöuri ua ìte ia i te märamarama rahi; E i nià i te feiä i pärahi i roto i te marupohe, e märamarama tei hiti i nià ia rätou. Haamata iho ra i te aò, i te nä-ô-raa e: «A tätarahapa, te fätata mai nei hoì te Hau o te raì.» Mea na roto i teie reo to Ietu tïtauraa i ta na mau pipi mätämua i te hiti roto no Tarirea, ìte atu ra taeaè toopiti, o Timona, tei parauhia o Pëtero, e to na taeaè o Âneterea, te tuu ra i te ùpeà i roto i te miti, e ravaai hoì räua. Te reo mai ra o Ietu A pee mai ia ù, e faariro vau ia ôrua ei ravaai taata, òhie i te peeraa faaruè i te ùpeà. I pïhaì rii, ìte atu ra e piti ä taeaè, o Iatöpo a Tepetaio ra e to na taeaè o Ioane, tei nià i te poti e to räua metua täne o Tepetaio, te ène ra i ta rätou mau ùpeà. Ua pii atu ra o ia ia räua, òhie i te faarooraa Faaruè i te poti te metua täne, e ua pee atu ra ia Na. Ua òhie no te mea ua tae te mmm i roto ia rätou, i te faarooraa i teie na reo, pee mai, pii atu ra. No te mea o Ia te mmm, tei haere mai e faaàma te rämepa i vai mohimohi noa na i roto i te taata, ia òhie i te taata tïtauhia te tomo i roto i te tau no te faaineineraa. O Ietu te puna o te mmm, te puna o te ora. E òhipa maere mau teie e tupu nei i roto i teie faatiàraa na Mätaio, te tano te mata o Ietu i nià i te taata ta na e hinaaro, teie mau pipi mätamua, Petero, Âneterea, Iatöpo, Ioane, ua naho to rätou oraraa ùtuafare, e toroà to rätou e paìä rätou i ta rätou òhipa, e paìä atoà te nunaa i ta rätou täutai. Teie e pee nei ia Ietu ma te tiàturi i teie reo e faariro vau ia òutou èi ravaai taata teie te parau faaäu no teie òhipa âpï tei turäma i teie peeraa. Vaiiho i te poti, te ùpeà, te metua, ua tuu te âvae i nià i te taahiraa âvae o Ietu ua haere i te vahi i reira e tupu ai te hanahana o te Atua Metua ua haamata o Ietu i ta na òhipa haapii, e pae noa rätou. Ua haamata o Ietu i ta na òhipa, haamata atoà tätou….. Ia ora na.

 

Teraì òr. Faatura.

 

 

To Ietu haapaìraa i Tarirea

(Mär 1.14-15; Rut 4.14-15)

12 E faaroo aè ra o ia e ua täpeàhia o Ioane, haapaì atu o ia ra i Tarirea. 

13 Faaruè iho ra i Nätareta, haere atu ra e pärahi i Täperenaumi, i te hiti roto, i te pae fenua o Tepuruna e Nafatari,

14 ia tupu tei parauhia mai e te perofeta e Ìtaia:

15 E te fenua o Tepuruna e, e te fenua o Nafatari e, i te hiti roto, i ô mai i Iörïtäna, e Tarirea o te mau êtene e.

16 Te feiä i pärahi i roto i te pöuri ra ua ìte ia i te märamarama rahi; E i nià i te feiä i pärahi i roto i te marupohe, e märamarama tei hiti mai.

17 I reira to Ietu haamataraa i te aò, i te nä-ô-raa e: «A tätarahapa, te fätata mai nei hoì te Hau o te raì.»

Te tïtauraa i te mau pipi mätämua

(Mär 1.16-20; Rut 5.1-11)

18 E te haere noa ra Ietu nä te hiti roto i Tarirea, ìte atu ra o ia i nä taeaè toopiti, o Timona, tei parauhia o Pëtero, e to na taeaè o Âneterea, te tuu ra i te ùpeà i roto i te miti, e ravaai hoì räua.

19 Ua parau atu ra o ia ia räua: «A pee mai ia ù, e faariro vau ia ôrua ei ravaai taata.»

20 Faaruè iho ra räua i ta räua ùpeà i reira ra, e ua pee atu ra ia na.

21 E ia haere atu o ia, i pïhaì rii atu, ìte atu ra e piti ä taeaè, o Iatöpo a Tepetaio ra e to na taeaè o Ioane, tei nià i te poti e to räua metua täne o Tepetaio, te ène ra i ta rätou mau ùpeà. Ua pii atu ra o ia ia räua.

22 Faaruè iho ra räua i te poti i reira ra e to räua metua täne, e ua pee atu ra ia na.

Manaò.

Tei roto tätou i te tau no te tïtauraa, i te tino tamaroa, tamahine no te tomo i roto i te faaineineraa i te amoraa i te tahi mau tiàraa e vai nei i roto i te Ètärëtia a Ietu Metia, èi òrometua püpü haapiiraa täpati, Uì-âpï, Tuahine, tiàtono, haapii parau maitaì, òrometua. E mau tiàraa teie no te faaineine i te nünaa o te Atua ia ora tämau i roto i te faaroo, ia tupu maite te ôpuaraa faaora tei faanahohia i roto i te marämarama tei turäma i te èà o te ora. Te haapiiraa ia e vai nei i roto i te mau taiòraa no teie mahana, tei faatumuhia i nià i te marämarama o te parau, ei parau e haamata ai te àma i te taata i naeàhia i te reo faatupu ora. Te ìriti nei teie mau taiòraa i te ùputa o te ora ta te mana o te parau a te Atua e tïtau ra i te taata. Te auraa te pü o te marämarama ta tätou e hiò, te vahi ta te mmm e faatoro ra te vahi ta na e faaìte mai ra ia tätou, e aha ta te mmm faaìte mai ra te fenua e to na î, te tai e to na î, te raì e to na î, te auraa tera ora ta te Atua i faaherehere no te taata, òia hoì te täpaò no to na aroha e to na here. Te mmm ta te Atua i faatupu te turäma ra, i te èà e tià i te taata ia haere na nià iho i te mea o ia te tahi âma tei mau i te parau tei faatupu i te ora. Tei haamanaò tämau i te taata i ta na hopoià, te mau parau ta na e faahiti èi faahanahanaraa i te tupu mäiteraa te ora ta te marämarama o te parau e faatupu ra. E haapäpüraa teie i te mau taata tïtauhia, te tumu i haere mai ai o Ietu i te ao nei no te faaìte no te turäma i te parau, no te täpaò no te aroha e te here o te Atua i te taata no te faaìte i te taata a hiò i te aroha e te here o te Atua, tirärä atu ai. Te mau parau atoà ta Ietu i parau e ère i to na parau no te haamanaò ra i te taata i te ôpuaraa faaora ta te Atua no na. E hiò i te ora ta te Atua i faataa no te taata, ia taiò anaè tätou i roto i te Taramo, te naò ra tera reo to te papaì Taramo, te parau hua nei te mau raì i te hanahana o te Atua, te auraa aita te Atua i parau ia na o na te mmm, no te mea o na te tumu no te mau mea atoà, te mau òhipa ra ta na i faatupu, ta na i rahu na rätou e parau ra i te hanahana o te Atua, na rätou e ârue ra, na rätou e faateniteni ra i te Atua no te mea ua riro te reira èi òaòaraa na te Atua, ia tae mai o Ietu, ia parau o Ietu o vau te mmm, no te parau ia i te taata teie te mea e hinaarohia ra ia tätou te feiä tïtauhia, ia faateniteni atoà tätou i te Atua, ia ârue ia na, ia haamaitaì, ia faahanahana i to na iòa, te reira te auraa o teie parau, e ère ra e a hiò mai ia ù, no te tauturu ä ia tätou ia òre to tätou manaò ia rara, haamanaò na i te tahi reo to Ietu, te naò ra o Ietu, o vau te èà, e èà, e vahi haereraa, o vai ia taata e hinaaro e haere i te tahi vahi e mataìtaì i teie èà, te taata e mataìtaì noa i te èà, päpü maitaì èita o na e täpae, aita e vahi ta na e täpae te taata e haere i nià i te èà e pühapa ai, aita atoà e vahi âpï no te reira taata. Faaroo mai ra te haapotoraa no te mau taiòraa no teie mahana :

-Taramo 27, 9 Eiaha òe e huna ê atu i to mata ia ù nei, eiaha to tävini e haapae-riri-noa-hia: ua tauturu mai hoì òe ia ù, eiaha vau e faaruè-ê-hia, eiaha òe e täiva ia ù, e ta ù Atua, e ta ù Ora.

-Ìtaia 9, 1 Te feiä i haere noa na te pöuri ra e märamarama rahi tei ìteä ia tätou; te feiä i pärahi i roto i te maru pohe, ua ànaana mai te märamarama i nià ia rätou.  

-1 Torinetia 1, 10 E teie nei, e a ù mau taeaè, te aò atu nei au ia òutou i te iòa i o to tätou Fatu ra o Ietu Metia, e ei parau hoê ta òutou atoà na, e eiaha ia âmahamaha i roto ia òutou: ia àti mäite rä òutou mä te âau hoê e te manaò hoê.

Mätaio 4, 17 I reira to Ietu haamataraa i te aò, i te nä-ô-raa e: «A tätarahapa, te fätata mai nei hoì te Hau o te raì.»

E aha o Ietu e täno ai e haamata i te aò na roto i te parauraa  e  «A tätarahapa, te fätata mai nei hoì te Hau o te raì.» no te haapäpü te püòi nei o Ia i te òhipa i ômuahia mai e Ioane päpetito ia au i teie päpaìraa a Mätaio. Ua haapaì o Ietu i to na èà i te faarooraa tei roto o Ioane i te fare täpeàraa, faaruè mai ra i te òire no Nätareta, na Tarirea atu ra i te haere. Èi faatupuraa tei parauhia mai e te perofeta ra e Ìtaia: e pärahi o Ia i Täperenaumi, i te hiti roto, i te pae fenua o Tepuruna e Nafatari, i te hiti roto, i ô mai i Iörïtäna, e Tarirea i o te mau êtene ra. E feiä teie i pärahi i roto i te pöuri ua ìte ia i te märamarama rahi; E i nià i te feiä i pärahi i roto i te marupohe, e märamarama tei hiti i nià ia rätou. Haamata iho ra i te aò, i te nä-ô-raa e: «A tätarahapa, te fätata mai nei hoì te Hau o te raì.» Mea na roto i teie reo to Ietu tïtauraa i ta na mau pipi mätämua i te hiti roto no Tarirea, ìte atu ra taeaè toopiti, o Timona, tei parauhia o Pëtero, e to na taeaè o Âneterea, te tuu ra i te ùpeà i roto i te miti, e ravaai hoì räua. Te reo mai ra o Ietu A pee mai ia ù, e faariro vau ia ôrua ei ravaai taata, òhie i te peeraa faaruè i te ùpeà. I pïhaì rii, ìte atu ra e piti ä taeaè, o Iatöpo a Tepetaio ra e to na taeaè o Ioane, tei nià i te poti e to räua metua täne o Tepetaio, te ène ra i ta rätou mau ùpeà. Ua pii atu ra o ia ia räua, òhie i te faarooraa Faaruè i te poti te metua täne, e ua pee atu ra ia Na. Ua òhie no te mea ua tae te mmm i roto ia rätou, i te faarooraa i teie na reo, pee mai, pii atu ra. No te mea o Ia te mmm, tei haere mai e faaàma te rämepa i vai mohimohi noa na i roto i te taata, ia òhie i te taata tïtauhia te tomo i roto i te tau no te faaineineraa. O Ietu te puna o te mmm, te puna o te ora. E òhipa maere mau teie e tupu nei i roto i teie faatiàraa na Mätaio, te tano te mata o Ietu i nià i te taata ta na e hinaaro, teie mau pipi mätamua, Petero, Âneterea, Iatöpo, Ioane, ua naho to rätou oraraa ùtuafare, e toroà to rätou e paìä rätou i ta rätou òhipa, e paìä atoà te nunaa i ta rätou täutai. Teie e pee nei ia Ietu ma te tiàturi i teie reo e faariro vau ia òutou èi ravaai taata teie te parau faaäu no teie òhipa âpï tei turäma i teie peeraa. Vaiiho i te poti, te ùpeà, te metua, ua tuu te âvae i nià i te taahiraa âvae o Ietu ua haere i te vahi i reira e tupu ai te hanahana o te Atua Metua ua haamata o Ietu i ta na òhipa haapii, e pae noa rätou. Ua haamata o Ietu i ta na òhipa, haamata atoà tätou….. Ia ora na.

 

Teraì òr. Faatura.

 

 

Ioane 1.29-34 Te raì.

 

Tāpati 15 no Tënuare 2023.

Te raì.

Taramo 30

1 E Taramo, e e himene no te haoraa fare o Tävita.

2 E haamaitaì au ia òe, e te Fatu, ua faatià hoì òe ia ù i nià, e aita òe i vaiiho noa atu i ta ù mau ènemi ia òaòa noa na ia ù.

3 E te Fatu, e ta ù Atua, i tiàoro noa na vau ia òe, e ua faaora òe ia ù.

4 Ua faahoì mai òe, e te Fatu i ta ù värua mai häte mai ä, e ua faaora òe ia ù ia òre au ia tae i raro i te âpoo ra.

5 E himene i te Fatu, e te feiä moà e, e ârue i to na maitaì, ei manaòraa.

6 Mai te àmoraa mata nei to na riri i te poto, âreà to na hereraa mai, e tià ia i te vairaa e mure noa atu te aho.

Ia täpae noa mai te òto i te ahiahi; e riro rä i te òaòa ia poìpoì.

7 Taua maitaìraa no ù ra, ua parau ä hoì au e: «E òre roa vau nei e âueue.

8 No to hereraa mai, e te Fatu, i haamau päpü ai òe i to ù mouà.» Ua huna iho ra òe i to mata, mäheahea aè ra vau.

9 Ua pure iho ra vau ia òe, e te Fatu, i reira e ua faaìte atu ra vau i ta ù aniraa i te Fatu.

10 «E aha te faufaa ia rave-pohe-roa-hia vau, e ia hopoi-roa-hia vau i raro i te âpoo? E haamaitaì änei te repo ia òe, e faaìte änei ia i te parau mau na òe ra?

11 E faaroo mai, e te Fatu, e aroha mai òe ia ù; e te Fatu, ei tauturu òe ia ù.»

12 Ua faariro òe i te òto no ù ra ei òaòa, e na òe i tätara i te àhu òto no ù ra, e ua faaàhu mai òe ia ù i te àhu òaòa.

13 E teie nei, e haamaitaì au ia òe mä ta ù hinuhinu, e òre roa vau e mämü. E te Fatu, e ta ù Atua, e haamaitaì ä vau ia òe e a muri noa atu.

Ìtaia 49.3-6

3 E ua parau mai ra o ia ia ù, O ta ù tävini òe, e Ìteraèra, e haamaitaìhia ai au nei.

4 Ua parau atu ra vau: Rohirohi faufaa òre to ù; ua faahope noa vau i to ù püai, ei mea faufaa òre: tei i te Fatu rä tä ù parau, e te utuà o ta ù òhipa, tei ta ù Atua ia.

5 E teie nei, te nä ô mai ra te Fatu, o tei faatupu mai ia ù mai te ôpü mai ei tävini nö na; e faahoì mai ia Iatöpa ia na ra, e ia putuputu mai Ìteraèra ia na ra: i maitaì ai au i te aro o te Fatu, e ua riro mai ta ù Atua ra ei itoito nö ù:

6 ua parau mai ra o ia ia ù, E mea iti tënä ia ù, òe i riro mai ei tävini nö ù, ei faatià i nià i te mau ôpü o Iatöpa, e ia faahoì mai i to Ìteraèra i faaorahia? E höroà atoà vau ia òe ei tiàrama no te êtene e ei ora nä ù e tae noa atu i te hopeà mai o te fenua nei.

1 Tōrīnetia 1.1-3

1 O Pauro, i haapaòhia e te hinaaro o te Atua ei âpotetoro na Ietu Metia, e to tätou taeaè nei o Totitene,

2 I te Ètärëtia o te Atua i Torinetia na, tei haamoàhia i roto i te Metia ra ia Ietu, i haapaòhia ei feiä moà, e te feiä atoà e taù atu i te iòa o to tätou Fatu ra o Ietu Metia i te mau vähi atoà ra, to rätou e to tätou atoà hoì.

3 Ei ia òutou te aroha mau e te hau, no ô mai i te Atua i to tätou Metua ra, e no ô hoì i te Fatu ra ia Ietu Metia.

Tāpati 15 no Tënuare 2023.

Te raì.

Taramo 30

1 E Taramo, e e himene no te haoraa fare o Tävita.

2 E haamaitaì au ia òe, e te Fatu, ua faatià hoì òe ia ù i nià, e aita òe i vaiiho noa atu i ta ù mau ènemi ia òaòa noa na ia ù.

3 E te Fatu, e ta ù Atua, i tiàoro noa na vau ia òe, e ua faaora òe ia ù.

4 Ua faahoì mai òe, e te Fatu i ta ù värua mai häte mai ä, e ua faaora òe ia ù ia òre au ia tae i raro i te âpoo ra.

5 E himene i te Fatu, e te feiä moà e, e ârue i to na maitaì, ei manaòraa.

6 Mai te àmoraa mata nei to na riri i te poto, âreà to na hereraa mai, e tià ia i te vairaa e mure noa atu te aho.

Ia täpae noa mai te òto i te ahiahi; e riro rä i te òaòa ia poìpoì.

7 Taua maitaìraa no ù ra, ua parau ä hoì au e: «E òre roa vau nei e âueue.

8 No to hereraa mai, e te Fatu, i haamau päpü ai òe i to ù mouà.» Ua huna iho ra òe i to mata, mäheahea aè ra vau.

9 Ua pure iho ra vau ia òe, e te Fatu, i reira e ua faaìte atu ra vau i ta ù aniraa i te Fatu.

10 «E aha te faufaa ia rave-pohe-roa-hia vau, e ia hopoi-roa-hia vau i raro i te âpoo? E haamaitaì änei te repo ia òe, e faaìte änei ia i te parau mau na òe ra?

11 E faaroo mai, e te Fatu, e aroha mai òe ia ù; e te Fatu, ei tauturu òe ia ù.»

12 Ua faariro òe i te òto no ù ra ei òaòa, e na òe i tätara i te àhu òto no ù ra, e ua faaàhu mai òe ia ù i te àhu òaòa.

13 E teie nei, e haamaitaì au ia òe mä ta ù hinuhinu, e òre roa vau e mämü. E te Fatu, e ta ù Atua, e haamaitaì ä vau ia òe e a muri noa atu.

Ìtaia 49.3-6

3 E ua parau mai ra o ia ia ù, O ta ù tävini òe, e Ìteraèra, e haamaitaìhia ai au nei.

4 Ua parau atu ra vau: Rohirohi faufaa òre to ù; ua faahope noa vau i to ù püai, ei mea faufaa òre: tei i te Fatu rä tä ù parau, e te utuà o ta ù òhipa, tei ta ù Atua ia.

5 E teie nei, te nä ô mai ra te Fatu, o tei faatupu mai ia ù mai te ôpü mai ei tävini nö na; e faahoì mai ia Iatöpa ia na ra, e ia putuputu mai Ìteraèra ia na ra: i maitaì ai au i te aro o te Fatu, e ua riro mai ta ù Atua ra ei itoito nö ù:

6 ua parau mai ra o ia ia ù, E mea iti tënä ia ù, òe i riro mai ei tävini nö ù, ei faatià i nià i te mau ôpü o Iatöpa, e ia faahoì mai i to Ìteraèra i faaorahia? E höroà atoà vau ia òe ei tiàrama no te êtene e ei ora nä ù e tae noa atu i te hopeà mai o te fenua nei.

1 Tōrīnetia 1.1-3

1 O Pauro, i haapaòhia e te hinaaro o te Atua ei âpotetoro na Ietu Metia, e to tätou taeaè nei o Totitene,

2 I te Ètärëtia o te Atua i Torinetia na, tei haamoàhia i roto i te Metia ra ia Ietu, i haapaòhia ei feiä moà, e te feiä atoà e taù atu i te iòa o to tätou Fatu ra o Ietu Metia i te mau vähi atoà ra, to rätou e to tätou atoà hoì.

3 Ei ia òutou te aroha mau e te hau, no ô mai i te Atua i to tätou Metua ra, e no ô hoì i te Fatu ra ia Ietu Metia.

Ioane 1.29-34

Te ârënio a te Atua

29 I te mahana i muri mai, ìte atu ra Ioane ia Ietu i te haereà mai ia na ra, e ua nä ô aè ra o ia: «Ìnaha te Ârënio a te Atua, o tei hopoi ê atu i te hara a to te ao.

30 O ia teie ta ù i parau ra e: «Te haere mai nei te hoê taata i muri iho ia ù nei, e riro o ia i mua ia ù, o mua hoì o ia ia ù.

31 Âreà vau, aita vau i ìte ia na, ua haere mai rä vau e päpetito i te pape no te faaìte ia na i to Ìteraèra.

32 Ua faaìte atu ra hoì Ioane, nä ô atu ra: «Hiò atu ra vau i te Värua i te pouraa mai mai te raì mai, mai te ûupa ra, e ua faaea iho ra i nià iho ia na.

33 Aore ä vau i ìte atu ra ia na, mäoti tei tono mai ia ù e päpetito i te pape nei, o ia tei parau mai ia ù e:»Oia o ta te Värua i pou e i noho ia na ra, e na na e päpetito i roto i te Värua Moà.

34 Ìte atu ra hoì au, e teie ta ù parau: o te Tamaiti ia o ia na te Atua.

Manaò.

A tauturu mai ia ù i teie mätahiti, i te haapiiraa i te maitaì, e te ìmi tämauraa i te tià o te parau i te mau vahi e àrepurepu noa nei i roto i te oraraa vaamataèinaa. Te ao e orahia nei e tätou ua rau te mau täpura òhipa e vai nei tei faaàmahamaha ia tätou i mua i te parau tià, te parau tià ra te reni te reira e àfaro ai te papa o te Aroha te Here e te Hau. O te niu mau teie e mau ai te papa no te ao hinaarohia e te Atua Nui Tumu Tahi, te rito ia teie e tiaìhia mai nei ia tätou, ia rätou, ia mätou, ia òe, ia na, ia òutou, ia ù, o tei parauhia te âmui tähiraa teie o te puai o te mau nünaa tei pii-tämau-hia e haamau i te Hau Atua. Te tïtauraa te ìteraa i roto i te haamoriraa i te mau faanahoraa te tià e faaätea ia tätou i te tumu o te ora e au i te Atua, e èita i to tätou faanehenehe, èita i ta tätou ârueraa, e èita i ta tätou pure, teie mau peu te faaìte noa mai ra te reira i to tätou ineine no te taime e faahanahana ai i te Atua. Te au ra nei  to tätou âau, i to tätou faanehenehe, te au ra nei ta tätou ârueraa, i to tätou värua, te au ra nei ta tätou pure, i ta tätou parau. Teie mau tiàororaa no te faaìte noa ia tätou teie te tahi papa no te haapii i te maitaì, ia tià te parau tià. Ia na reira tätou te haamata e fänau i roto i te taata ta täìtahi i te ìteraa ia na iho i te mau vahi ta na iho i haaviivii i roto ia na to na âau e to na fëruriraa, e parauhia teie huru faanahoraa te manatu, te manatu to te taata ia ìteraa ia na iho e faufaa o ia no roto i te hämaniraa a te Atua, e fenua o ia e taua fenua ra tei riro mai e ivi no to ù nei ivi, e ìò no to ù nei ìò, i parauhia ai e vahine, te püfenua i tià ai te parau a te Atua, te parau Te Vai Nei Au, O vau e Vai Nei, ia mau tätou i teie parau i roto i te âau, e hanahana te hohoà, te huru, te aho o te Atua i nià ia tätou, i reira te rama no te maitaì, no te parau tià e turäma ai i te èà no te âparauraa, ia tupu to te taata tämaraa ia na, no te täìhitumu i te ìno, no te faaea i te mau peu hämani ìno ua ûàna teie mau peu i ö tätou nei ua àmahamaha te nunaa no te mea àita o ia e tuiau faahou nei i nià i to na iho fenua ua matara te vahi i reira e tuiau ai i ö mai ai te peàpeà te ahoaho te mauiui, i òvere ai tätou i teie mahana. I te mau taime i maìri e i teie mahana i parau-noa-hia na e na poritita i àmahamaha ai te nunaa teie te tahi tumu, te vai ra rä te tahi atu tumu tätou te mau ètärëtia i ta tätou huru pororaa, te porohia nei ia rahi te taata i nià i te faanahoraa e au i te taata, èiaha ra ia au i te ôpuaraa faaora a te Atua. Faaroo mai na ra i te haapotoraa te mau taiòraa i faanahohia no teie mahana, èi tautururaa ia tätou : 

-Taramo 30, 11 E faaroo mai, e te Fatu, e aroha mai òe ia ù; e te Fatu, ei tauturu òe ia ù.»

-Ìtaia 49,  4 Ua parau atu ra vau: Rohirohi faufaa òre to ù; ua faahope noa vau i to ù püai, ei mea faufaa òre: tei te Fatu rä tä ù parau, e te utuà o ta ù òhipa, tei ta ù Atua ia.

-1 Torinetia 1, 2 I te Ètärëtia o te Atua i Torinetia na, tei haamoàhia i roto i te Metia ra ia Ietu, i haapaòhia ei feiä moà, e te feiä atoà e taù atu i te iòa o to tätou Fatu ra o Ietu Metia i te mau vähi atoà ra, to rätou e to tätou atoà hoì.

-Ioane 1, 32 Ua faaìte atu ra hoì Ioane, nä ô atu ra: «Hiò atu ra vau i te Värua i te pouraa mai mai te raì mai, mai te ûupa ra, e ua faaea iho ra i nià iho ia na.

O Ietu teie haere mai nei ia tätou ra, haere mai i roto i ta tätou hara mai te ànimara ra e Ârënio a te Atua, e hopoi ê o Ia  i ta tätou mau hara e te mau hara a to te ao. Àita o Ioane i ìte o vai teie taata, Te haere mai nei te hoê taata i muri iho ia ù nei, e riro o ia i mua ia ù, o mua hoì o ia ia ù. Ua haere mai rä vau e päpetito i te päpe no te faaìte ia na i to Ìteraèra, e i te mau nunaa atoà o te ao nei,  Hiò atu ra Ioane i te Värua i te pouraa mai mai te raì mai rä, mai te ûupa ra, e ua faaea iho ra i nià iho ia na. I haapäpü ai o Ioane i te parau no te päpetitoraa päpe, areà ra te tauhia i te Värua o te Atua, te Vai Nei Au o Vau e Au Nei, na na ia e päpetito i roto i te Värua Moà. Teie te parau a Ioane : o te Tamaiti ia o ia na te Atua.

Na roto i na ânimara e piti nei ia au i teie fäìraa hara, e fäìraa faaroo a Ioane, te ìritihia nei te ùputa o te raì, e ùputa teie no te fare Atua. Ia au i te huru o te taiòraa, te höroàhia mai nei te hoê faaueraa i te nunaa o te Atua, ia täma, ia haamoà, ia ìriti i mua i to na mata te mau òhipa e tupu ai te ìno, e faaea i te haamauiui ia vëtahi. I teie mahana te tupu nei te faataaêraa e te täumiraa i te tahi pae i roto i te hepohepo, te tupu noa ra te reira i roto i to taata haapupuraa ia rätou, e i roto i te oraraa vaamataèinaa te faatiàhia nei te tahi pae, te tuuhia nei te tahi pae i tihiti. Te mau tiàturiraa o te taata ia hiò i te rähu a te Atua te turäma nei to rätou òriò mata i te mea e au i te vahi e faufaahia ai o ia, teie huru tupuraa òhipa mea tià ia âpeehia ia òre ia puai te àifaïto-òre-raa i roto i te oraraa vaamataèinaa. Te faaìte nei te Parau Maitaì i päpaìhia e Ioane i ta Ioane Päpetitoraa faaìteraa i te Metia, e Ârënio a te Atua, o tei hopoi ê atu i te hara a to te ao, te Värua i te pouraa mai mai te raì mai, mai te ûupa ra, e ua faaea iho ra i nià iho ia na. Te faaìte noa mai ra teie na ânimara e piti te Aroha e te Here o te Atua tei ìriti i te ùputa o te Te Rai, i teie parauraa e 34 Ìte atu ra hoì au, e teie ta ù parau: o te Tamaiti ia o ia na te Atua. Teie atoà nei ra ta tätou parauraa, i haere mai teie Tamaiti e haapäpü i te tiàraa taata, tane, vahine, tamarii, àiü, ia faaturahia, te hohoà, te huru, te aho o te Atua Te Vai Nei Au o Vau e Au Nei, te nehenehe, te òaòa teie no te hinaaro o te Atua i te taata. Teie tiàororaa na Ioane Päpetito te faamanaò mai nei i te Ètärëtia ia hiò faahou i te parau no te päpetitoraa e to na faanahoraa, e piti parau teie ta Ioane e faahiti nei, Te päpetitoraa päpe, te päpe ra ta te Atua ia i faatiàrepu i to na Värua no te tururaa i te ôpuaraa faaora, e Päpetito rä o Ietu i te Värua Moà, te Moà ra o te Atua iho, o Ia, i tau i maìri, o Ia i teie tau, o Ia i te tau e a muri atu. Te auraa, te vai ra te tuhaa e anihia ra i te taata ia rave, òia te haamaitaìraa e te faatïtïàifaroraa i to na oraraa. Te mea mau ia ta te taò tätarahapa e haapii mai nei, òia hoì, ia tatara i te mea e hapa ra, e haafifi ra, e faataupupü ra i te tupuraa o te maitaì e te ora. Te vähi tei reira te taata i te haparaa, te riroraa ei tumu no te fifi, te reira ta Ioane e ani ra ia tätara. Eita rä hoì e matara, mai te peu, eita te taata e ìte e ua hapa o ia. Ia hiòhia, aita e tätarahapa mai te peu aita te taata i hiò ia na iho i roto i te ôpuaraa a te Atua, òia hoì, i tuu ia na i mua i te parau a te Atua a ìte ai te taata ia na iho ei taata hara.

Te taata e päpetitohia, e höroàhia ia te Värua Maitaì no te tauturu ia na i roto i te oraraa e ta na mau òhipa. Te ùupa e täpaò te reira no te hapa-òre e te hau. E täpaò atoà rä no te nünaa Ìteraèra. E täpaò atoà hoì no te haereà mai o te Värua Maitaì. Te reo no te raì mai, e reo haapäpü ia no te Atua i te tiàraa tamaiti here o Ietu, e to te Atua i mauruüru rahi ia na, òre noa atu ai Ietu i haamata i te òhipa, te tiàturiraa ra o te Atua i ta na Tamaiti, aita ia e faaauraa te teitei e te âano. Mai te peu te vai ra te mauruüru o te Atua Metua i ta na Tamaiti, e rahi atu ä rä to te Atua mauruüru i te taata mai te peu e faaroo rätou i te mau parau a ta na Tamaiti, no te mea, ta te Metua parau e ta te Tamaiti aita e taaêraa. Tei faaroo i te Tamaiti, ua faaroo ia i te Metua i tono mai ia na. Te päpetitoraa i te Värua Moà i te parauraa a Ioane, te päpetitoraa ia a Ietu ia au i te faaìteraa a Mätaio i te pene 28, i te mau ìrava 18 e tae i te ìrava 20,

Te parau ia i haamau i te päpetitoraa, e 2 tuhaa e vai ra i roto i teie faaueraa a te Fatu. Te tuhaa mätamua, e parau ia no te mau òhipa tei ineine o Ietu i te rave no ta na mau pipi : a) O te mana atoà i te raì e te ao atoà nei, ua püpühia mai tei ia ù anaè ; e) tei pïhaì atoà iho ia vau ia òutou, e tae noa atu i te hopeà o teie nei ao. Te piti o te tuhaa, e parau ia no te mau òhipa ta te mau pipi e rave atu : a) E teie nei, e haere òutou e faariro i te mau fenua atoà ei pipi ; e) a päpetito atu ai ia rätou i roto i te iòa o te Metua, e no te Tamaiti, e no te Värua

Maitaì ; f) mä te haapii atu ia rätou i te haapaò i te mau mea atoà ta ù i parau atu ia òutou na. a) Te parau no te mau òhipa tei ineine Ietu i te rave no ta na mau pipi O te mana atoà i te raì e te ao atoà nei, ua püpühia mai tei ia ù anaè. Te mana atoà i nià i te raì e te ao, ua püpü-hope-roa-hia ia e te Atua Metua i roto i ta na Tamaiti ia Ietu. I teie taime i muri aè i te faarururaa e te upootiàraa i nià i te pohe, e te faatià-faahouraa-hia e te Atua, te haapäpü nei Ietu, ua hope roa te mana i te höroàhia mai ia na. Te auraa, e tiàraa Fatu to Ietu i nià i te mau mea atoà ta te Atua i rahu e i hämani, e i nià atoà i te mau mea o te raì. Aita atu hoì e òhipa ta te taata, e te mau nünaa e reo rau e rave mäori rä te faahanahanaraa e te haamaitaìraa i te Fatu.

E i roto i te oraraa o Ietu, aita atu e mana ta na i faaòhipa, òia hoì, te mana no te haapii (Mätaio 7, 29), te mana no te faaòre i te hara (Mätaio 9, 6,8), te mana no te tiàvaru i te värua faufau, te faaora i te maì e te pohe (Mätaio 10, 1), te mana no te parauraa i te mataì e te miti ia mämü (Märeto 4, 35-41), te mana no te rave i te mau òhipa ôpanihia e te ture (Mätaio 21, 23-25), te mana i nià i te pohe e te tiàfaahouraa (1 Torinetia 15, 55) e te vai atu ra. Ia hiòhia, aita Ietu e faataaê nei to na mana e te here e te aroha. I mua rä i te mana ta Ietu i faaòhipa, te vai ra ia te tiàturiraa e âpee teie mana i te mau pipi i roto i ta rätou tautooraa no te faatupu i te faaueraa a te Fatu. E aha hoì te taiä e ö mai ai ìnaha na te mana i püpühia i roto i te Fatu e arataì i te òhipa i anihia i te pipi ia rave, e i ta na Ètärëtia.

 

Teraì òr. Faatura.

Te ârënio a te Atua

29 I te mahana i muri mai, ìte atu ra Ioane ia Ietu i te haereà mai ia na ra, e ua nä ô aè ra o ia: «Ìnaha te Ârënio a te Atua, o tei hopoi ê atu i te hara a to te ao.

30 O ia teie ta ù i parau ra e: «Te haere mai nei te hoê taata i muri iho ia ù nei, e riro o ia i mua ia ù, o mua hoì o ia ia ù.

31 Âreà vau, aita vau i ìte ia na, ua haere mai rä vau e päpetito i te pape no te faaìte ia na i to Ìteraèra.

32 Ua faaìte atu ra hoì Ioane, nä ô atu ra: «Hiò atu ra vau i te Värua i te pouraa mai mai te raì mai, mai te ûupa ra, e ua faaea iho ra i nià iho ia na.

33 Aore ä vau i ìte atu ra ia na, mäoti tei tono mai ia ù e päpetito i te pape nei, o ia tei parau mai ia ù e:»Oia o ta te Värua i pou e i noho ia na ra, e na na e päpetito i roto i te Värua Moà.

34 Ìte atu ra hoì au, e teie ta ù parau: o te Tamaiti ia o ia na te Atua.

Manaò.

A tauturu mai ia ù i teie mätahiti, i te haapiiraa i te maitaì, e te ìmi tämauraa i te tià o te parau i te mau vahi e àrepurepu noa nei i roto i te oraraa vaamataèinaa. Te ao e orahia nei e tätou ua rau te mau täpura òhipa e vai nei tei faaàmahamaha ia tätou i mua i te parau tià, te parau tià ra te reni te reira e àfaro ai te papa o te Aroha te Here e te Hau. O te niu mau teie e mau ai te papa no te ao hinaarohia e te Atua Nui Tumu Tahi, te rito ia teie e tiaìhia mai nei ia tätou, ia rätou, ia mätou, ia òe, ia na, ia òutou, ia ù, o tei parauhia te âmui tähiraa teie o te puai o te mau nünaa tei pii-tämau-hia e haamau i te Hau Atua. Te tïtauraa te ìteraa i roto i te haamoriraa i te mau faanahoraa te tià e faaätea ia tätou i te tumu o te ora e au i te Atua, e èita i to tätou faanehenehe, èita i ta tätou ârueraa, e èita i ta tätou pure, teie mau peu te faaìte noa mai ra te reira i to tätou ineine no te taime e faahanahana ai i te Atua. Te au ra nei  to tätou âau, i to tätou faanehenehe, te au ra nei ta tätou ârueraa, i to tätou värua, te au ra nei ta tätou pure, i ta tätou parau. Teie mau tiàororaa no te faaìte noa ia tätou teie te tahi papa no te haapii i te maitaì, ia tià te parau tià. Ia na reira tätou te haamata e fänau i roto i te taata ta täìtahi i te ìteraa ia na iho i te mau vahi ta na iho i haaviivii i roto ia na to na âau e to na fëruriraa, e parauhia teie huru faanahoraa te manatu, te manatu to te taata ia ìteraa ia na iho e faufaa o ia no roto i te hämaniraa a te Atua, e fenua o ia e taua fenua ra tei riro mai e ivi no to ù nei ivi, e ìò no to ù nei ìò, i parauhia ai e vahine, te püfenua i tià ai te parau a te Atua, te parau Te Vai Nei Au, O vau e Vai Nei, ia mau tätou i teie parau i roto i te âau, e hanahana te hohoà, te huru, te aho o te Atua i nià ia tätou, i reira te rama no te maitaì, no te parau tià e turäma ai i te èà no te âparauraa, ia tupu to te taata tämaraa ia na, no te täìhitumu i te ìno, no te faaea i te mau peu hämani ìno ua ûàna teie mau peu i ö tätou nei ua àmahamaha te nunaa no te mea àita o ia e tuiau faahou nei i nià i to na iho fenua ua matara te vahi i reira e tuiau ai i ö mai ai te peàpeà te ahoaho te mauiui, i òvere ai tätou i teie mahana. I te mau taime i maìri e i teie mahana i parau-noa-hia na e na poritita i àmahamaha ai te nunaa teie te tahi tumu, te vai ra rä te tahi atu tumu tätou te mau ètärëtia i ta tätou huru pororaa, te porohia nei ia rahi te taata i nià i te faanahoraa e au i te taata, èiaha ra ia au i te ôpuaraa faaora a te Atua. Faaroo mai na ra i te haapotoraa te mau taiòraa i faanahohia no teie mahana, èi tautururaa ia tätou : 

-Taramo 30, 11 E faaroo mai, e te Fatu, e aroha mai òe ia ù; e te Fatu, ei tauturu òe ia ù.»

-Ìtaia 49,  4 Ua parau atu ra vau: Rohirohi faufaa òre to ù; ua faahope noa vau i to ù püai, ei mea faufaa òre: tei te Fatu rä tä ù parau, e te utuà o ta ù òhipa, tei ta ù Atua ia.

-1 Torinetia 1, 2 I te Ètärëtia o te Atua i Torinetia na, tei haamoàhia i roto i te Metia ra ia Ietu, i haapaòhia ei feiä moà, e te feiä atoà e taù atu i te iòa o to tätou Fatu ra o Ietu Metia i te mau vähi atoà ra, to rätou e to tätou atoà hoì.

-Ioane 1, 32 Ua faaìte atu ra hoì Ioane, nä ô atu ra: «Hiò atu ra vau i te Värua i te pouraa mai mai te raì mai, mai te ûupa ra, e ua faaea iho ra i nià iho ia na.

O Ietu teie haere mai nei ia tätou ra, haere mai i roto i ta tätou hara mai te ànimara ra e Ârënio a te Atua, e hopoi ê o Ia  i ta tätou mau hara e te mau hara a to te ao. Àita o Ioane i ìte o vai teie taata, Te haere mai nei te hoê taata i muri iho ia ù nei, e riro o ia i mua ia ù, o mua hoì o ia ia ù. Ua haere mai rä vau e päpetito i te päpe no te faaìte ia na i to Ìteraèra, e i te mau nunaa atoà o te ao nei,  Hiò atu ra Ioane i te Värua i te pouraa mai mai te raì mai rä, mai te ûupa ra, e ua faaea iho ra i nià iho ia na. I haapäpü ai o Ioane i te parau no te päpetitoraa päpe, areà ra te tauhia i te Värua o te Atua, te Vai Nei Au o Vau e Au Nei, na na ia e päpetito i roto i te Värua Moà. Teie te parau a Ioane : o te Tamaiti ia o ia na te Atua.

Na roto i na ânimara e piti nei ia au i teie fäìraa hara, e fäìraa faaroo a Ioane, te ìritihia nei te ùputa o te raì, e ùputa teie no te fare Atua. Ia au i te huru o te taiòraa, te höroàhia mai nei te hoê faaueraa i te nunaa o te Atua, ia täma, ia haamoà, ia ìriti i mua i to na mata te mau òhipa e tupu ai te ìno, e faaea i te haamauiui ia vëtahi. I teie mahana te tupu nei te faataaêraa e te täumiraa i te tahi pae i roto i te hepohepo, te tupu noa ra te reira i roto i to taata haapupuraa ia rätou, e i roto i te oraraa vaamataèinaa te faatiàhia nei te tahi pae, te tuuhia nei te tahi pae i tihiti. Te mau tiàturiraa o te taata ia hiò i te rähu a te Atua te turäma nei to rätou òriò mata i te mea e au i te vahi e faufaahia ai o ia, teie huru tupuraa òhipa mea tià ia âpeehia ia òre ia puai te àifaïto-òre-raa i roto i te oraraa vaamataèinaa. Te faaìte nei te Parau Maitaì i päpaìhia e Ioane i ta Ioane Päpetitoraa faaìteraa i te Metia, e Ârënio a te Atua, o tei hopoi ê atu i te hara a to te ao, te Värua i te pouraa mai mai te raì mai, mai te ûupa ra, e ua faaea iho ra i nià iho ia na. Te faaìte noa mai ra teie na ânimara e piti te Aroha e te Here o te Atua tei ìriti i te ùputa o te Te Rai, i teie parauraa e 34 Ìte atu ra hoì au, e teie ta ù parau: o te Tamaiti ia o ia na te Atua. Teie atoà nei ra ta tätou parauraa, i haere mai teie Tamaiti e haapäpü i te tiàraa taata, tane, vahine, tamarii, àiü, ia faaturahia, te hohoà, te huru, te aho o te Atua Te Vai Nei Au o Vau e Au Nei, te nehenehe, te òaòa teie no te hinaaro o te Atua i te taata. Teie tiàororaa na Ioane Päpetito te faamanaò mai nei i te Ètärëtia ia hiò faahou i te parau no te päpetitoraa e to na faanahoraa, e piti parau teie ta Ioane e faahiti nei, Te päpetitoraa päpe, te päpe ra ta te Atua ia i faatiàrepu i to na Värua no te tururaa i te ôpuaraa faaora, e Päpetito rä o Ietu i te Värua Moà, te Moà ra o te Atua iho, o Ia, i tau i maìri, o Ia i teie tau, o Ia i te tau e a muri atu. Te auraa, te vai ra te tuhaa e anihia ra i te taata ia rave, òia te haamaitaìraa e te faatïtïàifaroraa i to na oraraa. Te mea mau ia ta te taò tätarahapa e haapii mai nei, òia hoì, ia tatara i te mea e hapa ra, e haafifi ra, e faataupupü ra i te tupuraa o te maitaì e te ora. Te vähi tei reira te taata i te haparaa, te riroraa ei tumu no te fifi, te reira ta Ioane e ani ra ia tätara. Eita rä hoì e matara, mai te peu, eita te taata e ìte e ua hapa o ia. Ia hiòhia, aita e tätarahapa mai te peu aita te taata i hiò ia na iho i roto i te ôpuaraa a te Atua, òia hoì, i tuu ia na i mua i te parau a te Atua a ìte ai te taata ia na iho ei taata hara.

Te taata e päpetitohia, e höroàhia ia te Värua Maitaì no te tauturu ia na i roto i te oraraa e ta na mau òhipa. Te ùupa e täpaò te reira no te hapa-òre e te hau. E täpaò atoà rä no te nünaa Ìteraèra. E täpaò atoà hoì no te haereà mai o te Värua Maitaì. Te reo no te raì mai, e reo haapäpü ia no te Atua i te tiàraa tamaiti here o Ietu, e to te Atua i mauruüru rahi ia na, òre noa atu ai Ietu i haamata i te òhipa, te tiàturiraa ra o te Atua i ta na Tamaiti, aita ia e faaauraa te teitei e te âano. Mai te peu te vai ra te mauruüru o te Atua Metua i ta na Tamaiti, e rahi atu ä rä to te Atua mauruüru i te taata mai te peu e faaroo rätou i te mau parau a ta na Tamaiti, no te mea, ta te Metua parau e ta te Tamaiti aita e taaêraa. Tei faaroo i te Tamaiti, ua faaroo ia i te Metua i tono mai ia na. Te päpetitoraa i te Värua Moà i te parauraa a Ioane, te päpetitoraa ia a Ietu ia au i te faaìteraa a Mätaio i te pene 28, i te mau ìrava 18 e tae i te ìrava 20,

Te parau ia i haamau i te päpetitoraa, e 2 tuhaa e vai ra i roto i teie faaueraa a te Fatu. Te tuhaa mätamua, e parau ia no te mau òhipa tei ineine o Ietu i te rave no ta na mau pipi : a) O te mana atoà i te raì e te ao atoà nei, ua püpühia mai tei ia ù anaè ; e) tei pïhaì atoà iho ia vau ia òutou, e tae noa atu i te hopeà o teie nei ao. Te piti o te tuhaa, e parau ia no te mau òhipa ta te mau pipi e rave atu : a) E teie nei, e haere òutou e faariro i te mau fenua atoà ei pipi ; e) a päpetito atu ai ia rätou i roto i te iòa o te Metua, e no te Tamaiti, e no te Värua

Maitaì ; f) mä te haapii atu ia rätou i te haapaò i te mau mea atoà ta ù i parau atu ia òutou na. a) Te parau no te mau òhipa tei ineine Ietu i te rave no ta na mau pipi O te mana atoà i te raì e te ao atoà nei, ua püpühia mai tei ia ù anaè. Te mana atoà i nià i te raì e te ao, ua püpü-hope-roa-hia ia e te Atua Metua i roto i ta na Tamaiti ia Ietu. I teie taime i muri aè i te faarururaa e te upootiàraa i nià i te pohe, e te faatià-faahouraa-hia e te Atua, te haapäpü nei Ietu, ua hope roa te mana i te höroàhia mai ia na. Te auraa, e tiàraa Fatu to Ietu i nià i te mau mea atoà ta te Atua i rahu e i hämani, e i nià atoà i te mau mea o te raì. Aita atu hoì e òhipa ta te taata, e te mau nünaa e reo rau e rave mäori rä te faahanahanaraa e te haamaitaìraa i te Fatu.

E i roto i te oraraa o Ietu, aita atu e mana ta na i faaòhipa, òia hoì, te mana no te haapii (Mätaio 7, 29), te mana no te faaòre i te hara (Mätaio 9, 6,8), te mana no te tiàvaru i te värua faufau, te faaora i te maì e te pohe (Mätaio 10, 1), te mana no te parauraa i te mataì e te miti ia mämü (Märeto 4, 35-41), te mana no te rave i te mau òhipa ôpanihia e te ture (Mätaio 21, 23-25), te mana i nià i te pohe e te tiàfaahouraa (1 Torinetia 15, 55) e te vai atu ra. Ia hiòhia, aita Ietu e faataaê nei to na mana e te here e te aroha. I mua rä i te mana ta Ietu i faaòhipa, te vai ra ia te tiàturiraa e âpee teie mana i te mau pipi i roto i ta rätou tautooraa no te faatupu i te faaueraa a te Fatu. E aha hoì te taiä e ö mai ai ìnaha na te mana i püpühia i roto i te Fatu e arataì i te òhipa i anihia i te pipi ia rave, e i ta na Ètärëtia.

 

Teraì òr. Faatura.