Mātaio 22.15-21. Mäori

 

Tāpati 22 no Âtopa 2023.

Mäori

Taramo 96

1 E himene i te Fatu i te himene âpï, e himene i te Fatu, e te mau fenua atoà nei.

2 E himene i te Fatu, e haamaitaì i to na iòa, e faaìte i te ora na na eiaha ei mahana tuua.

3 E faaìte i to na hanahana i roto i te mau êtene, e ta na ra mau òhipa taa ê i roto i te taata atoà ra.

4 E rahi hoì te Fatu, e ia rahi hoì te haamaitaì ia na e ia rahi hoì to na mataù-raa-hia i te mau atua atoà ra.

5 Te mau atua atoà o te mau êtene, îtoro faufaa òre ia, âreà o te Fatu na na i hämani i te mau raì ra.

6 Te tura e te mana tei mua i ta na aro. Te püai e te nehenehe tei to na ra ia vähi moà.

7 Hö atu i te Fatu, e te mau fëtii o te taata atoà nei, hö atu i te Fatu i te hanahana e te püai.

8 Hö atu i te Fatu i te hanahana e au i to na ra iòa, ei ö te hopoi mai ia tomo i to na ra mau hëtere.

9 E haamori i te Fatu mä te tura moà ra, ia rürütaina òutou ia na, e te fenua atoà ra.

10 A parau na i rotopü i te mau êtene e: «O te Fatu te arii, e haamauhia te fenua e òre roa e âueue. Te haavä nei hoì o ia i te mau taata mä te parau-tià.»

11 Ia reàreà te mau raì ra, e ia òaòa te fenua, ia haruru te tai e to na îraa atoà ra.

12 Ia ôuàuà te mau ô e to roto atoà ra. E ia himene hua mai te mau räau o te vähi ururäau ra

13 i te aro o te Fatu, te haere mai ra hoì o ia, te haere mai ra o ia e haavä i te fenua. E haavä o ia i te ao nei mä te parau-tià, e te mau taata atoà ra mä te parau-mau.

Ìtaia 45.1-6

O Turo tei parauhia e te Fatu ei rave i ta na ra òhipa.

1 Te nä ô nei te Fatu i tei faatähinuhia e ana ra, ia Turo, tei täpeà-hua-hia e au ta na rima àtau ra, ia vï te mau fenua ia ù i mua i ta na aro, e ia tätara i te tätià i te tauupu o te mau arii ra: e ia heheu vai i te mau ùputa i mua ia na; e òre hoì te mau ùputa e ôpanihia.

2 O vau iho tei haere nä mua ia òe, e na ù e faatïtïàifaro i te mau vähi piò, e vävähihia e au te mau ôpani veo ra, e täpühia e au te mau teà âuri e maìri atu i raro.

3 E höroà atu vau ia òe i te mau taoà no te pöuri, i te mau taoà i huna-roa-hia i raro i te vähi moè ra: ia ìte hoì òe e, o vau o te Fatu; o tei maìri i to iòa ia òe ra, te Atua no Ìteraèra.

4 No ta ù tävini, nä Iatöpa; e no Ìteraèra, tei mäìtihia e au ra, i maìri ai au i to iòa ia òe na, e ua päpiti atu ä vau i to òe iòa, òre noa ä òe i te ìte mau ia ù nei.

5 O vau o te Fatu, e aita ä atu; aita ä atu Atua mäori rä o vau: nä ù e tätua ia òe, òre noa ä òe i te ìte mai ia ù.

6 Ia ìte rätou mai te hitiraa mai o te mahana, e aita ä atu, o vau anaè ra: o te Fatu vau, e aita ä atu;

1 Tëtäronia 1.1-5

Aroharaa

1 Pauro, e o Tiruano, e o Timoteo, i te Ètärëtia i roto i te Atua Metua e te Fatu ra ia Ietu Metia i Tëtäronia na. Ei ia òutou te aroha mau e te hau, no ô mai i te Atua i to tätou ra Metua, e no ô hoì te Fatu ra ia Ietu Metia.

Te oraraa e te faaroo o to Tëtäronia

2 Te haamaitaì nei mätou i te Atua ia òutou atoà aita e faaea, i te faahitiraa ia òutou i ta mätou nei pure;

3 aore hoì e faaea i te manaò i te rave päpü o to òutou faaroo, e te òhipa rahi o to òutou hinaaro, e te faaòromaì tämau o to òutou tiàturi i to tätou Fatu ia Ietu Metia, i te aro o te Atua o to tätou ra Metua.

4 Te ìte nei hoì mätou, e te mau taeaè herehia e te Atua ra, i to òutou mäìti-raa-hia:

5 i te mea, aore ta mätou Èvaneria i tae parau vaha noa atu ia òutou, mä te püai atoà rä, e mä te Värua Maitaì, e mä te ìte päpü. Ua ìte hoì òutou i to mätou huru i rotopü ia òutou ia maitaì òutou.

Mātaio 22.15-21.

Te tute àufau ia Taitara

(Mär 12.13-17; Rut 20.20-26)

15 Haere atu ra te mau Färitea, âpoo iho ra, no te ìmi i te räveà e noaa ai Ietu ia rätou, na roto i ta na iho parau.

16 Ua tono atu ra rätou i ta rätou mau pipi ia na ra, e ta te mau Herotiani ra, o tei parau atu e: «E te òrometua, ua ìte mätou e, e taata parau mau òe: e te haapii nei òe i te mau haereà o te Atua mä te parau mau, mä te hirahira òre i te taata; eita hoì òe e haapaò i te huru o te taata.

17 E teie nei, e faaìte mai na òe ia mätou i to òe manaò: e mea tià änei ia àufau i te tute a Taitara, e aore änei?

18 Ua ìte rä Ietu i to rätou täiroiro, ua nä ô atu ra o ia ia rätou: «E teie nei feiä haavare, e aha òutou i tämata mai ai ia ù?

19 A faaìte mai na i te moni àufau. Ua faaìte atu ra rätou i te hoê moni veo.

20 Ua ui mai ra o ia ia rätou: «No vai teie nei hohoà e te parau?

21 Ua parau atu ra rätou ia na: «No Taitara. Ua nä ô mai ra o ia ia rätou: «E hopoi mäori i ta Taitara ia Taitara ra, e ta te Atua ra, e hopoi ä ia i te Atua ra.

Manaò.

Te toeà o te mau parau i roto i te mau taiòraa teie e fafauhia mai nei e te Atua no te faaearaa i roto i te ora mure òre i ta Na e faaherehere nei no te feiä e tiàturi ia Na e e haapaò i ta Na parau. O te hoê ia faafaèaraa o te hau atu i te faaèa-noa-raa i roto i te mau òto e te mau mauiui o teie nei ao, tei roto rä te îraa o te òaòa e te mauruüru i mua i te aro o te Atua. O te hoê ia faafaèaraa tei täaihia i te faaotiraa i te òhipa a te Atua, i roto i te hämaniraa e te faaoraraa. O te hoê ia faafaèaraa tei haruhia e te faaroo, o te faaìte-päpü-hia rä i te hopeà o te tau, i reira te faaâpïraa. Ua riro te Taramo 95 ei himene no te ârue i te Atua e no ta na faatereraa i nià i te fenua nei. E tuhaa te reira e vai ra no te faahanahana i te Atua èi Arii no Ìteraèra e no te mau nunaa atoà. Te ani nei te Taramo 95 i te nunaa ia òaòa i te Atua, tei rähu i te aru ia au i te mau ìrava 3 e tae i te ìrava 5 e te tiaì mämoe o ta na nana i te mau ìrava 6 e tae i te ìrava 7. Te haamanaò atoà ra o ia i te hara a Ìteraèra i roto i te mëtëpara, a faatupu ai rätou i te riri i te Atua i Meripa e i Mata  i te mau ìrava 8 e tae i te ìrava 11. I te pae hopeà, e faaìte nei o ia i te faaearaa i tapuhia mai e te Atua i te feiä e auraro ia na. Tei na rotohia i te hoê himene no te ârue i te Atua e no ta na faatereraa i nià i te fenua nei. E tuhaa teie na te taata faaroo te haaputuraa no te pehepeheraa i to rätou faaroo i faahitihia na i te päpaìraa a te fenua e te mau taata. No te mea e haamata te reira na roto i te aniraa manihini Haere mai, e himene tätou na roto i te reo o te fenua. E tuhaa teie no te hoê töhuraa e parau tohu o tei tohuhia na e ua maìti te Atua ia Turo, te arii no Peretia, èi metia no na, oia hoì ta na taata i faatävaihia, no te faatiàmä i te mau àti Iuta i hopoi-tîtî-hia i Päpuronia e no te faatià ia rätou ia patu faahou ia Ierutarëma. Ua tapu te Atua ia Turo e e horoà o ia i te upootiàraa ua piihia te mau nunaa ia färii i te Atua no Ìteraèra èi Atua mau hoê roa, tei hämani i te raì e te fenua, e ia auraro i to na ra hinaaro i te faaìteraa a te Ìtaia pene 40 i te mau ìrava 15 e tae i te ìrava 17. E haavahia te mau nünaa e te Atua ia au i to rätou huru itoito e to rätou huru i nià i te nünaa mäìtihia, to na nunaa i mäìtihia e faarirohia o ia èi taata upootià e èi taata paruru i te mau nunaa i haavïhia. Mai teie te huru te faaineineraahia i te taeraa mai o te Metia, oia hoì, te taata faatähinuhia e te Atua, o te tià ia faaora i te mau nunaa atoà o te ao nei. Te tïtau-manihini-hia nei te mau nunaa ia âmui mai i roto i te faahoì-faahou-raa i te mau nünaa na roto i te höroàraa i te tauturu a te fenua e te tauturu i te pae haamoriraa, e te âmuiraa i roto i ta na haamaitaìraa. Ia tüàtihia te mau nunaa no te hiòraa i te hoê ao âpï, i reira te hau, te parau tià e te ârueraa a te Atua e faaterehia i te faatupuraa i te ôpuaraa nui a te Atua no te huitaata, o te na roto atu i te fenua, no nià atoà rä i te mau nunaa. Ua mäìtihia e te Atua i te nünaa èi marämarama no te mau fenua, e ua piihia te mau nunaa ei haamaitaìraa. Teie atu ra te mau ìrava turu, i haapotohia :

-Taramo 96, 9 E haamori i te Fatu mä te tura moà ra, ia rürütaina òutou ia na, e te fenua atoà ra.

-Ìtaia 45, 5 O vau o te Fatu, e aita ä atu; aita ä atu Atua mäori rä o vau: nä ù e tätua ia òe, òre noa ä òe i te ìte mai ia ù.

-1Tetaronia 1, 2 Te haamaitaì nei mätou i te Atua ia òutou atoà aita e faaea, i te faahitiraa ia òutou i ta mätou nei pure;

-Mätaio 22, 21 Ua parau atu ra rätou ia na: «No Taitara. Ua nä ô mai ra o ia ia rätou: «E hopoi mäori i ta Taitara ia Taitara ra, e ta te Atua ra, e hopoi ä ia i te Atua ra.

Te vai nei te tahi mau taò i roto i ta tätou taiòraa no teie mahana e tià i te faataupupü i te fëruriraa, teie mau taò, e mau taò Mäòhi, tei faahitihia i te ìrava 15, âpoo iho ra e parauhia teie huru faanahoraa Tähuà, e faanaho te manaò no te tuu i roto i te herepata. I mua teie huru tupuraa òhipa ua faaea o Ietu i roto Hirahira òre i mua teie mau taata haere âmui mai nei e tuu ia na i roto i te herepata, ua färii o Ietu i te âparau. Te ìte nei rä o Ietu i to rätou Täiroiro, no te faatupu i te òhipa tià òre i roto i te parau ta na e pähono. Oia hoì, Tamata aore e Rama, e haateitei ia Ietu no te tuu i roto i te hape. Maori ra, e Taata tumu o Ietu no te fenua no te pätoìraa i te tià òre. Te vai atoà nei ra teie taò Maoti, no te faaìte e i muri aè i to na taeraa mai, i roto i te ôpuaraa faaora a te Atua. Na teie mau taò e faatumu nei i ta tätou parau no teie mahana

E tuhaa teie no te hoê âparauraa i rotopü ia Ietu e te tahi mau Faritea, e te mau Herotiani o tei tamata i te faahema ia na nä roto i te hoê uiraa no nià i te aufauraa i te tute i te èmepera Roma. Ua ani o Ietu ia rätou ia faaìte ia na i te hoê moni e ua ani atu ra e tei nià i to vai hohoà e te päpaìraa i nià iho. Pähono mai nei rätou e, e mea maitaì te mau mea atoà i muri iho ua parau atu ra o Ietu E horoà atu òe i ta Taitara ra, e ta te Atua ra. Ua maere roa te mau Faritea i teie pähonoraa e ua faaruè mai ra rätou ia na. Ua riro teie faahitiraa parau ei hiòraa tüiroo no te paari o Ietu e ta na haapiiraa no nià i te auraa i rotopü i te mau mana tivira e te faaroo. Te rahi noa atu ra te mau märei, e faanahohia ra ia ravehia te mau faaauraa tià òre no te haamou ia Ietu. E haapeàpeàraa rahi roa teie i tupu i roto te mau Faritea tei manaò e ua pätoì o Ietu i te mana Roma, ua faahoì noa i te parau i nià i to na tiàraa, i te mea te hohoà o te Atua tei nià i te taata, èita ra tei nià iho i te hoê tapu àuri. Àreà ra te feia e turu ra ia Heroda te Herotiani, tei faanaho i te hoê faaauraa te tahoo. Te märei aore ra te herepata, o te türaìraa ia ia Ietu ia pähono i te hoê parau e tià to rätou manaò aore ra i te tahi atu manaò no te aufau aore ra no te pätoì i te tute a Taitara, ia òre o ia e faahapahia i mua i te aro o te taata ei taata rave òhipa na roto i te färiiraa i te aufau i te tute aore ra te faaìteraahia ei taata hoo i mua i te aro o te taata hoo na roto i te pätoìraa i te aufau i te tute. Teie rä, e tiàma òhie noa o Ietu i mua i teie märei e aore teie herepata, no te mea tei roto o ia i te hoê hiòraa hohonu, ta na iho e tïtau manihini ra ia tätou tätaìtahi. Ia haamauhia oia i roto i te Atua to na Metua, e ia matara roa i te mau mea atoà ta na e fänaò ra na roto i te mau räveà e rave rahi. Te horoà mai nei ta na pähonoraa ia tätou i te hoê ôrama âpï no nià i te ao nei e no te Atua, te hoê ôrama tei faaìtehia mai i roto i taua parau taa ê ra no te fenua Paretetina e piti tauatini mätahiti i maìri aè nei : E teie nei, e faaìte atu òe ia Taitara i ta Taitara ra, e ta te Atua i parau mai ra i roto i te roaraa o te àamu, no te ìte i te vahi tià i roto i te oraraa o te hoê taata i rotopü i te Atua e te taatoàraa o te toeà, te hoê ôrama o te tià ia âpee i te mau faatïtïàifaroraa tuutuu òre i reira te mau òhipa e tupu nei i roto i te ao nei. E hiòpoà na tätou i te mea ta te Fatu e parau mai nei ia tätou. Ua färii o Ietu i te faufaaraa o te taairaa i rotopü ia Taitara e to na mau taata. E mea tià ia faahoì i ta na i horoà, aore ra ia horoà tärahu i ta na moni i nià i to na hohoà. Ua tuu rä o Iesu i te reira i roto i te tahi atu âparauraa faufaa roa, niuhia i nià i te taairaa e vai ra i rotopü i te taata tätaìtahi e to na Atua tei Rahu. Te hohoà o te Atua te hohoà ia o te taata, o te taata ia. No reira, e tià ia tätou ia faahoì i ta na i horoà mai na tätou, i to tätou huitaata nei e aore ra i te nünaa. O te âparauraa tumu ia i reira i te tahi atu mau âparauraa atoà e te tahi atu mau taata, i roto i te taatoàraa o te oraraa totiare e te aru, e ìte-maitaì-hia ai e e ìte-òre-hia ai. Ìnaha, ua riro teie mau âparauraa no te moni matauhia i roto i to tätou oraraa, e te taai päpü nei ia tätou i to tätou taairaa e te Atua. O te faaòhiparaa ia i to tätou huitaata nei o te faatupu i te märamaramaraa o te âparauraa i to tätou hämaniraahia e te Atua. Ua putapü roa te âau o teie mau pipi i te pähonoraa a Ietu i te mea teie mau parau o te Evaneria. I roto i te pure mätamua no te mau òhipa i te pae värua, te Parau Tumu e te Niu, e haapäpü oia ma te faahiahia i te auraa i rotopü i te Atua e te mau mea no te taata nei. Te parauhia ra e, Ua hämanihia te taata no te ârue, no te faatura, e no te tävini i te Atua to tätou Fatu, e na roto i te reira, ua hämanihia to na värua, e te tahi atu mau mea i nià i te fenua nei, no te taata nei ia, e no te tauturu ia na i roto i te tïtauraa i te hopeà no te reira. Te fäito, mai te hopeà ia e tae atu ai i nia i te tupuraa te aroha e te here. No reira, te tïtauhia ra tätou ia fänaò i te tiàmäraa, i te hoê vahi moèmoè e te maere i te faaroo i te Atua, oia hoì te auraa, te auraa ra, no teie tumu e i roto atoà i te faaòhiparaa i te mau taairaa e te tahi atu mau mea mai te mau räveà e tae roa atu i to tätou hopeà, e tae noa atu i te tuhaa poritita. O te niu ia o te hinaaro rahi i te pae no te iho tumu o te faaroo teretetiano. Te hoê faaturaraa hohonu i te mea au noa, tei piihia no te arataì ia tätou i to tätou hopeà. Ua piihia tätou ia faaòhipa i te reira ma te faaòhipa òre i te reira, ma te haapaò maitaì ia riro te reira ei raveà e tae atu ai i te hopeà : no te tauturu i te taata i roto i to na oraraa mau. Faaòhiparaa i te pähonoraa. Hau atu ä i te ìriti i te hoê faaueraa tumu i ta na mau pipi atoà, te hoê haereà o te tauturu ia rätou ia tià atu i mua i te maere e te maere o te Oraraa ei mau tamarii tiàmä a te Atua, tei piihia no te haamau i te parau-tià o te Patireia, ua pähono atoà o Ietu i to na mau taeaè e tuahine o te pätoì ra ia na. Ua faaìte o ia ia rätou i ta rätou haavare, A hiò i raro nei, e pähono atoà mai rä oia i te reira na roto i te mau raveà no te here e te hau. E faahoì teie pähonoraa ia rätou i te taata tätaìtahi ia ui ia rätou iho i te uiraa. E rave na tätou i te hiòraa o teie huru o te Fatu i roto i ta tätou mau maröraa : e faaìte i te huru o te taata, e pähono i te tahi no nià i te parau, no te faaìte ia na i te raveà no te hoê pähonoraa mau. Te haapiiraa e noaa i roto i te Mäori, mäori rä ia, ia faaineine maite te uiraa, no te färii i te pähonoraa faatupu òhipa, ta te Ietu e parau mai nei ia tätou teie mahana, e ta te Atua ra, e hopoi ä ia i te Atua ra. ia oti ta te Atua a rave rä ta òe.

 

Teraì òr. Faatura.