Täpati 14 no Tema/Titema 2025.
TIAIRAA TORU
Te òaòa e te puai
i te tiàturiraa i te Atua.
Mau Taiòraa.
Taramo 146, E
maitaì te taata ia Tiàturi i te Atua.
Te Fatu, te pāruru o te feiā
paruparu
1 E haamaitaì ia Iehova A haamaitaì
ia Iehova, e ta ù vārua !
2 E haamaitaì au ia Iehova, òi vai
aè to ù ora, e himene au i ta ù Atua, òi vai aè au nei.
3 Eiaha e tiàturi i te hui arii, e
te taata atoà, aita hoì o na e ora.
4 Te reva nei hoì to na vārua, te
hoì nei ò ia i to na ra repo, mou roa
atu ra ta na i ôpua i taua mahana ra.
5 E ao to na tei te Atua o Iatōpa te tāuturu ia na, e tei to na Atua, tei
ia Iehova to na tiàturiraa.
6 O tei hāmani i te mau raì e te
fenua, te tai e te mau mea atoà i roto ra. O tei haapaò i te parau-mau na na e
a muri noa atu.
7 O tei faatià mai i te feiā i hāmani-ìno-hia,
e ua hōroà mai i te māa na tei poìa ra ; o Iehova tei tātara i tei tāpeàhia ra
:
8 o Iehova tei faaàraàra i te mata o
tei matapō ra ; o Iehova tei faatià i tē faahaèhaahia ra ; o Iehova tei hinaaro
i te feiā parau-tià ra.
9 Te faaora nei Iehova i te mau
taata èê ra, te tāuturu nei ò ia i te ôtare e te vahine ìvi ra, âreà te haereà
o te paieti òre ra, e huri-ê-hia ia.
10 E vai arii mai ā Iehova e a muri
noa atu. O to Atua, e Tiona, e tae noa atu i te mau uì atoà ra.
Hareru Ia.
Heuraa Manaò.
Te
tahi ìrava tumu o te Salamo 146 o te ìrava 5 ia : 5 E ao to na
tei te Atua o Iatōpa te tāuturu ia na, e tei to na Atua, tei ia Iehova to na
tiàturiraa. Teie te tahi
parauraa, E
ao to te Atua o Iatōpa tei tāuturu mai, tei to na tiàturiraa ia Iehova to na
Atua. Te tumu parau, E mataì te taata ia
tiàturi i te Atua.
1. Faanahoraa
Ìrava
1 e te 2 : Aniraa a te taata iho e a te nūnaa ia ârue. Ua fafau te pāpaì taramo
i te ârue i te Atua i te roaraa o to rātou oraraa.
Ìrava
3 e te 4 : Faaāraraa èiaha e tiàturi i te mau tamarii hui arii e aore rā, i te
mau taata, e mea tāhuti e te tāôtiàhia.
Ìrava
5 : Parau no te haamaitaìraa : e tae mai te òaòa mau na roto i te tuuraa i te
tiàturiraa i nià i te Atua.
Ìrava
6 e tae i te 9 : Faataaraa o te mau faufaa òia hoì, te mau atiriputi o te Atua :
Rāhu, haapaò maitaì, parau-tià, faatiàmā, paruru i te feia paruparu.
Ìrava
10 : Haapāpūraa hopeà : E faatere te Atua e a muri noa atu, na te reira e niu i
te ârueraa.
2. Irava Tumu.
E
ao to tei rave i te Atua o Iatōpa èi tāuturu no na » (ìrava 5). Te tītau ra
teie ìrava i te parau poroì : àita te òaòa e ìtehia i roto i te mana aore ra i
roto i te faanahoraa a te taata, i roto rā i te hoê tāairaa e te Atua o te òhipa
ra no te feiā i haavīhia, te feiā poìa, te feiā mau àuri, te feiā èè, te mau
vahine ìvi, e te òtare.
3. Tumu parau
faufaa
A
tiàturi i te Atua : Te faataa nei te taramo i te paruparu o te taata e pohe te
mau tamarii hui arii, àita ta rātou mau ôpuaraa e manuia, areà rā te haapaò
maitaì mure òre o te Atua e vai ia e a muri atu.
Te
ârueraa e te tiàturiraa : È ère te ârueraa i te mea manaò noa ; ua niuhia te
reira i nià i te ìteraa o te parau-tià e te haapaò maitaì o te Atua.
Te
Atua o te hiti : Te haapāpū nei te pāpaìraa i te āupururaa a te Atua i te feiā paruparu
roa, ma te faaìte i to Na huru e ma te tītau manihini i te hoê faaitoitoraa no
te hoêraa.
Turāmaraa
Tuhaa
no te parau no nià i te Atua : O te Atua tei Rāhu (ìrava 6) e te Fatu o te tuatua,
e mea piri atoa rā i te feia paruparu.
Te
faaitoitoraa : Te tītau pāpū ra te taramo ia pee i te hiòraa a te Atua i roto i
ta na āupururaa i te feia e haavīhia ra.
Tuhaa
haamoriraa : E Taramo ârueraa (Hareruia), ia himenehia i roto i te nūnaa.
Te
huru o te oraraa : Te tītau manihini mai nei te reira i te taata tātaìtahi ia
māìti i rotopū i te tiàturiraa hape i te taata e te tiàturiraa mure òre i te
Atua.
Ua
riro te Taramo 146 èi himene no te tiàturiraa e te ârueraa. Te parau nei te
ìrava faufaa (ìrava 5) e, tei roto te òaòa i te tiàturiraa i te Atua, o te
haapaò maitaì ia i te Atua, o te taa ê i te paruparu o te taata e o te ìtehia
na roto i te parau-tià e te parururaa i te feia paruparu roa.
Ìtaia 35, 1-10,
Te Atua i Faahoì mai i te tiàturiraa mure òre.
TE TUPU-MAITAÌ-RAA O TO TE METIA
PĀTIERIA. Te èà moà
1 E reàreà te mētēpara e te vāhi
pāpāmarō ra no rātou ; e òaòa hoì te fenua àihere e e ruperupe hoì mai te tiare
ra ;
2 e ruperupe
rahi ia, e ôuàuà noa mā te òaòa e te hīmene, te ùnaùna o Repanona tē hōroàhia
mai no na ; te nehenehe o Taremera e o Tārona ; e ìte te reira i te hanahana o
Iehova, e te mana o to tātou Atua.
3 E
faaètaèta na òutou i te rima paruparu, e tāuturu òutou i te turi turorirori.
4 E parau atu òutou i te âau taiā :
Ia itoito òutou ; èiaha e mataù ; ìnaha hoì to òutou Atua. E faaìtehia mai ā te
riri ; te tāhoo a te Atua ra ; òia iho tē haere hua mai e faaora ia òutou.
5 Èi reira e
faaàraarahia ai te mata o te matapō ra, e àmaha hoì te tarià o te feiä tarià
turi ra ;
6 èi reira
te piriòì e ôuàuà noa ai mai te àiri, e hīmene mai hoì te vaha o te taata vāvā
ra ; e pupū mai hoì te pāpe nā te mētēpara, e te pāpe tahe i te fenua marō ra.
7 E riro te
one veàveà ra èi pape hopuna, e te repo marō ra èi pāpe pihaa anaè ; e èi te pārahiraa
o te teni ra e tupu ai te âretu, e te âèho, e te tima ra.
8 Èi reira
hoì te hoê èà rahi, e e èà hoì ; e maìrihia hoì te reira, o te èà moà ; aore
roa e taata viivii e nā reira i te haere ; èi pīhaì atoà iho ra te Atua ia
rātou, i te haereraa nā taua èà ra, e òre hoì te taata ìte òre e hapa i te
reira èà.
9 Aore ia o
reira e riona ; aore hoì e puaa taehae e tae mai i reira ; e òre roa te hoê e
ìteā atu i te reira vāhi ; o tei faaorahia rā tei nā reira i te haere.
10 Òia ia, o
tei hoohia e Iehova tei hoì mai ; e haere mai rātou i Tiona mā te ûmere ; e
faatorōnahia to rātou upoo i te òaòa vaiiho taiàta. E noaa ia rātou te reàreà e
te òaòa ; e te òto ra, e te mihi ra, e maùe ê atu ia.
Heuraa Manaò.
Te
Ìtaia pene 35 i muri aè i te tahi mau hiòraa haavā i te faaìteraa a te pene 34 e
te faaite ra i te hoê ôrama no te tiàturiraa. E taa-ê-raa puai teie : i te ānoraa,
e tae mai ai te parau fafau no te faahoì-faahou-raa mai i te òaòa. E pehe teie tei
pāpaìhia, e mea oraora, e te hinaaro nei ò ia e faaitoito i te hoê nūnaa tei
tāpaòhia e te hopoi-tîtî-raa e tei haamāuiuihia.
Te tahi Irava
faufaa
Ìrava
4 ia : 4 E parau atu òutou i te âau taiā : Ia itoito òutou ;
èiaha e mataù ; ìnaha hoì to òutou Atua. E faaìtehia mai ā te riri ; te tāhoo a
te Atua ra ; òia iho tē haere hua mai e faaora ia òutou. Teie te tahi huru parauraa, E parau atu i te
feiā âau taiā ra, Ia faaitoito, èiaha e mataù ! Teie to òutou Atua... E haere
mai ò Ia iho e faaora ia òutou.
Te
tūrama nei teie ìrava i te parau poroì : O te Atua te paruru no te faaoraraa.
E
faatuàti te reira i te tāuiraa o te ao nei te ùaaraa o te mētēpara, te haumi e
haere ra, e himene te vava i te òhipa faaora a te Atua.
E
aòraa te reira (« ia puai tātou ») e e fafauraa (« E haere mai ò Ia »).
Parau Tumu
Te
faahoì-faahou-raa mai o te Atua e te tiàturiraa i te pae no te mau tau e a muri
atu.
Tāuiraa
e te rāhuraa : ua riro te mētēpara èi àua, èi tāipe no te ora âpī.
Te
faaoraraa i te tino e te âau : e ìte te matapō, e faaroo te tarià turi, e haere
te pirioì.
Èà
no te moà : ua faataahia te hoê « pūrumu », faahereherehia no te feiā tei
faaorahia, e ārataì atu i Tiona.
Te
òaòa e te faaoraraa : e moè te òto e te hepohepo, monohia e te òaòa mure òre.
Tuatapaparaa
Ìrava
1 e te 2 : E âpiti te aru i roto i te òaòa, te hoê tāpaò no te faahoì-faahou-raa
mai i te ao nei.
Ìrava
3 e te 4 : Faaitoitoraa no te feia paruparu e te mataù : E òhipa mai te Atua.
Ìrava
5 e te 6 : Te faaoraraa i te mau maì, te hoê hohoà no te faatiàmāraa hope roa.
Ìrava
7 e te 8 : Ua tāuihia te mētēpara èi vahi haumārū e te hohoà o te hoê èà moà,
èi tāpaò no te hoìraa i te Atua ra.
Ìrava
9 e te 10 : Te parururaa, te òaòa e te faaoraraa no te feiā tei faaorahia, o te
tomo i Tiona.
Te
Ìtaia pene 35 o te hoê ia himene no te tiàturiraa : te faaìte nei te reira e, e
tāui te Atua i te ano èi ora, te mataù èi itoito, te maì èi faaoraraa, te
faatîtîraa ei faatiàmāraa. Te tītau nei te ìrava 4 i teie fafauraa : Te haere
mai nei te Atua iho no te faaora, no te faahoì-faahou-raa mai i te raì, o te ìriti
i te hoê èà moà e te òaòa mure òre.
Iatöpo 5, 7-10, A tiaì, ia
itoito i te faaòromaì.
Faaòromaì, te fātata mai ra te Fatu
7 E i teie nei, e faaòromaì, e a ù
mau taeaè, e ia tae mai te Fatu ra. Ìnaha hoì te faaàpu ra, te tiaì māite ra ò
ia i te māa maitaì o te fenua nei, te faaòromaì māite ra hoì i te reira, e ia
noaa mai te ua mātamua, e te ua hopeà ra.
8 E faaòromaì atoà hoì òutou, e
faaitoito na i to òutou âau ; ua fātata roa taua haereà mai o te Fatu ra.
9 Èiaha e tāiroiro
te tahi i te tahi, e a ù mau taeaè, o te faahapahia mai òutou. Ìnaha, te tià
noa mai ra te haavā i te ùputa.
10 E rave, e
a ù mau taeaè, i ta te mau perofeta, o tei parau mai mā te iòa o te Fatu ra, èi
hiòraa i te haamahuraa i te ìno e te faaòromaì.
Heuraa Manaò.
Te mau ìrava o
te èpitetore.
Te
paraparau ra o Iatōpo i te mau Marū Metia e faaruru ra i te parau-tià òre e te
haavīraa. I muri aè i to na faahaparaa i te feiā faatîtî taoà (Iatōpo i te 5 i
te mau ìrava 1 e tae i te 6), ua faaitoito ò ia i te feiā faaroo ia faaòromaì e
ia tāmau noa ā i te tiaì i te hoìraa mai o te Fatu.
Pāpaìraa
Ìrava
7 : Tītau manihini ia faaòromaì, mai te taata faaàpu e tiaì nei i te ua no ta
na mau faaàpu.
Ìrava
8 : Te aò ia haapuai i te âau, no te mea ua fatata te taeraa mai o te Fatu.
Ìrava
9 : Faaāraraa èiaha te ôhumu e te haavāraa i rotopū i te mau taeaè, tei te
ùputa hoì te haavā.
Ìrava
10 : Hiòraa i te mau perofeta tei māuiui ma te faaòromaì, èi hiòraa no te feiā
faaroo.
Irava faufaa
Te
ìrava 8 ia : 8 E faaòromaì atoà hoì òutou, e
faaitoito na i to òutou âau ; ua fātata roa taua haereà mai o te Fatu ra. Òia hoì, E
o òutou atoà, e faaòromaì, e faaitoito i to òutou âau, te fatata mai ra hoì te
taeraa mai o te Fatu.
Te
tītau nei teie ìrava e te poroì nei : è ère te faaòromaì i te mea faaea noa, e
puai rā no roto mai tei faaàmuhia e te tiàturiraa i te Metia.
Parau Tumu
Te
faaòromaì e itoito ai ia tiaì noa i te Fatu. Te faatuàti ra o Iatōpo i te
tiàturiraa i te hoìraa mai o te Metia : Te faaòromaì i mua i te mau òhipa tià òre.
Te puai roto ia
òre e àueue.
Te
autaeaèraa ma te amuamu òre e aore rā, te àmahamaharaa.
Hiòraa
te mau perofeta èi mau ìte no te haapaò maitaì i roto i te māuiui.
Faanahoraa
Hohoà
no te faaàpu (ìrava 7) : Tei te tau àuhune e te tau ùaaraa tiare te taata faaapu.
Te faaite nei teie hohoà i te tiàturiraa e te tāpeà-maite-raa i roto i te hoê
òhipa èita e haavīhia e te taata.
Tupuraa
(ìrava 8) : Na te tiaìraa i te Fatu e horoà i te auraa no te faaòromaì. Ua riro
te fātataraa i te hoìraa mai o te Metia èi faaitoitoraa ia tāmau noa, e ia
itoito i roto i te tiaìtururaa.
Te
oraraa nūnaa (ìrava 9) : E ìte-atoà-hia te faaòromaì i roto i te mau auraa āutaeaè.
E haamou te muhumuhu aore ra te haavāraa i te hoêraa.
Tōhuraa
(ìrava 10) : Ua riro te mau perofeta èi hiòraa no te haapaò maitaì i roto i te
mau tāmataraa. Ua riro to rātou faaòromaì èi haapāpūraa te māuiui ìtehia èi
faaìteraa.
Tītauraa
Te
haapii mai nei o Iatōpo pene 5 i te mau ìrava 7 e tae i te 10 ia tātou e, te
faaòromaì marū metia o te hoê ia puai i te pae vārua tei niuhia i nià i te
tiàturiraa i te Metia. È ère te reira i te faaruèraa, o te hoê rā huru itoito :
te haapuairaa i te âau, te tāpeàraa i te âmui-tahi-raa, e te fāriiraa i te
faaūruraa a te mau ìte o te faaroo.
Mätaio 11, 2-11, Tiàraa Metia o Ietu e te iho tumu o te Pātireia o te
Atua.
Te uiraa a Ioane Pāpetito
(Rt Èv 7.18-35)
2 E ìte aè ra Ioane ei roto i te
tāpeàraa ra i te mau rāveà a te Metia ra, ua tono mai ra o ia i e toopiti puè
pipi a ana ra, o tei ui mai ia na e :
3 O òe ānei
tē tae mai, e e tiaì atu änei tātou i te tahi ê ?
4 Ua parau
atu ra Ietu ia rāua, nā ô atu ra : A haere, a faaìte atu ia Ioane i ta òrua e
faaroo nei e ta òrua e hiò nei :
5 Ua faaorahia te matapō, ua haere
te piriòì, ua faaroo te turi, ua tāmāhia te rēpera, ua faatiàhia tei pohe, e ua
parauhia te parau òaòa i te taata rii.
6 E o tē òre
e turori ia ù nei, e ao to na.
7 E ia reva atu ra rāua, ua parau
atu ra Ietu i te taata e rave rahi ra, ia Ioane : I haere òutou i te mētēpara
ra e hiò i te aha ? I te âèho ueuehia e te mataì ?
8 I haere rā
òutou e hiò i te aha ? I te taata i te àhuraa i te àhu marū ? Ìnaha, te feiā e àhu
i te àhu marū ra, tei te fare ia o te hui arii.
9 I haere
mau rā òutou e hiò i te aha ? I te perofeta ? Òia ia, e parau atu vau ia òutou
: e rahi atu ia ò ia i te perofeta.
10 Ò ia hoì
teie no na te parau i pāpaìhia ra e : Ìnaha, e tono vau i ta ù veà i mua ia òe,
e na na e haamaitaì i to òe èà i mua ia òe na.
11 E parau-mau ta ù e parau atu ia
òutou nei, i ta te vahine i fānau nei, àita atu ia perofeta rahi i ìteā ia
Ioane Pāpetito nei, o tei iti roa rā i te pātireia o te ao ra, e rahi ia ia na.
Heuraa Manaò.
Te mau irava o
te pene parau.
Te
faatià nei o Mātaio i te pene 11 i te mau ìrava 2 e tae i te 11 i te òhipa i
tupu i to Ioane Pāpetito tei tāpeàraahia i roto i te fare tāpeàraa, i to na
tōnoraa i ta na mau pipi no te haere e ani ia Ietu e : ò Òe anei tei haere mai,
e aore rā, e tiaì i te tahi atu taata ? Ua pāhono o Ietu na roto i te faataaraa
i ta na mau òhipa : te ìte ra te matapō, te haere ra te pirioì, te tāmāhia ra
te rēpera, te faaroo ra te tarià turi, te faatiàhia ra te feiā pohe, e te
porohia ra te parau âpī maitaì i te feiā veve. I muri iho, ua faahanahana ò ia
ia Ioane, ma te haapāpū e, te mea iti aè i roto i te Pātireia o te Ao ra, e mea
rahi aè o Ioane ia rātou.
Te tahi ìrava
faufaa
Irava
5 ia : 5 Ua faaorahia te matapō, ua haere te piriòì, ua
faaroo te turi, ua tāmāhia te rēpera, ua faatiàhia tei pohe, e ua parauhia te
parau òaòa i te taata rii. Òia hoì, Te
hiò nei te matapō, te haere nei te pirioì, te tāmāhia nei te rēpera, te faaroo
nei te tarià turi, te faatiàhia nei tei pohe, e ua porohia te èvaneria i te
feiā veve.
Te
haapoto nei teie ìrava i te òhipa tumu a te Metia ra o Ietu : te faatupuraa i
te mau parau tōhu a Ìtaia e te faaiteraa i te Pātireia na roto i te mau tāpaò
no te faaoraraa, te ora e te faatiàmāraa.
Tumu.
Te
tahi parau tumu, Tiàraa Metia o Iesu e
te iho tumu o te Pātireia o te Atua.
Àita
o Ietu e pāhono ra na roto i te hoê tātararaa taa ê, na roto rā i te mau tāpaò
pāpū o te faatupu i te mau Pāpaì.
E
heheuhia te Pātireia na roto i te faaoraraa, te tià-faahou-raa, e te pororaa i
te parau âpī maitaì i te feia veve : te tāuiraa o te mau tiaìraa a te taata.
Ua
faahanahanahia o Ioane èi perofeta e èi taata na mua, tera rā, ua haapāpū o
Ietu e, ua hau aè te tōmoraa i roto i te Pātireia i te rahi o Ioane : e parau
mau i te faaâpīraa a te vārua teie.
Faanahoraa.
Uiraa
a Ioane (ìrava 2 e te 3) : te faaìte ra i te feàa e te tiaìraa i nià i te
Metia. E tià atoa te perofeta e peàpeà.
Pāhonoraa
a Ietu (ìrava 4 e tae i te 6) : e mea puai aè te mau òhipa i te mau tiàraa. Ua
faaāu o Ietu ia na iho i nià i te reni o te mau parau tōhu a Ìtaia (pene 35 e
te pene 61).
Ârueraa
a Ioane (ìrava 7 e tae i te 10) : O Ioane te veà e faaineine ra i te èà, te hoê
taata faufaa roa i rotopū i te mea i faaāuhia i roto i te Faaāuraa mātamua e te
Faaāuraa âpī.
Na
te vahine e fānau (v. 11) : àita te rahi i roto i te Pātireia e faitohia na
roto i te hanahana o te taata, na roto rā i te âpitiraa i roto i te huru âpī i
haamauhia e Ietu.
Âanoraa
Te
faaroo e te feàa : Te faaìte nei o Ioane e, e tuhaa te feàa no te tere o te
faaroo, tera rā, te ani manihini nei Ietu ia tātou ia hiò i te mau tāpaò.
Te
parau âpī maitaì no te feiā veve : te turu nei te Pātireia i te feiā i tuuhia i
te hiti, tei tuuhia i te rapae, tei paruparuhia.
Tāuiraa
i te mau faufaa : e faitohia te rahi na roto i te fāriiraa i te Pātireia, èiaha
rā na roto i te mau ture a te taata.
Tītau manihini
ia òaòa
Te
mau taeaè e te mau tuahine, i teie mahana, te pii nei te Ètārētia ia tātou ia
òaòa. I roto i te âau o te tiaìraa, te àma ra te hoê mori : " A òaòa i te
Fatu i te mau taime atoà ; e parau faahou vau, a òaòa ! (Firipi pene 4 ìrava 4).
È ère te reira i te hoê òaòa i mua noa i te ùtu, o te òaòa hohonu rā ia ìte e,
te haere mai nei te Atua e pārahi i rotopū ia tātou.
Ioane Pāpetito,
ìte no te tiàturiraa
Ua
ui o Ioane, i roto i to na fare tāpeàraa : " O òe anei te haere mai ?
". No tātou atoà, ta Na uiraa, i roto i to tātou mau manaò feàa e ta tātou
mau tiaìraa. E ua pāhono o Ietu na roto i te mau tāpaò : te ìte nei te matapō,
te haere nei te pirioì, te fārii nei te feiā veve i te parau âpī maitaì. Teie
te tumu o to tātou òaòa : te òhipa ra te Pātireia.
Te
òaòa èi tāpaò o te Pātireia
Òaòa
i roto i te mau faaoraraa e te mau faatiàraa.
Òaòa
no te feiā veve tei faateiteihia e tei faahanahanahia.
Òaòa
i te ìteraa e, te mea iti roa aè i roto i te Pātireia, e mea rahi ia i mua i te
aro o te Atua.
È
ère teie òaòa i te mea maamaa : e haere te reira na roto i te mau fare
tāpeàraa, te mau pepe o taata, te mau vahi pāpū òre. Ua niuhia rā te reira i
roto i te parau tapu no te haapaò maitaì a te Atua.
Ârueraa
I teie mahana, te faahanahana nei tātou i te òaòa o te òre e haavare. Te òaòa e
tae mai na roto mai i te reo o te Metia i rotopū ia tātou. Te òaòa o te tāui i
ta tātou mau tiaìraa èi tiàturiraa i te òhipa. Te òaòa o te tūraì ia tātou ia
faaineine i te mau èà o te Fatu, èiaha no te mataù, na roto rā i te tiàturiraa.
Te òaòa o te haamanaò mai ia tātou te Pātireia, na roto i te mau òhipa
faaoraraa, te ôpereraa, e te aroha.
Heuraa Ìrava.
Taramo 146, 5 E ao to na tei te Atua o Iatōpa te
tāuturu ia na, e tei to na Atua, tei ia Iehova to na tiàturiraa.
Ìtaia 35, 4 E parau atu òutou i te âau taiā : Ia
itoito òutou ; èiaha e mataù ; ìnaha hoì to òutou Atua. E faaìtehia mai ā te
riri ; te tāhoo a te Atua ra ; òia iho tē haere hua mai e faaora ia òutou.
Iatōpo 5, 8 E faaòromaì atoà hoì òutou, e faaitoito
na i to òutou âau ; ua fātata roa taua haereà mai o te Fatu ra.
Mātaio 11, 5 Ua faaorahia te matapō, ua haere te
piriòì, ua faaroo te turi, ua tāmāhia te rēpera, ua faatiàhia tei pohe, e ua
parauhia te parau òaòa i te taata rii.
Faaitoitoraa.
Teie
te hoê ârueraa i nià i te mau tumu parau no na ìrava e maha i māìtihia. E parau
hoê ta rātou e faatoro ra i roto i te hoê ā aho e to te vārua : te tiàturiraa
pāpū i te Atua o te haere mai no te faaora e no te faateitei i to Na nūnaa.
Te parau tumu.
Te
òaòa e te puai i te tiàturiraa i te Atua. Te parau nei teie mau irava e, o te
Fatu te tāuturu o te âau tiàturi, e te haere mai nei ò Ia ma te mana e te
aroha, e faaora e e faateitei ò Ia i nià, e te ani manihini nei ò Ia ia tātou
ia faaòromaì a tiaì ai tātou i to Na Pātireia.
Arueraa.
Taramo 146 ìrava
5
E ao to na tei Atua o Iatōpa tei tāuturu mai ia na, tei to na tiàturiraa ia
Iehova to na Atua.
I
ô nei, ua tāaihia te haamaitaìraa èiaha i te mau taoà māteria, i te tiàturiraa
rā i te Atua.
Te
ârueraa, o te haapaò maitaì ia o te Atua : o te Fatu te tāuturu pāpū, te hoa
àueue òre.
Te
haamanaò mai ra te pāpaì taramo e ua niuhia te òaòa mau i roto i te tiàturiraa.
Ìtaia 35 ìrava 4 E parau atu i
te feiā âau taiā e, Ia faaitoito, èiaha e mātaù. A hiò na i to òutou Atua... Te
haere mai nei ò Ia iho no te faaora ia òutou.
Te
ârueraa, o te itoito ia e te tāmahanahanaraa.
Àita
te Atua i atea ê : E haere mai ra ò ia iho, ma te parau-tià e te marū.
Ua
riro teie ìrava èi faaìteraa no te upootiàraa i nià i te mataù, te hoê aniraa
manihini ia tiàturi.
Iatōpo 5 ìrava 8.
E
faaòromaì atoà òutou, e faaitoito i to òutou âau, te fatata mai nei hoì te
taeraa mai o te Fatu.
Te
ârueraa, no te faaòromaì i roto i te itoito, no te tiaìraa tuutuu òre.
Te
faaitoito ra o Iatōpo ia tātou i te hoê tiàturiraa o te òre e àueue noa, no te
mea tei te ùputa te Fatu.
E
riro mai te faaòromaì èi puai no te vārua e te tino, èi haapaò maitaì i roto i
te roaraa o te tau.
Mātaio 11 ìrava 5.
Te
ìte nei te matapō, te haere nei te pirioì, te tāmāhia nei te rēpera, te faaroo
nei te tarià turi, te faatiàhia nei tei pohe, e ua porohia te èvaneria i te
feiā veve. Te ârueraa, no te mana faatiàmā ia o te Metia.
Ua
faatupu o Ietu i te mau tāpaò o te Pātireia : te faaoraraa, te tià-faahou-raa,
te faaāraraa i te feiā veve. Ua riro teie ìrava èi hīmene no te ora âpī, te hoê
faaìteraa no te tiàturiraa tei tupu.
Haaputuraa
pehepehe teie Ua riro teie mau ìrava èi hei no te tiàturiraa :
Te
himene nei te Taramo i te òaòa o te tiàturiraa.
Te
faaìte nei Ìtaia i te puai e te tāmahanahanaraa.
Te
aò nei ra o Iatōpo ia faaòromaì i roto i te tiaìraa.
Te
faaìte ra Mātaio i te tupuraa i roto ia Ietu Metia.
Te
parau mai nei rātou e : E ao to tei tiàturi, no te mea te haere mai nei te
Atua, e faaora te Atua, te fatata mai ra to na Pātireia.
Pehepehe.
Te òaòa e te
puai o te tiàturiraa i te Atua
I
roto i te tiaìraa, e maraa to tātou âau,
Tei
haere mai nei, te māramarama.
Te
morohi ra te pō, te fāura mai ra te poìpoì,
Te
haafatata mai ra te Atua, no te faaòre te mātaù.
E
ao to te taata o tei tuu i to na tiàturiraa,
Èiaha
i nià i te àuro, è ère hoì i te mana,
I
te Atua haavare òre rā e te marū,
O
tei faateitei i tei haèhaa, o tei haere mai i pīhaì iho ia tātou.
A
faaitoito, èiaha e mataù faahou,
Teie
to òe Atua, te tāpeà nei ò Ia i to òe na rima.
E
riro te faaòromaì èi upootiàraa,
Ia
tūrama anaè te tiàturiraa i te tuatua.
Te
ìte nei te matapō, te òri nei te pirioì, te himene nei te feia vāvā,
Ua
fānau faahou mai te feia pohe.
Te
faatupu nei te Mesia i te fafauraa :
E
ùaa te òaòa, e tià mai te tiàturiraa.
E
i teie tau no te tiaìraa toru
Te
haere mai nei te Atua no te faaora,
Te
haere mai nei te Atua no te faaora,
E
te matara nei to na Pātireia i te tau a muri noa atu.
Teraì
òr. Faatura.
Aucun commentaire:
Enregistrer un commentaire