Tāpati 7 no Tema/Titema 2025.
ÔROÀ TIAÌRAA
PITI
Âmui-tahi-raa o
te ao i te Metia, niuhia i nià i te fāriiraa.
Mau Taiòraa.
Taramo 72, Te tiàraa arii o
te Metia i te ao atoà nei e te parau-tià.
E pure i te Atua ia haamaitaì i te
arii
1 Taramo. Na Toromona. A hō mai na,
e te Atua, i te mau parau au na òe ra na te arii, e te parau-tià na òe ra na te
tamaiti a te arii.
2 E haavā ò ia i to mau taata mā te
parau-tià, e to òe ra mau taata haèhaa mā te parau au.
3 E hōpoi mai te mau mouà i te hau i
te mau taata, e te mau âivi hoì mā te parau-tià.
4 Na na e faaāu i te parau i te
haèhaa io te mau taata ra ; e te tamarii a tei àti i te veve ra, na na e faaora
; e e haavī ôfatifati roa ò ia i tei hāmani ìno ra.
5 E mataù rātou ia òe mai te mahana e
te mārama e vai nei i te mau uì atoà ra.
6 E riro ò ia mai te ua i nià i te
àihere motu âpī ra, e mai te tuāua e faararirari i te fenua nei.
7 I to na ra tau e tupu roa ai te
parau-tià, e rahi roa hoì te hau, òi vai aè te mārama.
8 E riro ò ia ei arii mai te tahi
miti e tae noa atu i te tahi miti, e mai te pape ra e tae noa atu i te hopeà o
te fenua.
9 To te mētēpara ra, e piò ia i raro
ia na, mitimiti to na mau ènemi i te vari.
10 E àufau mai te mau arii no
Taretita e to te mau fenua rii i te taoà : te mau arii o Tehepa e to Tepa tē hōpoi
mai i te ō.
11 E hope roa te mau arii i te tāhopu i mua ia na, e hope roa te mau fenua i te auraro ia na.
12 O tei
veve ra e ua tiàoro mai ra, na na ia e faaora, e tei àti ra e àita o na e tāuturu.
13 E faaherehere ò ia i tei paruparu
ra e tei veve, e faaora hoì ò ia i te feiä taoà òre ra ;
14 e faaora ò ia ia rātou i te
haavare e te rave ìno ra, e to rātou toto e riro ei mea taoà na na.
15 E tià ò ia i te oraraa. E hōroàhia
mai te àuro o Tehepa ra na na. E pure tāmau hoì te taata ia na, e haamaitaì hoì
rātou ia na, àita e mahana e tuua.
16 E riro hoì e māa tītona tei te
fenua i nià i te tūpuaì o te mau mouà ra, e tei tupu ra, e àhehe ia mai te mau
rāau e tupu i Repanona ra ; e ruperupe to te òire ra mai te rāau o te fenua
nei.
17 E vai ā to na iòa e a muri noa
atu. E vai ā to na iòa mai te mahana ra. E maitaì te taata atoà ia na, e e hope
te mau fētii atoà o te fenua nei i te haamaitaì ia na.
18 Ia haamaitaìhia te Atua, te Atua
o Ìteraèra, o Iehova, ò ia anaè ra tei rave i te mau mea taa ê ra.
19 Ia haamaitaìhia hoì to na iòa
hanahana e a muri noa atu. Ia faaîhia hoì te mau fenua atoà i to na hanahana.
Âmene ! E Âmene !
20 Te mau pure a te tamaiti a Iete
ra a Tāvita, ua hope ia.
Heuraa Manaò.
O te tahi
Taramo faahiahia mau teie mea tià ia haamatahia na te Ìrava 11, E hope roa te mau arii i te tāhopu i mua ia na, e hope roa te mau fenua i te auraro ia na. Òia hoì,
E piò te mau arii
atoà ia na, e haamori te mau fenua atoà ia na. Te tumu parau mātamua teie, o te
tiàraa arii o te Mesia, e te ao atoà nei, niuhia i nià i te parau-tià, te hau,
e te parururaa i te feiā veve.
Te tahi tuatapaparaa i te Taramo
72.
1. Te mau parau turu
Ua parauhia e na Toromona teie taramo aore ra
ua pāpaìhia no te faahanahanaraa ia na, tera rā, ua hau atu te reira i te
faanahoraa o te àamu : te faaìte ra ò ia i te arii maitaì roa, te hoê hohoà no
te Metia.
Te
piti teie o te tuhaa o te mau puta Taramo 51 e tae i te 72, ma te tāpaò i te
hoê tāuiraa i rotopū ia Tavita e tae noa atu i to na ruhiruhiāraa.
2. Faanahoraa Te mau ìrava 1 e
tae i te 11 :
Te
pure no te hoê arii parau-tià. Ua anihia i te Atua ia horoà i te arii i te
àravihi no te haavā ma te tià, no te paruru i te feia veve, e no te hopoi mai i
te hau.
Ìrava 12 e tae i te 17 : Faataaraa no te faatereraa a te
metia : faaoraraa tei haavīhia, ruperupe, no te ao atoà o te pātireia.
Ìrava 18 e tae i te 20 : Te tuatapaparaa hopeà, te
haamaitaìraa a te Atua, e te faaotiraa o te haaputuraa.
3.
Irava tumu te ìrava 11ia : E hope roa te mau arii i te tāhopu
i mua ia na, e hope
roa te mau fenua i te auraro ia na.
Òia hoì, ia piò mai te mau arii atoà ia na, ia haamori te mau fenua atoà ia na
». Te faaìte ra teie ìrava i te huru o te faatereraa a te metia i roto i te ao
atoà nei. Te faaìte ra te reira i te hoê tiàraa arii o te hau atu ia Ìteraèra,
ma te faahohoà i te fāriiraa i te Metia te mau nūnaa atoà.
4. Mau parau tumu.
Te
tiàraa arii o te Metia na te ao atoà nei e te parau-tià.
Ua
faataahia te arii mai te hoê pāruru no te feia veve e te haavīhia (ìrava 2, 4,
12 e tae i te 14).
E
hopoi mai ta na faatereraa i te parau tià e te hau (ìrava 3 e te 7).
Ua
faaāuhia ò ia i te ua maitaì o te faahotu i te fenua (ìrava 6).
Ua
tae roa to Na mana i te mau hopeà o te fenua nei (ìrava 8 e tae i te 11).
No
reira, ua riro teie taramo èi pure e èi tōhu : te ani nei ò ia i te Atua ia
haamaitaì i te arii o te fenua nei, te faaìte atoà ra rā ò ia i te faatereraa
tià roa a te Metia.
5.
No Ìteraèra : te tiàturiraa i te hoê arii parau-tià, te hoê taata haapāpū i te
hau.
No
te Marū Metia : te tiaìraa i te Metia, te arii tāvini o te ao nei, o te
faahohoà nei i te parau tià a te Atua e te faatiàmāraa i te feiā haavīhia.
No
te Papa Haamori : e taramo teie e haamanaò ra i te mau arii e haere mai e pūpū
i te mau ō na te Metia.
Tītauraa :
Ua
riro te Taramo 72 èi pure arii o te riro mai èi ôrama no nià i te Metia. Te
faaìte nei te ìrava 11 i te tiàraa o te faatereraa a te arii tāvini. Te tahi parau
tumu, o te parau-tià ia e te hau no nià
i te Metia, ma te haapaò taa ê i te feiā veve e te feia haavīhia. Te
faatuàti ra teie taramo i te tiàraa arii o Tavita i te tiàturiraa o te hoê
faatereraa a te Atua na te ao atoa nei o te tumu atoà ia i roto i teie tiaìraa
piti.
Itaia 11.1-10,
Tiaturiraa i te Mesia te hau no te ao atoà nei.
Âmaa no roto i te Tumu no Iete. Te
hoê Tāvita âpī
1 E tupu te hoê ohi no roto i te tumu ra o Iete ; e riro te hoê aveave no
roto i to na aa i te hotu rahi.
2 E vai ā te
vārua o Iehova i nià ia na ; te vārua o te paari e no te ìte ; te vārua faaaò e
no te pūai ; te vārua no te ìte, e no te mataù ia Iehova ;
3 e rahi hoì
to na ìte i te mataù ia Iehova ; e òre hoì ta na parau e faaāuhia i tei ìteā e
tana mata ; e òre hoì ò ia e aò i ta to na tarià i faaroo ra ;
4 haavā rā ò
ia i te taata rii mā te parau tià ra ; e tuu hoì ò ia i te parau-au i te feiā
māmahu o te fenua nei : e tāìri ò ia i te fenua nei i te papaì ra o ta na vaha
; e pohe te paieti-òre ia na i te mataì o to na vaha.
5 E te parau
tià ra, o te tātua ia o ta na tāuupu ; e te parau mau ra, o te ruuruu ia o ta
na ôpū.
E ora âmui
te ruto e te māmoe
6 E reira te ruto e pārahi atoà ai
rāua o te ârēnio ; e te nēmera e te pinia māmoe, e âpiti atoà ia i te taòtoraa
; e te fanauà puaatoro, e te riona âpī, e te puaatoro haaporia ra, hoê ā
âmuiraa mai, e na te hoê tamaiti iti e ārataì.
7 Te
puaatoro âpī ra, e te tāpa maiaa ra, hoê ā ia àmuraa, e hoê ā taòtoraa to te
fanauà. E àmu hoì te riona i te àihere mai te puaatoro atoà ra.
8 E haùti
noa hoì te tamarii àiū i te âpoo o te âtepi, e te tamaiti no maìri aè te ū ra, e
tuu ia i te rima i nià i te pūpūniraaa o te tefo ra.
9 E òre rātou
e haùti, e òre e rave ìno, i to ù atoà nei mouà moà, te nā reira mai ra Iehova
; e î hoì te fenua i te ìte ia Iehova, mai te vairaa miti e î i te miti ra.
Te hoìraa o te feiā hōpoi-tītī-hia
no Ìteraèra
10 E ia tae i taua mahana ra, e ìteā
mai ai te hoê no te tumu ra o Iete, e tià i nià èi reva no te taata, e ìmi hoì
te mau fenua atoà ia na ; e maitaì māite to na faaearaa.
Heuraa Manaò.
Ua
riro te Ìtaia pene 11 i te mau ìrava 1 e tae i te 10 èi tuhaa no te mau parau
no nià i te Metia. I muri aè i to na faahaparaa i te parau-tià òre e te
faaāraraa i te haavāraa, ua ìriti te perofeta i te hoê hiòraa no te tiàturiraa
: te hoê ànanahi tei tāpaòhia e te parau-tià, te hau, e te faahau o te ao atoa
nei.
Te
ìrava 1 o te tahi ia tumu no teie pene parau : 1 E tupu te
hoê ohi no roto i te tumu ra o Iete ; e riro te hoê aveave no roto i to na aa i
te hotu rahi. Òia hoì, E tupu mai te
hoê ohi mai roto mai i te tumu o Iete ; mai roto mai i to na mau aa e hotu mai
ai te hoê àmaa ». No te aha teie ìrava i riro ai èi mea faufaa, te faaìte ra te
reira i te hohoà o te Metia mai te hoê tumu rāau âpī e matara mai mai roto mai
i te hoê tumu rāau e au ra e ua pohe.
O
Iete te metua tane o Tavita : te faaìte nei te pāpaìraa i te huaai o Tavita, te
taata e amo i te faaâpīraa.
Te
toeà o te ìrava e ìtehia te paari o te vārua, faatereraa i te parau-tià, faatupu
hau i roto i te ao nei mai roto mai ia i teie fafauraa mātamua.
Te
tahi parau tumu, o te tiàturiraa ia no nià i te Metia e te hau o te ao nei.
Te
Metia a Tavita : e arii haèhaa tei î rā i te Vārua Atua.
Te
parau tià e te parau mau : e haavā ò ia èiaha na roto i te hohoà, na roto rā i
te parau mau.
Te
hau o te ao nei : te ora âmui nei te mau puaa ènemi, ei faahohoàraa no te hoê
rāhuraa tei faahauhia.
Te
huru o te ao nei : e fāriu te mau nūnaa i nià ia Na, te hoê tāpaò no te
faaoraraa e pūpūhia i te taatoàraa.
Faanahoraa.
Ìrava
1 – Hohoà o te rāau tupu : fanau-faahou-raa → tāmau noa i te reni a Tavita.
Ìrava
2 e te 3 – Hitu horoà a te Vārua, paari, māramarama, aòraa, puai, ìte, mataù i
te Fatu → îraa pae vārua.
Ìrava
4 e tae i te 5 – Te parau-tià vaamataèinaa : parururaa i te feia veve e te
haavīhia, faahaparaa i te feia ìino.
Te
mau ìrava 6 e tae i te 9 – Te ôrama o te parataito : te au-maite-raa i rotopū i
te puaa taehae e te mau puaa rata, te parururaa i te tamarii → te
faahoì-faahou-raa mai i te rāhu.
Ìrava
10 – Te Ao nei : ua riro te oho a Iete èi tāpaò no te mau nūnaa, te
haaputuputuraa → te mau taata e te mātararaa i te ao atoa nei.
Te
auraa i te pae faaroo e te tāipe Metia : faaāraraa no nià i te Metia i roto i
te parau marū metia.
Te
aru e te reva o te ao nei : te faaāuraa i te mau mea atoà i rāhuhia.
Papa
Haamori : e ārataì i te haamoriraa i roto i te tau no te tau no te faaâpīraa i
te ao atoà.
Pehepehe
: te faaìte nei te mau hohoà o te mau rāau tupu e te mau puaa i te hoê
tiàturiraa pāpū e te ìte-pāpū-hia.
Èi
tītauraa : Irava 1 tei faatumuhia E tupu te hoê ohi no roto i te tumu
ra o Iete ; e riro te hoê aveave no roto i to na aa i te hotu rahi. Òia hoì, E tupu
mai te hoê ohi no roto mai i te tumu o Iete.
Te
tahi tumu parau : Te tiàturiraa metia o
te hoê faatereraa parau-tià e te hau i roto i te ao nei, i reira te rāhu e
faafaīte ai e haaputuputuhia ai te mau nūnaa.
Rōma15, 4-9, Te fāriiraa te
tahi i te tahi i roto i te Mesia.
4 Te mau
parau atoà hoì i pāpaìhia i mūtaa iho ra, i pāpaìhia ia ia ìte tātou ; ia noaa
to tātou tiaìraa, i te faaòromaì e te māhanahana o te parau i pāpaìhia ra.
5 E i teie
nei, ò ia haafāito mai te Atua no na te faaòromaì e te māhanahana i to òutou
âau, òutou òutou iho, ia au i te hinaaro o te Metia ra o Ietu.
6 Ia
haamaitaì òutou i te Atua, i te Metua o to tātou Fatu ra o Ietu Metia, mā te
âau hoê, e te vaha hoê.
Te Metia, te tāvini no te tāatoà
7 E i teie nei, e fārii òutou ia òutou iho mai te Metia i fārii mai ia
tātou nei ra, ia maitaì te Atua.
8 Teie ta ù
parau, e tiàtono Ietu Metia no te peritome ia ìteā te parau-mau a te Atua, e ia
tupu te parau i parauhia mai i te feiā tupuna ra.
Heuraa Manaò.
Te
faaitoito ra o Paulo i te feia faaroo ia faaòromaì, ia hoê, e ia fārii te tahi
i te tahi, ma te faaìte e ua haere mai te Metia no te tāvini i te mau àti Iuta
e te mau Ètene, ma te faatupu i te mau parau tapu e ma te faaìte i te aroha o
te Atua.
Te
ìrava 7 o te tahi ia ìrava e tià ia faarirohia èi tumu no teie pene parau : 7 E i teie nei, e fārii òutou ia òutou iho mai te Metia i fārii mai ia
tātou nei ra, ia maitaì te Atua. Òia hoì, E teie nei, e fārii pōpou òutou
te tahi i te tahi, mai ta te Metia i fārii mai ia òutou, èi hanahana no te Atua.
Te pii nei teie ìrava no te hoêraa e no te fāriiraa i te tahi e te tahi, niuhia
i nià i te hiòraa i te Metia. Òia hoì, Te
hoêraa i roto i te taa-ê-raa, niuhia i nià i te tiàturiraa e te fāriiraa i te
tahi e te tahi i roto i te Mesia.
Te
faaìte ra o Pauro e : Te faaàmu nei te mau pāpaìraa moà i te tiàturiraa e te
tāpeà-maite-raa (ìrava 4).
O
te Atua te tumu no te faaòromaì e te tāmahanahanaraa, o te ārataì atu i te
hoêraa (ìrava 5 e te 6).
Ua
haere mai te Metia no te faatupu i te mau fafauraa i ravehia e te mau àti Iuta
e no te ìriti i te aroha i te mau Ètene (ìrava 8 e te 9).
Na
te fāriiraa i te tahi e te tahi e faahanahana i te Atua e e faaìte mai i ta Na
faanahoraa no te ao atoà.
Tuatapaparaa :
1.
Te òhipa a te mau pāpaìraa moà (ìrava 4). Ua horoàhia mai te mau pāpaìraa moà
no te haapii. E faatupu te reira i te tuutuu òre e te faaitoitoraa, o te ārataì
i te tiàturiraa. Te faatuàti ra o Pauro i te taiòraa Pîpîria i te oraraa nūnaa :
te turu ra te Parau i roto i te mau tāmataraa.
2.
Te Atua, te tumu no te faaòromaì e te âmuiraa (ìrava 5 e te 6 Ua piihia te Atua
" te Atua no te faaòromaì e te faaitoitoraa ". Te âmuiraa o te feiā
tiàturi, tei nià ia i te hoê noa reo : te faahanahanaraa i te Atua ma te âau
hoê e te vaha hoê. È ère te hoêraa i te âmuiraa, o te au maite rā i roto i te
taa-ê-raa.
3.
Fāriiraa te tahi i te tahi (ìrava 7).
O
te Mesia te hiòraa : ua fārii pōpou ò ia i te mau taata atoà, te àti Iuta e te
mau Ètene. E riro mai te fāriiraa te tahi i te tahi èi òhipa no te faaroo e no
te ârueraa.
Teie
te tumu o te ìrava : e mea tià i te
nūnaa ia faaìte i te fāriiraa a te Atua.
4.
Te Metia, te tupuraa o te mau fafauraa (ìrava 8 e te 9).
No
te mau àti Iuta : te haapāpū nei ò ia i te mau fafauraa i ravehia e te mau pātereareha.
No
te mau Ètene : te faaìte nei ò ia i te aroha o te Atua.
E
faaoraraa na te ao atoa nei, e te hoêraa o te Ètārētia o te tāpaò ia no teie
huru o te ao nei.
Te
âanoraa Pae vārua : e faaàmu te Parau i te tiàturiraa e te faaòromaì. Te fāriiraa
i te tahi e te tahi, o te hoê ia ìteraa pāpū no te ora o te Èvaneria.
Tāviniraa
: Ua haere mai te Metia no te mau taata atoà, ma te ìriti i te mau parururaa.
Te
tītau nei te ìrava tumu 7 E i teie nei, e fārii òutou ia
òutou iho mai te Metia i fārii mai ia tātou nei ra, ia maitaì te Atua. Te tahi tumu
parau : Te hoêraa e te fāriiraa te tahi
i te tahi i roto i te Metia, niuhia i nià i te tiàturiraa tei horoàhia mai e te
mau Pāpaìraa Moà e te aroha nui o te Atua.
Mātaio 3.1-12, A faaineine i te fāriiraa i te Mesia.
(Mār 1.2-6 ; Rt Èv 3.1-6; Ioa 1.19-23).
1 E i te reira ra ànotau, ua haere
mai ra Ioane Pāpetito, i te poro haereà èi te mētēpara i Iutea ra :
2 i te nā ôraa e : E tātarahapa
òutou, te fātata mai nei hoì te pātireia o te ao.
3 Ò ia hoì teie o tei parauhia mai e
te perofeta ra e Ìtaia, a nā ô mai ai ra e : E reo no te hoê i te tiàororaa i
te mētēpara : E haamaitaì òutou i te èà o te Fatu, e faatītīàifaro i to na
haereà.
4 Huruhuru tāmera to Ioane àhu, i
tātuahia to na tāuupu i te ìri puaa. E àtarite e te meri o te fenua àihere, ta
na māa.
5 Haere atu ra to Ierutarēma ia na
ra, e to Iutea atoà, e te fenua atoà i te pae Ioritāna ra,
6 te
pāpetitohia iho ra e ana i Ioritāna mā te fāì i ta rātou hara.
Te poroì a Ioane Pāpetito
(Rt Èv 3.7-9)
7 Ia hiò atu ra rā ò ia i te mau
Fāritea e rave rahi, e te mau tātutea i te haereraa mai ia na ra ia
pāpetitohia, ua parau atu ra ò ia ia rātou : E te mau fanauà èhitena e ! Na vai i faaāra ia òutou e, e maùe ê
atu i te pohe e fātata mai nei ?
8 A tuu mai
na i te parau e au i te tātarahapa ;
9 èiaha e
manaò i roto ia òutou iho e : E metua to mātou, o Àperahama ! E parau atu vau
ia òutou, e tià i te Atua ia faatupu i
te tamarii na Àperahama no roto i teie nei mau òfaì.
10 Te vai nei hoì te ôpahi i te tumu rāau
i teie nei ā, e e te mau rāau atoà aore i hotu mai i te huero maitaì ra, e tāpūhia
ia, e e hurihia i roto i te auahi.
O tē haere mai
(Mār 1.7-8 ; Rt Èv 3.15-17 ; Ioa
1.24-28)
11 O vau nei, te pāpetito nei ia ia
òutou i te pape ia tātarahapa òutou, ò ia rā o tē haere mai i muri iho ia ù
nei, e mana rahi to na i to ù, e òre au
e au ia hōpoi i to na tāmaa. E pāpetito ia ò ia ia òutou i te Vārua Maitaì
e te auahi.
12 Tei to na rima ta na tāhiri, e tāmā
māite ò ia i ta na papaìraa, e haaputu ò ia i ta na tītona i roto i te vairaa
tītona, âreà te ota e tūtuì ò ia i te reira i te auahi pohe òre.
Heuraa Manaò.
No
te piti o te tāpati no te Tiaìraa, te Èvaneria i haapaòhia te Mātaio pene 3 i
te mau ìrava 1 e tae i te 12, o te faaìte ra i te pororaa a Ioane Pāpetito.
Te
tahi ìrava faufaa tei te ìrava 2 ia, 2 i te nā
ôraa e : E tātarahapa òutou, te fātata mai nei hoì te pātireia o te ao. Òia hoì, A tātarahapa,
ua fatata hoì te pātireia o te ao ". Teie nei ìrava e piiraa rū na Ioane
Pāpetito : te faafāriuraa èi faaineineraa no te fāriiraa i te Metia.
Te
parau tumu : Te tāmāraa e te
faaineineraa i te taeraa mai o te Fatu.
Te
faaìte ra o Ioane e, è ère te Tiaìraa i te hoê noa tiaìraa ma te faaea noa, e
taime rā no te tāmāraa, te māìtiraa e te tāuiraa.
Faanahoraa :
1.
Te mau parau turu, Te fā a Ioane Pāpetito i roto i te mētepara, te hoê ia tōhu
e haamanaò ra ia Ìtaia, a nā
ô mai ai ra e : E reo no te hoê i te tiàororaa i te mētēpara : E haamaitaì
òutou i te èà o te Fatu, e faatītīàifaro i to na haereà. Te haapāpū nei
to na ahu huruhuru tāmera e ta na maa vivi e te meri ôviri i to na huru ètaèta
e ta na òhipa no te âmahamaha. E faaineine ò ia i te taata ia fārii i te Metia
na roto i te pāpetitoraa no te tātarahapa.
2.
Poroì mātamua Piiraa no te faafāriuraa : Àita o Ioane e poro nei i te hoê
tāuiraa noa, te hoê rā tāuiraa rahi o te oraraa.
Te
rū no tau mure òre : Ua fatata te pātireia o te ao ra → e riro mai te tiaìraa
metia èi òhipa mau.
Faahaparaa
i te mau turu a te mau haapaòraa hape : Te faahapa ra o Ioane i te mau Fāritea
e te mau Tātutea o te tiàturi ra e o Aperahama to rātou metua ma te òre e tāui
i te faaroo.
Faaāraraa
no te haavāraa : Te faaìte ra te mau hohoà o te toì i te aa o te tumu raau e te
auahi e àma ra i te ota i te faufaa rahi o te piiraa.
3.
Te faito o te Metia
Ua
ìte o Ioane e, o ò ia anaè te taata na mua : O tei haere mai i muri mai ia ù
nei, e mana rahi ia ia ù. E faaineineraa te pāpetitoraa a Ioane, areà te Metia
ra, e pāpetito ia ò ia i te Vārua Moà e te auahi, òia hoì, te hoê tāuiraa i
roto e te hopeà.
4.
Te aniraa no te Tiaìraa o te hoê ia taime no te tāmāraa i te taata iho e i roto
i te nūnaa. Te ani manihini nei te reira ia tātou ia tāmā i ta tātou mau
tiaìraa : èiaha noa ia tiaì i te Fānauraa èi mahana faafaaearaa, ia fārii rā i
te Metia i roto i to tātou oraraa. Te tītau nei te mau pāpaìraa i te parau mau
i te pae vārua : èiaha ia mauruūru noa i te mau ôroà e aore rā, i te riroraa èi
taata, ia ora rā i te hoê faaroo ora e te tāui.
Te
haapiiraa a te ìrava tumu, 2 i te nā ôraa e : E tātarahapa
òutou, te fātata mai nei hoì te pātireia o te ao. Òia hoì, E tātarahapa,
te fatata mai nei hoì te pātireia o te ora. Te tahi Parau tumu : Te tāmāraa e te faaineineraa na roto no te
taeraa mai o te Fatu.
Haapiiraa
no te Tiaìraa : E tītau te tiaìraa i te Metia i te hoê âau âpī, te hoê oraraa
tāui, e te āraraa i te mau manaò hape i te pae faaroo e aore rā, i te pae
vaamataèinaa.
Te
faaìte nei teie mau ìrava i te piiraa ûàna a Ioane Pāpetito ia tātarahapa mau :
te faahapa nei o Ioane ia rātou i te haavare i te pae faaroo, te haamanaò nei o
Ioane ia rātou e, èita e nāvaì te riroraa èi huaai na Âperahāma mai te mea e,
àita e òhipa parau-tià, e te faaìte nei o Ioane ia rātou i te haavāraa a te
Atua e fatata mai ra.
E
ìtehia teie mau parau i roto i te Mātaio pene 3 i te mau ìrava 7 e tae i te 12,
i reira Ioane Pāpetito e aò ai i te mau Fāritea e te mau Tātutea tei haere mai e
hiò i te òhipa e tupu ra i te tāhora pāpe no Ioritāna, i te parau no te
pāpetitoraa tātarahapa na roto i te pāpe. Te faaòhipa nei ò Ia i te mau hohoà
puai no te faaàueue i te mau manaò e no te faaineine no te taeraa mai o te Metia.
Teie taua mau hohoà ra :
-E te mau fanauà
èhitena e.
-E tià i te Atua
ia faatupu i te tamarii na Àperahama no roto i teie nei mau òfaì.
-Te vai nei hoì
te ôpahi i te aa o te tumu rāau
- E òre au e au ia hōpoi i to na tāmaa
-Tei to na rima
ta na tāhiri
«
Te mau ôfī taèro » Te faahapa ra o Ioane i te mau faatere faaroo e au ra e mea
paieti aè ratou, tera rā, ua viivii to rātou âau. E haamanaò ra teie hohoà o te
ôfī i te paari, te àti, e te hoê tuàtiraa i te ôfī i roto i te Tēnete, te hoê
tāpaò no te ìno.
Te
haapāpū ra te reira e àita èi tāvini mau no te nūnaa o te Atua i tāaihia i te
tiàraa faaroo aore ra i te ôpu fetii, i nià rā i te hoê oraraa tei tāui, tei
tāmāhia.
«
E tià i te Atua ia faatià i te tamarii na Âperahāma na roto i teie mau ôfaì ».
Ua
faatiàtià te feiā e faaroo e e huaai rātou na Âperahāma, ma te manaò e e paruru
te reira ia rātou i te haavāraa. Te haamanaò ra o Ioane e, e tià ta te Atua e
hāmani i te hoê nūnaa haapaò maitaì mai roto mai i te mea o teie nei ao mai te
ôfaì. Te faaìte ra te reira i te ìritiraa o te faaoraraa i te mau nūnaa e te
hopeà o te mau haamaitaìraa atoà tei niuhia i nià noa i te tuatapaparaa i te
mau tupuna.
« Ua
tuuhia te toì/te ôpahi i te aa o te mau tumu rāau ». Te faaìte ra teie
hohoà o te toì/te ôpahi i te aa e ua fatata roa te haavāraa. Te mau rāau atoà
aore e hotu maitaì òia hoì, te ora parau-tià e te tātarahapa e tāpūhia ia e e
hurihia i roto i te auahi.
E
faaāraraa teie : e tià i te faaroo ia hurihia i roto i te mau òhipa ìte-mata-hia.
« È
ère au i te mea tià ia amo i to na tiaa » Tītau manihinihia ra tātou e te
haamanaò mai nei teie ìrava ia tātou e, te huru mau i mua i te Atua, o te
haèhaa ia, e ua riro te tāviniraa i te Metia èi haamaitaìraa, noa atu te mau
òhipa ôhie roa. Te auraa ra o te parauraa e, " È ère au i te mea tià ia
amo i to na tiaa " òia hoì : " Aore au i au i te tāviniraa haèhaa roa
aè i mua i te aro o tei haere mai i muri mai ia ù, no te mea e rahi aè to na
Mana ia ù ".
« Te
vai ra ta na tāhiri i roto i te rima, e tāmā ò ia i ta na vahi papaìraa ".
Te
tāhiri, o te mauhaa ia o te faataa ê i te huero e te ota i te taime papaìraa.
Ua
faaite o Ioane e, ta na òhipa o te faaineineraa ia, tera rā, o Iesu anaè te
faatupu i te faaoraraa.
I
ô nei, te faahohoà ra te reira i te faataaraa ta te Metia e rave : e tāpeàhia
te feia faaroo te tītona ia, âreà te feiā haavarevare te ota ia, e faaruèhia ia.
Ìrava 11 vm,
O vau nei,
e hinere teie no te ùputa no te ôroà tāmaraa, te pāpetito nei au ia òe i te
pāpe ôroà no te tāmāraa rapae, no te faaineineraa i te haereraa mai te Metia, i
roto i te tau no te Tiaìraa, e to Na hoìraa mai. Na te Metia ra e pāpetito ia
tātou i te Vārua Moà e te auahi, e tāmāraa roto teie, te aroha o te Atua, te
haavāraa e te tāmāraa. Ua faaìte ra o Ioane e, ta na òhipa o te faaineineraa
ia, tera rā, o Ietu anaè te faatupu i te faaoraraa.
Ua
riro teie mau irava èi faaāraraa no nià i te ino òre a te haapaòraa hape e èi
piiraa ia faatupu i te mau hotu e au i te tātarahapa. Te faaìte nei o Ioane
Pāpetito e, e haere mai te Metia no te haavā, no te tāmā e no te haamau i te
hoê nūnaa âpī, èiaha i nià i te huaai o te tino nei, i nià rā i te haapaò
maitaì i te Atua.
Heuraa Ìrava.
Taramo
72, 11 E hope roa te mau arii i te tāhopu i mua ia na, e hope roa te mau fenua i te auraro ia na.
Ìtaia 11, 1 E tupu te hoê ohi no roto i te
tumu ra o Iete ; e riro te hoê aveave no roto i to na aa i te hotu rahi.
Rōma
15, 7 E i teie nei, e fārii òutou ia òutou iho mai te
Metia i fārii mai ia tātou nei ra, ia maitaì te Atua.
Mātaio 3, 2 i te nā ôraa e : E tātarahapa òutou, te
fātata mai nei hoì te pātireia o te ao.
Faaitoitoraa.
Noa
atu e no roto mai teie mau ìrava i te mau huru tupuraa taa ê taramo arii, parau
tōhu no nià i te Metia, aòraa âpotetoro, pororaa a Ioane Pāpetito, te tuàti nei
rātou i roto i te hoê ā faanahoraa.
Faaiteraa
no nià i te Metia : Te faataa ra o Ìtaia e te Taramo i te tiaìraa i te hoê arii
parau-tià no te ao atoà.
Te
fāriuraa : Te haamatara ra o Mātaio e o Pauro i te haerea hohonu e tītauhia ra
e te tātarahapa e te fāriiraa ia vētahi ê.
Te
huru o te ao nei : te faatereraa a te Metia i te mau ôtià, ma te âmui i te mau
nūnaa e te mau nūnaa atoà i roto i te hoê ā tiàturiraa.
Te
tahi Tumu parau
Te
hoêraa o te ao i roto i te Metia, niuhia i nià i te tāmāraa e te fāriiraa te
tahi i te tahi. Te faaìte ra teie mau ìrava e è ère noa te Pātireia o te Atua i
te hoê parau tapu no a muri aè, o te haamata rā na roto i te tāmāraa o te âau e
tae atu ai i te mau nūnaa atoà o te ao nei.
Te
mau taeaè e te mau tuahine,
Te
haaputuputu nei te Parau a te Atua ia tātou i teie mahana i nià i te hoê noa
tumu parau : te âmuiraa o te taata faaroo i roto i te Metia, tei niuhia i nià i
te tāmāraa e te fāriiraa te tahi i te tahi.
1.
Ua faaìtehia te hoê faatereraa.
Te
iriti nei te Taramo 72 i te hoê ôrama nehenehe : " E piò te mau arii atoà
i mua ia na, e haamori te mau fenua atoà ia na ". È ère noa te hohoà o te
mana i nià i te fenua nei, o te faaāraraa rā o te hoê faatereraa no te
parau-tià e te hau i roto i te mau nūnaa atoà. È ère te Metia i te arii no te
hoê noa nūnaa, no te mau nūnaa atoa rā o te ao nei.
2.
Te hoê ohi te matara mai
Te
haamanaò mai nei o Ìtaia ia tātou e, ua aahia teie faatereraa i roto i te àamu
: « E tupu mai te ohi no roto mai i te tumu o Iete ». Na roto mai i te paruparu
o te hoê tumu rāau e au ra e ua pohe, e fā mai te ora âpī. Te Metia, o teie ia
àmaa o te hopoi mai i te tiàturiraa, tei aahia i roto i te haapaò maitaì o te
Atua. Te faaìte mai ra teie tāpaò ia tātou e i roto atoà i to tātou oraraa tei
tāpaòhia e te mārō aore ra te manuia òre, e tià ra ta te Atua e faatupu i te
faaâpīraa.
3.
Fāriiraa te tahi e te tahi
I
roto i ta na rata i to Roma, te aò mai nei o Pauro ia tātou : " E teie
nei, e fārii pōpou òutou ia òutou iho, mai ta te Metia i fārii mai ia òutou
". Àita te faatereraa a te Metia i patuhia na roto i te puai, na roto rā i
te fārii maitaì, te autaeaèraa e te hoêraa. Ua piihia te Ètārētia ia riro èi
hohoà no teie Pātireia : te hoê òire i reira te mau taata atoà e fāriihia ai, e
faaturahia ai e e herehia ai, ia au i te hohoà o te Metia tei fārii mai ia
tātou noa atu to tātou mau paruparu.
4.
Te hoê tāmāraa tītauhia.
I
te pae hopeà, ua parau o Ioane Pāpetito i roto i te Èvaneria : " E tātarahapa,
ua fatata hoì te pātireia o te ao ra ". E roaa te hoêraa e te fārii maitaì
mai te mea e, e hinaaro tātou i te tāmāraa, ia mā to tātou âau. È ère te
tātarahapa i te hoê hara faufaa òre, e fāriiraa rā i te huru âpī o te Atua, te
hoê faaineineraa no te fārii i ta na faatereraa.
Ua
hoê teie na reo e maha te pāpaì taramo, te perofeta, te âpotetoro, e te taata
na mua aè no te parau mai e : te Pātireia o te Atua, ua fatata roa, e e haamata
te reira na roto i te tāmāraa e te fāriiraa te tahi i te tahi.
Aniraa
no teie mahana, i roto i to tātou mau ùtuafare, to tātou mau mātaèinaa, to tātou
mau vaamataèinaa, ua piihia tātou ia riro èi mau tāpaò no teie Pātireia.
Te
fāriiraa i te tahi, o te âpitiraa ia i roto i te hoêraa ta te Metia e haamau.
Te
tāmāraa, o te faaruèraa ia i to tātou mau paruparuraa, ta tātou mau haapaeraa,
ia tià i te hau e te parau-tià a te Metia ia faaìtehia na roto ia tātou.
E
te mau taeaè e te mau tuahine, ia faaūru teie Parau ia tātou ia ìriti i te
ùputa o to tātou âau, ia fārii pōpou ma te taa ê òre, e ia haere âmui i roto i
teie Pātireia o te tāuahi nei i te mau nūnaa atoa. O te Metia hoì to tātou hau,
to tātou hoêraa, e to tātou tiàturiraa.
Pehepehe.
Te Mesia Tāvini
te Niu te Âmui-tahi-raa o te Ao.
I
raro aè i te tumu rāau paari, te tupu mai nei te hoê àmaa,
Te
hoê fafauraa ora i roto i te âau o te mau nūnaa,
Te
huti nei te aho âpī na roto i ta tātou mau parau,
E
te faateitei nei i roto i te mau taata atoà i te hinaaro no te faaòreraa hara.
Te
piò nei te mau arii, te haafatata mai nei te mau taata,
Te
tūrama nei taua mahana ra i to tātou mau tāahiraa âvae,
E
raraa te hau i roto i tei herehia e tātou,
Ia
riro anaè te fāriiraa i te tahi e te tahi èi ture na tātou.
Te
fārii nei te Metia ia tātou, te paruparu, te purara ê,
Te
ìriti nei ò Ia i to tātou rima, te vāvāhi nei ò Ia i t mau papaì,
I
roto i te hoêraa, ua faateiteihia to tātou âau,
E
tae atu i te hoê Pātireia fatata roa, te ànaana e te pāpū.
Te
fāriiraa marū, te èà o te māramarama,
Te
fāriiraa i te tahi o te fāriiraa ia i te Atua,
Hoê
vahi, hoê pure âmui : Te hoêraa o te ao nei,
I
roto i te Metia, no te mau vahi atoà.
Teraì
òr. Faatura.
Aucun commentaire:
Enregistrer un commentaire