Ruta èv. 1.46-54 Nömino.

 

Tāpati 17  no Titema 2023.

TIAÌRAA TORU

Nömino.

Ìtaia 61.1-11

To te feiä faaroo òaòaraa

1 Tei nià ia ù te värua o te Fatu ra o te Fatu, no te mea, ua faatähinu mai te Fatu ia ù; ua tono mai o ia ia ù ei faaìte i te parau òaòa i te âau marü ra: ei faaora hoì i te feiä òto; ei faaìte i te ora i te tïtï: e ia matara roa te feiä täpeàhia ra:

2 ei faaìte i te mätahiti hinaarohia e te Fatu; e te mahana tähooraa nä to tätou Atua; e ia haamähanahana i te feiä i mihi ra;

3 ei hopoi atu i te reàreà i te feiä i òto i Tiona; ei höroà atu no rätou i te ùnaùna ei mono i te rehu auahi; e te monoì ra i te òaòa ei mono i te òto: e te àhu pü ra i te haamaitaì ei mono i te âau taiä: e parauhia rätou, o te räau parau-tià anaè, e ô nä te Fatu, ia haamaitaìhia o ia.

4 E nä rätou e patu i te mau vähi pararï tahito ra; e patu faahou hoì i te mau vähi i ano i mütaa iho ra, e rave maitaì hoì i te mau ôire i pau ra; te mau pau i te mau uì tahito ra.

5 E na te taata èê e tià mai e faaàmu i ta òutou mau nana; e te mau tamarii o te taata ê ra te riro ei faaàpu, e ei tope-vine nä òutou.

6 E parauhia rä òutou, O te mau tahuà nä te Fatu; e maìrihia òutou, O te mau tävini o to tätou Atua. E àmu òutou i te maitaì no te mau fenua nei; e ârue òutou i to rätou ra hinuhinu.

7 E päpitihia mai ta òutou tufaa, ei mono i to òutou haamä; e òaòa rätou i ta rätou tufaa, ei mono i to rätou mäheahea: e päpitihia mai hoì to rätou maitaì i to rätou ra fenua; e riro te òaòa mure-òre ia rätou.

8 O vau o te Fatu tei hinaaro i te parau-tià ra; o tei òre i hinaaro i te haru e te parau ìno: e nä ù e höroà mau atu i ta rätou utuà, e ei faufaa mure-òre tä ù e fäfau atu ia rätou:

9 e faaturahia to rätou huaai i te mau fenua ra; e ta rätou mau tamarii i roto i te taata atoà ra: e parau atoà te feiä e ìte ia rätou e, O te mau tamarii haamaitaìhia mai rätou e te Fatu.

10 E òaòa roa vau i te Fatu; e ôuàuà noa ta ù värua i te òaòa i ta ù Atua. Ua faaàhu mai o ia ia ù i te àhu pü ra i te parau-tià: mai te täne âpï e faaùnaùna ia na iho i te poe ra.

11 Mai te fenua nei e faaôteu mai i te räau rii ra, e mai te ô nei e faatupu i ta na huero: na te Fatu ra nä te Fatu atoà e faaôteu mai i te parau-tià, e te haamaitaì, i te aro o te fenua atoà ra.  

1 Tëtäronia 5.16-24

16 Eiaha e faaea i te òaòa.

17 Eiaha e tuutuu i te pure.

18 E haamaitaì i te Atua i te mau mea atoà ra, o to te Atua ia hinaaro i te Metia nei ia Ietu, ia òutou na.

19 Eiaha e tinai i te Värua ra.

20 Eiaha e haapaò ìno i te aòraa.

21 E hiòpoà mäite i te mau mea atoà ra; e tei maitaì ra e täpeà mäite.

22 E haapae atu i te mau mea huru rii ìno ra.

23 E ia haamaitaì hua mai te Atua hau iho ia òutou; e ia tiaìhia mai te taata atoà na, to òutou värua, e te âau, e te tino atoà mä te hapa-òre, e tae noa atu i te haereà mai o to tätou Fatu ra o Ietu Metia.

24 E parau mau ta na, ta tei nömino ia òutou, e na na e rave.

Ioane 1.6-8

6 Te vai ra ra te hoê taata tei tonohia mai e te Atua, o Ioane te iòa.

7 I haere mai o ia ei ìte, e faaìte i te märamarama, ia faaroo/tiàturi te taata atoà na roto ia na.

8 Eere o ia i te märamarama, ua haere mai rä o ia no te faaìte i te märamarama.

19-28.

Te faaìteraa a Ioane päpetito.

(Mät 3,1-12; Mär 1,1-8; Ruta èv 3,1-18)

19 Teie te faaìteraa a Ioane, i te taime i tonohia mai ai e te mau âti-Iüta te feiä tahuà e te mau âti-Revi, mai Ierutarëma mai, e ui ia Ioane e: «O vai òe?»

20 Ua fäì atu ra o ia, aore roa i huna, faaìte hua atu ra: «Eere au i te Metia.»

21 Ua ani mai ra rätou ia na: «O vai ia òe? O Èria änei òe?»Ua parau atu ra o ia: «Eere.» «O te perofeta änei òe?» Ua pähono atu ra o ia: «Eere.»

22 Ua parau mai ra rätou ia na: «O vai ia òe?», ia höroà atu mätou i te tahi pähonoraa i te feiä i tono mai ia mätou nei. «~E aha ta òe parau no òe iho?»

23 Ua parau atu ra o ia: «E reo vau no te hoê tei pii haere i te mëtëpara: E faatïtïàifaro i te èà o te Fatu, mai tei parauhia e te perofeta ra e Ìtaia. »

24 No te mau Färitea ra teie feiä i te tonoraahia mai.

25 Ua ani mai ra rätou ia na: «E aha ia òe i päpetito ai, ìnaha hoì, eere òe i te Metia, eere hoì Èria, e eere hoì i te perofeta?»

26 Ua pähono atu ra Ioane ia rätou: «Te päpetito nei au i te pape. Te tià nei rä te hoê i rotopü ia òutou, aore òutou i ìte ia na.

27 E haere mai o ia i muri iho ia ù, o vau nei, eita e tià ia ù ia tätara i te täpeà o to na tïaa/tämaa.»

28 Ua tupu te reira i Pëtänia, i tërä pae i Iörïtäna, i reira hoì Ioane i te päpetitoraa.

Tāpati 17  no Titema 2023.

TIAÌRAA TORU

Nömino.

Ìtaia 61.1-11

To te feiä faaroo òaòaraa

1 Tei nià ia ù te värua o te Fatu ra o te Fatu, no te mea, ua faatähinu mai te Fatu ia ù; ua tono mai o ia ia ù ei faaìte i te parau òaòa i te âau marü ra: ei faaora hoì i te feiä òto; ei faaìte i te ora i te tïtï: e ia matara roa te feiä täpeàhia ra:

2 ei faaìte i te mätahiti hinaarohia e te Fatu; e te mahana tähooraa nä to tätou Atua; e ia haamähanahana i te feiä i mihi ra;

3 ei hopoi atu i te reàreà i te feiä i òto i Tiona; ei höroà atu no rätou i te ùnaùna ei mono i te rehu auahi; e te monoì ra i te òaòa ei mono i te òto: e te àhu pü ra i te haamaitaì ei mono i te âau taiä: e parauhia rätou, o te räau parau-tià anaè, e ô nä te Fatu, ia haamaitaìhia o ia.

4 E nä rätou e patu i te mau vähi pararï tahito ra; e patu faahou hoì i te mau vähi i ano i mütaa iho ra, e rave maitaì hoì i te mau ôire i pau ra; te mau pau i te mau uì tahito ra.

5 E na te taata èê e tià mai e faaàmu i ta òutou mau nana; e te mau tamarii o te taata ê ra te riro ei faaàpu, e ei tope-vine nä òutou.

6 E parauhia rä òutou, O te mau tahuà nä te Fatu; e maìrihia òutou, O te mau tävini o to tätou Atua. E àmu òutou i te maitaì no te mau fenua nei; e ârue òutou i to rätou ra hinuhinu.

7 E päpitihia mai ta òutou tufaa, ei mono i to òutou haamä; e òaòa rätou i ta rätou tufaa, ei mono i to rätou mäheahea: e päpitihia mai hoì to rätou maitaì i to rätou ra fenua; e riro te òaòa mure-òre ia rätou.

8 O vau o te Fatu tei hinaaro i te parau-tià ra; o tei òre i hinaaro i te haru e te parau ìno: e nä ù e höroà mau atu i ta rätou utuà, e ei faufaa mure-òre tä ù e fäfau atu ia rätou:

9 e faaturahia to rätou huaai i te mau fenua ra; e ta rätou mau tamarii i roto i te taata atoà ra: e parau atoà te feiä e ìte ia rätou e, O te mau tamarii haamaitaìhia mai rätou e te Fatu.

10 E òaòa roa vau i te Fatu; e ôuàuà noa ta ù värua i te òaòa i ta ù Atua. Ua faaàhu mai o ia ia ù i te àhu pü ra i te parau-tià: mai te täne âpï e faaùnaùna ia na iho i te poe ra.

11 Mai te fenua nei e faaôteu mai i te räau rii ra, e mai te ô nei e faatupu i ta na huero: na te Fatu ra nä te Fatu atoà e faaôteu mai i te parau-tià, e te haamaitaì, i te aro o te fenua atoà ra.  

1 Tëtäronia 5.16-24

16 Eiaha e faaea i te òaòa.

17 Eiaha e tuutuu i te pure.

18 E haamaitaì i te Atua i te mau mea atoà ra, o to te Atua ia hinaaro i te Metia nei ia Ietu, ia òutou na.

19 Eiaha e tinai i te Värua ra.

20 Eiaha e haapaò ìno i te aòraa.

21 E hiòpoà mäite i te mau mea atoà ra; e tei maitaì ra e täpeà mäite.

22 E haapae atu i te mau mea huru rii ìno ra.

23 E ia haamaitaì hua mai te Atua hau iho ia òutou; e ia tiaìhia mai te taata atoà na, to òutou värua, e te âau, e te tino atoà mä te hapa-òre, e tae noa atu i te haereà mai o to tätou Fatu ra o Ietu Metia.

24 E parau mau ta na, ta tei nömino ia òutou, e na na e rave.

Ioane 1.6-8

6 Te vai ra ra te hoê taata tei tonohia mai e te Atua, o Ioane te iòa.

7 I haere mai o ia ei ìte, e faaìte i te märamarama, ia faaroo/tiàturi te taata atoà na roto ia na.

8 Eere o ia i te märamarama, ua haere mai rä o ia no te faaìte i te märamarama.

19-28.

Te faaìteraa a Ioane päpetito.

(Mät 3,1-12; Mär 1,1-8; Ruta èv 3,1-18)

19 Teie te faaìteraa a Ioane, i te taime i tonohia mai ai e te mau âti-Iüta te feiä tahuà e te mau âti-Revi, mai Ierutarëma mai, e ui ia Ioane e: «O vai òe?»

20 Ua fäì atu ra o ia, aore roa i huna, faaìte hua atu ra: «Eere au i te Metia.»

21 Ua ani mai ra rätou ia na: «O vai ia òe? O Èria änei òe?»Ua parau atu ra o ia: «Eere.» «O te perofeta änei òe?» Ua pähono atu ra o ia: «Eere.»

22 Ua parau mai ra rätou ia na: «O vai ia òe?», ia höroà atu mätou i te tahi pähonoraa i te feiä i tono mai ia mätou nei. «~E aha ta òe parau no òe iho?»

23 Ua parau atu ra o ia: «E reo vau no te hoê tei pii haere i te mëtëpara: E faatïtïàifaro i te èà o te Fatu, mai tei parauhia e te perofeta ra e Ìtaia. »

24 No te mau Färitea ra teie feiä i te tonoraahia mai.

25 Ua ani mai ra rätou ia na: «E aha ia òe i päpetito ai, ìnaha hoì, eere òe i te Metia, eere hoì Èria, e eere hoì i te perofeta?»

26 Ua pähono atu ra Ioane ia rätou: «Te päpetito nei au i te pape. Te tià nei rä te hoê i rotopü ia òutou, aore òutou i ìte ia na.

27 E haere mai o ia i muri iho ia ù, o vau nei, eita e tià ia ù ia tätara i te täpeà o to na tïaa/tämaa.»

28 Ua tupu te reira i Pëtänia, i tërä pae i Iörïtäna, i reira hoì Ioane i te päpetitoraa.

Ruta èv. 1.46-54

Te himene haamaitaì a Märia

46 Ua parau atu ra Märia: «Ua faarahi ta ù värua i te Fatu,

47 e ua òaòa ta ù âau i te Atua o to ù Ora;

48 o ia aore i vahavaha i te haèhaaraa o to na tävini. E teie nei, e parau te mau uì atoà ia ù, e o vau tei maitaì.

49 E räveà rahi hoì ta na ta tei mana ra ia ù nei, e iòa moà to na.

50 E tià to na aroha i te vairaa i te feiä i mataù ia na ra, i tërä uì, i tërä uì.

51 E faaìte o ia i te püai i ta na rima, e haapurara o ia i te manaò teitei o te teòteò.

52 E huri o ia i te feiä mana i raro i to rätou teröno; e faateitei i te feiä haèhaa.

53 E faaî o ia i te feiä i ère i te maitaì; e te feiä taoà rahi ra, e faahoì ia o ia mä te òre.

54 E tauturu o ia i ta na tävini ia Ìteraèra,

Manaò.

Te puta a Ìtaia o te hoê ia papaìraa tohu no roto mai i te Faaäuraa Mätamua tei papaìhia i te hoê tau ârepurepu e te täuiraa no te nunaa Ìteraèra. I nià i te faatîtîraa e te haamouraa i te oire, no Ierutarëma. I te hoê taime a hopoi-tîtî-hia ai te nunaa Ìteraèra i Päpurönia. Ua fäfau oia i te hoìraa mai te nünaa o te Atua i Ierutarëma mai te faatîtîraa mai e te faahoì-faahou-raa-hia o Ierutarëma èi òire Moà. I te mau faahitiraa no nià i te patu-faahouraa i te mau oire i vävähihia e te haamau-faahou-raa i te mau vahi i òre, e mau parau tapu ia no te haamau-faahou-raa i muri aè i te hopoi-tîtî-raa-hia.

I haamata ai teie mau faahitiraa manaò na roto i te hoê pororaa no nià i te Metia, te hoê taata tei faatähinuhia oia hoì mäìtihia e te Atua no te hopoi mai i te faaoraraa i to na ra nunaa. Teie te ìrava ta te Fatu ra o Ietu i mäìti a tià ai O ia no te taiò e no te fëruri hohonu i roto i te tunato no Nätareta ia au i te papaìraa a Ruta Èv. I  te pene  4 i te mau ìrava 16 e tae i te ìrava 21, 16 E tae mai ra o ia i Nätareta i te vähi i paari ai o ia ra, ua tomo mai ra o ia i roto i te tunato i te täpati, o ta na ä ia peu, e ua tià aè ra i nià e taiò i te parau. 17 Ua tuu mai ra rätou i te puta a te perofeta ra a Ìtaia i ta na rima, e ia hohora aè ra o ia i taua puta ra, ìte iho ra o ia i te vähi i päpaìhia ra: 18 «Tei nià iho ia ù te Värua o te Fatu, o ia i faatähinu mai ia ù ei poro haere i te parau maitaì i te taata rii, ua tono mai o ia ia ù ei faaora i te feiä âau òto, ei poro haere i te ora no te tïtï, e ia hiò faahou te matapö, e ei tuu hoì i te feiä i paruparu, 19 ei poro haere i te mätahiti e ìtehia mai ai e te Fatu ra.» 20 E ôtaro aè ra i taua puta ra, ua tuu atu ra i te tävini ra, pärahi iho ra i raro. Ua tiàtonu mai ra te mata o to te tunato atoà ia na. 21 Ua parau atu ra o ia ia rätou: «Teie nei parau i päpaìhia ta òutou i faaroo iho nei, ua tupu ia i teie nei mahana. Parau fäfau teie no te parau tià, E hope teie tere na roto i te hoê fafauraa no te parau tià e te ârueraa i mua i te mau nunaa atoà. E nehenehe te reira e hiòhia mai te hoê parau tapu e  farii te mau nunaa i te haamaitaìraa a te Atua i nià i to na nunaa.

Mea faufaa ia täpaò e noa atu e tupuraa taa maitaì to teie mau parau i roto i te àamu, ua tatara-rahi-atoà-hia te reira mai te hoê parau tapu no nià i te tiàmäraa e te tämahanahanaraa no te feiä atoà e mauiui ra. O te hoê ia parau tohu faufaa roa i faahitihia. Teie te hoê haapotoraa no te mau manaò ta ù i ìte :

-Te poro nei te Metia i te faaoraraa: Tei nià iho ia ù, ia òe, ia na, o na, taua, e nominoraa teie na te Varua o te Fatu ra,  te Atua Nui Tumu Tahi, no te mea ua faatahinu mai te Fatu ia ù, ia òe, ia na, o na, taua,  no te hopoi i te Parau Maitaì i tei haehaa ra e tei veve. Ua tono mai oia ia ù, ia òe, ia na, o na, taua,  no te tämahanahana i te feiä àau òto, no te poro i te tiàmäraa i te feiä i täpeàhia e i te feiä mau àuri i te ìritiraa o te fare täpeàraa.

Te faahiti atoà ra te mau  parau no te mätahiti e färiihia ai te Fatu e te mahana no te tähooraa a to tätou Atua, no te tämahanahana i te feiä atoà e òto ra. Te parauhia ra e, te feia e òto nei i Mäòhi Nui nei, e färii ia rätou i te hoê taoà faanehenehe eiaha rä te rehu auahi, te monoì Maurua no te òaòa eiaha rä te òto, te hoê ahu àrueraa eiaha rä te hoê varua haaparuparu.

-Ìtaia 61, 10 E òaòa roa vau i te Fatu; e ôuàuà noa ta ù värua i te òaòa i ta ù Atua. Ua faaàhu mai o ia ia ù i te àhu pü ra i te parau-tià: mai te täne âpï e faaùnaùna ia na iho i te poe ra.

-1 Tëtäronia 5, 24 E parau mau ta na, ta tei nömino ia òutou, e na na e rave.

-Ioane 1, 26 Ua pähono atu ra Ioane ia rätou: «Te päpetito nei au i te pape. Te tià nei rä te hoê i rotopü ia òutou, aore òutou i ìte ia na.

-Ruta Ev.1, 50 E tià to na aroha i te vairaa i te feiä i mataù ia na ra, i tërä uì, i tërä uì.

Tuatua o te taiòraa.

Mau ìrava teie no roto mai i te Ruta Èv. Pene 1 i te mau ìrava 46 e tae i te ìrava 54, tei parau-atoà-hia te parau no Maria Matatara, te pätoì ra ia i te hohoà o Maria, i reira hoì te merahi Täperiera i te parauraa ia Maria e, e hapü oia i te hoê tämarii na roto i te Varua Moà.

Te hahaereraa o Eritapeta: Ua himenehia teie himene e Maria i to na haereraa e färerei i to na taeaè fetii o Eritapeta, tei hapü atoà ia Ioane Päpetito. E mea pinepine teie färereiraa i te faaauhia i te tiàturiraa i roto i te hiroà tumu Teretetiano.

Te hoê haapotoraa : Te haapotoraa o teie himene o te haapoupouraa ia, i reira hoì te merahi Täperiera e parau ai ia Maria e, e tö oia i te hoê tamarii na roto i te Varua Moà. Ua pähono o Maria i teie poroì ma te faaroo e te haehaa, ma te farii i to na tiàraa i roto i te faanahonahoraa a te Atua.

Te mau ìrava täpiri o te àamu: Ua tuu-atoà-hia te Magnificat a Maria i roto i te tuhaa rahi aè no te faatereraa Roma i Iutea. Te tiaì noa ra te Àti Iuta i te hoê Metia o te faatiàmä ia rätou i te haavïraa a to Roma.

Tuatapaparaa o te taiòraa.

Te tuatapaparaa i te parau no nià i te Atua: I te pae faaroo, mea faufaa roa te Magnificat, aita i noaa i te huri i teie taò èi reo Mäòhi e parau noa ra Magnificat a Maria no te mea te haapäpü ra te reira i te täuiraa o te mau tiàraa vaamataèinaa i roto i te patireia o te Atua: e faateiteihia tei haehaa, e î tei poia i te taoà, e hopoi-ê-hia te feia taoà rahi ma te faufaa òre.

E mea faufaa ia ìte e, e ère noa te parau a Maria i te pähonoraa i te poroì no nià i to na tiàraa metua vahine hanahana, e faaìteraa atoà rä no te parau tià e te here o te Atua i tei haehaa e tei haavïhia.

Te Ruta Èv. Pene 1 i te mau ìrava 46 e tae i te ìrava 54, tei parau-atoà-hia te " Vahine Faaipoipo a Maria ", o te hoê ia himene àrueraa tei parauhia e Maria èi pähonoraa i te parau faaìte no to na tiàraa metua vahine hanahana. Teie te hoê haapotoraa no te mau manaò i faanahohia mai :

-Ârue i te Atua : Te himene nei Maria no te mau mea hanahana ta te Fatu i rave i nià ia na, e te paraparau nei oia i raro aè i te faaururaa a te Varua Moà. Ua riro ta na himene èi faaìteraa i te òaòa e te haamoriraa i te Atua.

-Te färii maitaìraa a te Atua: Te òaòa nei o Maria i te färii maitaìraa a te Atua ia na iho. Te faahanahana nei te reira i te mana o te Atua i te òhiparaa i roto i te ao nei e te òaòa nei i te aroha o te Atua i to na nunaa.

-Te mau tiàraa vaamataèinaa : Te haapäpü nei te Ùtuafare Magnificat i te täuiraa o te mau tiàraa vaamataèinaa i roto i te patireia o te Atua : e faateiteihia tei haehaa, e faaîhia tei poia, e e hopoi-ê-hia te feiä taoà rahi.

-Parau tapu no nià i te aroha: Te oaoa ra Maria i te aroha o te Atua i to na nunaa. Ua ìte aèna o ia i te mau mea e tupu a muri aè, ua haere mai Ietu i roto i te ao nei no te faatupu i te mau Faaäuraa Mätamua a te Atua ia nehenehe atoà ia tätou ia òaòa i te taeraa mai o te Faaora.

Te häroà ra teie mau tätararaa i te hoê hiòraa no nià i te auraa o teie mau ìrava, mea faufaa noa rä ia hiòpoà e rave rahi mau tumu e ia tuatäpapa i te mau ìrava täpiri no te taa maitai atu ä.

Te himene a Maria.

Ruta Èv pene 1 i te mau ìrava 46 e tae i te ìrava 54, tei parau-atoà-hia te Vahine Faaipoipo a Maria , o te hoê ia himene ârueraa tei parauhia e Maria ei pähonoraa i te parau faaìte no to na tiàraa metua vahine hanahana. Teie te poroì o teie mau ìrava :

-Arue i te Atua: Te faaite ra o Maria i to na òaòa e to na haamoriraa i te Atua. Te himene nei o ia no nià i te mau mea rarahi ta te Fatu i rave i nià ia na.

-46 Ua parau atura Maria, Te haamaitaì nei ta ù värua i te Fatu,

-47 E te oaoa nei ta ù värua i te Atua ta ù Faaora,

-48 No te mea ua hiò oia i te haehaa o ta na tävini vahine. Inaha hoì, e parau mai te mau uì atoà ia ù e, e taata haamaitaìhia,

-49 No te mea ua rave te Manahope i te mau mea rarahi no ù. E mea moà To na ra iòa,

-50 E te parare nei to na aroha mai tera mätahiti e tera fäito i nià i te feiä e mätaù nei ia na.

-51 Ua òhipa o ia i te puai o to na rima ; Ua haapurara O ia i te feia e mau manaò teòteò to roto i to rätou âau. -52 E huri o ia i te feiä mana i raro i to rätou teröno; e faateitei i te feiä haèhaa.

53 Ua faaî oia i tei poia i te mau mea maitataì, e ua tono mai i te feiä taoà rahi.

54 Ua tauturu oia i to na tävini ia Ìteraèra, e ua haamanaò i to na aroha.

Te auraa ra, e ârue Maria i te Fatu no to na maitaì e to na aroha. Ua ìte o ia e ua rave te Atua i te mau òhipa rarahi no na e no to na nunaa, o Ìteraèra. Te parau nei te reira nahea te Atua ia haamou i te feiä puai e ia faateitei i tei haehaa, ia faaî i tei poìa i te mau taoà, e ia tono i te feiä taoà rahi i te atea ê. E poroì teie no te tiàturiraa e te parau-tià a te Atua o te vai noa nei â i teie mahana. I roto i teie himene na Maria i te Atua Nui Tumu Tahi, no te faaìte ia i te faufaa no te parau o te Vahine i roto i ta na ôpuaraa faaroo.

 

Teraì òr. Faatura.

 

Te himene haamaitaì a Märia

46 Ua parau atu ra Märia: «Ua faarahi ta ù värua i te Fatu,

47 e ua òaòa ta ù âau i te Atua o to ù Ora;

48 o ia aore i vahavaha i te haèhaaraa o to na tävini. E teie nei, e parau te mau uì atoà ia ù, e o vau tei maitaì.

49 E räveà rahi hoì ta na ta tei mana ra ia ù nei, e iòa moà to na.

50 E tià to na aroha i te vairaa i te feiä i mataù ia na ra, i tërä uì, i tërä uì.

51 E faaìte o ia i te püai i ta na rima, e haapurara o ia i te manaò teitei o te teòteò.

52 E huri o ia i te feiä mana i raro i to rätou teröno; e faateitei i te feiä haèhaa.

53 E faaî o ia i te feiä i ère i te maitaì; e te feiä taoà rahi ra, e faahoì ia o ia mä te òre.

54 E tauturu o ia i ta na tävini ia Ìteraèra,

Manaò.

Te puta a Ìtaia o te hoê ia papaìraa tohu no roto mai i te Faaäuraa Mätamua tei papaìhia i te hoê tau ârepurepu e te täuiraa no te nunaa Ìteraèra. I nià i te faatîtîraa e te haamouraa i te oire, no Ierutarëma. I te hoê taime a hopoi-tîtî-hia ai te nunaa Ìteraèra i Päpurönia. Ua fäfau oia i te hoìraa mai te nünaa o te Atua i Ierutarëma mai te faatîtîraa mai e te faahoì-faahou-raa-hia o Ierutarëma èi òire Moà. I te mau faahitiraa no nià i te patu-faahouraa i te mau oire i vävähihia e te haamau-faahou-raa i te mau vahi i òre, e mau parau tapu ia no te haamau-faahou-raa i muri aè i te hopoi-tîtî-raa-hia.

I haamata ai teie mau faahitiraa manaò na roto i te hoê pororaa no nià i te Metia, te hoê taata tei faatähinuhia oia hoì mäìtihia e te Atua no te hopoi mai i te faaoraraa i to na ra nunaa. Teie te ìrava ta te Fatu ra o Ietu i mäìti a tià ai O ia no te taiò e no te fëruri hohonu i roto i te tunato no Nätareta ia au i te papaìraa a Ruta Èv. I  te pene  4 i te mau ìrava 16 e tae i te ìrava 21, 16 E tae mai ra o ia i Nätareta i te vähi i paari ai o ia ra, ua tomo mai ra o ia i roto i te tunato i te täpati, o ta na ä ia peu, e ua tià aè ra i nià e taiò i te parau. 17 Ua tuu mai ra rätou i te puta a te perofeta ra a Ìtaia i ta na rima, e ia hohora aè ra o ia i taua puta ra, ìte iho ra o ia i te vähi i päpaìhia ra: 18 «Tei nià iho ia ù te Värua o te Fatu, o ia i faatähinu mai ia ù ei poro haere i te parau maitaì i te taata rii, ua tono mai o ia ia ù ei faaora i te feiä âau òto, ei poro haere i te ora no te tïtï, e ia hiò faahou te matapö, e ei tuu hoì i te feiä i paruparu, 19 ei poro haere i te mätahiti e ìtehia mai ai e te Fatu ra.» 20 E ôtaro aè ra i taua puta ra, ua tuu atu ra i te tävini ra, pärahi iho ra i raro. Ua tiàtonu mai ra te mata o to te tunato atoà ia na. 21 Ua parau atu ra o ia ia rätou: «Teie nei parau i päpaìhia ta òutou i faaroo iho nei, ua tupu ia i teie nei mahana. Parau fäfau teie no te parau tià, E hope teie tere na roto i te hoê fafauraa no te parau tià e te ârueraa i mua i te mau nunaa atoà. E nehenehe te reira e hiòhia mai te hoê parau tapu e  farii te mau nunaa i te haamaitaìraa a te Atua i nià i to na nunaa.

Mea faufaa ia täpaò e noa atu e tupuraa taa maitaì to teie mau parau i roto i te àamu, ua tatara-rahi-atoà-hia te reira mai te hoê parau tapu no nià i te tiàmäraa e te tämahanahanaraa no te feiä atoà e mauiui ra. O te hoê ia parau tohu faufaa roa i faahitihia. Teie te hoê haapotoraa no te mau manaò ta ù i ìte :

-Te poro nei te Metia i te faaoraraa: Tei nià iho ia ù, ia òe, ia na, o na, taua, e nominoraa teie na te Varua o te Fatu ra,  te Atua Nui Tumu Tahi, no te mea ua faatahinu mai te Fatu ia ù, ia òe, ia na, o na, taua,  no te hopoi i te Parau Maitaì i tei haehaa ra e tei veve. Ua tono mai oia ia ù, ia òe, ia na, o na, taua,  no te tämahanahana i te feiä àau òto, no te poro i te tiàmäraa i te feiä i täpeàhia e i te feiä mau àuri i te ìritiraa o te fare täpeàraa.

Te faahiti atoà ra te mau  parau no te mätahiti e färiihia ai te Fatu e te mahana no te tähooraa a to tätou Atua, no te tämahanahana i te feiä atoà e òto ra. Te parauhia ra e, te feia e òto nei i Mäòhi Nui nei, e färii ia rätou i te hoê taoà faanehenehe eiaha rä te rehu auahi, te monoì Maurua no te òaòa eiaha rä te òto, te hoê ahu àrueraa eiaha rä te hoê varua haaparuparu.

-Ìtaia 61, 10 E òaòa roa vau i te Fatu; e ôuàuà noa ta ù värua i te òaòa i ta ù Atua. Ua faaàhu mai o ia ia ù i te àhu pü ra i te parau-tià: mai te täne âpï e faaùnaùna ia na iho i te poe ra.

-1 Tëtäronia 5, 24 E parau mau ta na, ta tei nömino ia òutou, e na na e rave.

-Ioane 1, 26 Ua pähono atu ra Ioane ia rätou: «Te päpetito nei au i te pape. Te tià nei rä te hoê i rotopü ia òutou, aore òutou i ìte ia na.

-Ruta Ev.1, 50 E tià to na aroha i te vairaa i te feiä i mataù ia na ra, i tërä uì, i tërä uì.

Tuatua o te taiòraa.

Mau ìrava teie no roto mai i te Ruta Èv. Pene 1 i te mau ìrava 46 e tae i te ìrava 54, tei parau-atoà-hia te parau no Maria Matatara, te pätoì ra ia i te hohoà o Maria, i reira hoì te merahi Täperiera i te parauraa ia Maria e, e hapü oia i te hoê tämarii na roto i te Varua Moà.

Te hahaereraa o Eritapeta: Ua himenehia teie himene e Maria i to na haereraa e färerei i to na taeaè fetii o Eritapeta, tei hapü atoà ia Ioane Päpetito. E mea pinepine teie färereiraa i te faaauhia i te tiàturiraa i roto i te hiroà tumu Teretetiano.

Te hoê haapotoraa : Te haapotoraa o teie himene o te haapoupouraa ia, i reira hoì te merahi Täperiera e parau ai ia Maria e, e tö oia i te hoê tamarii na roto i te Varua Moà. Ua pähono o Maria i teie poroì ma te faaroo e te haehaa, ma te farii i to na tiàraa i roto i te faanahonahoraa a te Atua.

Te mau ìrava täpiri o te àamu: Ua tuu-atoà-hia te Magnificat a Maria i roto i te tuhaa rahi aè no te faatereraa Roma i Iutea. Te tiaì noa ra te Àti Iuta i te hoê Metia o te faatiàmä ia rätou i te haavïraa a to Roma.

Tuatapaparaa o te taiòraa.

Te tuatapaparaa i te parau no nià i te Atua: I te pae faaroo, mea faufaa roa te Magnificat, aita i noaa i te huri i teie taò èi reo Mäòhi e parau noa ra Magnificat a Maria no te mea te haapäpü ra te reira i te täuiraa o te mau tiàraa vaamataèinaa i roto i te patireia o te Atua: e faateiteihia tei haehaa, e î tei poia i te taoà, e hopoi-ê-hia te feia taoà rahi ma te faufaa òre.

E mea faufaa ia ìte e, e ère noa te parau a Maria i te pähonoraa i te poroì no nià i to na tiàraa metua vahine hanahana, e faaìteraa atoà rä no te parau tià e te here o te Atua i tei haehaa e tei haavïhia.

Te Ruta Èv. Pene 1 i te mau ìrava 46 e tae i te ìrava 54, tei parau-atoà-hia te " Vahine Faaipoipo a Maria ", o te hoê ia himene àrueraa tei parauhia e Maria èi pähonoraa i te parau faaìte no to na tiàraa metua vahine hanahana. Teie te hoê haapotoraa no te mau manaò i faanahohia mai :

-Ârue i te Atua : Te himene nei Maria no te mau mea hanahana ta te Fatu i rave i nià ia na, e te paraparau nei oia i raro aè i te faaururaa a te Varua Moà. Ua riro ta na himene èi faaìteraa i te òaòa e te haamoriraa i te Atua.

-Te färii maitaìraa a te Atua: Te òaòa nei o Maria i te färii maitaìraa a te Atua ia na iho. Te faahanahana nei te reira i te mana o te Atua i te òhiparaa i roto i te ao nei e te òaòa nei i te aroha o te Atua i to na nunaa.

-Te mau tiàraa vaamataèinaa : Te haapäpü nei te Ùtuafare Magnificat i te täuiraa o te mau tiàraa vaamataèinaa i roto i te patireia o te Atua : e faateiteihia tei haehaa, e faaîhia tei poia, e e hopoi-ê-hia te feiä taoà rahi.

-Parau tapu no nià i te aroha: Te oaoa ra Maria i te aroha o te Atua i to na nunaa. Ua ìte aèna o ia i te mau mea e tupu a muri aè, ua haere mai Ietu i roto i te ao nei no te faatupu i te mau Faaäuraa Mätamua a te Atua ia nehenehe atoà ia tätou ia òaòa i te taeraa mai o te Faaora.

Te häroà ra teie mau tätararaa i te hoê hiòraa no nià i te auraa o teie mau ìrava, mea faufaa noa rä ia hiòpoà e rave rahi mau tumu e ia tuatäpapa i te mau ìrava täpiri no te taa maitai atu ä.

Te himene a Maria.

Ruta Èv pene 1 i te mau ìrava 46 e tae i te ìrava 54, tei parau-atoà-hia te Vahine Faaipoipo a Maria , o te hoê ia himene ârueraa tei parauhia e Maria ei pähonoraa i te parau faaìte no to na tiàraa metua vahine hanahana. Teie te poroì o teie mau ìrava :

-Arue i te Atua: Te faaite ra o Maria i to na òaòa e to na haamoriraa i te Atua. Te himene nei o ia no nià i te mau mea rarahi ta te Fatu i rave i nià ia na.

-46 Ua parau atura Maria, Te haamaitaì nei ta ù värua i te Fatu,

-47 E te oaoa nei ta ù värua i te Atua ta ù Faaora,

-48 No te mea ua hiò oia i te haehaa o ta na tävini vahine. Inaha hoì, e parau mai te mau uì atoà ia ù e, e taata haamaitaìhia,

-49 No te mea ua rave te Manahope i te mau mea rarahi no ù. E mea moà To na ra iòa,

-50 E te parare nei to na aroha mai tera mätahiti e tera fäito i nià i te feiä e mätaù nei ia na.

-51 Ua òhipa o ia i te puai o to na rima ; Ua haapurara O ia i te feia e mau manaò teòteò to roto i to rätou âau. -52 E huri o ia i te feiä mana i raro i to rätou teröno; e faateitei i te feiä haèhaa.

53 Ua faaî oia i tei poia i te mau mea maitataì, e ua tono mai i te feiä taoà rahi.

54 Ua tauturu oia i to na tävini ia Ìteraèra, e ua haamanaò i to na aroha.

Te auraa ra, e ârue Maria i te Fatu no to na maitaì e to na aroha. Ua ìte o ia e ua rave te Atua i te mau òhipa rarahi no na e no to na nunaa, o Ìteraèra. Te parau nei te reira nahea te Atua ia haamou i te feiä puai e ia faateitei i tei haehaa, ia faaî i tei poìa i te mau taoà, e ia tono i te feiä taoà rahi i te atea ê. E poroì teie no te tiàturiraa e te parau-tià a te Atua o te vai noa nei â i teie mahana. I roto i teie himene na Maria i te Atua Nui Tumu Tahi, no te faaìte ia i te faufaa no te parau o te Vahine i roto i ta na ôpuaraa faaroo.

 

Teraì òr. Faatura.

 

Märeto 1.1-8. Tätari

 

Tāpati 10 Titema 2023.

TIAÌRAA PITI

Tätari

Taramo 85

1 Na te Mënätehe. E Taramo na te tamarii a Tora.

2 Ua hämani maitaì mai òe, e te Fatu, i to òe ra fenua; ua faahoì mai òe i te tïtï o Iatöpa ra.

3 Ua faaòre òe i te hara a to mau taata ra, e ua täpoì òe i to rätou ìno. Tera.

4 Ua faaòre òe i to òe ra riri, e ua tïoi ê atu ra òe i te ûàna o to òe ra riri.

5 E teie nei, e haafäriu òe ia mätou, e te Atua e ora ai mätou nei, e ruri ê atu hoì òe i to riri ia mätou nei.

6 E riri mai ä òe ia mätou, e a muri noa atu? E tämau ä òe i to riri e tae noa atu i te mau uì atoà ra?

7 Eita änei òe e faaanaanaea mai ia mätou, ia òaòa to mau taata ia òe ra?

8 E faaìte mai, e te Fatu, i to òe ra aroha, e hö mai i te ora na òe ia mätou nei.

9 E faaroo na vau i ta te Atua ra, ta te Fatu e parau mai. Te faaìte mai ra o ia i te maitaì no to na ra taata,  to na ra feiä moà, eiaha rä rätou ia färiu faahou i te ìno ra.

10 Te fätata mai ra te ora na na i te feiä i mataù ia na ra. E faatupu o ia i to na hanahana i to tätou nei fenua.

11 O te aroha e te parau mau, ua färerei ia räua; o te parau tià e te hau, ua hohoì räua.

12 E tupu mai te parau mau no roto i te fenua, e hiò mai hoì te parau tià mai te raì mai.

13 Na te Fatu hoì e horoà mai i te mea maitaì, e hotu mai ä hoì to tätou fenua.

14 E nä mua ia na te parau tià i te haere, e na te reira e faaìte mai i to na haereà

Ìtaia 40.1-11

Te èvaneria i haapiihia e Ioane päpetito ra.

1 E haamähanahana òutou, e haamähanahana i to ù ra mau taata, të nä reira mai ra to òutou Atua.

2 E faaitoito atu òutou ia Ierutarëma, e parau hua atu òutou ia na, ua hope to na tau maì; e ua färiihia te täraèhara i ta na hara; ua noaa hoì ia na i te rima o te Fatu te pohe au rahi roa i ta na ra mau hara.

3 Te pii mai ra te hoê reo i te mëtëpara; a faanehenehe na i te èà o te Fatu, e e faatïtïàifaro na i te fenua marô i te haereà o to òutou Atua.

4 E faaîihia te mau peho, e faahaèhaahia te mouà e te mau âivi; faatïtïàifarohia te piò, e te mau vähi puupuu ra, e faarirohia ia ei vähi päpü;

5 e faaìtehia mai te hanahana o te Fatu, e ìte paatoà te taata i te ora a te Atua: o te vaha hoì o te Fatu tei parau mai.

6 Te nä ô mai ra te hoê reo, A faaìte. Ua parau atu ra vau, E aha tä ù e faaìte? A faaìte, E àihere te taata atoà nei, e to na ùnaùna mai te tiare ia o te fenua nei:

7 te mäehe noa nei te àihere, te mäheahea nei te tiare, ia farara mai te mataì no i te Fatu i nià iho ra: e àihere mau ä te taata nei.

8 Te mäehe nei te àihere, te mäheahea nei te tiare; âreà te parau a to tätou Atua, e tià ia i te vai-mäite-raa.

9 A paiùma i nià i te mouà teitei, e tei hopoi mai i te parau maitaì i Tiona nei; a faateitei na i to reo mä te ûàna, o te hopoi mai i te parau maitaì i Ierutarëma nei. A faateitei na; eiaha e mataù; a parau atu i te mau ôire o Iüta, A hiò na i to òutou Atua.

10 Inaha, te haere mai ra te Fatu ra o te Fatu mä te püai, e nä tö na iho rima e faatupu i tä na. Inaha, tei ia na iho te utuà tä na e hopoi, e te hoo tä na e höroà ra, tei mua ia i ta na aro.

11 E faaàmu o ia i ta na nana mai te tiaì mämoe ra; e haaputu o ia i te mau fanauà rii i roto i ta na rima, e ei roto rätou i ta na ôuma ia hopoi; e arataì rii mäite o ia i te mau maiaa faaòte pinia ra.  

2 Pëtero 3.8-14.

8 Eiaha na ia moè ia òutou teie nei parau ïti, e a ù mau here e, hoê ä hete i te Fatu te mahana hoê e te mätahiti hoê tautani ra; e te mätahiti hoê tautani ra, hoê ä hete e te mahana hoê.

9 Aore te Fatu i faaroaroa i ta na i parau mai ra, mai ta te tahi pae i parau ra e, e faaroaroa; e faaòromaì rahi rä to na ia tätou, aita roa i hinaaro e ia pohe atu te hoê, ia noaa päatoà rä te tätarahapa.

10 E tae mai rä te mahana o te Fatu mai te èiä i te ruì ra; e pee ê atu ai teie nei raì mä te haruru rahi, e mou hoì te mau mea rii tumu i te veàveà rahi, e te fenua hoì e te mau òhipa i nià iho, e pau ia i te auahi.

11 E teie nei, e mou anaè taua mau mea atoà nei, mai te aha to òutou huru e tià ai tei te haapaò maitaì e te paieti;

12 tei te tiaìraa e te rüraa atu ia tae mai taua mahana o te Atua ra, te mahana e mou ai te raì i te tütuìhia i te auahi, e te tärapape te mau mea rii tumu i te veàveà rahi.

13 Te tätari nei rä tätou i te raì âpï e te fenua âpï ta na i parau mai ra, i te vai-mau-raa o te parau tià ra.

14 E teie nei, e a ù mau here e, o te reira mau mea ta òutou e tiaì na, e faaitoito, e haapäpü hua tei roohia mai òutou e ana mä te hau, mä te pöraò òre e te hapa-òre.

Märeto 1.1-8.

Ioane päpetito

(Mät 3.1-6, 11-12; Ruta èv 3.1-6, 15-18)

1 Te haamataraa o te Èvaneria o Ietu Metia, te Tamaiti a te Atua;

2 tei päpaìhia i roto i te puta a te perofeta ra a Ìtaia, Inaha, e tono vau i ta ù veà i mua ia òe, e na na e haamaitaì i to òe èà i mua ia òe.

3 E reo no te hoê i te tiàororaa i te mëtëpara: E haamaitaì òutou i te èà o te Fatu, e faatïtïàifaro i to na haereà.

4 Oia hoì te haereà mai o Ioane i te päpetitoraa i te mëtëpara ra, e te faaìte haereà i te päpetito tätarahapa ia matara te hara.

5 Ua faahope mai ra to te fenua ra o Iutea e to Ierutarëma ia na ra, e päpetitohia iho ra e ana i te päpe ra i Iörïtäna, mä te fäì i ta rätou hara.

6 Te àhu ra Ioane i te àhu huruhuru tämera, mä te tätuahia to na tauupu i te ìri puaa; e àtarite e te meri o te fenua àihere ta na mäa.

7 E poro haere atu ra o ia, nä ô atu ra: «Te haere mai nei te hoê i muri iho ia ù e mana rahi to na i to ù, o të òre ia e au ia ù ia piò i raro a tätara ai i te täpeà tämaa no na ra.

8 I päpetito noa na hoì au ia òutou i te päpe, e päpetito rä o ia ia òutou i te Värua Maitaì.

Manaò.

E tià ia parauhia te riro nei te Taramo 85 tei haapaòhia no teie tiaìraa piti, tei päpaìhia e te mau tamarii a Tora, ei pure no te faaìte i te puai no te faaora e no te faahoì faahou mai i te nunaa i roto i te faanahoraa a te Atua. Te haapäpü ra te reira i te mauruüru no te färii maitaì e te haamau-faahou-raa te Atua i te faufaa ia òhipa tämau te Atua no te tïtau i te faaâpïraa.

Te faaìte maitaì ra te mau tamarii a Tora i to rätou mauruüru no te mau òhipa i ravehia e te Atua i te mau taime fifi. Te färii nei rätou i te farii maitaìraa a te Atua i te faahoì-faahou-raa mai te aroha o te fenua e o te taata mai te au maite e tae atu i te hoê tiàraa maitaì aè. Te vai nei te hoê ìteraa päpü mau e mea na roto anaè i te aroha o te Atua e nehenehe ai e noaa faahou te hoê faaâpïraa e te faaâpïraa i te faufaa o te faaroo.

Te haapäpühia nei i te tiàturiraa o te taata päpaì i te pähonoraa a te Atua e ua riro te reira èi haamanaòraa ia tiàturi i ta Na mau fafauraa parau e ia ìmi ia Na ma to na âau atoà. Te faaite ra teie tuatapaparaa i te pae faaroo i te mau tumu parau o te aroha, te parau mau, te faaoraraa, e te faahoì-faahou-raa mai o te ìte-hohonu-hia i rotopü i te mau teretetiano e poro nei i te èvaneria e te mau tävini e mau ra i te mana no te faanahoraa.

Te ahu e te faatîtîraa, Èi haapotoraa, i te tïtauraa ia au i te poroì a te Atua i te fänau-faahou-raa e te faahoì-faahou-raa i rotopü i te nunaa i mäìtihia e te Atua, te hoê faaìteraa i te mauruüru no te färii maitaì e te faahoìraa mai te Atua, e te fäìraa i te faufaa tämau nei te Atua ia òhipa tämau te taata mai te fenua e türama noa ra i te hanahana o te Atua Nui Tumu Tahi.

 Tei höroàhia mai i te tämahanahanaraa e te hoê fafauraa no te faaora i te nunaa o te Atua. E täpaò te reira no te hoê täuiraa i roto i te âau o te taata, mai ta te àamu o te nünaa mäòhi e tae atu i to na hiroà tumu e aore rä, i roto ia na iho. E haamata te reira parau na roto i te hoê piiraa ia haamähanahana i te nünaa o te Atua e ia paraparau i te âau o fenua. Te parauhia ra e, ua hope te tau fifi, ua tupu te ìno, e ua färiihia mai roto mai i te rima o te Fatu i te utuà no ta na mau hara atoà.

Te vauvau atoà ra teie mau manaò i te tahi uiraa tumu i rotopü ia i te Atua Te Vai Nei Au o Vau e Vai Nei e te mau Ìtoro, o tei faatïtïàifarohia na mua roa na roto i te mau manuiaraa o te mau tävini i mua i te mau peu tei òre e au i te Aroha e te Here o te Atua. Te haapäpü ra te reira i te mana o te mau tävini o te Atua e te faufaa o ta Na mau mea ora i rähu.

Te poroìhia nei ia tämahanahana e ia faaora i te nunaa o te Atua, ma te haapäpü i te mana o te Atua e te faufaa òre o te mau Ìtoro. Ua rau te huru o te faaòhiparaa i te mau haapiiraa i roto i to tätou oraraa i te mau mahana atoà. Teie te tahi mau manaò tauturu:

-Te tiàturi i te Atua: Te haapäpüraa ia te tävini i te mana òhipa e te puai o te Atua. I roto i to tätou oraraa i te mau mahana atoà, e nehenehe te reira e tïtau i te tiàturiraa âpï i te Atua, noa atu te mau taime fifi. A haamanaò e, e mea rahi aè te Atua i te mau tämataraa atoà ta tätou e farerei.

-Te tämahanahanaraa e te tiàturiraa : E haamata te parau na roto i te hoê poroì tämahanahana. Ia faaruru anaè òutou i te mau taime fifi, a haamanaò i teie parau poroì tämahanahana. Te ìte nei te Atua i to tätou mauiui e ta tätou mau fafauraa no te faaora.

-Te haehaa: Te faataa ê ra te tävini i te rahi o te Atua e te haìhaì o te taata. E nehenehe te reira e tauturu ia tätou ia täpeà i te hoê hiòraa haehaa i roto i to tätou oraraa i te mau mahana atoà. A haamanaò e, te tiàturi paatoà nei tätou i te Atua.

-Te haamoriraa: Ia ìte tätou i te hanahana o te Atua, e ärataìhia tätou ia haamori ia Na. I roto i to tätou oraraa i te mau mahana atoà, a rave i te taime no te faaea e no te haamori i te Atua e no te haamauruüru ia Na.

-Täviniraa : I te pae hopeà, èi feiä faaroo, ua piihia tätou ia tävini i te Atua e ia vëtahi ê. A ìmi i te mau raveà no te faaòhipa i to tätou faaroo na roto i te täviniraa i te feiä e haaàti nei ia tätou.

A haamanaò, ua riro te Pîpîria èi ärataì no te ora, e e nehenehe ta na mau haapiiraa e faaòhipahia na roto i te mau raveà taa ê ia au i te mau huru tupuraa o te taata tätaìtahi. E mea faufaa ia pure e ia ìmi i te ärataìraa a te Atua no te häroàroà nahea teie mau haapiiraa e tano ai i to tätou iho oraraa.

-Taramo 85, 12 E tupu mai te parau mau no roto i te fenua, e hiò mai hoì te parau tià mai te raì mai.

-Ìtaia 40, 8 Te mäehe nei te àihere, te mäheahea nei te tiare; âreà te parau a to tätou Atua, e tià ia i te vai-mäite-raa.

-2 Petero 3, 13 Te tätari nei rä tätou i te raì âpï e te fenua âpï ta na i parau mai ra, i te vai-mau-raa o te parau tià ra.

-Märeto 1, 7 E poro haere atu ra o ia, nä ô atu ra: «Te haere mai nei te hoê i muri iho ia ù e mana rahi to na i to ù, o të òre ia e au ia ù ia piò i raro a tätara ai i te täpeà tämaa no na ra.

Märeto pene 1 i te mau ìrava 1 e tae i te ìrava 8 o te haamataraa ia o te èvaneria a Ietu Metia, te Tamaiti a te Atua. Teie ia te òhipa a Ietu. Mai te haamataraa mai ä, e tomo mai te Varua o te Atua i roto i ta na òhipa. Aita e faufaa ia höroà i te tuatapaparaa tupuna o te hoê tävini, mai tei tupu i nià i te Metia e te Tamaiti a te Taata. E faaìte te taata poro èvaneria i te ômuaraa i te taata tei riro ei tumu no ta na èvaneria e te taata e faaineine ra i to na èà.

Ua tïtauhia ia Ioane Päpetito ia faaineine i te èà o te Fatu i roto i te âau o to na mau taata na roto i te pororaa i te päpetitoraa no te tätarahapa. Ua ani o ia i te Àti Iuta ia fäì mai i ta rätou mau hara. Teie ia ta te èvaneria e parau nei na mua i te taatoàraa i te feiä hara, no te mea e tià i te hoê taata ia ìte e ia fäì i ta na mau hara, ia nehenehe i te taata tei mau i te mana no te rave i te reira, ia faaòre i ta rätou hara. Aita Ietu i haere mai e parau i te feiä parau-tià, i te feiä rave hara rä. Mai Iutea atoà e no Ierutarëma ua haere atu te mau taata no Ierutarëma ia Ioane ra ia päpetitohia i Iörïtäna e ia fäì i ta rätou mau hara.

I te hoê ä taime, ua faaìte o Ioane i te haereà mai o Ietu na roto i teie mau parau: "O tei rahi aè ia na i to ù haereraa mai na muri ia ù nei, aore ia i au ia na ia tätara i to ù tïaa. Na ù i päpetito ia òutou i te päpe; e päpetito o ia ia òutou i te Värua Maitaì ". I ô nei, te faaìte ra o Märeto i ta na täviniraa na roto i te aroha i te feiä hara, ia tätarahapa.

Te hoê hiòraa päpü no te täviniraa a Ietu, o to na ia âparauraa e te vahine Tämaria i te âpoo päpe, mai tei faaìtehia i roto i te Ioane pene 4 i te ìrava 1 e tae i te ìrava 42. I roto i teie àamu, ua faaòre o Ietu i te mau fifi e rave rahi i te pae no te iho tumu e i te pae oraraa vaamataeinaa  o taua tau ra. A tahi, te paraparau ra o ia i te hoê vahine i mua i te taata, e mea mätau-òre-hia hoì i taua tau ra. Te piti, e vahine Tämaria teie vahine, e i te rahiraa o te taime, ua âpe te mau ati Iuta i to Tämaria.

Area rä, ua paraparau Ietu ia na e ua höroà atu i te pape ora, te hoê faahohoàraa no te ora-mure-òre ta na e püpü i te mau taata atoà e tiàturi ia na. Te faaìte atoà ra o ia e ua ìte o ia i te mau tuhaa ïti o to na iho oraraa e te parau ra oia ia na e o na te Metia ta na e ta to na nunaa i tiaì noa na.

Te faaìte ra teie hiòraa e mea nafea to Ietu taairaa e te here e te faatura i te feia aita e täuàhia ra aore ra aita e täuàhia ra e te oraraa mataèinaa. Ua päpü O ia i te tiàturiraa e te ora-mure-òre i te mau taata atoà, noa atu to rätou tiàraa totiare e aore rä, to rätou huru oraraa. Teie te hoê hiòraa päpü e faaìte ra e mea nafea to Ietu faaòhiparaa i te mau faaueraa tumu o ta na täviniraa: te here, te färiiraa, e te püpüraa i te ora-mure-òre na te taatoàraa. E nehenehe te faaòhiparaa i te mau haapiiraa o te täviniraa a Ietu i roto i to òutou oraraa i te mau mahana atoà e riro ei òhipa faufaa roa. Teie te tahi mau manaò tauturu:

-Te here e te aroha: Ua faaìte o Iesu i te here fäito òre e te aroha hohonu i te taatoàraa, noa atu e aha to rätou tiàraa totiare aore ra ta rätou mau hara i rave nä. I roto i to òutou oraraa i te mau mahana atoà, a tamata i te faaìte i te here e te aroha ia vëtahi ê, e tae noa atu i te feiä e fifi nei i te here.

-Täviniraa: Ua höroà Ietu i te rahiraa o ta na täviniraa no te tävini ia vëtahi ê, no te faaora anei i tei maìhia, no te faaamu i tei poia, aore ra no te haapii i ta na mau pipi. A ìmi i te mau raveà no te tävini ia vëtahi ê i roto i to òutou oire.

-Faaòreraa hara : Ua haapii Ietu i te faufaa rahi no te faaòreraa hara, i roto i te faaòreraa i te hara a vëtahi ê e i te färiiraa i te faaòreraa hara a te Atua no ta tätou iho mau hara. A faaòhipa i te faaòreraa hapa i roto i to òutou iho mau auraa.

-Te faaroo: Ua haapäpü Ietu i te faufaaraa o te faaroo i te roaraa o ta na täviniraa. A faatupu i to òutou iho faaroo na roto i te pure, te haapiiraa i te Pîpîria, e te âpitiraa atu i roto i te hoê püpü taata faaroo.

Te haehaa : Ua ora Iesu i te hoê oraraa haehaa, ma te maìti i te ora noa atu to na huru Atua. A tamata i te ora ma te haehaa e te mauruüru.

A haamanaò e, te faaòhiparaa i teie mau haapiiraa i roto i to òutou oraraa i te mau mahana atoà, e òhipa ia, e ère i te hoê òhipa no te hoê noa taime. E mea faufaa ia ìmi tämau noa ia tupu i te rahi e ia haapii i roto i to outou faaroo.

E taiò-pinepine-hia te Märeto pene1 i te ìrava 1 e tae i te ìrava 8 i te piti no te tiaìraa e täpaò teie mau ìrava no te haamataraa o te èvaneria a Ietu Metia, te Tamaiti a te Atua. Te faaite ra te reira i te täviniraa a Ioane Päpetito, tei faaineine i te èà no Ietu na roto i te pororaa i te päpetitoraa no te faafäriuraa no te faaòreraa hara.

I roto i te parareraa o te Piti o te Tapati e aniraa manihini teie no te faaineine e no te tätarahapa na mua i te taeraa mai o te Metia. Te haamanaò mai nei o ia ia tätou e, mai ia Ioane Päpetito i faaineine i te èà no Ietu, ua piihia tätou no te faaineine i to tätou âau no te hoìraa mai o te Fatu.

Ua tuuhia te türaìraa i nià i te faaineineraa pae värua, te hiòpoàraa ia na iho e te tätarahaparaa. E taime ia no te fëruri i nià i to tätou hinaaro i te faaoraraa e to tätou hinaaro i te taeraa mai o te Metia. E taime atoà ia haamanaò e, mai ta Ioane Päpetito i tohu i te taeraa mai o Ietu, ua piihia tätou ia riro èi ìte no te here e te maitaì o te Atua i roto i te ao nei.

Petero pene 3 i te mau ìrava 8 e tae i te ìrava 14 o te hoê ia mau ìrava puai o te haamanaò mai ia tätou e, e mea taa ê te taime o te Atua i to tatou nei. No te Fatu, e au te hoê mahana mai te hoê tauatini mätahiti, e e au te hoê tauatini mätahiti i te hoê mahana. E mea òiòi roa te Fatu i te haapaò i ta Na fafauraa, noa atu e, te fëruri nei te tahi pae e, ua taere roa O ia. Areà rä, te faaòromaì nei o ia ia tätou, no te mea aita o ia e hinaaro ia moè te hoê taata, ia faafäriuhia rä te taatoàraa.

Te faaära atoà mai nei te mau ìrava ia tätou e, e tae mai te mahana o te Fatu mai te taata èiä ra te huru. E moè ê te mau raì na roto i te hoê maniania rahi, e mou te mau mea rii tumu o te fenua, e eita te fenua, e te mau mea atoà i ravehia i nià i te fenua nei, e nehenehe e àpe i te reira. Te haamanaò mai nei te reira ia tätou i te faufaa rahi no te oraraa i roto i te moàraa e te paieti, te tiaìraa e te haapeepeeraa i te taeraa mai o te mahana o te Atua. I te pae hopeà, e hope te ìrava i nià i te hoê nota no te tiàturi. Mai te au i te fafauraa a te Fatu, te tatari nei tätou i te hoê raì âpï e te hoê fenua âpï i reira te parau-tià e pärahi ai. A tiaì noa atu ai, e tià ia tätou ia ìmi i te mau raveà atoà ia ìtehia mai tätou ma te ìno òre aore rä ma te ìno òre, i roto i te hau.

 

Teraì òr. Faatura.