Tāpati 19 no Aunuunu/Më 2024.
ÔROÀ no te REO
E Reo Fäfau.
Penetetote.
Taramo
104.
1 E haamaitaì i
te Fatu, e ta ù värua. E ta ù Atua, e te Fatu, òe tei rahi roa. Ua vehihia òe i
te hanahana e te mana,
2 i te
faaàhuraa ia òe iho i te märamarama mai te àhu ra, e te hohoraraa i te mau raì
ra mai te päruru;
3 i te
vauvauraa i to na ra mau piha i te pape. E te raveraa i te mau ata ei pereoo no
na, i te hahaereraa nä nià i te pererau ra o te mataì,
4 i te faariroraa i te mau merahi no na mai te mataì ra, e te mau tävini no
na mai te auahi ura ra.
5 Na òe i
haamau i te tumu o te fenua, ia òre roa ia âueue.
6 Ua täpoì hoì
òe ia na i te àputo, mai te àhu ra, te teitei ra te pape i te mau mouà.
7 Ia aòhia e òe
ra, maùe atu ra; i te haruru o to pätiri ra, ua haapeepee atu ra i te haere.
8 Ua aè rätou i
te mau mouà, ua pou rätou i te mau peho, i te vähi i haapaòhia e òe no rätou
ra.
9 E ôtià tei
haapaòhia e òe, e òre ia e maìri ia rätou, e òre e hoì faahou mai e haanïnä i
te fenua.
10 Ua tuu mai o
ia i te päpe pihaa ei vai matätia, o tei tahe haere nä roto i te ärea o te mau
mouà ra:
11 i reira te
mau puaa o te fenua nei i te inuraa, e te mau âtini ôviri i te haamäharaa i to
rätou hiaai.
12 I pïhaì iho
te mau manu o te reva i te pärahiraa o tei òto i roto i te mau âmaa rii.
13 Te
faararirari nei o ia i te âivi rii no roto i to na ra mau piha; e te î nei te
fenua i ta òe i faahotu mai.
14 Te faatupu
nei o ia i te àihere na te mau puaa, e te räau rii na te taata. E te roaa nei
te mäa ia na no roto i te fenua:
15 e te uaina e
òaòa ai te âau o te taata nei e te monoì i hinuhinu ai to na mata, e te päne e
itoito ai te âau taata nei.
16 Te mau räau
a te Fatu ra, ua paari ia, te mau âreti i Repanona ra, ta na i tanu ra,
17 e tei
ôfaahia e te mau manu ra. Te mau peruti ra to te hetite ra ùtuafare.
18 Te mau mouà
teitei ra, no te puaaniho ôviri ia; e te mau mato ra, e haapüraa ia no te
täfana.
19 Ua hämani o
ia i te märama no te mau tau i haapaòhia ra, ua ìte hoì te mahana i to na
maìriraa.
20 Na òe i
hopoi mai i te pöuri, e ua ruì iho ra, ei reira te mau taehae o te ururäau ra e
haere ai,
21 te mau riona
âpï i te ûâ-haere-raa i te mäa, i te ìmiraa i te mäa i te Atua ra.
22 Ua hiti anaè
te mahana ra, ua hoì rätou, e ua taòto faahou i roto i to rätou mau âpoo.
23 Ua haere iho
ra te taata i te òhipa na na, ta na i rave ra, e ahiahi atu.
24 Aita te huru
rau o ta òe ra òhipa, e te Fatu. E mau räveà paari anaè ä ta òe. Ua î te fenua
nei i ta òe ra taoà.
25 E tënä na
hoì miti rahi e te âano, tei reira te mau mea e nee haere, eita e hope ia taiò:
te mau mea rii ra e te mea rarahi atoà ra.
26 Tei reira te
mau pahï i te tere-haere-raa; tei reira te Reviatana ta òe i hämani i te haùti
haereà.
27 Te tiaì anaè
ra te reira ia òe ra, ia noaa ta rätou mäa i te taime mau ra.
28 O ta òe i
horoà ra, o ta rätou ia i rave; ua heheu òe i to rima ra, ua îî anaè ia rätou i
te maitaì.
29 Ua püroù òe
i to mata ra, e àti ia to rätou. Ua rave mai òe i to rätou aho, ua pohe ia
rätou, e ua hoì faahou i to rätou ra repo.
30 Ua tono mai
ra òe i to värua, ua hämanihia rätou. E ua rave faahou òe i te aroä o te fenua.
31 E vai ä te
hanahana o te Fatu e a muri noa atu. Te òaòa nei te Fatu i ta na iho
ra òhipa.
32 Ua hiò anaè
o ia i te fenua, ua rürü ia; ua faatiàià anaè o ia i te mau mouà ra, ua pee te
auahi i nià.
33 Te ora nei
au ra, e himene ä vau i te Fatu; te vai nei au ra, e himene au ei haamaitaì i
ta ù Atua.
34 E mauruüru ä
to ù manaòraa ia na; e òaòa hoì au i te Fatu.
35 Te feiä rave
hara ra, e mou ia i te fenua nei; e te feiä parau ìno ra, e òre roa ia. E
haamaitaì i te Fatu, e ta ù värua e. Hareruia.
Taratia
5.16-25
Ia ärataìhia e te Värua
16 Teie rä ta ù
parau: e haapaò i ta te Värua ra, e eiaha e faatupu i to te tino ra hinaaro.
17 Hinaaro ê hoì to te tino i to te Värua, e to te
Värua ra i to te tino; e òre hoì räua e au; i òre i tià ai ia òutou ia rave i
ta òutou i hinaaro ra.
18 Te ärataìhia ra òutou e te Värua, aore ia òutou i
raro aè i te ture.
19 E teie nei, o ta te tino e rave nei, ua ìteä ia,
oia hoì te faaturi, te poreneia, te mau peu faufau ra, te taiàta, 20 te haamori
îtoro, te tahutahu, te täiroiro, te tamaì, te märô, te ìriä, te vähi a vai ra,
te âmahamaha, te haireti,
21 te feìi, te täparahi taata, te taèro àva, te òehamu
tiàâ ra, e mai te reira atoà te huru. O ta ù e faaìte ätea noa atu ia òutou i
teie nei, mai ta ù ä hoì i faaìte ia òutou i mütaa iho ra, e te feiä e rave i
te reira ra mau peu, e òre rätou e pärahi i te Pätireia o te Atua ra.
22 Âreà ta te
Värua e faatupu ra, o te hinaaro ia, te òaòa, te hau, te faaòromaì, te marü, te
maitaì, te faaroo. 23 Te mämahu, te hitahita òre, aore hoì te ture i te reira.
24 E to te Metia ra taata, ua faatätauro ia rätou i te
tino, mä to na manaò, e te hinaaro tià òre atoà ra.
25 E teie nei, te ora nei tätou i te Värua, e pee
tätou i ta te Värua ra
Òhipa
2.1-11.
Te haereà mai o te Värua Maitaì
1 E tae mau atu
ra i te mahana Penetetöte, ua taìruru mäite aè ra rätou atoà i te vähi hoê mä
te hinaaro hoê.
2 E aore i mähia, o te haruru mai ra no nià mai i te
raì mai te mataì rahi ûàna ra, î roa aè ra te fare i pärahihia e rätou ra.
3 Ua fä mai ra te arero mäa ia rätou ra mai te ahi ra
te huru, e faaea iho ra i nià iho ia rätou atoà ra,
4 e î aè ra rätou atoà i te Värua Maitaì, ua parau iho
ra i te parau èê, i ta te Värua i horoà mai i te parau ia rätou ra.
5 E te pärahi
ra te taata âti-Iüta paieti i Ierutarëma, no te mau fenua atoà i raro aè i teie
nei raì.
6 E parare atu ra taua roo ra, ua ruru mai ra te taata
atoà, e mäere iho ra, no te mea i faaroo atu ra taua mau taata atoà ra i ta
rätou iho parau mau i te parau-raa-hia mai ra.
7 Faahiahia atu ra rätou atoà mä te pöpou, nä ô iho ra
rätou rätou iho: «Inaha, eere änei rätou e parau nei i to Tarirea anaè?
8 E aha rä hoì teie i ìte ai tätou atoà nei i to tätou
iho reo mau i te parau-raa-hia mai?
9 To Paretia, e te âti-Mëtai, e te âti-Èrama, e te
feiä e pärahi i Metopotamia, e Iutea, e te Tapatotia, e to Ponoto, e to Àtia,
10 e to Ferutia, e to Pamafuria, to Àifiti, e to Rupi
i te pae i àti mai i Turene ra, e te taata èê hoì no Röma, te âti-Iüta, e te
peroteruto,
11 to Tereta, e to Âräpia, i te faarooraa atu tätou ia
rätou i te parauraa mai i te peu taa ê a te Atua i ta tätou iho nei mau parau
mau.
Ioane
15.26-27
26 Ia tae mai
rä te Faaaò no ô mai i te Metua ra na ù e tono mai, o te Värua parau mau no ô o
ia i te Metua ra, na na vau e faaìte.
27 E e faaìte atoà hoì òutou, no te mea i pïhaì atoà
iho òutou ia ù nei mai te mätamua mai ä.
+16.12-15
12 E rave rahi ä ta ù parau ia parau atu ia òutou, eita rä
e tià ia òutou i teie nei.
13 Ia tae mai rä te Värua parau mau ra, na na ia
e arataì ia òutou i te mau parau mau atoà ra. E òre hoì ta na parau e riro na
na iho; o ta na rä i faaroo ra, o ta na ia e parau mai e na na hoì e faaìte mai
ia òutou i te mau mea e tupu a muri atu ra.
14 E haamaitaì o ia ia ù; e rave hoì o ia i ta ù ra, a
faaìte atu ai ia òutou.
15 O te mau mea atoà a te Metua ra, na ù ia. I parau atu ai
au e, e rave o ia i ta ù ra e a faaìte atu ai ia òutou.
Heuraa
manaò.
Taramo
104, 4 i te faariroraa i te mau merahi no na mai te mataì
ra, e te mau tävini no na mai te auahi ura ra.
E
aha te auraa o teie mau mea atoà no ta tätou haapiiraa tumu i nià i te rahuraa
e no te faaìteraa a te Ètärëtia i to tätou nei ano tau ? E faaite poto noa atu
vau i to ù mau manaò i roto i na faanahoraa ia au i na tuhaa e ono:
1-Aita
te Taramo 104 e horoà mai ra i te mau haamäramaramaraa tano no nià i ta te Atua
rahuraa i teie nei ao, aita atoà oia e ôpua ra e na reira. Te pätoì ra te mau
taa-ê-raa i rotopü i te Taramo e te Tenete pene 1 i teie manaò, e tae noa atu i
te mea e ua faaòhipa te päpaì taramo i te mau hohoà aore ra te mau tumu parau
no roto mai i te mau päpaì e ère o ta na e ìte ra e tupuraa no te Aroha o te
Atua Nui Tumu Tahi. Hoê ä huru no te ôpuaraa mätamua i te faaìteraa a te puta
Tenete. Parau mau, e tiàmäraa to te mau taata faaroo no te mäìmi i te mau tumu
o te ao nei na roto i te mau raveà atoà ia hohoàhia to Atua i roto i te taata e
tià ai. Ia hinaaro rä tätou e faaòhipa i te mau ìrava pîpîria no teie tumu,
eiaha tätou e ìmi i te mau haamäramaramaraa ta te mau parau e òre e höroà e e
haapaò maitaì eiaha ia maìri te manaò tumu o te mau päpaì tätaì tahi.
2-Te
faatuàti ra te Taramo 104 i te mau òhipa mätamua a te Atua i te òhipa tämau a
to na Atua. Àita te ôtià o teie parau päpaì e faatià nei ia au i te faaìteraa,
e parau mau atoà nei te reira no te tahi atu mau parau, mai te faaìteraa a Iopa
i te pene 38 e ta te Ìtaia pene 44 ìrava 25 e te pene 45 i te ìrava 25. Noa atu
e e nehenehe, i roto i to tätou mau manaò no nià i te hämaniraa, eiaha tätou e
faataa-ê i tei hoêhia i roto i te mau Päpaìraa a te pîpîria.
3-Te
feruri ra te Taramo 104 i te òhipa i hämanihia e te Atua i mua ra e i teie tau. Te manaò mätamua ta na e
hinaaro ra e haapäpü, oia hoì e tià ia haapöpouhia no to na rahi e to na maitaì.
Mai i te tau o te mau päpaì taramo, e tïtauhia te hoê mäìtiraa mau, e turu i te
feiä e pätoì i te ârue ia na.
4-Te
faahiti ra te Taramo 104 i te mau òhiparaa a te Atua i nià i te feia rave hara,
taa-ê atu rä i te reira, aita te reira i mämü noa i nià i te àamu o te
faaoraraa. Te auraa ra, e tià ia tätou ia ârue i te Atua eiaha noa no te
faaoraraa o to tätou värua, no to Na atoà rä hanahana i roto i te mau tuhaa
atoà o te hämaniraa, oia atoà to Na haapaò i te mau räau tupu, te mau ànimara e
te mau mea rii tumu o te oraraa nei.
5-Ia
au i te Taramo 104, èita te fenua e riro èi vahi päpü a tämau noa ai te
ôrureraa hau i te Atua. Te faaìte mai nei te Faufaa Âpï e, i te hoìraa mai o te
Metia, e mou te feiä ìino i nià i te fenua nei e a muri noa atu. I roto i te
tau ta tätou e ora nei, èita te Atua e haamauruüru i te haapaò e aore rä, e
faautuà i te òrurehau mai ta Na i na reira i roto i te Faufaa Tahito. Tera rä,
no te mea hoì e, te arataì nei te ôrureraa hau a te taata i te haamouraa o te
fenua nei, e mea tià ia i te Ètärëtia ia tämau maite i te poro i te èvaneria e
i te pure, e ia faaìte i te aroha te here i te feiä e nehenehe e pohe e a muri
noa atu. Te rahi noa atu ra te taata e faaroo nei i te Fatu o te òre e haapäpü
nei e, èita te mau miti faaî e aore rä, te mau ati maì tei tupu na roto i te
mahanahanaraa o te fenua e täìri i te ao nei.
6-Noa
atu rä, te haapii mai ra te Taramo 104 e te tahi atu mau ìrava pîpîria e e nehenehe
te haereà hara e faaìno i te rähu. Ia ìte te mau Marü Metia i te reira, e faaea
rätou i te faatupu i teie huru fëruriraa e e aò ia vëtahi ê ia pee i ta rätou
hiòraa. Mai te peu e te faaìte ra te mau mea i hämanihia i te hanahana o te
Rahu, mea päpü maitaì e e tià ia na ia tämau noa i te na reira. Nahea e tià ai
i te Fatu ia òaòa i ta Na mau òhipa i roto i te rahuraa Taramo 104 ìrava 31 mai
te mea e, o ta Na mau tamarii te tumu no to Na haamouraa. Te tämau noa ra te Taramo 104, e
ta na mau hohoà rarahi e ta na haapiiraa faaroo hohonu, i te putapü i roto i to
tätou âau i teie mahana. Te faahaamanaò mai nei te reira ia tätou e, te mau
tuhaa atoà o te aru, mai te mau fetià rahi roa aè e tae roa atu i te mau mea
ora haìhaì roa aè, e tuhaa ia no te hoê faanahoraa hanahana au maitaì. I teie
àno tau a ìmi ai te taata i te mau raveà no te paruru i to tätou fenua, te
faaüru nei teie taramo ia tätou ia hiò i ô atu i to tätou mau hinaaro òiòi e ia
hiò i te ao nei mai te hoê horoà moà, o te tià ia faaturahia e ia haapaò-maitaì-hia.
Tarati
5, 18 Te ärataìhia ra òutou e te Värua, aore ia òutou i raro aè i te ture.
Teie
te parauraa a Pauro i to Taratia i te 5 i te mau ìrava 16 e tae i te ìrava 25 o
te hoê ia päpaìraa tumu i roto i te Faaäuraa Âpï no nià i te oraraa mai te au i
te Värua eiaha rä te oraraa mai te au i te tino. I roto i te mau manaò no teie
nei tau, e pinepine teie mau parau i te tätarahia mai te hoê piiraa no te hoê
oraraa tura e te pae värua, taa ê atu i te hoê oraraa ärataìhia e te mau
hinaaro miimii e te nounou taoà. Teie te hoê faahitiraa parau no teie tau no
nià i te Taratia i te pene 5 i te mau ìrava 16 e tae i te ìrava 25 : I roto i
to tätou ao âpï, tei reira te mau faanevanevaraa e te mau faahemaraa i te mau
vahi atoà, te faahaamanaò mai nei ia tatou i te faufaa ia pee i te Värua eiaha
rä i to tätou mau hiaai tino. Te haamahitihiti ra te âpotetoro Paulo i te àroraa
i roto mai i te tino, o te faahohoà ra i to tätou mau hinaaro tumu, e te Värua,
o te tïtau ra i te hoê täaihonoraa hohonu atu ä e te mau faufaa no te oraraa no
ô
mai i te Atua ra. I
roto i te mau òhipa a te tino tei faahitihia i roto i teie parau ìrava 19 e te
ìrava 21 te vai ra te mau peu mai te pohehae, te märöraa e te taèro àva, o te
nehenehe e arataì i te âmahamaharaa e te pürararaa. I te tahi aè pae, te hotu o
te Värua ìrava 22 e te ìrava23 e ìtehia ia na roto i te here, te òaòa, te hau e
te tahi atu mau maitaì o te faatupu i te au maite e te maitaì. I te hoê tau i
reira e haafaufaa-pinepine-hia ai te nounou taoà e te nounou faufaa, te faaitoito
mai ra teie mau ìrava ia ìmi i te auraa hohonu atu ä e ia faahotu i te mau huru
maitataì o te haafaufaa eiaha noa i to tätou iho oraraa, i te oraraa atoà rä o
vëtahi ê. Te ani nei te reira ia tätou ia fëruri i nià i ta tätou mau òhipa e
to tätou mau hinaaro, ma te turaì ia tätou ia mäìti i te mau èà e au i to tätou
haapaòraa i te mau parau tumu teitei aè. Te vai faufaa noa nei ä te Taratia pene
5 i te mau ìrava 16 e tae i te ìrava 25 i teie mahana, ma te faaitoito ia tätou
ia ora ma te manaò päpü e ma te hinaaro mau, ma te ärataìhia e te mau faufaa
pae värua o te oraraa o te na nià atu i te mau faaanaanataeraa poto e te mau
faufaa faufaa òre. Ua faataa mai te Fatu e nahea ia ìte e, na te tino anei e
aore rä, na te Varua anei ia au i te faaìteraa a teie mau taiòraa Mataio i te
pene 7 i te mau ìrava 16 e tae i te ìrava 20; Ioane pene 3 ìrava 6 Iatöpo pene
3 i te mau ìrava 1 e tae i te ìrava 8. E òre e tià i te räau maitaì ia faahotu
mai i te huero ìno. E nehenehe ia te feiä i roto i te mau ìrava 19 e tae atu i
te ìrava 21 e haere noa mai mai nià mai i te tumu räau ìno. Tera rä, te vai noa
nei ä i roto ia tätou tätaìtahi te hoê ä mau raveà faahiahia. Mai te mea rä e,
no te Metia tätou i te faaìteraa a te
ìrava 24, te vai atoà ra ia te tahi faahou mana i roto ia tätou, te Värua
Maitaì. Na na e faaora ia tätou i te faaìteraa a te ìrava 25 e na Na e hämani
ia tätou ia haere i te faaìteraa a te ìrava 16 e te ìrava 25 ; E mea pätoì o ia
i te tino nei ìrava 17 ; Na na e ärataì ia tätou ìrava 18 ; E faatupu o ia i to
na iho hotu, èita e nehenehe e ânoì i te tahi atu, e vine faufaa rahi hoì, e
tei faahiti i na huero maitaì e iva : o te hinaaro, te òaòa, te hau, te
faaòromaì, te marü, te maitaì, te faaroo. Te mämahu, te hitahita òre, aore hoì
te ture i te reira.
Àue! E nehenehe te hoê tumu räau e òre e mäuà mai te peu e e mäuà to na puai
atoà i nià i te mau ohi faufaa òre o te tupu mai na raro mai. E aha ia ta te
taata faaapu e rave? E täpü oia i teie mau ohi ia parare faahou te tapau i roto
i te mau àmaa i täpirihia. Teie te àanoraa ua riro te feiä no te Metia èi
faahohoàraa i te tino i to rätou faafariu-raa-hia. Ua auraro rätou na roto i te
faaroo i te utuà pohe i nià i to rätou oraraa täatoà ua täpühia te tumu räau
ôviri. Mai teie atu taime, e tià ia rätou ia haava i te mau faaìteraa te mau
hiaai e te mau hinaaro. Mai te mea e ora tätou na roto i te Värua, e haere atoà
ia tätou na roto i te Värua i te faaìteraa a te ìrava 25, E teie nei, te
ora nei tätou i te Värua, e pee tätou i ta te Värua ra.
Òhipa
2, 3 Ua fä mai ra te arero mäa ia rätou ra mai te ahi ra te huru, e faaea iho
ra i nià iho ia rätou atoà ra,
Ua
riro teie nei mau parau e faahitihia ra e puta Òhipa pene 2: i te mau ìrava 1 e
tae i te ìrava 11 èi mau parau faufaa no te oraraa faaroo Marü Metia, no te mea
te faaìte nei te reira i te mahana no te Reo i te färaa mai, mai te arero mäa
ra te huru, e tei mätau-noa-hia e tätou te mahana Penetetote, te òhipa i tupu a
färii ai te mau âpotetoro i te Värua Moà. Ua riro taua taime ra èi täpaò no te
haamataraa o te parau no te Nünaa Âpï o te Atua tei parauhia Ètärëtia e feiä
tïtauhia, piihia e no te òhipa veà tono
no te haaparare i te Parau Mataì te Èvaneria na te ao täatoà nei. I roto i te
mau faahitiraa parau no teie tau, e mea pinepine teie mau parau i te tatarahia
èi täpaò no te hoêraa e no te huru rau i roto i te Ètärëtia. E faatià te Värua
Moà i te mau veà tono ia parau na roto i te mau reo èe, te auraa ra, ua parare
te poroì o te Èvaneria na te ao atoà nei, no te mau nünaa atoà e no te mau
hiroà atoà. Te haapäpü ra te reira i te faufaaraa o te àifaïto-òre-raa e te
faatura i te mau taa-ê -raa i te pae hiroà tumu i roto i te püpü marü
metia. Teie te tahi
tatararaa no nià i te puta Òhipa pene 2 i te mau ìrava 1 e tae i te ìrava 11 :
I roto i to tätou ao àti aè te ao nei, i reira hoì te mau reo e te mau peu e
te hiroà tumu e faatïtïàifarohia ai, te
faahaamanaò mai nei te puta Òhipa ia tätou e, e tià i te Ètärëtia ia riro èi
vahi i reira te mau taata atoà e nehenehe ai e faaroo i te poroì a te Atua na
roto i to rätou iho reo e to rätou iho tumu e te hiroà tumu. E piiraa teie i te
Ètärëtia ia vai färii e ia vai matara noa, èi faaìteraa i te huru rau o to na
mau nünaa a vai hoê noa ai rätou i roto i ta na täviniraa e to na faaroo. Te
faariro-atoà-hia ra te Penetetote èi hiòraa no te òhipa veà tono marü metia.
Mai te mau âpotetoro tei turaìhia ia haere e poro, ua piihia te mau Marü Metia
i teie mahana ia faaìte i to rätou faaroo na roto i te mau raveà marämarama e
te ôhie, ma te faaòhipa i te mau mauhaa âpï e te mau raveà âpï no te haaparare
i te parau poroì o te èvaneria. Te tämau noa nei te puta Òhipa i te faaüru e i
te ärataì i te Ètärëtia i roto i ta na mau haapiiraa i te parau mataì no te
faaìte i te here e te maitaì o te Atua i te hoê ao oraraa rau e te tuàti. Ua
faaea noa te mau pipi
i Ierutarëma mai te au i te faaueraa a te Fatu, ma te tiaì i te taeraa mai o te
Värua Moà i fafauhia mai ra. I te mahana Penetetote, ua putuputu rätou päatoà i te hoê vahi. E ìnaha, ua
haruru mai ra te hoê reo no te raì mai, mai te haruru mai ra no te raì mai, na
ô mai ra, E î faahou mai ra te fare atoà i pärahihia e rätou ra i te Värua Maitaì.
E ua turäma ia rätou tätaìtahi i taua marämarama ra. Î aè ra rätou atoà i te
Värua Maitaì, e ua parau iho ra rätou i te parau èe, mai ta te Värua i horoà ia
rätou ia parau ra ia au i te mau ìrava 2 e tae i te 4. E mea faufaa rahi roa
teie òhipa ; no te mea e mea ïti aè te haereraa mai mai te raì mai o te toru o
te taata o te Toru Tahi e pärahi i nià i te fenua nei e i rotopü i te feiä
faaroo, e te feiä e ìmi ra i te tiàturiraa. I to te Fatu ra o Ietu haereraa mai
i roto i teie nei ao, te piti o te taata no te Toru Tahi, ua rave oia i te hoê
tino, no te mea e tià ia na ia riro èi taata, te taata no te mau faaueraa a te
Atua, ia rave i te òhipa a te tävini no te faaoraraa. Aita te Värua Maitaì, te
hoê taata hanahana atoà, i hinaaro i te hoê tino. Ua pou tià mai o Ia mai te
raì mai i nià i te mau pipi,
tei faatiàhia ia färii ia Na na roto i te òhipa a te Metia i nià i te tätauro. Mai ta te Fatu i
parau ia rätou i roto i te pene na mua atu, e vai mai ia i roto ia rätou te
mana e hinaarohia e rätou no ta rätou òhipa èi mau ìte no na i roto i teie nei
ao, i reira rätou e färerei ai i te pätoìraa a Tatane e haa ra i rotopü i te
mau Àti Iuta, te mau ènemi o te Metia, e i rotopü i te mau Nunaa atoà i roto i
te pöuri o te peu ê. E mea na roto i te mau pipi,
ma te mana òre i roto ia rätou iho, e faatupu ai te Fatu i te hoê òhipa rahi i
nià i te fenua nei,
na roto i te pororaa i te èvaneria.
Ioane
16, 13
Ia
tae mai rä te Värua parau mau ra, na na ia e arataì ia òutou i te mau parau mau
atoà ra. E òre hoì ta na parau e riro na na iho; o ta na rä i faaroo ra, o ta
na ia e parau mai e na na hoì e faaìte mai ia òutou i te mau mea e tupu a muri
atu ra.
Teie
na taiòraa na tätou i teie mahana e tià ia parauhia e mau parau tütuu teie na
te Atua i te mau taata atoà e tiàturi i ta na ôpuaraa faaora ia au i te Ioane pene
15 i te mau ìrava 26 e tae i te ìrava 27 o te hoê ia mau parau o te faahiti nei
i te fafauraa no te tonoraa mai Ietu i te Värua Moà i ta Na ra mau pipi.
I roto i te oraraa i te mau mahana atoà, e nehenehe teie mau parau e
marämaramahia èi faahaamanaòraa i te vai-tämau-raa mai te Varua o te parau mau i roto i te
oraraa o te feiä faaroo, ma te arataì e ma te päturu ia rätou i roto i to rätou
ìteraa päpü i te faaroo. I roto i te mau manaò täpiri i teie mahana, e nehenehe
teie mau parau e faarirohia èi faaitoitoraa no te tauturu i to tätou haapaò
maitaì i ta na mau tiàturiraa, noa atu e e faaruru oia i te àti aore ra te
taa-òre-raa. E faaìtehia te Värua Moà èi paruru e èi faaaò, èi faahaamanaòraa i
te feiä tiàturi e, e ère o rätou anaè i roto i to rätou tere no te faaroo. Ua
riro te reira èi tumu no te tämahanahanaraa e no te puai, i te mau taime ihoä
rä e manaò te hoê taata e ua vai ôtahi noa oia aore rä ua pätoìhia oia i roto i
ta na mau tiàturiraa. Teie te hoê faahitiraa parau no nià i te Ioane pene 15 i
te mau ìrava 26 e te ìrava 27 : I roto i to tatou ao tauiui noa, i reira hoì te
mau faufaa e te mau parau mau e ui-pinepine-hia ai, te haapäpü mai nei te
papaìraa a Ioane ia tätou e, ua riro te Värua o te parau mau èi âveià tämau no
te feiä faaroo. Te auraa ra, noa atu te huru o te mau tämataraa e aore rä, te
mau täuiraa ta tätou e färerei, e nehenehe ta tätou e türuì i nià i te Värua
Maitaì no te ärataì ia tätou i te mea maitaì e i te mea ora. Te ani nei teie
mau parau ia tätou ia faaroo maitaì i teie reo roto o te tauturu ia tätou ia ìte
i te èà ia pee e ia faaìte i to tätou faaroo ma te parau-tià e te itoito. Te
tïtau mai nei te Ioane pene 15 i te mau ìrava 26 e te ìrava 27 ia tätou e, e
ère te ìteraa päpü Marü Metia i te hoê noa òhipa no te parau, o te oraraa atoà
rä mai te au i te Värua o te parau mau, o te faaìte mai i te here e te maitaì o
te Atua i roto i ta tätou mau òhipa i te mau mahana atoà.
E
faahiti te Ione pene 16 i te mau ìrava 12 e tae i te ìrava 15 i te fafauraa a Ietu
ia tono mai i te Värua Moà no te ärataì i te mau pipi
i roto i te mau parau mau atoà. I roto i to tätou oraraa i te mau mahana atoà, e nehenehe teie mau
ìrava e tatarahia mai te hoê haapäpüraa e, noa atu te mau fifi o te ao nei e te
mau haamaramaramaraa e rave rahi àti e färereihia e tätou, e nehenehe ta tätou
e ìte i te parau mau e te ärataìraa na roto i te Värua Moà. I roto i te mau hiòraa
o teie tau, e nehenehe teie mau ìrava e hiòhia mai te hoê piiraa no te tiàturi
e no te faaìte i te manaò färii. E faaìtehia mai te Värua Maitaì mai te taata o
te heheu mai ia tätou i te hohonuraa o te paari o te Atua, noa atu e, aita
tätou i ineine i te mau taime atoà e aore rä, aita i marämarama òiòi i te mau
mea atoà. E aniraa ia no te faaòromaì e no te faaroo, ma te ìte e, e tae mai te
häroàroàraa na roto i te tau e na roto i te mau ìteraa rau o te oraraa. Teie te
hoê faahitiraa parau no teie tau no nià i te faaìteraa a Ioane i te 16 i te mau
ìrava 12 e tae i te ìrava 15 : I roto i te hoê ao e mea pinepine tätou i te rü
noa i te ìmi i te mau pähonoraa e i te rave i te mau faaotiraa, te faamanaò mai
nei te Ioane ia tätou i te faufaa ia rave i te hoê taahiraa i muri e ia ìmi i
te ärataìraa a te Värua Moà. Te auraa ra, e tià ia tätou ia vai matara noa no
te täui i ta tätou mau hiòraa e no te faahohonu i to tätou tiàturiraa, te
haamanaòraa i te mau parau mau i te pae värua. E òhipa te Värua Maitaì mai te
hoê ärataì roto, ma te tauturu ia tätou ia tere na roto i te mau tämataraa o te
oraraa e ia ìte i te hinaaro o te Atua teie haatumu i te parau-tià. Te
faaitoito nei teie mau parau ia tätou ia vai tuàti noa i to tätou oraraa pae
varua no te marämarama e te ärataìraa i roto i to tätou oraraa. E haapäpü mai o
Ia ia tätou e, e ère o tätou anaè i roto i ta tätou ìmiraa i te parau mau, e
tei reira te Värua Maitaì no te haamarämarama e no te haapuai ia tätou i roto i
to tätou tere o te faaroo. I te hopeà o te mau ìrava ta tätou i faaroo iho nei,
te parau ra Ietu i te reira. Ìnaha, na te Metua i horoà ia na i te mea ta na i
färii, e ua hope roa teie horoà i te horoàhia mai. No reira, no te mea ua horoà
te Metua i te mau mea atoà na te Tämaïti, e nehenehe noa ta Na e tiaì ia faahoìhia
mai te reira ia na ra e te Tämaïti i roto i te Värua. E ìriti te Metua, i roto
i to na tiaìraa, i te mäororaa o te hoìraa mai, te taime no te pähonoraa. Teie
vahi o te Metua, o te tiaìraa o te faatià i te mau mea ia riro mai, o te vahi
ia e pärahihia ra e te taata âpee o te mämü noa, i roto i te rahiraa o te
putuputuraa a te huiraatira o taua vahi ra. E faatià te reira ia vëtahi ê ia
paraparau, ia ìmi ia rätou iho, ia ìte mai ia rätou iho. I muri iho, na te hoê
parau poto noa e haapäpü i te hotu e noaa mai. E riro mai tätou i roto i to
tätou oraraa, no te mea te tiaì mai nei te tahi, ia tätou. I ô
nei atoà, te ìte nei tätou i te vahi ta te mau metua, te mau òrometua haapii,
te feiä haapaò, te mau fatu fare toa, e e rave rahi atu ä e te feiä e mana to rätou i nia
ia tätou... te vahi o te feiä atoà e tiaì ra, e tupu mau ä ia te ora...
Mau
ìrava turu.
-Taramo
104, 4 i te faariroraa i te mau merahi no na mai te mataì ra, e te mau tävini no
na mai te auahi ura ra.
-Tarati
5, 18 Te ärataìhia ra òutou e te Värua, aore ia òutou i
raro aè i te ture.
-Òhipa
2, 3 Ua fä mai ra te arero mäa ia rätou ra mai te ahi ra
te huru, e faaea iho ra i nià iho ia rätou atoà ra,
-Ioane
16, 13
Ia
tae mai rä te Värua parau mau ra, na na ia e arataì ia òutou i te mau parau mau
atoà ra. E òre hoì ta na parau e riro na na iho; o ta na rä i faaroo ra, o ta
na ia e parau mai e na na hoì e faaìte mai ia òutou i te mau mea e tupu a muri
atu ra.
Taramo
104 ìrava 4 : Te faataa nei teie ìrava i te Atua i te faaòhiparaa i te mau mea
o te aru ei mau veà, èi faahohoàraa i to Na mana e to Na mana arii i nià i te
Rähu. I teie mahana, e nehenehe te reira e faahaamanaò mai ia tätou e, ua riro
te aru, noa atu to na puai e to na ùnaùna, èi faaìteraa no te vairaa mai o te Atua
e e tià ia tätou ia faatura e ia aupuru i te reira.
Taratia
5 ìrava 18 : Te faataa nei Pauro i ô nei, mai te mea, e ärataìhia tätou e te
Värua, aita ia tätou i raro aè i te ture. I roto i te ao i teie mahana, te
auraa ra, na te oraraa mai te au i te Värua e faatiàmä ia tätou i te mau
faatureraa ètaèta e e tïtau manihini ia tätou ia pee i te mau ture teitei aè
ärataìhia e te here e te tiàmäraa no roto mai i te âau.
Te
Òhipa 2 ìrava 3: Te àamu no te Penetetote, i reira te tuuraahia te mau arero
auahi i nià i te mau pipi,
èi faataiperaa i te taeraa mai o te Värua Moà. E nehenehe te reira e faarirohia i teie mahana mai te
hoê tïtauraa no te täuiraa o te taata iho e te àravihi no te täuàparau e no te
ìte na roto i te mau fifi i te pae o te iho tumu e o te reo.
Ioane
16 ìrava 13: Ua fäfau mai Iesu i te Värua o te parau mau o te ärataì i te feiä
faaroo i roto i te mau parau mau atoà. I teie mahana, e nehenehe te reira e
hiòhia èi haapäpüraa e, noa atu te päpü òre e te hape, e nehenehe ta tätou e
ìmi e e ìte i te parau mau na roto i te tautururaa a te Värua.
Te
tämau noa nei ä teie mau ìrava, noa atu e, e mea mäoro roa i roto i te tau, te
vai mana noa ra, te tuàti i nià i te mau tumu parau o te ao nei mai te ìmiraa i
te parau mau, te auraa, e te huru o to tätou oraraa e to tätou auraa e te ao e
haati nei ia tätou.
Pehepehe
Te
reo
Te
reo, te huru o te mau moemoeä e te mau manaò,
I
roto i te taì o to na reo, ua fänauhia mai te ao.
E
òri oia i nià i te ùtu, e hee oia i rotopü i te mau niho,
Te
rereraa na roto i te mataì puai, te marü
e te puai.
Na
te èà turu e täamu i te mau värua atea,
Ua
firihia te hoê taura ârio e te mau taò.
E
himene teie no te hoê nunaa, to na tiàraa mau,
Te
tiaì no te ìte, no te here, no te tau.
Ma
te maniania òre, e muhumuhu mai oia i te parau mau,
I
roto i te ârepurepuraa, te tuö nei oia i te tiàmäraa.
O
na te taata peni hohoà o te peni hoê tautani hohoà,
Te
mau òto o to tätou oraraa, to tätou mau òaòaraa, to tätou mau òto.
O
te aho ia o te mataì i nià i te mau moana,
Te
mau àamu e te mau àai i mua ra.
O
oia te rima faatorohia èi täpaò no te auhoaraa,
Aore
ra te rima i nià, te hoê täipe o te tura.
E
auahi te reo, e pape, e mataì, e fenua,
O
te tumu rahi ia o to tätou ao Nui.
Na
te täamuraa moà e hoê ai te mau taata atoà,
I
roto i te òri hopeà òre o te oraraa e fä mai ai te ora.
Teraì
òr. Faatura.
Aucun commentaire:
Enregistrer un commentaire