Ruta èv 12.49-53 Faatiàraa i te Nünaa Faaroo, haapaò maitaì i te Atua I te mau taime fifi e te àmahamaharaa.

 

Mahana toru 5 no Pipiri/Mati 2025.

Faatiàraa i te Nünaa

Faaroo, haapaò maitaì i te Atua

I te mau taime fifi e te àmahamaharaa.

Färiiraa.

Ioane pene 3 ìrava 16, I aroha mai te Atua i to te ao, e ua tae roa i te horoà mai i ta na Tamaiti Fänau tahi, ia òre ia pohe te faaroo ia na ra, ia roaa rä te ora-mure-òre.

Haamanaòraa.

Ua riro te taeraa mai o te mau mitionare Peretane i Tahiti nei i te 5 no Pipiri/Mäti 1797 èi òhipa faufaa roa i roto i te àamu o Mäòhi Nui. Teie te hoê haapotoraa no teie òhipa i tupu i roto i te àamu :

I te 5 no Mäti 1797, ua tipae mai te pahi ra o Tärapu no te Totaiete Faatupuraa Parau no Ronetona, i täpenahia e James Wilson, i te òoa no Matavai i Tahiti. I nià i te pahi, te vai ra e toru àhuru mitionare Porotetani, e àhuru mä vaù o rätou e faaea mai i Tahiti. Ua ärataìhia teie mau mitionare e te Òrometua John Jefferson. I to rätou tipaeraa mai, ua färii-poupou-hia te mau mitionare e te tamaiti âpï ra o Pömare II e ta na vahine o Tetua Tetua. Ua tönohia mai te mau mitionare no te hoê täpura òhipa päpü maitaì. I roto i teie mau mitionare te vai nei Henere NOTI e tämuta tima teie taata tei òhie i te haapii i te reo Tahiti ò ia tei tuu i te reo Tahiti i roto i te Pîpîria òia hoì tei huri mai te reo o te Pîpîria i roto i te reo Tahiti. E maha Òrometua i teie tere mätamua, John Jefferson i haamata i te huri i te Pîpîria èi reo Tahiti, e täutuhia mai e Henry Nott e àravihi atoà i te òhipa tämuta tima, Henry Bricknell, àravihi i te pae no te ture, na na i päpetito i te Arii Pömare II, Thomas Bambridge àravihi i te òhipa tämuta raau. Teie te mau òrometua mätamua Peretane e maha i tae mai i Tahiti nei i te 5 no Pipiri/Mäti 1797.

Faarirohia ra teie ôroà èi òhipa mätamua a te Ètärëtia Porotetani Māòhi i te haamanaòraa i te mau mätahiti atoà i Mäòhi Nui nei i te 5 no mati, te hoê mahana òhipa òre o tei riro mai èi ôroà huiraatira mai te mätahiti 1978 ra. Ua faatià-roa-hia te hoê patu e aore te hoê ôfaì haamanaòraa i Matavai i Mahina e òhipa faufaa roa teie, e tae roa mai i teie mahana.

Taiòraa.

Taramo52

1 Na te Mënätehe. Matetira. Taramo na Tävita.

2 I to te âti-Êtoma ra, i to Toeta haereraa atu ia Taura ra e te parauraa atu : Ua tae mai Tävita i te fare o Âpïmereta.

3 E aha òe i fänaò ai i te ìno, e tënä na taata mana na ? Te faaìtehia nei au i te maitaì a te Atua, àita e mahana tuua.

4 Te ôpua ra to arero i te ìno, mai te hahu òoi, i hahi ê ra.

5 O te ìno ta òe i hinaaro ra, eiaha te maitaì ; e te haavare ra, eiaha ia parau i te parau-tià. Tera.

6 Te hinaaro ra òe i te mau parau atoà e pohe ai ra, e tënä na arero haavare.

7 Na te Atua rä e rave ia òe ia pohe roa, e rave mai ò ia, e e ìriti-hua-hia òe i to òe ra pärahiraa, e täìhi-tumu-hia òe i te fenua o te feiä ora nei. Tera.

8 E ìte te feiä parau-tià mä te mataù, e àtahia ò ia e rätou ra :

9 Ìnaha, o te taata teie, aore i faariro i te Atua èi tiàturiraa no na, tiàturi atu ra rä i te rahi o ta na ra taoà, e ua faaètaèta ia na iho i ta na ra parau ìno.

10 O vau nei rä, e riro ia vau mai te ôrive heeuri i te fare o te Atua ; te tiàturi nei hoì au i te hämani maitaì o te Atua ra e a muri noa atu.

11 E haamaitaì au ia òe e a muri noa atu, i ta òe e rave nei. E tiàturi hoì au i to òe ra iòa, e mea maitaì hoì ia i to feiä moà ra.

Heuraa Manaò

Teie te tahi mau taò puai e faahitihia nei i roto i teie Taramo no teie mahana, e haamanaòraa te taeraa mai te mau veà tono Peretane i to tätou nei fenua i te 5 no Pipiri 1797.  A 228 mätahiti i teie nei oia atoà ia na taò e toru nei tei päpaìhia i roto i te pîpîria, tei oti i te tuuhia i roto i to tätou reo Mäòhi i te mätahiti 1838 e tae mai i teie mahana 187 mätahiti i teie nei i vai mai ai to tätou reo, e òre :

-Te arero haapohe.

-Te haamou

-Täìhi tumu.

Te paruru ra te Atua i te feiä Moà, te feiä i faataahia no teie òhipa no te Faatiàraa i te Nünaa Mäòhi, i Mäòhi Nui nei.

Èita teie taramo 52 e täno òhie i roto i te mau tuhaa rau i reira te mau taramo e tätuhaahia ai. E au te reira i te hoê amuamuraa autäraa na te hoê taata e pätoì ra i te hoê taata faufaa ia au i te ìrava 1 e te taoà rahi i te faaìteraa a te ìrava 7 o tei rave i te tahi ìno rahi, tei òre i faataahia, e o vai ta te päpaì taramo e tïtau ra i te haaväraa a te Atua.

E au ra e àita te tiàraa iòa Hepera hiò i raro nei e tueä maitaì ra i te manaò tumu o te taramo iho e e au ra e e âpiti-faahou-hia mai a muri aè. Mai ta teie tuatapaparaa e faaìte ra, è ère te hara a Toeta i te haavare, o te faaäraraa rä o Tavita e, i muri aè, te täparahiraa i te mau tahuà i Nepo i raro aè i te faaueraa a Taura.

E haamata te taramo na roto i te hoê faahaparaa puai i te ènemi o te päpaì Taramo i te turämaraa a te mau ìrava 1 e tae i te 4, e i muri iho, te hoê faataaraa no te faautuàraa ta te Atua e faatae mai i nià ia na i te faaìteraa a te mau ìrava 5 e tae i te 7. E faaoti te päpaì taramo, ma te tiàturi i to na iho maitaì, na roto i te fafauraa ia ârue i te Atua no to na maitaì i na ìrava 8 e te 9.

UPOO PARAU : Te Haaväraa e te Aroha o te Atua.

Te tahi atu mau upoo parau o teie ia Parururaa mau e te haavare ; Te Haapaòraa i te Parau Paari ; Te arero haavare. I roto i te tahi mau reo, e mea tïtauhia ia mono i te mau taò haa no te mau iòa i roto i teie upoo parau ; èi hiòraa, e haavä te Atua i te taata e e faaìte ò Ia i to na maitaì.

Upoo parau Hepera : Na te raatira pupu himene. Ua haere mai te hoê taata mätaìtaì no Tavita, i to Etoma, te àti Etoma, haereraa mai e parau ia Taura, ua haere mai ra Tavita i te fare o Iehorama. E te hoê pehepehe na Tavita, i muri aè i to Etoma haereraa atu ia Taura e parau atu ia na e ua haere o Tavita i te fare o Iehorama.  No te taata faatere o te pupu himene a hiò i te upoo parau o te Taramo 4 ; no te Matetira e hiò atoà i te upoo parau o te Taramo 32. E ìtehia te àamu no te òhipa ta Ramana i rave i roto i te Tämuera 1 pene 21 ìrava 7 ; pene 22 e na ìrava 9 e te 10. Ua faaära ò Ia i te arii ra ia Taura e, ua ìmi o Tavita i te täuturu a te tahuà ra o Iehorama i te òire no Nopa Tamuera 1 pene 21 i te mau ìrava 1 e tae i te 9 ; Ua faaära o ia i te arii ia Taura e, ua ìmi o Tavita i te täuturu a te tahuà ra o Iehorama i te òire no Nopa. No to na riri, ua faaue aè ra o Taura i to na mau tià ia haapohe ia Ahïmereta e to na mau hoa tahuà, àita rä hoê aè o rätou i tämata i te haapohe i te hoê tahuà. No reira ua rave o Toeta i ta na òè e ua täparahi pohe ia rätou päatoà ia au i te faaìteraa a te Tämuera 1 pene 22 i te mau ìrava 11 e tae i te 19.

Te rähuraa. Mai te mea ra e, te mau ìrava mätamua o te Taramo 52 o te Pîpîria.

1 Te parauhia ra e na Tavita teie taramo, o tei faahapa i te ìno o Toeta te àti Êtoma, te hoê tävini o te arii ra o Taura. Ua faaìte o Toeta ia Taura e ua täuturu te tahuà a Ahïmereta ia Tavita ia horo ê.

2 Ua täparahi pohe aè ra o Taura ia Ahïmereta e te mau tahuà atoà no Nopa.

3 O te hoê ia himene a Tavita i nià ia Toeta, te àti Êtoma, o tei hoo i to na vairaa mai i te fare o te tahuà ra o Ahïmereta ia Taura.

Ua faahapa Tavita i te ìno e te haavare o to na ènemi, e ua faaìte ò ia i to na tiàturi i te Atua o te paruru e o te tähoo ia na. E tuhaa te Taramo 52 o te puta Taramo, e haapuèraa no na 150 pehepehe e himene faaroo a te nünaa Ìteraèra.

Te Taramo 52 a Tavita o te faahiti ra i te ìno e te faautuàraa o te feia ìino, e tae noa atu te maitaì e te haapaò maitaì o te Atua i te feiä parau-tià. Te irava tumu o teie taramo o te ìrava 8 ia : Tei roto rä vau i te fare o te Atua mai te ôrive matie ra ; Te tiàturi nei au i te maitaì o te Atua, a muri e a muri noa atu. Te haamatara ra teie ìrava i te tiàturi âueue òre o te päpaì taramo i te Atua, noa atu te vairaa mai e te mau òhipa a te feia ìino. E faaòhipa ò ia i te hohoà o te hoê tumu ôrive ruperupe no te faahohoà i to na âueue òre e to na ruperupe i te pae värua na roto i to na faaroo i te maitaì mure òre o te Atua.

Ruta èv 12.49-53

Ietu te tumu o te àmaharaa

(Mät 10,34-36)

49 I haere mai au e hopoi mai i te auahi i te ao nei, e e aha to ù nei hinaaro maori rä ia àma ä i teie nei ?

50 E päpetitoraa rä to ù e vai nei e àita to ù mäuiui ia oti.

51 Te manaò na òutou e, i haere mai au e faatupu i te hau i te ao nei ? E faaìte atu vau ia òutou : aore, e tamaì rä.

52 Teie hoì a àmaha nä taata toopae i te fëtii hoê ra, o e tootoru ra, e tamaì mai i e toopiti ; o e toopiti hoì, e tamaì mai i e tootoru.

53 E tamaì te metua täne i te tamaiti, e te tamaiti i te metua täne ; e tamaì te metua vahine i te tamahine, e te tamahine i te metua vahine ; e tamaì te metua hoovai vahine i te hunoà vahine, e te hunoà vahine i te metua hoovai vahine.

Heuraa Manaò.

Marämarama :

E au ra e mea fifi paha ia taa i teie mau ìrava i te ômuaraa, no te mau mea taa-ê roa te reira i te hohoà mätauhia e Ietu èi arii no te hau. Âreà rä, e mea faufaa ia hiò i teie mau ìrava i roto i te âanoraa o te mau òhipa a Ietu.

Auahi i nià i te Fenua : Te faahiti ra Ietu i te parau no te täoraraa i te auahi i nià i te fenua nei, o tei faataa-pinepine-hia mai te hoê faahohoàraa no te haaväraa aore ra no te Värua Moà. E tämä e e täui te auahi, e i ò nei, e mea tià te reira e faatäipe i te òhipa a Ietu no te faatupu i te täuiraa rahi e te haaväraa.

Päpetitoraa no te mämae : Te päpetitoraa ta Ietu e parau nei o to na iho ia mäuiui e to na iho pohe i nià i te tätauro. I ô nei te faaìte nei ò Ia i to na hinaaro ia rave faaoti i ta na mau òhipa faaora, noa atu e, ua ìte ò Ia e, e tïtau te reira i te mäuiui ûàna.

Te àmahamaharaa : Ua faataa o Ietu e àita ò Ia i haere mai no te hopoi mai i te hau, i te àmahamaharaa rä. Te auraa ra, e faatupu ta na parau poroì e ta na òhipa i te àmahamaharaa i rotopü atoà i te mau ùtuafare. E faatupu te faaotiraa ia pee ia Ietu aore rä èita i te märöraa e te nanearaa, no te mea te pätoì nei ta na mau haapiiraa i te mau faufaa o te ao nei.

Ìrava Tumu : te irava 51 Te manaò na òutou e, i haere mai au e faatupu i te hau i te ao nei ? E faaìte atu vau ia òutou : aore, e tamaì rä. Te faataa ra teie ìrava i te manaò e e ère noa te òhipa a Ietu i te hopoi mai i te hau hohonu òre, o te faatupuraa rä i te hoê täuiraa hohonu o te tïtau i te mau mäìtiraa fifi e te tueä òre i te tahi mau taime. E mea maitaì ia hiòpoà maitaì i te mau ìrava täpiri i reira o Ietu e paraparau ai e te mau tumu parau âano o ta na mau haapiiraa.

Teie te tahi mau mea te tià ia hiòhia :

Àamu e iho tumu : I te tau o Ietu, e mau tiaìraa taa maitaì ta te vaamataèinaa àti Iuta no nià i te Metia, tei faatumuhia i nià i te hau e te tiàmäraa i te pae pöritita. Ua pätoì o Ietu i teie mau tiaìraa ma te faaìte e e hopoi mai ta na òhipa i te àmahamaharaa eiaha rä te hau.

Te aru e te òhipa a Ietu : Ua haere mai o Ietu no te faatupu i te täuiraa rahi e te faahuru-è-raa i te pae faaroo àti Iuta. E tïtau teie täuiraa i te mau mäìtiraa no te taata iho e no te hohonu o te ärataìraa i roto i te peàpeà e te märöraa, e tae noa atu i roto i te mau ùtuafare. E tïtau ta na mau òhipa i te hoê fafauraa hope e te hoê hiòpoàraa i te mau faufaa e te mau òhipa mätamua a te taata iho.

Te auraa o te àmahamaharaa : È ère te àmahamaharaa i faahitihia e Ietu i te hoê hopeàraa, o te hoê rä faahopeàraa no te àroraa i rotopü i te mau faufaa o te Pätireia o te Atua e te mau faufaa o te ao nei. Te rävehia ra te taata no te tià atu i mua, e e faatupu ihoä te reira i te àmahamaharaa i rotopü i te feiä e färii i ta na poroì e te feiä e pätoì ra i te ôpuaraa faaora a Ietu no te Ora Mure òre.

Auahi e päpetitoraa : Ua faaòhipa Ietu i te mau faahohoàraa no te faaìte i ta na mau ôpuaraa ia ora te taata i te tiàmäraa o to rätou faaroo i te Atua Nui Tumu Tahi. E pinepine te auahi i te faatäipe i te haaväraa aore ra te tämaraa, e te päpetitoraa ta na e faahiti ra, o to na ia mäuiui e to na iho pohe. Te faaìte nei teie mau hohoà e, ta na òhipa o te mau tämataraa ia e te mau faaotiraa fifi, te ra rä, e mea tïtauhia te reira no te täui i te oraraa i te pae värua, e i te pae tino.

Te tätararaa a te taata iho : No te taa maitaì i teie ìrava, e mea faufaa ia fëruri e aha te auraa ia pee ia Ietu i roto i to tätou iho oraraa. E tïtau te reira ia rave i te mau mäìtiraa fifi e ia faaruru i te pätoìraa, i rotopü atoà i te feiä piri ia tätou. Te faahaamanaò mai nei te àmahamaharaa i faahitihia i ô nei ia tätou i te faufaa ia vai haapaò noa i to tätou mau tiàturiraa i te pae värua e ia ìmi i te parau mau, noa atu e, e ärataì te reira i te märöraa.

Èi haapotoraa, te faahaamanaò mai nei te Ruta èv. Pene 12 ìrava 51 ia tätou e, èita te hau mau e te mure òre e tupu mai te mea e, àita e täuiraa i roto ia tätou e te haapaòraa i te mau faufaa o te Pätireia o te Atua. E piiraa no te haapaò maitaì e no te parau-tià, noa atu ä te mau tämataraa e te mau àmahamaharaa.

Heuraa Ìrava.

-Taramo 52, 10 O vau nei rä, e riro ia vau mai te ôrive heeuri i te fare o te Atua ; te tiàturi nei hoì au i te hämani maitaì o te Atua ra e a muri noa atu.

-Ruta èv. 12, 51 Te manaò na òutou e, i haere mai au e faatupu i te hau i te ao nei ? E faaìte atu vau ia òutou : aore, e tamaì rä.

Faaitoitoraa.

E te mau taeaè e te mau tuahine here i roto i te Metia, I teie mahana, te putuputu nei tätou no te faahanahana i te rahi o te èvaneria e no te fëruri hohonu i nià i na ìrava puai e piti o te ärataì nei ia tätou i roto i to tätou faaroo : Taramo 52 ìrava 10 e te Ruta èv. Pene 12 ìrava 51.

 

Te parau mai nei te Taramo 52 ìrava 10 ia tätou e : Tei roto râ vau i te fare o te Atua mai te ôrive matie ra ; Te tiàturi nei au i te maitaì o te Atua, a muri e a muri noa atu .

 

Teie piiraa i te faaroo o te hoê ia äniraa ia hiò ia tätou iho mai te mau tumu ôrive matie i tänuhia i roto i te fare o te Atua. Ua riro te hoê tumu ôrive ruperupe èi täipe no te hau, te oraraa mäöro e te ruperupe. No reira, na roto i te tiàturiraa i te maitaì mure òre o te Atua, e aa tätou ia tatou iho i roto i te hoê puna faito òre o te ora e te puai te faaroo. Ia âueue òre e ia âueue òre to tätou faaroo, mai teie tumu ôrive o te tupu maitaì i raro aè i te hiòraa maitaì o to tätou Fatu.

Te faahaamanaò mai nei te Ruta èv. Pene 12 ìrava 51 ia tätou e : Te manaò na òutou e, i haere mai au e faatupu i te hau i te ao nei ? E faaìte atu vau ia òutou : aore, e tamaì rä.

I te hiòraa mätamua, e mea mäere paha teie ìrava, e mea huru-ê atoà. E tïtau rä te reira ia tätou ia fëruri hohonu atu ä. Àita o Ietu e parau ra i ò nei no nià i te àmahamaharaa no te faataa-ê-raa, no nia rä i te faahopeàraa o te parau mau e te marämarama i nià i te hoê ao e topa i roto i te pöuri. E tïtau te peeraa ia Ietu e ta na mau haapiiraa i te fafauraa täatoà, e pinepine ma te peàpeà e te feiä è `ère hoê ä faaroo to tätou. E piiraa ia haapaò maitaì, ia mäìti i te parau mau e te parau tià noa atu e, è ère te reira i te mea faufaa no tätou e aore rä, no te oraraa tähuti nei.

Te mau manaò : Te höroà mai nei teie na ìrava e piti i te hoê parau poroì hohonu e te faufaa rahi. Te tïtau mai ra te reira e e hopoi mai to tätou tiàturi i te Atua i te hau âueue òre i roto ia tätou, tei faatäipehia e te tumu ôrive matie.

Te faaära atoà mai ra rä rätou ia tätou e : èita teie hau o roto mai e päruru ia tätou i te mau àroraa no rapaeàu mai. Te marämarama o te parau mau te hanahana, ia türama anaè te reira i to tätou oraraa, e heheu mai e e haafifi i te pöuri e haati nei ia tätou.

Faaotiraa : Ia riro teie ôroà faaroo âi taime faaâpïraa i te tiàturiraa. E aa anaè tätou mai te tumu ôrive matie i roto i te maitaì mure òre o te Atua, e ia färii ma te itoito i te parau mau, noa atu e, e tïtauhia ia faaruru i te àmahamaharaa. No te mea, i te pae hopeà, i roto i te haapaò-maitaì-raa i to tätou faaroo e ìtehia ai ia tätou te hau mau e te ora mure òre.

E pure âmui anaè tätou :

E te Fatu, a höroà mai na i te puai e te paari no te mau päpü i roto i to mätou faaroo. Ia turäma mai to òutou marämarama i to mätou mau èà e ia päturu mai to òutou maitaì ia mätou e a muri noa atu. Âmene.

Te mau manaò : Te höroà mai nei teie na ìrava e piti i te hoê parau poroì hohonu e te faufaa rahi. Te faahaamanaò mai ra te reira e e hopoi mai to tätou tiàturi i te Atua i te hau âueue òre i roto ia tätou, tei faatäipehia e te tumu ôrive matie.

Te faaära atoà mai ra rä rätou ia tätou e : èita teie hau no roto mai e paruru ia tätou i te mau àroraa no rapaeàu mai. Te marämarama o te parau mau o te hanahana, ia türama anaè te reira i to tätou oraraa, e heheu mai e e haafifi i te pöuri e haaàti nei ia tätou.

Te manaò tumu o te poroì, o te faaroo ia e te haapaò maitaì i te Atua i te mau taime fifi e te àmahamaharaa.

Te haamatara ra te reira e piti tuhaa faufaa :

Te tiàturiraa i te Atua : Te haapäpü nei te Taramo 52 ìrava 10 i te vai-päpü-raa e te ruperupe o te faaroo e tae mai na roto i te tiàturiraa i te maitaì mure òre o te Atua. Mai te hoê tumu ôrive matie, e tià i to tätou faaroo ia aahia i roto i te fare o te Atua, ma te hopoi mai i te hau e te tupuraa noa atu te mau fifi no rapaeàu mai.

Te mäìtiraa e te haapaò-maitaì-raa : Ruta èv. Pene 12 ìrava 51 e faahaamanaò i te peeraa ia Ietu e ärataì te reira i te àmahamaharaa e te märöraa. E piiraa no te haapaò itoito e no te haapaò hope roa i te mau haapiiraa a Ietu, noa atu e, e tïtauhia ia tätou ia faaruru i te pätoìraa e aore rä, i te mau tämataraa i roto i to tätou mau au taàtiraa.

Ia âmuihia, e tïtau teie mau ìrava e teie poroì i te hiòpoàraa hohonu e te paieti mau, ma te faaitoito ia tätou ia vai âueue òre noa i roto i to tätou faaroo e ia täpeà maite i to tätou mau tiàturiraa, noa atu te mau haafifiraa ta tätou  e färerei.

Pehepehe.

I roto i te mau vero o te oraraa àti,

Ia pupuhi mai te mataì puai ia tätou,

Ia vai haapaò maitaì noa, ia vai itoito noa,

Ia vai maite to òutou tutau i roto i te Atua, èita roa atu te reira e hemo

 

I roto i te àmahamaharaa, te mau âau e hahi ê ra,

Noa tu te mau aroraa e te mau reo maniania,

Eiaha e faaruè i te èà o te faaora,

Te here hanahana, te marämarama ànaana.

 

Mai te tumu ôrive ruperupe i roto i te fare o te Atua,

A huti mai i to òutou puai mai roto mai i to na maitaì mure òre,

I reira te tiàturiraa e faaâpïhia ai i ni'a i te raì,

E vai noa te hau, te marü e te faufaa rahi.

 

I roto i te mau vero o te oraraa àti,

Ia pupuhi mai te mataì puai ia tätou,

Ia vai haapaò maitaì noa, ia vai itoito noa,

Ia vai maite to òutou tutau i roto i te Atua, eita roa atu te reira e hemo.

 

I roto i te àmahamaharaa, te mau âau e hahi ê ra,

Noa atu te mau àroraa e te mau reo maniania,

Eiaha e faaruè i te èà o te faaora,

Te here hanahana, te marämarama ànaana.

 

Mai te tumu ôrive ruperupe i roto i te fare o te Atua,

A huti mai i to òutou puai mai roto mai i to na maitaì mure ore,

I reira te tiàturiraa e faaâpïhia ai i nià i te raì,

E vai noa te hau, te marü e te faufaa rahi.

 

Na Ietu, tei amo i te parau mau itoito,

E ärataì nei ia tätou, na roto atoà i te àmahamaharaa,

Te pii nei to Na marämarama, to na ànaana e te oraora,

Ia tätou ia rave i te hoê faaotiraa haapaò maitaì.

 

I mua i te mau tämataraa e te mau mätaù e haapeàpeà nei ia tätou,

A haamanaò, e te tävini haapaò maitaì e,

E òre roa te faaroo i te Metia e mou,

O ò Ia to òutou papa, to òutou fauraò âueue òre.

 

Teraì òr. Faatura.