Mahana maha 25 no Tema/Titema 2026.
ÔROÀ FĀNAU
Ua heheuhia te faaoraraa, ua riro te Parau èi taata.
Mau Taiòraa.
Taramo 98, Te
òaòa o te ao i te Atua Faaora.
1 Taramo. E himene i te Fatu i
te himene âpī, e mau mea taa ê hoì tei ravehia e ana, no to na iho rima àtau e
to na rima moà, i riro mai ai te rë ia na.
2 Ua faaìte mai ra te Fatu i te ora na na, i mua i te mata o te mau
êtene atoà ra, te faaìte-raa-hia te parau-tià na na ra.
3 To na aroha e ta na parau-mau, ua
manaòhia e ana i te ùtuafare o Ìteraèra. Ua ìte te mau hopeà atoà o te fenua i
te ora a to tätou Atua.
4 Ia pīnaì te haamaitaì i te
Fatu e àti noa aè te fenua, ia puroro te reo òaòa, ia ûmere mā te
haamaitaì i te himene.
5 A himene i te Fatu mā te tīnura,
mā te tīnura e te reo haamaitaì atoà ra ;
6 mā te mau pū e te òto o te tuferi,
te hārururaa i te haamaitaì i te arii ra, i te Fatu.
7 Ia hāruru te tai e to na îraa, te
ao atoà e to na ra mau taata.
8 Ia paìpaì te mau pape i to rātou
rima, e ia ûmere tahi te mau mouà atoà,
9 i te aro o te Fatu, te haere mai
ra hoì ò ia e haavā i te fenua. E haavā ò ia i to te ao mā te parau-tià, e te
mau taata mā te piò-òre.
Heuraa Manaò.
Te
riro nei te Taramo 98 èi pāpaìraa faahiahia no te Ôroà Fānau, no te mea te
faahanahana ra te reira i te taeraa mai o te Atua èi Arii Tāvini e èi Faaora,
na roto i te hoê reo òaòa e te poupou.
Haapiiraa :
Ìrava 2 Ua faaìte mai ra te
Fatu i te ora na na, i mua i te mata o te mau êtene/nūnaa atoà ra, te
faaìte-raa-hia te parau-tià na na ra. Òia mau, Ua faaìte mai te Fatu i to na faaoraraa
; ua faaìte mai ò Ia i ta na parau-tià i te mau fenua atoà.
E
mea faufaa roa teie ìrava no te mea te faaìte nei te reira i te hoê faaoraraa
ìte-mata-hia e te ao tāatoà.
I te Ôroà Fānau, e riro te Tino
Taata èi faaoraraa pāpū : e riro mai te Atua èi taata, e e riro to na here èi
mea pāpū i roto i te tuatua.
Te
òaòa o te ao atoà nei na mua aè i te faaoraraa i heheuhia mai e te Atua.
Te huru o te ao
tāatoà :
Te haamatara ra te taramo i te faaìte i te mau nūnaa, te mau hopeà o te fenua,
te mau mea atoà i rāhuhia o te fārii nei i te mau puai o te aru. Àita te Ôroà
Fānau i faataahia no te hoê noa nūnaa, e pūpūhia rā no te tāatoàraa o teie nei
ao.
Faaìteraa : te Faaora i faaìtehia,
I roto i te haamoriraa no te Ôroà Fānau na te reira e horoà ia tātou i te huti
i te aho âpī, e tuàti te reira i te māramarama e ànaana ra i roto i te pōuri ia
au i te faaìteraa a te Ioane pene 1 i te mau ìrava 1 e tae i te 18, te Parau i
riro mai èi Taata.
Te òaòa o te ao
nei :
E àpiti atoà te mau mauhaa ùpaùpa, te miti, te mau ànavai, te mau puna pāpe, te
mau mouà i roto i te ârueraa. Ua riro te Ôroà Fānau èi taùrua fenua i reira te
mau mea atoà i rāhuhia e âmui ai i roto i te òaòa.
Na tuhaa toru :
Ìrava
1 e te 3 : Te faaoraraa tei faaìtehia
Te
òhipa nei te Atua ma te puai e te haapaò maitaì.
Ôroà Fānau : E faatupu te
Atua i ta Na mau fafauraa na roto i te tōnoraa mai i ta Na Tamaiti.
Ìrava
4 e tae i te 6 : Te piiraa i te ârueraa
Te
anihia nei te ao atoà nei ia himene e te mau mauhaa ùpaùpa.
Ôroà Fānau : Te faaìte nei
te mau himene e te mau papa haamori i teie òaòa.
Te
mau ìrava 7 e tae i te 9 : Te haapōpou nei te rāhu i te Arii Tāvini.
E
âmui atoà mai te aru i roto i te faahanahanaraa.
Ôroà Fānau : E faafāite/e
faahau te Tino Taata i te raì e te fenua, e haere mai te Atua no te haavā ma te
parau- ia e te âifaito.
Piiraa a te Ôroà
Fānau.
Faaāraraa : Ua riro teie taramo
èi parau tōhu no te Tino Taata : ua ìtehia te faaoraraa i roto ia Ietu te Metia.
Òaòa : Te faaìte ra te
papa haamori no te Ôroà Fānau i teie
taìraa òaòa te mau himene, te navenave, te mau mauhaa ùpaùpa.
Te huru o te ao
atoà nei :
Ua riro te Ôroà Fānau èi ôroà no te mau nūnaa atoà e no te mau mea atoà i rāhuhia
Itaia 52.7-10,
Faatereraa Atua i te Fānauraa te Metia.
7 Te nehenehe o te âvae o te veà i nià i te mouà, o
tei hopoi mai i te parau maitaì ra, o tei faaìte hua mai i te parau hau ra, o
tei hopoi mai i te parau òaòa e te maitaì ra, o tei faaìte hua mai i te ora ra
o tei parau mai ia Tiona, Tei to Atua ra te hau,
8 E faateitei to mau faèhau i to
rātou reo ; e ûmere pāatoà noa atu to rātou reo ; e hiò hoì rātou, te mata e te
mata, i to te Fatu faahoìraa mai ia Tiona.
9 Ia pūroro noa atu te òaòa ; ia
ûmere pāatoà, e te mau vāhi pararī i Ierutarēma ua haamāhanahana hoì te Fatu i to na taata ; ua faaora oia ia Ierutarēma.
10 Ua faaìte hua te
Fatu i ta na rima moà i mua i te mata o te mau êtene atoà ra ; e ua
ìte i te mau hopeà atoà o te fenua ra i te ora a to tātou Atua.
Heuraa Manaò.
Tuatua
Tau : Ua
tupu te Ìtaia pene 52 i te tau no te faatîtîraa i Pāpuronia i te 6-raa o te tēnetere
hou te Metia. Ua purara ê te nūnaa, ua faahaèhaahia te puai ra o te tiàturiraa
te vai itoito noa ra i te tiaìraa i te faaoraraa a te Atua.
Faaāraraa : Ua faaìte te
perofeta i te taeraa mai o te hoê veà o te hopoi mai i te parau âpī maitaì i te
reo Hepera בּשׂר bashar, ma te faaìte i te hau, te faaoraraa e te faatereraa a
te Atua.
Hiòraa : È hiòraa teie
ìrava no te tiàturiraa : 7
Te nehenehe o te âvae o te
veà i nià i te mouà, o tei hopoi mai i te parau maitaì ra, o tei faaìte hua mai
i te parau hau ra, o tei hopoi mai i te parau òaòa e te maitaì ra, o tei faaìte
hua mai i te ora ra o tei parau mai ia Tiona, Tei to Atua ra te hau, Òia
hoì, E hoì te Atua i Tiona, e faahoì
faahou mai i to na nūnaa, e e heheu mai i to na hanahana i te mau nūnaa atoà.
Te Metia e te
Ôroà Fānau :
Te Veà : I roto i te peu
Marū Metia, tei hopoi i te parau âpī maitaì o te hoê ia parau tōhu no te
Èvaneria, tei faahohoàhia i roto ia Ietu Metia.
Te parau âpī
maitaì :
Te Ôroà Fānau o te poroì ia, te
faatere nei to Atua, èiaha na roto i te puai faèhau, na roto rā i te tino haèhaa
o te Àiū no Peterehēma.
Te
haapāpū nei te ìrava 10 e, e ìte te mau hopeà atoà o te fenua nei i te ora a to
tātou Atua, o te faatuàti i te Fānauraa o Ietu i te òhipa no te hau e te
faaoraraa.
Te tahi Ìrava
tumu
Ìtaia
pene 52 ìrava 7 : 7 Te nehenehe o te âvae o te veà i nià i te
mouà, o tei hopoi mai i te parau maitaì ra, o tei faaìte hua mai i te parau hau
ra, o tei hopoi mai i te parau òaòa e te maitaì ra, o tei faaìte hua mai i te
ora ra o tei parau mai ia Tiona, Tei to Atua ra te hau, Òia mau, Te
nehenehe o te âvae o te veà i faaìte mai i te hau i nià i te mouà, o te veà o
te parau maitaì o tei faaìte mai i te ora, o tei parau ia Tiona e, Te arii nei
to Atua.
Faanahoraa :
Ìrava
7 : Te nehenehe o te veà → faaāraraa no te hau e te faaoraraa.
Ìrava
8 : Te ìte nei te mau tiaì no Tiona i te hoìraa mai o te Atua → te òaòa e te
himene.
Ìrava
9 : E tāmahanahana te piiraa ia òaòa → te Atua i to Na nūnaa.
Ìrava
10 : E ìte te mau nūnaa atoà → te faaoraraa.
« Te nehenehe o
te âvae o te veà i faaìte mai i te hau i nià i te mouà... »
I teie mahana
Ôroà Fānau,
te fārii pōpou nei tātou i te parau âpī maitaì : Te faatere nei te Atua na roto
i te hau e te tāmahanahanaraa. Èiaha na roto i te mana o te mau mauhaa tamaì aore
ra o te mau hau faatîtî, na roto rā i te paruparu o te hoê Àiū e tārava ra i
roto i te hoê vairaa maa a te puaa.
I
te hoê taime, ua faaìte te perofeta i te feiā i hopoi-tîtî-hia e e hoì mai te
Atua i Tiona no te tāmahanahana i to na nūnaa. I teie mahana, te tiàturi nei tātou
e, ua tupu teie fafauraa i te fānauraa o Ietu :
Te
hau no te mau âau ahoaho.
Òaòa
no te mau tiaì tei tiàturi.
Ua
pūpūhia te faaoraraa i te mau nūnaa atoà.
Ua
riro te Ôroà Fānau èi faaāraraa :
" E ìte te mau hopeà atoà o te ao nei i te ora a to tātou Atua i te faaìteraa
a te ìrava 10. E piiraa ia himene, ia òaòa, ia faaìte i te māramarama e ànaana
ra i roto i te pōiri.
Hēpera 1.1-6, Te
heheuraa Atua i te Fānauraa ta na Tamaiti.
Te parauraa mai te Atua nā roto i ta
na Tamaiti
1 O te Atua, o tei parau riirii mai
i mūtaa iho, e rave rahi te huru o te parauraa mai i te feiā tupuna i te mau
perofeta,
2 o tei
parau mai ia ia tātou i teie nei ànotau hopeà i te Tamaiti, o tei haapaòhia e
ana èi Fatu no te mau mea atoà nei, e ua hāmani hoì ò ia i nā ao atoà nei ia
na.
3 O te ànaàna hoì ò ia o to na ra
hanahana, e o te hohoà mau ia no na iho, e te mauraa hoì i te mau mea atoà nei
i ta na ra parau mana, oti aè ra ta tātou hara i te tāmāhia e ana ia na iho ra,
pārahi iho ra i raro i te rima àtau o te Mana i te vāhi teitei ra.
Te Tamaiti tei hau i te mau merahi
4 E maitaì hau ê hoì to na i to te
mau merahi, mai te iòa i noaa ia na i hau ê i te maitaì i to rātou ra.
5 O vai hoì
to taua mau merahi ra ta te Atua i parau noa atu mai tahito mai ā e : O ta ù
Tamaiti òe, i naùanei òe i fānauhia ai e au. E ta na hoì i nā ô ra e : Èi Metua
vau no na, e èi Tamaiti o ia na ù «?
6 E ia na hoì i faahoì faahou mai i
te mātahiapo i te ao nei, nā ô aè ra ò ia : Ia haamori te mau merahi atoà a te
Atua ia na.
Heuraa Manaò.
E
haamata te Rata i to Hepera na roto i te hoê faaìteraa hanahana : Ua faaìte
hope roa mai te Atua, o tei parau na mua aè na roto i te mau perofeta, e i roto
i ta na Tamaiti. Ua riro teie mau ìrava 1 e tae i te 6 èi ômuaraa parau mau no
nià i te Atua o te tuu nei ò Ia i te Metia i roto i te tuatua o te faaoraraa.
No
te Ôroà Fānau, te haamāramarama nei
te reira i te auraa o te Tino Taata : te Tamaiti o te Parau ia a te Atua, tei
haere mai i roto i te ao nei.
Te
ìrava 3 te naò ra : 3 O te ànaàna hoì ò ia o to na ra
hanahana, e o te hohoà mau ia no na iho, e te mauraa hoì i te mau mea atoà nei
i ta na ra parau mana, oti aè ra ta tātou hara i te tāmāhia e ana ia na iho ra,
pārahi iho ra i raro i te rima àtau o te Mana i te vāhi teitei ra. Te Tamaiti
tei hau i te mau merahi, e tià atoà ia parauhia mai teie te huru, O ò ia te ànaana o te hanahana o
te Atua, e te hohoà mau o to na huru, o te turu i te mau mea atoà i ta na parau
mana.
Te
tītau nei teie ìrava tumu i te huru mau o te Metia : i teie Ôroà Fānau, ua riro teie Àiū no Peterehēma
èi ànaana hanahana, ò ia tei mau i te mau mea atoà i rāhuhia ra.
Tumu.
«
I te Ôroà Fānau, e parau pāpū mai te
Atua i roto i ta Na Tamaiti : te māramarama e te hanahana i roto i te tino. Te
parau àro no te fānauraa, è ère ia i te fānauraa noa o te hoê Àiū, o te heheuraa
rā a te Atua i roto i te tuatua.
Hiòraa :
Te
Atua o te parau nei ìrava 1 e te 2.
I mūtaa iho ra : na roto i te
mau perofeta, na roto i te mau faaìteraa e na roto i te mau raveà e rave rahi.
I teie nei : na roto i te
Tamaiti, ôtahi e te pāpū. → Ôroà Fānau
o te tāuiraa ia : mai te tiaìraa tōhu i te Parau i riro mai èi taata.
Te
Tamaiti, te taata âià e te rāhu ìrava 2.
Te
fatu âià o te mau mea atoà.
Na
roto ia na te Atua i rāhu ai i te ao nei. → Te Àiū i roto i te vairaa maa a te puaa,
o te Fatu atoà ia o te rāhuraa.
Te
ànaana e te tāpaò ìrava 3.
Puai : O te Metia te
māramarama o te ànaana i te hanahana o te Atua.
O
ò Ia te tāpaò, mai te hoê tāpaò maitaì roa no te tino o te Atua. → Te faaìte
nei te Ôroà Fānau i te hanahana o te
Atua i roto i te paruparu o te Àiū.
Te tāmāraa e te
faateiteiraa ìrava 3 e te 4.
E
faatupu ò ia i te tāmāraa i te mau hara.
Te
pārahi ra ò Ia i te rima àtau o te Atua, i nià aè i te mau merahi. → E ārataì
te fānauraa i te òhipa faaora e te hanahana o te Pata.
Te hau aè i nià
i te mau merahi ìrava 5 e te 6.
Faahitiraa
no roto mai i te mau Taramo : O ta ù Tamaiti òe, i naùanei òe i fānauhia ai e au O òe ta ù
Tamaiti ; i teie mahana ua fānauhia Òe e Au.
Te
haamori nei te mau merahi ia na. → E faatupuhia te Ôroà Fānau i te raì e i te fenua : e haamorihia te Tamaiti èi Fatu.
Haapiiraa.
Te
parau nei te Atua i roto i ta Na Tamaiti : Te Ôroà Fānau o te Parau ia i riro èi taata.
Te
māramarama e te hanahana : ua riro teie Àiū èi ànaana hanahana.
Haamoriraa
na te ao atoà nei : e âmui mai te mau merahi e te mau taata no te ârue.
Tiàturiraa : e ìriti te fānauraa
i te tāmāraa e te upootiàraa i nià i te hara.
Ioane 1.1-18. Te Atua i rotopū ia tātou.
Te Parau a te Atua te Ora.
1 I vai na te Parau i te mātamua ra,
i te Atua ra hoì te Parau, e o te Atua hoì te Parau/o te Parau hoì te Atua.
2 I te Atua
ra hoì ò ia i te mātamua ra.
3 Na roto ia
na i rāhuhia ai te mau mea atoà nei, e te mau mea atoà i rāhuhia, aore hoê aè
tei òre i nā roto mai ia na i te rāhuraahia.
4 Tei roto
ia na te ora, e te ora, o te māramarama ia o te taata.
5 Te ànaàna
nei te māramarama i roto i te pōuri, aita rā te pōuri i fārii atu ia na.
6 Te vai ra rā te hoê taata tei
tonohia mai e te Atua, o Ioane te iòa.
7 I haere
mai ò ia èi ìte, e faaìte i te māramarama, ia faaroo/tiàturi te taata atoà na
roto ia na.
8 È ère ò ia
i te māramarama, ua haere mai rā ò ia no te faaìte i te māramarama.
9 O te Parau
te māramarama mau, ua haere mai ò ia i te ao nei no te tūrama/haamāramarama i
te mau taata atoà.
10 I te ao nei ò ia, e na roto ia na
teie nei ao i te rāhuraahia ; e àita to te ao i ìte atu ia na.
11 I haere
mai nei ò ia io na iho ra, e aore to na iho ra mau taata i fārii atu ia na.
12 I te feiā
atoà rā tei fārii atu ia na, tei tiàturi i to na ra iòa, ua horoà ò ia i te
mana ia riro rātou èi mau tamarii na te Atua.
13 Te feiā è
ère i to te toto i fānau ai ra, è ère hoì i to te hinaaro o te tino è ère hoì i
to te hinaaro o te taata, no te Atua rā.
14 I riro mai nei te Parau èi taata, e ua tiàhapa/pūhapa mai io tātou nei,
e ua ìte mātou i to na hanahana, mai te hanahana e au i te Tamaiti fānautahi a
te Metua, ua î i te maitaì e te parau-mau.
15 O na ta
Ioane i faaìte mai, ia na i pii ra : «Ò ia teie ta ù i parau ra e : O tē haere
mai i muri iho ia ù nei, ua riro ia i mua ia ù, o mua ā hoì ò ia ia ù.
16 Òia mau, na roto i to na î, ua
noaa ia tātou atoà nei te maitaì e au atoà i to na ra maitaì.
17 Na Mōte
hoì i tuu mai i te ture, âreà te maitaì e te parau-mau, na Ietu Metia ia.
18 Aore e
taata i ìte i te Atua, o te Tamaiti fānautahi rā i nià i te ôuma o te Metua ra,
ò ia tei faaìte mai ia na.
Heuraa Manaò.
Te
Ioane pene 1 i te mau ìrava 1 e tae i te 18 èi mau pāpaìraa faufaa roa no te Ôroà Fānau, no te mea e tuàti te reira
i te fānauraa o Ietu i te hoê hiòraa no te ao nei e no te mau tuatapaparaa
faaroo.
1. Tuatua
Taata
pāpaì : Te parauhia ra na te âpotetoro o Ioane te pāpaì Èvaneria ia au i te
parau a Ioane, ua pāpaìhia i te pae hopeà o te tēnetere 1, pēnei aè i Atia Iti
i Efetia.
Te
feiā fārii : Te mau pupu marū metia e faaruru nei i te mau âimārōraa no nià i
te tiàraa o Ietu (taata, perofeta, Roto/Parau, atua.
Te
mau faaūruraa :
Te
hiaāpaari Hereni ; Te faahiti ra te taò Roto/Parau i te manaò o te ao nei,
te hoê faaueraa tumu no te nahonaho.
Tūtuu
ati Iuta : E Rāhu te Parau a te Atua (dabar) i te faaìteraa a te Tēnete pene 1,
heheuraa a te mau Perofeta, e faaora e Paari.
2. Faanahoraa o
te ômuaraa parau :
Ioane
pene 1 i te mau ìrava 1 e tae i te 5 : Te Roto/Parau mure òre, te rāhu e te māramarama.
Ioane
pene 1 i te mau ìrava 6 e tae i te 8 : Ioane Pāpetito, ìte i te māramarama.
Ioane
pene 1 i te mau ìrava 9 e tae i te 13 : Te māramarama i faaruèhia e to na iho,
ua fāriihia rā e te feiā faaroo.
Ioane
pene 1 i te mau ìrava 14 e tae i te 18 : Te tino taata : « Ua riro te Roto/Parau
èi taata, î i te aroha e te parau mau.
3. Poroì faaroo
Na
mua aè i te oraraa : Ua ora na Ietu hou te rāhuraa, « i te mātamua ra ».
Te
riroraa èi taata : Ua riro mai te Atua èi taata, èiaha noa èi parau, èi ora no
te mau taata atoà.
Heuheuraa
: Ua heheu mai Ietu i te hanahana o te Metua
Faaoraraa
: Te feiā e tiàturi ra, e riro mai ia rātou èi mau tamarii na te Atua.
Te
tahi Irava tumu no teie Ôroà Fānau,
te ìrava 14 I riro mai nei te Parau èi taata, e ua
tiàhapa/pūhapa mai io tātou nei, e ua ìte mātou i to na hanahana, mai te
hanahana e au i te Tamaiti fānautahi a te Metua, ua î i te maitaì e te
parau-mau.
Teie te tahi parauraa e ua riro te Roto/Parau èi taata, pārahi iho ra i roto ia
tātou, î i te aroha e te parau mau.
Te Ôroà Fānau : E riro mai te
Atua èi taata, èi taata tāuturu, e mea paruparu, no te âpiti atu i roto i to tātou
huru oraraa.
Te
parau tumu no te Ôroà Fānau.
Te Tino Taata :
Te Atua i rotopū ia tatou.
È
ère noa te Ôroà Fānau i te fānauraa
o te hoê Àiū, o te tōmoraa rā o te Atua i roto i te tuatua o te taata nei.
Te
tumu parau e faahitihia no te hoê aòraa e aore rā, no te hoê haapiiraa : Ua
riro mai te māramarama mure òre èi tino no te tūrama i to tātou pōuri.
Parau
poroì no te Ôroà fānau, Ua riro te
Atua èi taata, èi māramarama i roto i te âau o te ao nei.
I
teie mahana Ôroà Fānau, te
faahanahana nei tātou i te Parau tei riro èi taata, te ànaana o te māramarama i
roto i to tātou poiri, e te here e vai mai i roto i to tātou oraraa.
Ia
tūrama teie māramarama i to tatou mau ùtuafare, ia faaàma faahou i to tātou
tiàturiraa, e ia ārataì ia tātou i te hau e te òaòa âmui.
Heuraa Ìrava.
Taramo
98, 2 Ua faaìte mai ra te Fatu i te ora na na, i mua
i te mata o te mau êtene atoà ra, te faaìte-raa-hia te parau-tià na na ra.
Ìtaia 52, 7 Te
nehenehe o te âvae o te veà i nià i te mouà, o tei hopoi mai i te parau maitaì
ra, o tei faaìte hua mai i te parau hau ra, o tei hopoi mai i te parau òaòa e
te maitaì ra, o tei faaìte hua mai i te ora ra o tei parau mai ia Tiona, Tei to
Atua ra te hau,
Hēpera
1, 3 O te ànaàna hoì ò ia o to na ra hanahana, e o te
hohoà mau ia no na iho, e te mauraa hoì i te mau mea atoà nei i ta na ra parau
mana, oti aè ra ta tātou hara i te tāmāhia e ana ia na iho ra, pārahi iho ra i
raro i te rima àtau o te Mana i te vāhi teitei ra.
Ioane
1, 14 I riro mai nei te Parau èi taata, e ua
tiàhapa/pūhapa mai io tātou nei, e ua ìte mātou i to na hanahana, mai te
hanahana e au i te Tamaiti fānautahi a te Metua, ua î i te maitaì e te
parau-mau.
Faaitoitoraa.
No
te Ôroà Fānau : Ua heheuhia mai te
faaoraraa, ua riro te Parau èi taata.
1. Te heheu mai nei
te Atua i to Na faaoraraa, Taramo 98 ìrava 2.
Ua
faaìte mai te Fatu i to Na faaoraraa ; Ua faaìte mai ò Ia i ta Na parau-tià i
te mau nūnaa. Te Ôroà Fānau o te
ôroà ia no te heheuraa : te mea i hunahia i roto i te âau o te Atua, ua
faaìtehia ia i roto i te Àiū no Peterehēma. È ère faahou te faaoraraa i te hoê
fafauraa atea ; e ìtehia te reira. I roto i te paruparu o te hoê Àiū fānau âpī,
te faaìte nei te Atua i to Na mana no te here. Te haamanaò mai nei te Ôroà Fānau ia tatou e, è ère te
faaoraraa i te hoê manaò manaò-òre-hia, e mea pāpū rā.
2. Te parau âpī
maitaì o te haere nei, Ìtaia pene 52 ìrava 7.
Te
nehenehe o te âvae o te veà i hopoi mai i te parau maitaì mai nià mai i te mouà,
o tei hopoi mai i te parau hau, o tei hopoi mai i te parau âpī ora. Te fānauraa
o te Metia, o teie ia parau âpī maitaì o te pārare mai tera fare e tera fare,
mai tera uì e tera uì. Te tītau manihini nei te hohoà o te âvae o te veà ia tātou
iho ia riro èi feiā amo i te hau. È ère te Ôroà
Fānau i te hoê noa òhipa no te feruri-noa-hia, e òhipa rā e tià ia orahia :
no te poro na roto i ta tātou mau òhipa e ta tātou mau parau e, ua haere mai te
Atua no te pārahi i rotopū ia tātou.
3. Te hanahana o
te Tamaiti, Hepera pene 1 ìrava 3.
Te
Tamaiti o te ànaana ia o te hanahana o te Atua, te faahohoàraa tià no to na
huru. I roto i te Àiū i roto i te vairaa maa a te puaa, te ìte nei tātou i te
hohoà mata o te Metua. Ua riro te Ôroà
Fānau èi ôroà no te māramarama : te hoê ànaana o te ore e morohi noa atu i
roto i te poiri. O te Metia te ànaana o te tūrama i to tatou oraraa, te tāpaò o
te faaìte mai e, è ère te Atua i te mea atea, tei pīhaì iho rā ia tātou, e te
fārii nei ò ia i to tātou huru taata no te faateitei ia tātou ia na ra.
4. Te Parau tei
riro èi taata, Ioane pene 1 ìrava 14.
E
ua riro te Roto/Parau èi taata, e pārahi iho ra i rotopū ia tātou nei. Teie te
tahi tumu o te Ôroà Fānau : E riro
mai te Atua èi taata, èiaha na roto i te huru rapaeàu, na roto rā i te parau
mau. E rave ò ia i te tino no te faaìte i to tātou mau òaòa e to tātou mau òto,
to tātou mau paruparu e to tātou mau tiàturiraa. Te ani manihini mai nei te Ôroà Fānau ia tātou ia fārii pōpou i
teie taeraa mai i roto i to tātou oraraa i te mau mahana atoà : i roto i to tātou
mau ùtuafare, to tātou mau vaamataèinaa e ta tātou mau òhipa no te hoêraa.
Tītauraa :
Te Ôroà Fānau, o te heheuraa ia o te
faaoraraa Taramo 98, te faaiteraa i te hau Ìtaia pene 52, te hanahana o te
hanahana o te Atua Hepera pene 1, e te hohoà o te Parau Ioane pene 1. E faahanahanaraa
teie o te pii ia tātou ia hiò, ia poro, ia feruri e ia fārii pōpou.
A
hiò : a fārii i te faaoraraa tei vai aè na.
A
faaìte : ia riro èi veà no te hau.
A
feruri na : a vaiiho i te māramarama o te Metia ia tūrama i to tātou pōuri.
Manava
: a ìriti i to tātou oraraa i te Parau i riro mai èi taata.
No
reira, è ère te Ôroà Fānau i te hoê
noa haamanaòraa, e mea ora mau rā : te tāmau noa nei te Atua i te heheu mai Ia na
iho, i te haere na muri iho ia tātou, e tei tono ia tātou èi mau ìte no to Na
here.
Pehepehe.
Parau i heheu te
faaora.
Ua
tià te faaoraraa mai te poìpoì àuro ra,
I
roto i te tamarii paruparu, ua riro te māramarama èi taata.
Te
parau-tià a te Atua, tei faaìtehia i te mau nūnaa,
Himene
i te hau âpī, puna o te mau tau.
I
nià i te mouà te tāvevo ra te hoê reo,
Veà
no te òaòa, tei amo i te ture.
Te
faaìte nei to Na mau tāahiraa âvae i te hau tāmau,
Te
hoê faatereraa no te here, te hoê poìpoì no te hau.
Te
ànaana o te Metua, te hanahana o to Na hanahana,
Te
ànaana nei te Tamaiti, i te tāpaò no te haamanaòraa.
I
roto i te tino taata, te parau àro i te mure ore,
Ua
fatata mai te Atua, te hoa no te oraraa.
Ua
riro mai te Parau èi taata, haèhaa e te māramarama,
Te
vai nei te reira i roto i to tātou âau, to tātou mau fenua, ta tātou mau
pure.
Te faaìte mai nei te Ôroà Fānau ia tātou i te here i te tino nei,
Te
hoê Atua o te horoà ia Na iho no te faaora ia tātou.
Teraì
òr. Faatura.
Aucun commentaire:
Enregistrer un commentaire